សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ ៖ ក្រោយពីបានពង្រឹងលទ្ធភាពក្នុងការចិញ្ចឹមក្នុងស្រុក និងការកាត់បន្ថយនាំចូលជ្រូកពីប្រទេសជិតខាង ជាពិសេសរឹតបណ្តឹងនូវការនាំចូលដោយខុសច្បាប់នោះ បច្ចុប្បន្ន កម្ពុជាបានប្រែក្លាយពីប្រទេសដែលធ្លាប់តែនាំចូលជ្រូករស់ចូលប្រមាណ ៦ ៧០០ក្បាលក្នុងថ្ងៃ មកនៅត្រឹម ១២០០ ក្នុងមួយថ្ងៃតែប៉ុណ្ណោះ។ នេះបើតាមសមាគមចិញ្ចឹមសត្វកម្ពុជា។
ដោយសារប្រមុខរាជរដ្ឋាភិបាលបានយកចិត្តទុកដាក់ខ្ពស់ និងមានចក្ខុវិស័យច្បាស់លាស់សម្រាប់វិស័យកសិកម្មលើផ្នែកចិញ្ចឹមជ្រូកនេះ បច្ចុប្បន្ន កម្ពុជាមិនមែនជាទីផ្សារគោលដៅសម្រាប់ឈ្មួញខិលខូចក្នុងការនាំចូលជ្រូកមានជំងឺ ឬផលិតផលសាច់ជ្រូកដែលគ្មានគុណភាពនោះទៀតទេ។ នៅក្នុងនោះ ក្រសួងកសិកម្ម រុក្ខាប្រម៉ាញ់ និងនេសាទ ដែលមានអគ្គនាយកដ្ឋានសុខភាពសត្វ និងផលិតកម្មសត្វ បានគ្រប់គ្រងការនាំចូលជ្រូករស់ពីប្រទេសជិតខាងបានល្អ ផ្តល់ឱកាសយ៉ាងធំធេងដល់អ្នកចិញ្ចឹមជ្រូកក្នុងស្រុក ដើម្បីពង្រឹងសមត្ថភាព និង គុណភាពផលិតផលរបស់ខ្លួនអាចចូលរួមប្រកួតប្រជែងក្នុងទីផ្សារសេរីបាននាពេលអនាគត។
បើតាមសមាគមអ្នកចិញ្ចឹមសត្វកម្ពុជាបានបញ្ជាក់ថា បច្ចុប្បន្ននេះអ្នកចិញ្ចឹមជ្រូកក្នុងស្រុកទទួលបានជោគជ័យជាច្រើនផ្នែករួមមានដូចជា ៖
១-បច្ចេកទេស ៖ ទោះបីថ្លៃដើមផលិតកម្មនៅខ្ពស់បន្តិច ប៉ុន្តែរយៈពេល២ឆ្នាំចុងក្រោយនេះ ផលិតភាពកើនឡើងយ៉ាងឆាប់រហ័ស ទោះបីប្រទេសជិតខាងរងផលប៉ះពាល់ដោយជំងឺប៉េស្តជ្រូកអាហ្រ្វិកធ្ងន់ធ្ងរក៏ដោយ ប៉ុន្តែសម្រាប់ប្រទេសយើងនៅតែអាចរក្សាបានភាពល្អប្រសើរ ។
២-គុណភាពជ្រូករស់ ៖ ដោយសារប្រើបច្ចេកទេសទំនើប និងអនុវត្តតាមបច្ចេកទេស ជ្រូកមានសុខភាពល្អ និងធានាបាននូវសុវត្ថិភាពចំណីអាហារជូនអ្នកទទួលទាន។
៣-បង្កើនការងារ ៖ តាមរយៈផលិតកម្មនៃការចិញ្ចឹមជ្រូកនៅពេលបច្ចុប្បន្ននេះ គឺបានផ្តល់ឱកាសការងារទាំងផ្ទាល់ និងដោយប្រយោលជាច្រើនកន្លែង ទាំងនៅក្នុងរោងចក្រផលិតចំណីសត្វ កសិដ្ឋានចិញ្ចឹមជ្រូក ក៏ដូចជាកសិករខា្នតតូចដែលអាចទទួលបានប្រាក់ចំណូល។
៤.ដើរតួនាជាទីផ្សារក្នុងស្រុក ៖ តាមរយៈកសិដ្ឋានចិញ្ចឹម ជាពិសេសរោងចក្រផលិតចំណីសត្វ បានស្រូបយកកសិផលក្នុងស្រុករាប់ម៉ឺនតោន រួមមានដូចជា ពោត កន្ទក់ ដំឡូងមី ។ល។
ជាមួយគ្នានេះ អ្វីដែលជាបញ្ហាចោទគឺនៅត្រង់ថា ខណៈដែលផលិតករខិតខំពង្រឹងលទ្ធភាពក្នុងការចិញ្ចឹមក្នុងស្រុកនោះ ស្រាប់តែក្រុមហ៊ុនវិស័យឯកជនមួយចំនួនបានស្នើសុំការអនុញ្ញាតជាគោលការណ៍សាកល្បងនាំចូលសត្វជ្រូកសាច់រស់ចំនួន១លានក្បាលក្នុងមួយឆ្នាំ ពីប្រទេសថៃ ចូលមកប្រទេសកម្ពុជា ។ បន្ថែមពីនេះ នៅមានក្រុមហ៊ុន ៤ ផ្សេងទៀតក៏បានស្នើសុំទៅក្រសួងសេដ្ឋកិច្ចតាមគោលការណ៍នាំចូលសត្វជ្រូករស់ សម្រាប់យកមកបំពេញតម្រូវការក្នុងស្រុក ដោយបញ្ជាក់ថា បើដាក់ដេញថ្លៃតម្លាភាពនឹងផ្តល់នូវអត្ថប្រយោជន៍ច្រើន ក្នុងនោះអាចប្រមូលចំណូលចូលថវិកាជាតិជាង ៣លានដុល្លារអាមេរិកក្នុងមួយឆ្នាំៗ ។
ប្រធានសមាគមអ្នកចិញ្ចឹមសត្វកម្ពុជា លោក ស៊្រុន ពៅ បានប្រាប់ AMS ថាលោកគាំទ្ររាជរដ្ឋាភិបាលក្នុងកាត់បន្ថយការនាំជ្រូករស់ចូលទីផ្សារក្នុងស្រុក និងគាំទ្រក្រសួងកសិកម្ម ដែលការមិនអនុញ្ញាតនាំជ្រូករស់ចូលស្រុក ដែលជាវិធានការដ៏ត្រឹមត្រូវ គឺនាំចូលតែត្រឹមភាគរយ ដែលយើងខ្វះខាតប៉ុណ្ណោះ ។
លោក ស៊្រុន ពៅ បានមានប្រសាសន៍ថា ៖
«ការមិនឱ្យនាំជ្រូករស់ចូលទីផ្សារក្នុងស្រុក ជារឿងត្រឹមត្រូវដែលក្រសួងការពារផលប្រយោជន៍កសិករ ព្រោះថាចំណូលពីពន្ធនាំចូលជ្រូករស់ ជាចំណូលចូលថវិកាជាតិជាង ៣លានដុល្លារ ដែលវាជាចំនួនតិចតួច ខណៈដែលការចិញ្ចឹមជ្រូកក្នុងស្រុកកំពុងមានតម្លៃលើទីផ្សារសមស្រប»
លោក ស៊្រុន ពៅ ក៏បានបញ្ជាក់ថា ការរឹតបណ្តឹងនាំចូលជ្រូកពីក្រៅប្រទេសជួយធ្វើឱ្យកសិករខ្មែរទទួលបានផលប្រយោជន៍ច្រើនពីរោងចក្រផលិតចំណីសត្វ កសិដ្ឋានចិញ្ចឹមជ្រូក ជាពិសេសកសិករខា្នតតូច ទទួលបានប្រាក់ចំណេញ ហើយស្រូបលើចំណីសត្វយកកសិផលក្នុងស្រុករាប់ម៉ឺនតោនលើសចំណូល ៣លានដុល្លារដែលក្រុមហ៊ុននាំចូលលើកឡើងនោះផង។
សូមបញ្ជាក់ថា គិតត្រឹមខែកក្កដា ឆ្នាំ២០២០នេះ ក្រសួងទទួលបានការស្នើសុំបង្កើតកសិដ្ឋានចិញ្ចឹមជ្រូកចំនួន ៣០កសិដ្ឋាន (ខ្នាតធំ០៧កន្លែង ខ្នាតមធ្យម ០៣កន្លែង និងខ្នាត តូច២០កន្លែង) បើធៀបនឹងឆ្នាំ២០១៩ ពេញមួយឆ្នាំមានតែចំនួន១០កសិដ្ឋាន ប៉ុណ្ណោះ៕
ជីវប្រវត្តិ: បានបញ្ចប់ការសិក្សាថ្នាកអនុបណ្ឌិតផ្នែកប្រព័ន្ធផ្សព្វផ្សាយមកពីសហភាពសូវៀត និងមានបទពិសោធន៍ជាង ២០ឆ្នាំក្នុងវិស័យសារព័ត៌មាន។ បច្ចុប្បន្ន លោកជាអ្នកយកព័ត៌មានសេដ្ឋកិច្ចឱ្យសារព័ត៌មាន AMS Economy ។
របាយការណ៍ថ្មីៗ
មើលទាំងអស់ ➧
កាណាដា-អេមីរ៉ាតអារ៉ាប់ រួមគ្នាជំរុញផែនការវិនិយោគ ៥០ ពាន់លានដុល្លារ
បទយកការណ៍, ព្រឹត្តិការណ៍, អាជីវកម្មថ្មី និងនវានុវត្ត
• 18/09/2026
ឥណ្ឌា ពង្រឹងយុទ្ធសាស្ត្រ ដើម្បីគ្រប់គ្រងលើខ្សែសង្វាក់ផ្គត់ផ្គង់បន្ទះឈីបទាំងស្រុងនៅក្នុងស្រុក
បទយកការណ៍, ព្រឹត្តិការណ៍, អាជីវកម្មថ្មី និងនវានុវត្ត
• 10/09/2026
អ្នកជំនាញ ៖ ចង់មានសុវត្ថិភាពគណនីហិរញ្ញវត្ថុគប្បីបង្កើនប្រសិទ្ធភាពលេខសម្ងាត់ឱ្យបានរឹងមាំ
• 09/04/2026
ព័ត៌មានទូទៅ
មើលទាំងអស់ ➧
អឺរ៉ុប ប្រឈមបញ្ហាផ្ទៃក្នុងធ្ងន់ធ្ងរ ពលរដ្ឋអស់ទំនុកចិត្ត ខណៈមេដឹកនាំធំៗបន្តដាក់អាទិភាពលើវិស័យយោធា
ព្រឹត្តិការណ៍, អាជីវកម្មថ្មី និងនវានុវត្ត
• 09/10/2026
បរទេស ៖ វិបត្តិដ៏ធ្ងន់ធ្ងរមួយកំពុងផ្ទុះឡើងយ៉ាងខ្លាំងនៅទូទាំងសហភាពអឺរ៉ុប តាមរយៈការតវ៉ាអំពីបញ្ហាប្រចាំថ្ងៃជាច្រើនរបស់ប្រជាពលរដ្ឋទូទៅ ខណៈដែលអាទិភាពភូមិសាស្ត្រនយោបាយបានបង្ខំឲ្យរដ្ឋាភិបាលរបស់ពួកគេបែរជាងាកទៅរកការត្រៀមខ្លួនដើម្បីធ្វើសង្គ្រាមទៅវិញ។ នៅក្នុងអត្ថបទវិភាគមួយដែលចេញផ្សាយដោយកាសែត RT បានសរសេរថា រាប់ចាប់ពីបញ្ហាហេដ្ឋារចនាសម្ព័ន្ធសាធារណៈ មានការទ្រុឌទ្រោម តម្លៃជីវភាពរស់នៅរបស់ពលរដ្ឋកើនឡើងកប់ពពក ហើយវិស័យឧស្សាហកម្មប្រឈមនឹងការកាត់បន្ថយយ៉ាងគំហុក ប៉ុន្តែមេដឹកនាំជាច្រើននៅទ្វីបនេះកំពុងបង្វែរធនធានរដ្ឋកាន់តែច្រើនឡើងទៅក្នុងកញ្ចប់ថវិកាការពារជាតិ ការបំពាក់អាវុធយោធាឡើងវិញ និងការត្រៀមខ្លួនផ្នែកសន្តិសុខ។ ការមើលរំលងបញ្ហាផ្ទៃក្នុងដែលកំពុងតែកើតមានកាន់តែធ្ងន់ធ្ងរ និងការបង្កើនកម្លាំងយោធាខាងក្រៅនេះបានគាស់រំលើងភាពវឹកវរជាសាធារណៈកាន់តែស៊ីជម្រៅនៅតាមបណ្តាតំបន់ទីប្រជុំជន និងទីក្រុងសំខាន់ៗនៅទូទាំងអឺរ៉ុបភាគខាងលិច។ ជាក់ស្តែង នៅក្នុងប្រទេសអេស្ប៉ាញ
សាខា ៤ ថ្មីបន្ថែមទៀតរបស់ អិលអូអិលស៊ី ត្រូវបានដាក់ឱ្យដំណើរការ «ឥណទានមាសកើនទ្រព្យ» ជាផ្លូវការ ដើម្បីបំពេញតម្រូវការសាច់ប្រាក់បន្ទាន់ជូនអតិថិជន
ព្រឹត្តិការណ៍, អត្ថបទពាណិជ្ជកម្ម
• 09/10/2026
ខេត្តកណ្តាល និងខេត្តកំពង់ស្ពឺ៖ ដើម្បីបន្តឆ្លើយតបទៅនឹងតម្រូវការហិរញ្ញវត្ថុរបស់អតិថិជនដែលរស់នៅតាមបណ្តាខេត្តនានា ក្រៅពីរាជធានីភ្នំពេញ ឱ្យទទួលបាននូវដំណោះស្រាយហិរញ្ញវត្ថុដែលមានភាពងាយស្រួលនិងមានសុវត្ថិភាព អិលអូអិលស៊ី បានដាក់ដំណើរការនូវផលិតផល «ឥណទានមាសកើនទ្រព្យ» នៅសាខាចំនួន ៤ បន្ថែមទៀត មានដូចជាសាខាក្រុងតាខ្មៅ – សង្កាត់រកាខ្ពស់ សាខាស្រុកកោះធំ – ឃុំព្រែកថ្មី សាខាស្រុកអង្គស្នួល – ឃុំបែកចាន
អាម៉េរិក-មីយ៉ាន់ម៉ា ចូលតុចរចាស្ងាត់ៗ ដើម្បីពិចារណាទណ្ឌកម្មឡើងវិញ ជាពិសេសកុងត្រារ៉ែកម្រ
ព្រឹត្តិការណ៍, អាជីវកម្មថ្មី និងនវានុវត្ត
• 09/10/2026
បរទេស ៖ រដ្ឋាភិបាលអាម៉េរិក កំពុងផ្លាស់ប្តូរនយោបាយរបស់ខ្លួនយ៉ាងស្ងៀមស្ងាត់ចំពោះប្រទេសមីយ៉ាន់ម៉ា ដោយជំនួសមកវិញនូវការផ្អាកទណ្ឌកម្មដែលខ្លួនបានដាក់ជាច្រើនឆ្នាំមកហើយនោះដើម្បីប្រាស្រ័យទាក់ទងដោយផ្ទាល់ និងពិចារណាឡើងវិញនូវការលើកលែងទណ្ឌកម្មទាំងនោះ។ នៅក្នុងអត្ថបទមួយដែលត្រូវបានចេញផ្សាយដោយ CNA នាពេលថ្មីៗនេះបានពន្យល់ថា មូលហេតុចម្បងនៅពីក្រោយការកែប្រែនយោបាយការទូតភ្លាមៗនេះ គឺដោយសារតែតម្រូវការបន្ទាន់របស់ទីក្រុងវ៉ាស៊ីនតោនក្នុងការទទួលបានសិទ្ធិចូលទៅកាន់ប្រភពធនធានរ៉ែកម្រ (Heavy Rare Earth Elements) ដ៏ច្រើនសន្ធឹកសន្ធាប់របស់មីយ៉ាន់ម៉ា ដែលជាវត្ថុធាតុដើមដ៏សំខាន់សម្រាប់ផលិតកម្មបច្ចេកវិទ្យា គ្រឿងអេឡិចត្រូនិក បរិក្ខាការពារជាតិ និងការផលិតយានយន្តអគ្គិសនី។
កម្មវិធីពិសេសរបស់ AMS ECONOMY
ព័ត៌មានសង្ខេប
Account
Security
Favourite Content