មុខរបរចញ្ចឹមខ្យងប័រ កំពុងពេញនិយមខ្លាំង និងអាចលក់បានតម្លៃ ១០០ដុល្លារក្នុងមួយគីឡូក្រាម

មណ្ឌលគីរី ៖ ខ្យងប័រ ជាប្រភេទខ្យងម្យ៉ាងដែលត្រូវបានគេបង្កាត់ពូជ និងយកមកចិញ្ចឹមតាមបច្ចេកទេសកសិកម្មបែបទំនើបសម្រាប់ផ្គត់ផ្គង់ជាប្រភេទម្ហូបអាហារដ៍មានឱជារស និងកំពុងមានប្រជាប្រិយភាព ដែលអាចរកបានចំណូលរាប់ពាន់ដុល្លារក្នុងមួយខែ ខណៈដែលតម្លៃនៅលើទីផ្សារអាចលក់បានរហូតដល់ប្រមាណ១០០ដុល្លារក្នុងមួយគីឡូក្រាម។

ជាទូទៅ នៅពេលនិយាយពីខ្យង មនុស្សភាគច្រើនតែងនឹកស្រមៃទៅលើប្រភេទខ្យងបឹង ខ្យងស្រែ ដែលត្រូវបានគេដាក់លក់ក្នុងតម្លៃប្រមាណ ៥០០០-៧០០០រៀលក្នុងមួយគីឡូក្រាមតែប៉ុណ្ណោះ ប៉ុន្តែសម្រាប់ប្រភេទខ្យងប័រដែលកំពុងមានការចាប់អារម្មណ៍ពីសំណាក់អ្នកចិញ្ចឹមខ្យង ក៏ដូចជាអ្នកទទួលទានមានតម្លៃថ្លៃ ហើយអាចលក់បានរហូតដល់ប្រមាណ ១០០គីឡូក្រាមក្នុងមួយគីឡូក្រាម។

លោក ហាច ឆន ជាម្ចាស់កសិដ្ឋានចិញ្ចឹមខ្យងបែបទំនើប (កសិដ្ឋាន៤០០) ស្ថិតនៅភូមិអូរណា ឃុំស្រែខ្ទុម ស្រុកកែវសីមា ខេត្តមណ្ឌលគិរី បានប្រាប់ AMS ឱ្យដឹងថា នៅក្នុងកសិដ្ឋានរបស់លោកមានចិញ្ចឹមពូជខ្យងជាច្រើនប្រភេទ ប៉ុន្តែអ្វីដែលលោកកំពុងយកចិត្តទុកដាក់ខ្លាំងគឺការចិញ្ចឹម និងថែទាំប្រភេទខ្យងឈឺរី និងប្រភេទប័រដែលកំពុងមានតម្រូវការទីផ្សារខ្ពស់ និងលក់បានថ្លៃស្ទើរមិនគួរជឿ។

លោកបានមានប្រសាសន៍ថា ៖

“កសិដ្ឋានយើងមានចិញ្ចឹមខ្យង១០ប្រភេទ តែប្រភេទខ្យងឈឺរី និងខ្យងប័រ កំពុងមានការពេញនិយមខ្លាំងទាំងខ្យងពូជ និងខ្យងសាច់ ដោយសារវាងាយស្រួលចិញ្ចឹម ប្រើរយៈពេលខ្លី បានផលច្រើន ហើយមានតម្លៃថ្លៃ ជាក់ស្ដែងចំពោះប្រភេទខ្យងឈឺរី យើងអាចលក់បាន ៥០ដុល្លារក្នុងមួយគីឡូក្រាម ចំណែកឯប្រភេទខ្យងប័រ យើងអាចលក់បានដល់ទៅ ១០០ដុល្លារក្នុងមួយគីឡូក្រាម”

លោកបន្តថា ៖

“បច្ចុប្បន្នកសិដ្ឋានយើងចិញ្ចឹមខ្យងជាង ២០០អាង ហើយអាចផ្គត់ផ្គង់បានច្រើន ទាំងខ្យងពូជ ខ្យងសាច់ មិនថាលក់រាយ ឬក៏បោះដុំនោះទេ ហើយអតិថិជនរបស់យើងមានទាំងអ្នកនៅក្នុងតំបន់ និងអ្នកឆ្ងាយៗដែលគាត់ទិញខ្យងពូជយកទៅចិញ្ចឹម និងខ្យងសាច់សម្រាប់ហូប ហើយក៏មានឈ្មួញពីប្រទេសជិតខាងមកទិញដល់កសិដ្ឋានផងដែរ”

ស្ថាបនិកសិដ្ឋានខាងលើបានបន្ថែមឱ្យដឹងថា ចំពោះខ្យងឈឺរី និងខ្យងប័រ ឬខ្យងទុរេន ងាយស្រួលចិញ្ចឹម អាចផលិតពូជបានច្រើន អាចប្រមូលផលបានក្នុងចន្លោះពេល ២ខែកន្លះ ទៅ៣ខែប៉ុណ្ណោះ ដែលមានរយៈខ្លីជាងខ្យងហោងដល់ទៅ​ ៦-៧ខែឯនោះ។ ដោយឡែកសម្រាប់រសជាតិវិញគឺឆ្ងាញ់ មានកម្រិតប្រូតេអ៊ីនខ្ពស់ សាច់ខ្យងទន់ ផ្អែមជាប់មាត់ និងអាចច្នៃបានច្រើនមុខអាស្រ័យទៅតាមចំណង់ចំណូលចិត្តអ្នកបរិភោគផ្ទាល់តែម្ដង។

ចំពោះចំណីខ្យង អាចប្រើជាប្រភេទចកដូចជា ចកអាស៊ូឡា ចកស្លឹកធំ ចកបាយទា ឬអាចដាក់ជាប្រភេទបន្លែ និងផ្លែឈើ ដូចជា ស្ពៃ ត្រកួន ននោង ល្ពៅ ត្រឡាច ល្ហុង ស្វាយ ស្លឹកបាស់ ដែលសុទ្ធសឹងជាបន្លែដែលងាយរក និងអាចដាំបានដោយខ្លួនឯងនៅជុំវិញផ្ទះផងដែរ។

ទាក់ទងទៅនឹងការចិញ្ចឹម លោក ហាច ឆន បានបញ្ជាក់ថា ៖

“ចំណុចដែលយើងត្រូវយកចិត្តទុកដាក់នោះគឺប្រភពទឹក ដែលយើងត្រូវការទឹកណាដែលមានកម្រិត PH និងសារធាតុរ៉ែ​ ត្រូវតាមស្តង់ដារទើបការចិញ្ចឹមពុំមានជួបបញ្ហា។ ក្រៅពីនេះ យើងត្រូវចេះបច្ចេកទេសខ្លះនៅក្នុងការចិញ្ចឹម ថែទាំ ក៏ដូចជាព្យាបាលនៅពេលខ្យងមានបញ្ហា។ មួយទៀតគឺការដាំដុះចំណីខ្យងឱ្យបានគ្រាប់គ្រាន់ជៀសវាងការខ្វះខាត”

គួរបញ្ជាក់ដែរថា លោកបានចាប់ផ្ដើមចិញ្ចឹមខ្យងនេះតាំងពីឆ្នាំ​២០១៨ តែជាប្រភេទខ្យងផ្សេង ចំណែកប្រភេទខ្យងថ្មីទាំងពីរប្រភេទនេះលោកទើបតែចាប់ផ្ដើមចិញ្ចឹមនៅចុងឆ្នាំ២០២១នេះប៉ុណ្ណោះ ​ដោលលោកសាកល្បងលើកដំបូងត្រឹមពូជ ៣គីឡូក្រាម ហើយបច្ចុប្បវាអាចផ្ដល់ពូជលក់បានដល់ទៅរាប់រយគីឡូក្រាម។

សម្រាប់បងប្អូនដែលចង់សាកល្បងចិញ្ចឹមខ្យង អាចចាប់ផ្ដើមពីការរៀនបច្ចេទេសពីអ្នកជំនាញ ហើយអាចចិញ្ចឹមបានដោយត្រូវការទំហំដីល្មមសម្រាប់ធ្វើអាង ហើយអាងនេះទៀតសោត អាចធ្វើពីថង់ប្លាស្ទិចដែលងាយធ្វើ និងចំណាយតិចប្រមាណ២០ម៉ឺនរៀលក្នុងមួយអាង ឬ ១លានរៀល​អាចធ្វើបានពី ៤-៦ អាង ក្រៅពីនេះគឺត្រូវចំណាយទៅលើពូជខ្យងដែលអាចរកបាននៅកសិដ្ឋាន៤០០ ផងដែរ។

សម្រាប់ថ្ងៃអនាគត លោក ហាច ឆន លោកនឹងបន្តការចិញ្ចឹម និងចែកចាយពូជខ្យងប្រភេទនេះឱ្យកាន់តែទូលំទូលាយទូទាំងប្រទេស និងពង្រីកទីផ្សារដល់ក្រៅប្រទេសថែមទៀតផង៕



របាយការណ៍ថ្មីៗ

មើលទាំងអស់ ➧

ព័ត៌មានទូទៅ

មើលទាំងអស់ ➧

ទូតអាមេរិកថ្មី បន្តពូនជ្រំ និងជំរុញកិច្ចសហប្រតិបត្តិការទ្វេភាគី ខណៈពាណិជ្ជកម្មកម្ពុជា-អាមេ​រិក ១០ខែ ឆ្នាំ២០២៦ ហក់ឡើងដល់ជិត ១៤ពាន់លានដុល្លារ

ព្រឹត្តិការណ៍, សេដ្ឋកិច្ច

• 19/11/2026

ភ្នំពេញ៖ ឯកអគ្គរដ្ឋទូតសហរដ្ឋអាមេរិកថ្មីប្រចាំកម្ពុជា ឯកឧត្តម Christopher Anderson បានបង្ហាញពីការប្តេជ្ញាបន្តពូនជ្រុំទំនាក់ទំនង និងជំរុញកិច្ចសហប្រតិបត្តិការសេដ្ឋកិច្ច ពាណិជ្ជកម្ម និងវិនិយោគទ្វេភាគីឱ្យកាន់តែរឹងមាំ ខណៈដែលពាណិជ្ជកម្មរវាងប្រទេសទាំងពីរក្នុងរយៈពេល ១០ខែ ឆ្នាំ២០២៦ សម្រេចបានទំហំទឹកប្រាក់រហូតដល់ ១៣,៨២ពាន់លានដុល្លារ ដែលជាសញ្ញាវិជ្ជមានគួរជាទីមោទន។ ក្នុងឱកាសទទួលបានការអនុញ្ញាតចូលជួបសម្តែងការគួរសមជាមួយសម្តេចធិបតី ហ៊ុន ម៉ាណែត នាព្រឹកថ្ងៃទី១៨ ខែវិច្ឆិកា

ទំហំពាណិជ្ជកម្មកម្ពុជា-អូស្ត្រាលី ហក់ឡើងជាង ៣.៥ពាន់លានដុល្លារនៅក្នុងរយៈប៉ុន្មានឆ្នាំចុងក្រោយ

Top News, ព្រឹត្តិការណ៍, សេដ្ឋកិច្ច

• 19/11/2026

ភ្នំពេញ ៖ ពាណិជ្ជកម្មរវាងប្រទេសកម្ពុជា -អូស្ត្រាលី នាពេលបច្ចុប្បន្នបានកើនឡើងប្រមាណ ៣ដង គិតត្រឹមរយៈពេល ៥ ឆ្នាំចុងក្រោយនេះ ដែលកាន់តែបង្កើតឱកាសការងារជាច្រើនសម្រាប់ពលរដ្ឋក្នុងស្រុក ក៏ដូចជាអាជីវកម្មរបស់អូស្ត្រាលីផងដែរ។  យោងតាមរបាយការណ៍របស់ក្រសួងពាណិជ្ជកម្មបានបង្ហាញថា បច្ចុប្បន្ន ទំហំពាណិជ្ជកម្មសរុបរវាងកម្ពុជា និងអូស្ត្រាលី បានកើនឡើងលើសពី ៣ ០០០លានដុល្លារ គិតចាប់ពីឆ្នាំ២០២០ រហូតដល់ដំណាច់ខែតុលា

ប្រទេសសមាជិកសហភាពអឺរ៉ុប បើកភ្លើងខៀវឲ្យមានចុះហត្ថលេខាលើកិច្ចព្រមព្រៀងពាណិជ្ជកម្មជាមួយឥណ្ឌូណេស៊ី

ព្រឹត្តិការណ៍, សេដ្ឋកិច្ច

• 19/11/2026

បរទេស៖ រដ្ឋាភិបាលនៃបណ្តាប្រទេសសមាជិកសហភាពអឺរ៉ុប (EU) អនុម័តលើការចុះហត្ថលេខាស្ដីពីកិច្ចព្រមព្រៀងពាណិជ្ជកម្មជាមួយឥណ្ឌូណេស៊ី ដែលធ្លាប់បានឯកភាពគ្នាកាលពីគ្រាមុន ដើម្បីទប់ទល់ផលប៉ះពាល់ពីការដំឡើងពន្ធគយរបស់អាម៉េរិក នេះបើយោងតាមសេចក្ដីរាយការណ៍ពី Al Jazeera ។ កាលពីថ្ងៃពុធកន្លងទៅនេះ ក្រុមប្រឹក្សាសហភាពអឺរ៉ុបបានចេញសេចក្តីសម្រេចអនុញ្ញាតឱ្យអនុវត្តកិច្ចព្រមព្រៀងពាណិជ្ជកម្មជាមួយឥណ្ឌូណេស៊ីជាបណ្តោះអាសន្ន ដោយភាគីទាំងពីរនឹងលុបចោលពន្ធនាំចូលលើមុខទំនិញជាង ៩០ ភាគរយ ហើយពន្ធនាំចូលចំនួន ៥០ ភាគរយរបស់ឥណ្ឌូណេស៊ីលើការនាំចូលរថយន្តពីសហភាពអឺរ៉ុប នឹងត្រូវលុបបំបាត់ចោលក្នុងរយៈពេល ៥

កាណាឌីយ៉ា អ៊ីមផេក ហ្វាន់ ចាប់ដៃគូជាមួយ Plug and Play APAC ដើម្បីតភ្ជាប់ក្រុមហ៊ុនធុរកិច្ចថ្មី របស់កម្ពុជា ទៅកាន់ឱកាសនានានៅលើឆាកអន្តរជាតិ

ព្រឹត្តិការណ៍, អត្ថបទពាណិជ្ជកម្ម

• 19/11/2026

ភ្នំពេញ ៖ កាណាឌីយ៉ា អ៊ីមផេក ហ្វាន់ (Canadia Impact Fund) បានចុះហត្ថលេខាលើអនុស្សរណៈនៃការយោគយល់គ្នា (MoU) ជាមួយក្រុមហ៊ុន Plug and Play APAC នៅក្នុងព្រឹត្តិការណ៍ហ្រ្វង់កូតិច (FrancoTech) 2026 ដែលបានរៀបចំឡើងនៅមជ្ឈមណ្ឌលតាំងពិព័រណ៍កោះពេជ្រ ក្នុងឱកាសនៃកិច្ចប្រជុំកំពូលហ្វ្រង់កូហ្វូនី

សហគមន៍​កសិកម្ម ​​២៥ ​នៅ​កំពង់ធំ​ ​ទទួល​ត្រាក់ទ័រ​ ​និង​សម្ភារៈ​កសិកម្ម ​ដើម្បី​កាត់បន្ថយ​ថ្លៃ​ដើម​ផលិតកម្ម

ព្រឹត្តិការណ៍, សេដ្ឋកិច្ច

• 19/11/2026

សហគមន៍​កសិកម្ម​ចំនួន​ ​២២ ​និង​សហគមន៍​កសិកម្ម​ទំនើប​ចំនួន​ ៣ ​នៅ​ទូទាំង​ខេត្ដ​កំពង់ធំ​ ​ទទួល​បាន​ត្រាក់ទ័រ​ចំនួន​ ១៦ ​គ្រឿង​ គោយន្ត​ចំនួន​ ​២​ ​គ្រឿង​ ​និង​លាន​ហាល​សម្ងួត​គ្រាប់​ចំនួន​ ​១០ ​កន្លែង​ ​ដើម្បី​ជួយ​បង្កើន​ផលិតភាព​កសិកម្ម ​កាត់បន្ថយ​ថ្លៃ​ដើម​ពលកម្ម ​និង​ពង្រឹង​ភាព​ធន់​នឹង​ការ​ប្រែប្រួល​អាកាសធាតុ

ប្រមុខដឹកនាំអន្តរជាតិកំពូលៗដែលចូលរួមកិច្ចប្រជុំ ហ្វ្រង់កូហ្វូនី លើកទី២០ ឆ្លៀតពេលលម្ហែនៅក្នុងរាជធានីភ្នំពេញយ៉ាងសាមញ្ញ

ព្រឹត្តិការណ៍, អាជីវកម្មថ្មី និងនវានុវត្ត

• 19/11/2026

ក្រៅពីកិច្ចប្រជុំការទូតផ្លូវការ និងកាលវិភាគរដ៏មមាញឹកនៃកិច្ចប្រជុំកំពូលហ្វ្រង់កូហ្វូនីលើកទី២០ ថ្នាក់ដឹកនាំបរទេសជាច្រើនរូបបានទទួលយកបទពិសោធន៍នៃការដើរកម្សាន្តក្នុងរាជធានីភ្នំពេញ ក្រោមទិដ្ឋភាពដ៏សាមញ្ញ។

គម្រោង​ខ្សែ​បញ្ជូន​អគ្គិសនី​​ ២៣០​ គីឡូ​វ៉ុល​ តម្លៃ​ ១៨៣ ​លាន​ដុល្លារ ​បើក​ផ្លូវ​ពង្រីក​ឧស្សាហកម្ម ​និង​បង្កើត​ការងារ​ថ្មី​

ព្រឹត្តិការណ៍, សេដ្ឋកិច្ច

• 19/11/2026

​រាជ​រដ្ឋាភិបាល​កម្ពុជា​ តាមរយៈ​ក្រសួង​រ៉ែ ​និង​ថាមពល ​បាន​ប្រកាស​បើកការដ្ឋាន​សាងសង់​ខ្សែ​បញ្ជូន​អគ្គិសនី​តង់ស្យុង​ ​២៣០​គីឡូ​វ៉ុល​ ប្រវែង​ប្រមាណ​ ​១២០​ គីឡូម៉ែត្រ ​ក្នុង​ទំហំ​ទឹកប្រាក់​ ​១៨៣ ​លាន​ដុល្លារ​អាម៉េរិក​ ​ដោយ​ប្រើប្រាស់​ឥណទាន​ពី​ធនាគារ​អភិវឌ្ឍន៍​អាស៊ី ​(​ADB​)​ ​ដើម្បី​ត​ភ្ជាប់​ខេត្ត​ពោធិ៍សាត់​ ​កំពង់ឆ្នាំង ​និង​កណ្ដាល

FBI ទម្លាយថា ក្រុម Hacker គាំទ្រដោយកូរ៉េខាងជើង ប្រើល្បិច call Video ក្លែងក្លាយ លួចលុយគ្រីបតូជាង ៤០០ លានដុល្លារពីជនរងគ្រោះជាង ៩០០ នាក់

ព្រឹត្តិការណ៍, អាជីវកម្មថ្មី និងនវានុវត្ត

• 19/11/2026

បរទេស ៖ ការិយាល័យស៊ើបអង្កេតសហព័ន្ធអាម៉េរិក (FBI) បានរាយការណ៍ថា ក្រុម Hacker ដែលគាំទ្រដោយរដ្ឋាភិបាលកូរ៉េខាងជើង លួចយករូបិយប័ណ្ណគ្រីបតូ ដែលគិតជាទឹកប្រាក់ជាង ៤០០ លានដុល្លារ ពីជនរងគ្រោះជាង ៩០០ នាក់ ក្នុងរយៈពេល ១៨ ខែកន្លងមក នេះបើយោងតាមការចុះផ្សាយរបស់ BBC។

អាស៊ានបញ្ចប់កិច្ចប្រជុំកំពូលលើកទី៤៩ ជាមួយលទ្ធផលសំខាន់ៗជាង ១០០ និងកិច្ចព្រមព្រៀងសេដ្ឋកិច្ចឌីជីថល

ព្រឹត្តិការណ៍, សេដ្ឋកិច្ច

• 19/11/2026

កិច្ចប្រជុំកំពូលអាស៊ានលើកទី៤៩ និងកិច្ចប្រជុំកំពូលពាក់ព័ន្ធនានា បានបញ្ចប់នៅល្ងាចថ្ងៃទី១៧ ខែវិច្ឆិកា ឆ្នាំ២០២៦ នៅទីក្រុងម៉ានីល ប្រទេសហ្វីលីពីន ដោយសម្រេចបានឯកសារលទ្ធផលជាង ១០០ ស្តីពីកិច្ចសហប្រតិបត្តិការសេដ្ឋកិច្ច ពាណិជ្ជកម្ម ឌីជីថល និងសន្តិសុខតំបន់ ព្រមទាំងបានបញ្ចប់អាណត្តិប្រធានអាស៊ានរបស់ហ្វីលីពីន និងផ្ទេរតំណែងជាផ្លូវការទៅឱ្យសិង្ហបុរីសម្រាប់ឆ្នាំ២០២៧

បណ្តាញ​ផ្លូវ​ដែក​ចិន​បំបែក​កំណត់​ត្រា​ថ្មី​​ ដោយ​មាន​អ្នក​ដំណើរ​ជាង​ ៤ ពាន់​លាន​ដង​ក្នុង​ឆ្នាំ​ ​២០​២៦​

បទយកការណ៍, ព្រឹត្តិការណ៍, អាជីវកម្មថ្មី និងនវានុវត្ត, អាជីវកម្មថ្មី និងនវានុវត្ត

• 19/11/2026

បណ្តាញ​ផ្លូវ​ដែក​ដ៏​ធំ​របស់​ប្រទេស​ចិន ​បាន​ដឹកជញ្ជូន​អ្នក​ដំណើរ​រហូតដល់​ ៤​,​១៣ ​ពាន់​លាន​ដង​ ​ក្នុង​រយៈពេល​ ១០​ ​ខែ​ដំបូង​នៃ​ឆ្នាំ​ ២០២៦ ​ដែល​ជា​កំណត់​ត្រា​ថ្មី​ ​និង​កើនឡើង​ ​៤​,​៧ ​ភាគ​រយ ​បើ​ធៀប​នឹង​រយៈពេល​ដូចគ្នា​កាលពី​ឆ្នាំ​មុន