សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ត្បូងឃ្មុំ ៖ ជាការពិត ការដាំដំណាំមិនចាំបាច់ទាល់តែមានកសិដ្ឋានធំៗ ឬដំណាំដែលពេញនិយមនោះទេ ជូនកាល ដំណាំបន្ទាប់បន្សំដែលគេមិនសូវចាប់អារម្មណ៍ទៅវិញនោះទេ ដែលមានតម្រូវការទីផ្សារពិតប្រាកដ។ ជាក់ស្ដែងដូចជា ដំណាំ ននោង ត្រឡាច ត្រសក់ជាដើម ច្រើនតែត្រូវបានប្រជាកសិករដែលមានដីនៅទំនេរជ្រើសរើសដាំនៅជុំវិញផ្ទះ សម្រាប់ហូបក្នុងគ្រួសារ ប៉ុន្តែដំណាំទាំងនេះក៏នៅតែមានតម្រូវការលើទីផ្សារផងដែរ។ ដោយឃើញឱកាសនេះ កសិករមួយរូបរស់នៅឃុំល្ងៀង ខេត្តត្បូងឃ្មុំ បានជ្រើសរើសដាំដំណាំ ត្រឡាច និងននោង ប៉ុន្តែដំណាំដែលកសិកររូបនេះផ្ដោតសំខាន់ គឺដំណាំននោង ដែលដាំនៅលើដីទំហំ ២០ គុណនឹង ៦០ ម៉ែត្រ។
កសិករ អ៊ុន ម៉េងអ៊ាន់ បានរៀបរាប់ឱ្យដឹងថា លោកបានចាប់ផ្ដើមដាំននោងបាន ៣ឆ្នាំហើយ ដោយសារតែវាស្រួលដាំ ស្រួលថែទាំ ហើយមិនងាយខូច ចំណែកឯសត្វល្អិតក៏មិនសូវមាននោះដែរ ហើយការដាំដុះទៀតសោត កសិកររូបនេះធ្វើឡើងតាមទម្លាប់ធម្មតាតែប៉ុណ្ណោះ ដូចជា មុននឹងដាំននោង គឺត្រូវធ្វើដីឱ្យស្អាត បន្ទាប់មកទើបចាប់លើករង ធ្វើទ្រើង និងដាក់ជីលា មកសត្វសម្រាប់ទ្រាប់បាតដំណាំ។ ក្រោយមកទៀត ចាប់ផ្ដើម ក្រាលកៅស៊ូពីលើរងដំណាំ និងចោះជារន្ធសម្រាប់ដាក់កូនដំណាំ ឬគ្រាប់ពូជ។
លោកបានចែករំលែកបន្តទៀតថា ចំពោះការដាំ ត្រូវទុកគម្លាតពីគល់មួយទៅគល់មួយក្នុងចម្ងាយ ១ម៉ែត្រ ព្រោះកាលណា យើងដាក់ជិតពេក ផ្លែក៏មិនបានច្រើនដែរ។ បន្ទាប់ពីដាក់គ្រាប់ពូជប្រហែល២០ថ្ងៃ ននោងនឹងចាប់ផ្ដើមលូតលាស់ ហើយចាប់ផ្ដើម បោះដៃតោងទ្រើងដែលបានរៀបចំទុក និងក្នុងរយៈពេលប្រហែល ២ខែ គឺអាចប្រមូលផល បានហើយ។
សម្រាប់ការថែទាំវិញ លោកបញ្ជាក់ថា ៖ អ្វីដែលត្រូវយកចិត្តទុកដាក់គឺ ដើរតុបតែងដៃរបស់វា ដោយធ្វើយ៉ាងណាឱ្យវាតោងទ្រើងឱ្យមានរបៀបរៀបរយ ហើយពេលផ្លែក៏ដូច្នោះដែរ ត្រូវដើរ ទម្លាក់ក្ដិបរបស់វាមកក្រោម ដើម្បីឱ្យផ្លែវាស្រលូនល្អ។
សម្រាប់បញ្ហាសត្វល្អិតវិញ ដំណាំននោងច្រើនតែជួបប្រទះបញ្ហាអណ្ដើកមាស ដូច្នេះហើយលោក លើកទឹកចិត្តឱ្យកសិករប្រើប្រាស់ថ្មាំសម្លាប់សត្វល្អិត ប៉ុន្តែត្រូវប្រើក្នុងកម្រិតមួយទាប ដោយមិនឱ្យ ប៉ះពាល់ដល់សុខភាពអ្នកបរិភោគឡើយ។ ក្រៅពីនោះ គឺកសិករអាចបន្តប្រើប្រាស់ជីលាមកសត្វ ជីសរីរាង្គ ឬប្រភេទជីទឹកផ្សេងទៀតបាន។ ដោយឡែក សម្រាប់ការប្រមូលផលវិញ កសិកររូបនេះបានរៀបរាប់ថា ក្នុងមួយរដូវកាល អាចប្រមូលបាន៣តោន ដោយប្រមូលផលរាល់ថ្ងៃ ១ថ្ងៃ បាន១០០គីឡូ ហើយរយៈពេល ប្រមូលគឺ១ខែ។
ខណៈការលក់វិញ គឺ១តោន បានតម្លៃ១លានរៀលកន្លះ ដូច្នេះកសិករ អ៊ុន ម៉េងអ៊ាន់ អាចរកចំណូល បាន ៤លានកន្លះ ក្នុងមួយរដូវកាល។ តាមរយៈបទពិសោធន៍ជោគជ័យនេះ លោកក៏លើកទឹកចិត្តឱ្យកសិករផ្សេងទៀតងាកមកដាំដុះដំណាំ ប្រភេទនេះ ដោយវាងាយស្រួលដាំ ចំណាយតិច និងអាចរកចំណូលបានច្រើន៕
Account
Security
Favourite Content