សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ៖ កិច្ចខិតខំប្រឹងប្រែងរបស់កម្ពុជាក្នុងការអភិវឌ្ឍវិស័យទឹកស្អាតបន្តទទួលបានសន្ទុះថ្មីៗជាមួយនឹងការប្តេជ្ញាចិត្តគាំទ្រផ្នែកបច្ចេកទេស និងហិរញ្ញប្បទានពីទីភ្នាក់ងារអភិវឌ្ឍន៍បារាំង( AFD) និងក្រុមអឺរ៉ុបរួម (Team Europe) ។
ក្នុងជំនួបពិភាក្សាការងារ រវាងឯកឧត្តម ហែម វណ្ណឌី រដ្ឋមន្ត្រីក្រសួងឧស្សាហកម្ម វិទ្យាសាស្ត្រ បច្ចេកវិទ្យា និងនវានុវត្តន៍ ជាមួយគណៈប្រតិភូ AFD ដឹកនាំដោយលោក Jean-Pierre Marcelli នាយកតំបន់អាស៊ីអាគ្នេយ៍ ដោយភាគីទាំងពីរបានបញ្ជាក់ពីការប្តេជ្ញាចិត្តចំពោះកិច្ចសហប្រតិបត្តិការរយៈពេលវែង រួមទាំងគំនិតផ្តួចផ្តើមក្នុងភូមិសាស្ត្រអាទិភាពមួយចំនួន ហើយកាន់តែពិសេស គឺភាគីទាំងពីរបានពិភាក្សាអំពីកិច្ចខិតខំប្រឹងប្រែងក្នុងការពង្រឹងប្រសិទ្ធភាពប្រតិបត្តិករផ្តល់សេវាផ្គត់ផ្គង់ទឹកស្អាត ការពង្រីកសេវា និងការវិនិយោគលើហេដ្ឋារចនាសម្ព័ន្ធទឹកស្អាត។
ឯកឧត្តមរដ្ឋមន្ត្រីបានជម្រាបជូនគណៈប្រតិភូថា ក្រសួងបាន និងកំពុងធ្វើការវាយតម្លៃពីស្ថានភាពប្រតិបត្តិករទឹកស្អាតឯកជននៅទូទាំងប្រទេស និងរិះរកវិធីច្នៃប្រឌិត ដើម្បីពង្រីកលទ្ធភាពទទួលបានទុនវិនិយោគ រួមទាំងឥណទានដែលមិនចាំបាច់មានទ្រព្យបញ្ចាំ។
ឯកឧត្តមបានស្នើឱ្យ AFD ផ្តល់ហិរញ្ញប្បទានបន្ថែម ពិសេសតាមរយៈ Proparco ដែលជាបុត្រសម្ព័ន្ធផ្នែកឯកជនរបស់ខ្លួន ដើម្បីផ្តល់ហិរញ្ញប្បទានដល់ប្រតិបត្តិករទឹកស្អាតឯកជន ក្នុងការកែលម្អសេវា និងធានាគុណភាពទឹកស្អាតសម្រាប់សហគមន៍។
លោក Marcelli បានសង្កត់ធ្ងន់លើភាពជាដៃគូស៊ីជម្រៅរយៈពេល ៣០ ឆ្នាំ រវាងកម្ពុជា ទីភ្នាក់ងារ AFD និងសហភាពអឺរ៉ុប ដោយហៅវិស័យទឹករបស់កម្ពុជា ជាពិសេសនៅទីក្រុងភ្នំពេញថា ជា “ករណីជោគជ័យលេចធ្លោជាសាកល”។
លោកស្រី Sandrine Boucher នាយកប្រចាំប្រទេសរបស់ AFD បានលើកឡោះងថា Team Europe តាមរយៈកម្មវិធី Global Gateway កំពុងកៀរគរជំនួយបន្ថែមទៀតសម្រាប់កម្ពុជា ដោយបានចុះកិច្ចព្រមព្រៀងក្របខ័ណ្ឌពហុដំណាក់កាលនិងកិច្ចសហប្រតិបត្តិការ ដើម្បីគាំទ្រកម្ពុជាក្នុងការបង្កើតនិយតករទឹកស្អាតទំនើបមួយដោយផ្អែកលើឧត្តមានុវត្តន៍អន្តរជាតិ៕
Account
Security
Favourite Content