សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ ៖ ស្ថិតនៅក្នុងក្នុងវិបត្តិកូវីដ១៩ អាជីវកម្មជាច្រើនបានរងផលប៉ះពាល់បាត់បង់ចំណូល ដោយខ្លះទៀតបានបង្ខំចិត្តបិទអាជីវកម្មព្រោះតែមិនអាចទប់ទល់នឹងចំណាយប្រចាំខែទៅលើបុគ្គលិក និងថ្លៃចំណាយផ្សេងៗបាន ប៉ុន្តែសិប្បកម្មកុលាលភាជន៍ ឬហៅថាសេរ៉ាមិចបែរជាទទួលបានឱកាសក្នុងការពង្រីកផលិតផលនិងទីផ្សាររបស់ខ្លួនទៅវិញ ។
លោក សុន សីហាក់ ម្ចាស់សិប្បកម្មកុលាលភាជន៍មួយរូបនៅខេត្តសៀមរាបបានមានប្រសាសន៍ឱ្យដឹងថា កាលពីមុនកូវីដ-១៩ ការផលិតកុលាលភាជន៍នៅក្នុងសិប្បកម្មរបស់លោកភាគច្រើនសម្រាប់ធ្វើជាវត្ថុអនុស្សាវរីយ៍ និងផ្ដោតលើជនបរទេស ដែលមកលេង និងទស្សនាក្នុងប្រទេសកម្ពុជា និងបានទិញវត្ថុអនុស្សាវរីយ៍សម្រាប់ផ្ញើសាច់ញាតិរបស់ពួកគាត់ ។
លោកបន្តថា ៖
“នៅពេលកម្ពុជាក៏ដូចជាពិភពលោកជួបវិបត្តិកូវីដ-១៩ ជនបរទេសមិនអាចចូលមកកម្ពុជាកម្សាន្តបាន ហើយការលក់ក៏ដូចជាការផលិតក៏ស្ទើរតែបញ្ឈប់ទាំងស្រុងដែរ ប៉ុន្តែខ្ញុំមានគំនិតមួយគឺផុសលក់តាមបណ្ដាញសង្គម ដោយផ្ដោតលើទីផ្សារក្នុងស្រុក ហើយផលិតជាចាន ឆ្នាំង ថូ ក៏ដូចជារបស់របរប្រើប្រាស់ និងវត្ថុតាំងក្នុងផ្ទះជាដើម។ ពេលនោះ មានប្រជាពលរដ្ឋជាច្រើនបានចូលខមិន និងឆាតក៏ដូចជាទាក់ទងតាមទូរសព្ទដែលធ្វើឱ្យការផលិតមានសកម្មភាពឡើងវិញ ហើយផ្ញើទៅពួកគាត់ដល់ផ្ទះ។ នេះគឺជាឱកាសមួយដែលធ្វើឱ្យសិប្បកម្មរបស់ខ្ញុំទទួលបានការគាំទ្រនៅក្នុងស្រុក ហើយខ្ញុំក៏ចាប់ផ្ដើមពង្រីកទីផ្សារនៅក្នុងស្រុកជាបន្តបន្ទាប់ផងដែរ”
លោក សីហាក់ បានបន្តទៀតថា ៖
“ការផ្គត់ផ្គង់ក្នុងស្រុកគឺមានភាពងាយស្រួល ហើយក៏អាចផលិតបាននូវផលិតផលធំៗដូចជារូបមនុស្ស រូបសត្វ និងរូបភាពផ្សេងៗតាមការចង់បានរបស់អតិថិជន ជាក់ស្ដែងអតិថិជនគាត់ចង់បានរូបឪពុកម្ដាយគាត់តាំងនៅផ្ទះគ្រាន់តែផ្ញើរូបថតមកគឺក្រុមការងារយើងអាចធ្វើជូនបានហើយ ។ រូបទាំងនេះ អាចលក់បានក្នុងតម្លៃខ្ពស់គួរសមដែលខុសពីវត្ថុអនុស្សាវរីយ៍លក់បានតម្លៃទាបៗ ពីព្រោះរូបទាំងនេះងាយស្រួលដាក់តាមខ្លួនទៅក្រៅប្រទេស”
លោកបន្ថែមឱ្យដឹងថា បច្ចុប្បន្ននេះមានស្ថាប័នអន្តរជាតិមួយចំនួនបានទាក់ទងឱ្យលោកផលិតសេរ៉ាមិចតាមការឌីហ្សាញរបស់គេ ហើយគេនឹងយកទៅលក់នៅលើទីផ្សារអន្តរជាតិ ឬនៅក្នុងប្រទេសអាស្រ័យលើក្រុមហ៊ុនរបស់ពួកគេ។ ផលិតផលទាំងនោះអាចសម្រាប់បម្រើនៅក្នុងហាងកាហ្វេ ភោជនីយដ្ឋាននានាក្នុងប្រទេសឬក៏ក្រៅប្រទេសជាដើម ។ បន្ថែមពីនេះ លោកក៏មានផែនការពង្រីកការផលិតរបស់ខ្លួនដើម្បីបំពេញតម្រូវការ ហើយលោកក៏ប្រកាសជ្រើសរើសកូនសិស្សសម្រាប់មករៀនផលិតកុលាលភាជន៍ដែលកេរមរតករបស់ដូនតាខ្មែរយើងដែរ។
លោកបញ្ជាក់ថា ៖
“អាជីវកម្មមួយនេះបានជួយក្រុមគ្រួសារខ្ញុំ និងក្រុមការងារ ក៏ដូចជាបុគ្គលិកនៅក្នុងសិប្បកម្មទាំងនេះអាចរកប្រាក់ចំណូលចិញ្ចឹមគ្រួសារបានមួយកម្រិតបើទោះបីជាវាមិនមានទំហំធំដុំខ្លាំងក៏ដោយ។ អ្វីដែលសំខាន់នៅពេលនេះ ខ្ញុំចង់ឱ្យពលរដ្ឋកម្ពុជាស្គាល់ពីអ្វីដែលជាវប្បធម៌មរតករបស់ខ្មែរយើង និងបានប្រើប្រាស់ច្រើន”
គួរបញ្ជាក់ផងដែរថា ផលិតផលសេរ៉ាមិច ឬខ្មែរថា កុលាលភាជន៍នេះ ធ្វើឡើងពីដីដុតកំដៅរហូតដល់ជាង ១ ៣០០អង្សារ ហើយវាមានភាពធន់ជាងផលិតផលក្អម ឆ្នាំងដីធម្មតា ។ ផលិតសេរ៉ាមិចនេះ អាចរក្សាទុកបានរាប់រយពាន់ឆ្នាំ បើសិនការទុកដាក់វាបានត្រឹមត្រូវ ៕
ជីវប្រវត្តិ: លោកមានបទពិសោធន៍ជាង ១០ឆ្នាំក្នុងប្រព័ន្ធផ្សព្វផ្សាយផ្នែកសេដ្ឋកិច្ច អប់រំ សង្គម និងកម្សាន្ត។ បច្ចុប្បន្នលោកជាការីនិពន្ធនៃសារព័ត៌មាន AMS Economy។
របាយការណ៍ថ្មីៗ
មើលទាំងអស់ ➧
អ្នកជំនាញ ៖ ចង់មានសុវត្ថិភាពគណនីហិរញ្ញវត្ថុគប្បីបង្កើនប្រសិទ្ធភាពលេខសម្ងាត់ឱ្យបានរឹងមាំ
• 09/04/2026
ព័ត៌មានទូទៅ
មើលទាំងអស់ ➧
អាមេរិក ចាយលុយជិត ៦០ពាន់លានដុល្លារ ពន្លឿនការផលិតមីស៊ីល Patriot ចំពេលមានព័ត៌មានថាកំពុងខ្វះគ្រាប់នៅអ៊ីរ៉ង់
ព្រឹត្តិការណ៍, អាជីវកម្មថ្មី និងនវានុវត្ត
• 31/07/2026
កងទ័ពជើងគោកអាមេរិក បានសម្រេចចុះកិច្ចព្រមព្រៀងដ៏ធំសម្បើមមួយដែលមានតម្លៃរហូតដល់ ៥៨,៦ ពាន់លានដុល្លារ ជាមួយក្រុមហ៊ុន Lockheed Martin ដើម្បីពង្រីក និងពន្លឿនការផលិតមីស៊ីលស្ទាក់ចាប់ (Patriot)
កម្មវិធីពិសេសរបស់ AMS ECONOMY
ព័ត៌មានសង្ខេប
Account
Security
Favourite Content