សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
កំពង់ចាម ៖ នៅថ្ងៃទី ១កក្កដា ឆ្នាំ២០២៤នេះ ជាថ្ងៃដែលក្រសួងកសិកម្មប្រារព្ធពិធីអបអរសាទរទិវាមច្ឆជាតិ លើកទី១៩ ព្រមទាំងលែងត្រី ១,៥លានក្បាល ចូលទៅក្នុងបឹងធំ ដែលជាបឹងធម្មជាតិដែលមានវិសាលភាពធំទូលាយ ស្ថិតក្នុងភូមិកំពង់សំណាញ់ ឃុំមៀន ស្រុកព្រៃឈរ ខេត្តកំពង់ចាម។
អញ្ជើញជាអធិបតីនាឱកាសនេះ សម្ដេចធិបតី ហ៊ុន ម៉ាណែត នាយករដ្ឋមន្ត្រីនៃកម្ពុជា បានមានប្រសាសន៍លើកទឹកចិត្តឱ្យប្រជាពលរដ្ឋកម្ពុជា ពង្រីកការធ្វើកសិកម្មបន្ថែមទៀត ដើម្បីឱ្យការផ្គត់ផ្គង់បានគ្រប់គ្រាន់ស្របទៅតាមតម្រូវការក្នុងស្រុក។
បើយោងតាមប្រសាសន៍របស់សម្ដេចធិបតី ដំណាក់កាលនេះ រាជរដ្ឋាភិបាលមានគោលដៅជំរុញការផលិតដើម្បីហូបក្នុងស្រុកឱ្យគ្រប់គ្រាន់ មុននឹងឈានដល់ដំណាក់កាលនាំចេញ។ ក្នុងការផ្គត់ផ្គង់ក្នុងស្រុកនេះដែរ សម្ដេចស្នើសុំឱ្យមានការចិញ្ចឹមតាមលក្ខណៈធម្មជាតិ សំដៅធានាសុវត្ថិភាពស្បៀង និងសុខភាពអ្នកទទួលទាន។ ម្យ៉ាងទៀត នេះក៏ជាការឆ្លើយតបទៅនឹងចំនួនប្រជាជនកម្ពុជាដែលកំពុងតែកើនឡើងយ៉ាងឆាប់រហ័សផងដែរ។ កាលណាចំនួនប្រជាជនមានការកើនឡើង តម្រូវការដីសម្រាប់សង់លំនៅឋានក៏នឹងកើនឡើងដូចគ្នា ដែលមានន័យថា ដីសម្រាប់ធ្វើកសិកម្មនឹងថយចុះ។
សម្ដេចបានមានប្រសាសន៍យ៉ាងដូច្នេះថា៖
«យើងជាប្រទេសកសិកម្ម ធ្វើយ៉ាងណាអាចធានាបាននូវសុវត្ថភាពស្បៀង និងទំហំនៃការផ្គត់ផ្គង់ បើទោះបីជាចំនួនប្រជាជនមានការកើនឡើងក៏ដោយ ហើយរឿងទាំងនេះមិនអាចកើតឡើងបានទេ បើសិនមិនមានការចូលរួមពីប្រជាជន។»
សម្ដេចក៏បានបន្តមានប្រសាសន៍ទៀតថា រាជរដ្ឋាភិបាលអាណត្តិទី៧នេះបានប្ដេជ្ញាធ្វើការបន្តពីរដ្ឋាភិបាលអាណត្តិមុនៗ ដើម្បីដាក់ចេញនូវគោលនយោបាយបន្តបន្ទាប់ក្នុងការជួយដល់កសិករកម្ពុជានៅទូទាំងប្រទេស ក៏ដូចជាព្យាយាមទាក់ទាញការវិនិយោគពីប្រទេសផ្សេងៗនៅក្នុងវិស័យកសិកម្ម។
ជាក់ស្ដែង ដូចជាការទាក់ទាញវិនិយោគិនពីក្រៅមកដើម្បីវិនិយោគលើការកែច្នៃគ្រាប់ស្វាយចន្ទី និងកៅស៊ូជាដើម។ ទាំងនេះមិនត្រឹមតែបានបង្កើតការងារជូនប្រជាពលរដ្ឋកម្ពុជាប៉ុណ្ណោះទេ ប៉ុន្តែក៏បានបន្ថែមតម្លៃ និងទីផ្សារជូនកសិផលក្នុងស្រុកឱ្យកាន់តែប្រសើរឡើងថែមទៀត។
គួរបញ្ជាក់ថា ឆ្នាំ២០២៣នេះ កម្ពុជាបាននាំចេញផលិតផលកសិកម្ម ៨,៨២លានតោន ទៅកាន់៧៨ប្រទេស ក្នុងតម្លៃសរុបប្រមាណ ៤,៨ពាន់លានដុល្លារ។ បច្ចុប្បន្ន ក្រសួងស្ថាប័នពាក់ព័ន្ធកំពុងដើរទាក់ម៉ូយ មិនមែនត្រឹមតែដើម្បីបង្កើតការងារជូនប្រជាពលរដ្ឋនោះទេ តែដើម្បីទិញផលិតផលយើងគ្រប់មុខ ជាពិសេសផលិតផលកសិកម្មតែម្ដង៕
Account
Security
Favourite Content