សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ ៖ សម្រាប់ឆ្នាំ២០២៥នេះអាចចាត់ទុកបានថាជាឆ្នាំប្រវត្តិសាស្ត្រដែលកម្ពុជាទទួលបានគម្រោងវិនិយោគយ៉ាងសន្ធឹកសន្ធាប់ ដោយក្នុងរយៈពេលត្រឹមតែ ៨ខែ និង២សប្ដាហ៍ តាមរយៈក្រុមប្រឹក្សាអភិវឌ្ឍន៍កម្ពុជា (CDC) បានសម្រេចអនុម័តគម្រោងវិនិយោគរហូតដល់ចំនួន ៥២០ ដែលមានដើមទុនចុះបញ្ជីវិនិយោគរហូតដល់ ៧,៥ពាន់លានដុល្លារអាម៉េរិក ។ នេះបើតាមរបាយការណ៍របស់ក្រុមប្រឹក្សាអភិវឌ្ឍន៍កម្ពុជា ។
ឯកឧត្តម ជា វុទ្ធី អគ្គលេខាធិការនៃគណៈកម្មាធិការវិនិយោគកម្ពុជា នៃក្រុមប្រឹក្សាអភិវឌ្ឍន៍កម្ពុជា បានឱ្យដឹងថា ៖ ចំនួនគម្រោងវិនិយោគដែលបានអនុម័តក្នុងឆ្នាំ២០២៥នេះ គឺជាប្រវត្តិសាស្ត្ររបស់កម្ពុជាក្នុងរយៈពេល៣០ឆ្នាំ ដែលឯកឧត្តមបានបម្រើការងារនៅក្នុងក្រុមប្រឹក្សាអភិវឌ្ឍន៍កម្ពុជា ហើយទម្រាំដល់ដំណាច់ឆ្នាំ កម្ពុជាអាចនឹងបន្តទទួលបានគម្រោងវិនិយោគបន្ថែមទៀតជាមិនខាន។
ឯកឧត្តមបានបញ្ជាក់ថា ៖
«កាលពីឆ្នាំ២០២៤ ក្រុមប្រឹក្សាអភិវឌ្ឍន៍កម្ពុជាបានអនុម័តគម្រោងវិនិយោគសរុបចំនួន ៤១៤គម្រោង មានទឹកប្រាក់ចុះបញ្ជីវិនិយោគចំនួនប្រមាណ៦,៩ពាន់លានដុល្លារអាម៉េរិក ហើយឆ្នាំ២០២៤ក៏ជាឆ្នាំដែលមានការអនុម័តគម្រោងវិនិយោគច្រើនដូចគ្នា ប៉ុន្តែឆ្នាំ២០២៥នេះ វារឹតតែច្រើនទៅទៀត ។ អ្វីដែលសំខាន់ ការវិនិយោគនៅក្នុងប្រទេសកម្ពុជាក្នុងរយៈពេលឆ្នាំចុងក្រោយនេះ ជាគម្រោងដែលយើងមិនធ្លាប់ទទួលបាន ដូចជា គម្រោងវិនិយោគលើរោងចក្រផលិតសំបកកង់ឡាន គម្រោងវិនិយោគលើរោងចក្រផ្គុំ និងដំឡើងរថយន្ត ដែលរហូតមកដល់ពេលនេះ យើងមានគម្រោងរោងចក្រផ្គុំ និងដំឡើងរថយន្តជាច្រើននៅក្នុងប្រទេសកម្ពុជា»។
ឯកឧត្តមក៏បានលើកឡើងឱ្យដឹងដែរថា តាមរយៈការទទួលបានគម្រោងវិនិយោគជាបន្តបន្ទាប់នេះ បានបង្កើតការងារជូនពលរដ្ឋកម្ពុជាជាច្រើនម៉ឺនកន្លែង ជាពិសេសក្នុងពេលដែលពលករខ្មែរត្រលប់មកពីប្រទេសថៃវិញ ដែលកម្ពុជាមានការងារជាច្រើនសម្រាប់ផ្ដល់ជូនពួកគាត់ធ្វើ ជាមួយនឹងការទទួលបានប្រាក់ខែសមរម្យផងដែរ ៕
Account
Security
Favourite Content