បុរសជនជាតិជប៉ុនម្នាក់ រំពឹងជួយដល់អ្នកលក់ទំនិញចាប់ហួយនៅតាមតំបន់ជនបទក្រោយកម្មវិធីទូរស័ព្ទដៃដំណើរការ

សំឡេងត្រូវបានបង្កើតឡើងតាមរយៈប្រព័ន្ធបញ្ញា​សិប្បនិម្មិត្ត។


បាត់ដំបង ៖ ជាទូទៅ ចំពោះតូបលក់ទំនិញចាប់ហួយនៅតាមតំបន់ជនបទ ប្រៀបបានទៅនឹងផ្សារទំនើបមួយនៅទីប្រជុំជនយ៉ាងដូច្នោះ ដោយសារទំនិញស្ទើរគ្រប់ប្រភេទសម្រាប់តម្រូវការប្រចាំថ្ងៃមានលក់នៅទីនេះ។ យ៉ាងណាក៏ដោយ ចំពោះការប្រកបអាជីវកម្មលក្ខណៈសេដ្ឋកិច្ចក្រៅប្រព័ន្ធមួយនេះក៏មិនមែនជាការងាយស្រួលនោះដែរ ជាពិសេស ពាក់ព័ន្ធទៅនឹងការគ្រប់គ្រងចំណូលពីការលក់, ប្រភេទទំនិញដែលត្រូវបំពេញបន្ថែម និងត្រូវចំណាយពេលធ្វើដំណើរទៅទិញទំនិញដែលអស់មកលក់បន្ត។

ដោយកត់សម្គាល់ឃើញពីភាពប្រឈមរបស់ម្ចាស់អាជីវកម្មលក្ខណៈគ្រួសារបែបនេះ បុរសជនជាតិជប៉ុនម្នាក់មានឈ្មោះ Ryo Nakano បានស្វែងរកដំណោះស្រាយ ជាមួយការផ្តល់សេវាផ្គត់ផ្គង់រាល់ការបញ្ជាទិញទំនិញចម្រុះ និងការដឹកជញ្ជូនដល់ទីកន្លែងលក់ តាមរយៈក្រុមហ៊ុនដឹកជញ្ជូន ATELIER ដោយម្ចាស់អាជីវកម្មគ្រាន់តែធ្វើការបញ្ជារទិញទំនិញតាមទូរស័ព្ទដៃ ឬតាមបណ្តាញទំនាក់ទំនងអេឡិចត្រូនិកបានយ៉ាងរហ័សទាន់ចិត្ត។

លោក Ryo Nakano ជាស្ថាបនិកក្រុមហ៊ុនដឹកជញ្ជូន ATELIER បច្ចុប្បន្ន កំពុងជួយសម្រួលដល់បណ្តាម្ចាស់អាជីវកម្មលក់ទំនិញចាប់ហួយនៅតំបន់មួយចំនួនក្នុងខេត្តបាត់ដំបង។ កាលដែលលោកជ្រើសរើសទីតាំងផ្តល់សេវានៅក្នុងខេត្តចំណាស់មួយនេះ ក៏ព្រោះតែលោកបានមើលឃើញពីផលលំបាក និងភាពប្រឈមរបស់ម្ចាស់អាជីវកម្មលក់ទំនិញចាប់ហួយភាគច្រើនមាននៅតាមតំបន់ដាច់ស្រយាល ដែលពិបាកក្នុងការបញ្ជាទិញទំនិញ និងត្រូវចំណាយពេលច្រើនក្នុងការទៅដឹកពីហាងធំៗយកមកស្តុកទុកលក់បន្ត។

លោក Ryo Nakano បានឱ្យដឹងថា ក្រុមហ៊ុនរបស់លោកផ្ដោតសំខាន់លើការដឹកជញ្ជូនទំនិញពីហាងធំៗទៅឱ្យអាជីវករដែលលក់ទំនិញចាប់ហួយគ្រប់ប្រភេទនៅតាមបណ្ដាភូមិ ស្រុកនានា ក្នុងខេត្តបាត់ដំបង។ លោកថា ម្ចាស់អាជីវកម្មខ្នាតតូចទាំងនេះ ភាគច្រើនជាស្ត្រី ហើយពួកគាត់តែងតែចំណាយពេលច្រើនជាមួយនឹងការលក់ដូររបស់ពួកគាត់ និងមានចន្លោះប្រហោងក្នុងការគ្រប់គ្រងប្រាក់ចំណូល និងទំនិញដែលនៅសល់។ ដូច្នេះ ATELIER គឺជាដំណោះស្រាយមួយដែលអាចជួយទិញនូវទំនិញគ្រប់ប្រភេទដែលអាជីវករត្រូវការពីហាងទំនិញធំៗនៅក្នុងតម្លៃបោះដុំ ដោយមិនបាច់ឆ្លងកាត់ឈ្មួញកណ្ដាល ហើយថែមទាំងមានការ​ដឹកជូនទៅដល់​ទីតាំងលក់តែម្ដង។ បើទោះជាយ៉ាងនេះក្ដី កន្លងមកដំណើរការបញ្ជាទិញទំនិញក៏នៅមានទាន់មានរបៀបរៀបរយនៅឡើយ ដោយអតិថិជនត្រូវទាក់ទងទៅក្រុមហ៊ុនខាងលើតាមរយៈបណ្ដាញសង្គម ឬលេខទូរស័ព្ទ។ ដូច្នេះហើយ ដើម្បីកាន់តែផ្ដល់ភាពងាយស្រួលដល់ម្ចាស់អាជីវកម្មទាំងនោះ បច្ចុប្បន្ននេះ លោក Ryo Nakano បាន និងកំពុង​ពិនិត្យទៅលើការបង្កើតកម្មវិធីទូរស័ព្ទដៃ (App)ដែលមានភ្ជាប់នូវរូបភាពទំនិញ និងតម្លៃស្រាប់ ដែលម្ចាស់អាជីវកម្មខ្នាតតូចទាំងនោះអាចបញ្ជាទិញបានងាយស្រួល ហើយកម្មវិធីទូរស័ព្ទដៃនេះអាចនឹងដាក់ឱ្យប្រើប្រាស់ជាផ្លូវការនៅក្នុងខែកញ្ញា ឆ្នាំ២០២៤ខាងមុខនេះ។

គួរបញ្ជាក់ថា អាជីវកម្មក្រៅប្រព័ន្ធនេះបានរួមចំណែកច្រើននៅក្នុងសេដ្ឋកិច្ចជាតិរបស់កម្ពុជា ហើយប្រជាពលរដ្ឋដែលកំពុងបម្រើការក្នុងវិស័យសេដ្ឋកិច្ចក្រៅប្រព័ន្ធនេះ មានរហូតទៅដល់ជាង ​៦លាននាក់៕



របាយការណ៍ថ្មីៗ

មើលទាំងអស់ ➧

ព័ត៌មានទូទៅ

មើលទាំងអស់ ➧

កម្ពុជា​រំពឹង​សម្រេច​កំណើន​សេដ្ឋកិច្ច​ ៤​%​ ​នៅ​ឆ្នាំ​ ២០២៦ ​និង​កើន​ដល់​ ៤​,​៨​%​​ នៅ​ឆ្នាំ ​២០២៧

ព្រឹត្តិការណ៍, សេដ្ឋកិច្ច

• 17/11/2026

សេដ្ឋកិច្ច​កម្ពុជា​ត្រូវ​បាន​ព្យាករ​ថា​នឹង​សម្រេច​កំណើន​ក្នុង​រង្វង់​ ៤​%​ ​នៅ​ឆ្នាំ ​២០២៦ ​និង​បន្ត​កើន​ដល់​ ៤​,​៨​%​ ​នៅ​ឆ្នាំ​២០២៧ ​ដោយ​រាជ​រដ្ឋាភិបាល​គ្រោង​ប្រមូល​ចំណូល​ថវិកា​រដ្ឋ​ប្រមាណ​ ​១៥​,​២៤​%​ ​នៃ​ផលិតផល​ក្នុង​ស្រុក​សរុប​ ​(​ផ.ស.ស.​) ​និង​កំណត់​ចំណាយ​សរុប​ថ្នាក់​ជាតិ​ក្នុង​ទំហំ​ ១៥​,​៨៩​%​ ​នៃ​ ​ផ.​ស.ស. ​ដើម្បី​រក្សា​លំនឹង​សង្គម​-​សេដ្ឋកិច្ច​ ​និង​គាំទ្រ​កំណើន​ក្នុង​បរិការណ៍​នៃ​ភាព​មិន​ប្រាកដប្រជា

ណា​តូ ​លុប​ចោល​កិច្ច​ប្រជុំ​កំពូល​ឆ្នាំ ​២០២៧ ​ចំពេល​ភាព​តានតឹង​អាម៉េរិក​-​អឺរ៉ុប​កើនឡើង​

ព្រឹត្តិការណ៍, អាជីវកម្មថ្មី និងនវានុវត្ត

• 17/11/2026

អង្គការ​សន្ធិសញ្ញា​អាត្លង់ទិក​ខាង​ជើង​ ​(​NATO​) ​បាន​សម្រេច​មិន​រៀបចំ​កិច្ច​ប្រជុំ​កំពូល​ថ្នាក់ដឹកនាំ​នៅ​ឆ្នាំ ​២០២៧ ​តាម​ផែនការ​ដើមឡើយ​ ​ដោយសារ​ការ​ខ្វែងគំនិត​គ្នា​កាន់តែ​ខ្លាំង​ឡើង​ក្នុង​ចំណោម​សម្ព័ន្ធមិត្ត​ ​ជាពិសេស​រវាង​សហរដ្ឋ​អាម៉េរិក​ ​និង​ប្រទេស​ជា​សមាជិក​អឺរ៉ុប

កម្មវិធីសហគ្រិនចុងភៅ ឆ្នាំ២០២៦ ! អបអរសាទរទេពកោសល្យចុងភៅជំនាន់ថ្មី និងសហគ្រិនភាពក្នុងវិស័យម្ហូបអាហារ ចាប់ផ្តើមពីគំនិតច្នៃប្រឌិតម្ហូបអាហារ ឆ្ពោះទៅកាន់ឱកាសក្លាយជាសហគ្រិន

ព្រឹត្តិការណ៍, អត្ថបទពាណិជ្ជកម្ម

• 17/11/2026

ភ្នំពេញ ៖ សហគ្រិនខ្មែរបានបញ្ចប់កម្មវិធី «សហគ្រិនចុងភៅ» (Chefpreneur) ឆ្នាំ២០២៦ តាមរយៈការប្រកួតចម្អិនអាហារវគ្គផ្តាច់ព្រ័ត្រ្រ ដោយមានការចូលរួម ពីយុវជនដែលមានទេពកោសល្យ គណៈកម្មការជំនាញ ដៃគូធុរកិច្ច និងអ្នកប្រឹក្សាជំនាញ ក្នុងវិស័យសេវាកម្ម។ កម្មវិធីនេះបានឆ្លុះបញ្ចាំងពីយុទ្ធសាស្ត្រអភិវឌ្ឍសហគ្រិនភាពក្នុងវិស័យម្ហូបអាហារ តាមរយៈការរួមបញ្ចូល ការបណ្តុះបណ្តាលអំពីគំនិតអាជីវកម្ម ការគ្រប់គ្រងថ្លៃដើម ការប្រើប្រាស់គ្រឿងទេសចម្រុះ និងការកសាង ម៉ាកយីហោ

វឌ្ឍនភាព ៖ គម្រោងសង់​ស្ពានឆ្លងទន្លេបាសាក់ (ចាក់អង្រែក្រោម-ព្រែកប្រា) កាន់តែជិតរួចរាល់ កាន់តែធ្វើឱ្យតំបន់ជុំវិញ​នោះ​មានសក្ដានុពលខ្ពស់

ព្រឹត្តិការណ៍, អចលនទ្រព្យ

• 17/11/2026

គម្រោង​សាងសង់ស្ពានឆ្លង​កាត់ទន្លេបាសាក់​ ចាក់អង្រែក្រោម-ព្រែក​ប្រា​ សម្រេច​បានលទ្ធផល​ជាង​៨៧ហើយ គិតត្រឹមខែវិច្ឆិកា ២០២៦​នេះ

កិច្ច​សហការ​បច្ចេកវិទ្យា​ថ្មី​​ ៣ ​ជំរុញ​សន្តិសុខ​សាយប័រ ​AI ​និង​បរិវត្ត​កម្ម​ឌីជីថល​នៅ​កម្ពុជា​

ព្រឹត្តិការណ៍, សេដ្ឋកិច្ច

• 17/11/2026

ក្រុមហ៊ុន​ ​មេគង្គណិត ​បាន​ចុះ​អនុស្សរណៈ​នៃ​ការ​យោគយល់​ចំនួន​ ៣ ​ជាមួយ​ក្រុមហ៊ុន​បច្ចេកវិទ្យា​អន្តរជាតិ​ ​និង​ដៃគូ​ក្នុង​ស្រុក ​ដើម្បី​ពង្រីក​សេវា​សន្តិសុខ​សាយប័រ ​ពង្រឹង​ការ​តភ្ជាប់​មជ្ឈមណ្ឌល​ទិន្នន័យ​ ​និង​ជំរុញ​ការ​ប្រើប្រាស់​បច្ចេកវិទ្យា​បញ្ញា​សិប្បនិម្មិត ​(​AI​)​ ​និង​ដំណោះស្រាយ​ឌីជីថល​នៅ​កម្ពុជា

លទ្ធផលសំខាន់ៗពីកិច្ចប្រជុំកំពូលចិន-អាស៊ាន លើកទី ២៩ ដែលប្រព្រឹត្តទៅនៅទីក្រុងម៉ានីល ប្រទេសហ្វីលីពីន

ព្រឹត្តិការណ៍, អាជីវកម្មថ្មី និងនវានុវត្ត

• 17/11/2026

នាយករដ្ឋមន្ត្រីចិន លោក Li Qiang ជំរុញឱ្យប្រទេសចិន និងអាស៊ានរួមគ្នាការពារ និងអភិវឌ្ឍសហគមន៍រួម ដើម្បីផ្តល់នូវស្ថិរភាព និងភាពប្រាកដប្រជាកាន់តែខ្លាំងដល់ការអភិវឌ្ឍ និងវិបុលភាពរបស់ពិភពលោក

សូហ្វី​ណា ​ហ្វាម​ ​បោះ​ទុន​ ​៦​,​៥​ ​លាន​ដុល្លារ​ ​បង្កើត​កសិដ្ឋាន​មាន់​ពង ​និង​កែច្នៃ​សាច់​ខ្នាត​ធំ​នៅ​ព្រៃ​វែង

ព្រឹត្តិការណ៍, សេដ្ឋកិច្ច

• 17/11/2026

​ក្រុមហ៊ុន​ សូហ្វី​ណា ​ហ្វាម ​ដែល​ជា​ក្រុមហ៊ុន​មាន​ម្ចាស់​ជា​ជនជាតិ​ខ្មែរ​ទាំងស្រុង​ ​បាន​វិនិយោគ​ទុន​ចំនួន​ ៦​,​៥ ​លាន​ដុល្លារ​អាម៉េរិក​ ​ដើម្បី​បង្កើត​កសិដ្ឋាន​ចិញ្ចឹម​មាន់​ពង ​និង​រោងចក្រ​កែច្នៃ​សាច់​មាន់​ខ្នាត​ធំ​ ​នៅ​ស្រុក​កញ្ចៀច ​ខេត្ត​ព្រៃវែង ​ដោយ​គ្រោង​ចាប់ផ្ដើម​ដំណើរការ​នៅ​ថ្ងៃ​ទី​៤​ ​ខែ​មេសា ​ឆ្នាំ​២០២៧

សម្ដេចពិជ័យសេនា នាយឧត្តមសេនីយ៍ផុតលេខផ្កាយមាស៥ ទៀ បាញ់ អញ្ជើញប្រគល់វិញ្ញាបនបត្រសម្គាល់ម្ចាស់អចលនវត្ថុនៅខេត្តសៀមរាប ចំនួន ១៧៥ ៣៦៤ បណ្ណ

Top News, ព្រឹត្តិការណ៍, អចលនទ្រព្យ

• 17/11/2026

សៀមរាប ៖ សម្ដេចពិជ័យសេនា នាយឧត្តមសេនីយ៍ផុតលេខផ្កាយមាស៥ ទៀ បាញ់ ឧត្តមប្រឹក្សាផ្ទាល់ព្រះមហាក្សត្រនៃព្រះរាជាណាចក្រកម្ពុជា និងជាតំណាងរាស្ត្រមណ្ឌលសៀមរាប នាថ្ងៃទី១៦ ខែវិច្ឆិកា ឆ្នាំ២០២៦ បានអញ្ជើញប្រគល់វិញ្ញាបនបត្រសម្គាល់ម្ចាស់អចលនវត្ថុជានិមិត្តរូបជូនម្ចាស់កម្មសិទ្ធិករក្នុងខេត្តសៀមរាប សរុបចំនួន ១៧៥ ៣៦៤ បណ្ណ ស្មើនឹង ៨ស្រុកស្មើនឹង ២៣ឃុំ ដែលក្នុងនោះ៖

អាស៊ាន​ ចុះ MOU ស្តីពី បណ្តាញអគ្គិសនី និងសេដ្ឋកិច្ចឌីជីថល ខណៈប្រទេសចំនួន ៥ ចាប់អារម្មណ៍លើការស្តុកប្រេងក្នុងតំបន់

ព្រឹត្តិការណ៍, សេដ្ឋកិច្ច

• 17/11/2026

បរទេស ៖ រដ្ឋាភិបាលបណ្តាប្រទេសជាសមាជិកអាស៊ានបានចុះហត្ថលេខាលើអនុស្សរណៈនៃការយោគយល់គ្នា (MoU) ស្តីពីបណ្តាញអគ្គិសនីអាស៊ាន (ASEAN Power Grid) ខណៈដែលប្រទេសចំនួន ៥ បង្ហាញចំណាប់អារម្មណ៍លើការស្តុកប្រេងទុកក្នុងតំបន់។ នេះបើតាមការលើកឡើងរបស់រដ្ឋមន្ត្រីក្រសួងពាណិជ្ជកម្មហ្វីលីពីន លោកស្រី Cristina Roque កាលពីថ្ងៃចន្ទ សប្ដាហ៍នេះ បន្ទាប់ពីបញ្ចប់កិច្ចប្រជុំក្រុមប្រឹក្សាសហគមន៍សេដ្ឋកិច្ចអាស៊ានលើកទី ២៨។ លោកស្រី

សហគ្រិនខ្មែរ, Canadia Impact Fund, La French Tech Phnom Penh, Krya Global និង មជ្ឈមណ្ឌលបច្ចេកវិទ្យា AUPP ពង្រឹងប្រព័ន្ធអេកូឡូស៊ីធុរកិច្ចថ្មី និងនវានុវត្តន៍នៅកម្ពុជា

ព្រឹត្តិការណ៍, អត្ថបទពាណិជ្ជកម្ម

• 17/11/2026

ភ្នំពេញ ៖ សហគ្រិនខ្មែរ (Khmer Enterprise) ដែលជាបរធនបាលកិច្ចរបស់រាជរដ្ឋាភិបាល បង្កើតឡើងក្នុងគោលបំណង ជំរុញការអភិវឌ្ឍប្រព័ន្ធអេកូឡូស៊ីសហគ្រិនភាព តាមរយៈការពង្រឹងធុរកិច្ចថ្មី និងសហគ្រាសធុនតូច និងមធ្យម (SMEs) នៅកម្ពុជា កំពុងបង្កើនកិច្ចសហការយុទ្ធសាស្ត្រជាមួយដៃគូក្នុងស្រុក និងអន្តរជាតិ ដើម្បីពង្រីកឱកាសសម្រាប់សហគ្រិន និងធុរកិច្ចថ្មី។ ភាពជាដៃគូនេះ ឆ្លុះបញ្ចាំងពីការប្តេជ្ញាចិត្តរបស់សហគ្រិនខ្មែរ ក្នុងការកសាងប្រព័ន្ធអេកូឡូស៊ីសហគ្រិនភាពមួយដែល


Leave a Reply

Your email address will not be published.Required fields are marked *