សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
(កំពង់ធំ)៖ សម្ដេចតេជោ ហ៊ុន សែន នាយករដ្ឋមន្ត្រីកម្ពុជាបានបង្ហាញការសប្បាយចិត្តចំពោះផលិតផលខ្មែរជាច្រើនមុខ ដែលបានដាក់តាំងលក់នៅក្នុងពិធីបុណ្យទន្លេដែលក្រសួងទេសចរណ៍បានរៀបចំនៅក្នុងខេត្តកំពង់ធំ និងត្រូវបានប៉ានស្មានថានឹងមានមនុស្សប្រមាណ ១លាននាក់ចូលរួម។
ដោយមើលឃើញពីភាពល្អប្រសើរនៃគំនិតរៀបចំលើកស្ទួយផលិតផលខ្មែរនេះ សម្ដេចបានដាក់ក្ដីរំពឹងថាទៅថ្ងៃអនាគត កម្ពុជានឹងអាចទាក់ទាញទេសចរចូលមកកាន់តែច្រើន ហើយផលិតកម្មក្នុងស្រុកក៏នឹងមានការរីកចម្រើន តាមរយៈការរកផលិតផលទៅផ្គត់ផ្គង់ទេសចរណ៍តែម្ដង។
សម្ដេចនាយករដ្ឋមន្ត្រីបានថ្លែងថា៖
“ខ្ញុំពិតជាមានការជក់ចិត្ត ហើយក៏នឹកឃើញរឿងអតីតកាលប្រៀបធៀបនឹងពេលបច្ចុប្បន្នកាល ដែលនៅតាមស្តង់នីមួយៗ សុទ្ធតែមានការផលិតប្រកបដោយការទទួលខុសត្រូវ និងមានគុណភាព ដែលអាចផ្គត់ផ្គង់ទីផ្សារក្នុងស្រុក និងការនាំចេញ… ខ្ញុំកំពុងតែស្រមើស្រម៉ៃថា ប្រទេសរបស់យើងនឹងក្លាយជាប្រទេសដែលផលិតនូវស្វាយចន្ទីច្រើនបំផុតនៅលើពិភពលោក”
សម្ដេចមានប្រសាសន៍បន្តទៀតថា៖
“មកដល់ពេលបច្ចុប្បន្ននេះ ការនាំចេញគ្រប់ស្វាយចន្ទី ពីកម្ពុជាទៅកាន់ទីផ្សារអន្តរជាតិ គឺបានទៅហួសប្រទេសកូឌីវ័រ ដែលមានត្រឹម ១លាន ១សែនតោន ឥលូវយើងមាន ១លាន ១៨ម៉ឺនតោនរួចស្រេចទៅហើយ ដូចនេះយើងសង្ឃឹមថា កម្ពុជានាពេលអនាគត បន្ទាប់ពីមានសន្តិភាពបូកជាមួយនឹងគោលនយោបាយ ភូមិ ឃុំ មានសុវត្ថិភាព គឺមួយផ្នែកទាក់ទាញទេសចរណ៍ ប៉ុន្តែអ្វីដែលសំខាន់ជាងនេះទៅទៀត គឺផលិតកម្មដែលបម្រើឱ្យសេចក្តីត្រូវការរបស់ប្រជាជន ក៏ដូចជាផ្គត់ផ្គង់ទេសចរណ៍នោះឯង”
យ៉ាងណាមិញ ដើម្បីអាចយកផលិតផលដែលផលិតបានក្នុងស្រុកទៅផ្គត់ផ្គង់ឱ្យទេសចរណ៍ គឺត្រូវតែ បង្កើនការទាក់ទាញឱ្យមានភ្ញៀវចូលមកសិន។ ហើយកត្តាសំខាន់ដែលអាចទាញទេសចរមកបាន គឺកត្តាសន្តិភាព។ ក្នុងន័យនេះ សម្ដេចបានអំពាវនាវឱ្យមានការពង្រឹងគោលនយោបាយ ភូមិ ឃុំមានសុវត្ថិភាពជាពិសេសនៅក្នុងតំបន់ទេសចរណ៍ ព្រោះបើទីកន្លែងទេសចរណ៍មួយមានតែអំពើឆក់ប្លន់ កាប់សម្លាប់ អាណាធិបតេយ្យ ប្រាកដជា មិនមានភ្ញៀវណាចង់មកលេងនោះទេ។ ម្យ៉ាងទៀត ប្រជាជនខ្លួនឯងដែលរស់នៅក្នុងតំបន់ទេសចរណ៍ស្រាប់ ត្រូវចូលរួមក្នុងការថែរក្សាសន្តិសុខ សណ្ដាប់ធ្នាប់ ព្រោះពួកគេនឹងក្លាយជាអ្នកទទួលផលវិញ នៅពេលមានភ្ញៀវកាន់តែ ច្រើនចូលមកទស្សនាតំបន់ពួកគេ។
គួរជម្រាបថា ក្នុងឱកាសពិធីបុណ្យទន្លេលើកទី៧នេះ ក្រសួងទេសចរណ៍ ព្រមទាំងគណៈកម្មាធិការជាតិជំរុញចលនា ភូមិមួយផលិតផលមួយ បានសហការគ្នាដាក់ស្តង់តាំងពិព័រណ៍ផលិតផលខ្មែរប្រ មាណជាង ៥០០មុខ។ ក្នុងនោះ មានស្ដង់ VIP ចំនួន៤ស្ដង់ និងស្ដង់របស់សមាជិកចំនួន២១ស្ដង់ ហើយផលិតផលទាំង ៥០០មុខនោះ សុទ្ធតែជាផលិតផលស្នាដៃកូនខ្មែរ អាជីវករ សិប្បករ កសិករ ប្រជាជនខ្មែរទាំងអស់ ដូចជា ដូង ទឹកដោះគោ ទឹកត្រី ប្រេងដូង ប្រេងស្លឹកគ្រៃ ប្រេងរឹតធ្វើពីស្លឹកម្លូ ក្រណាត់សូត្រ ក្រណាត់ហូល ក្រមា កាបូប ម្សៅចេក ផលិតផលដែលបានពីត្នោត ផលិតផលដែល បានពីកាកាវ គ្រាប់ស្វាយចន្ទី សាច់ក្រក ត្រីងៀត អំបុក ភេសជ្ជៈ ចម្លាក់ស្បែក គ្រឿងឧបភោគបរិភោគ របស់របរប្រើប្រាស់ ដំណាំកសិកម្ម វត្ថុអនុស្សាវរីយ៍ វត្ថុលម្អសោភ័ណភាពជាដើម៕
Account
Security
Favourite Content