អាជីវកម្មនំអាកោខ្ទិះប្រើប្រាស់រូបមន្តប្រចាំគ្រួសារនៅខេត្តក្រចេះទទួលបានការគាំទ្រខ្លាំង

ក្រចេះ ៖ អាជីវកម្មនំអាកោខ្ទិះ ជារបរសាមញ្ញមួយដែលបងប្អូនប្រជាពលរដ្ឋអាចធ្វើបានស្ទើរតែគ្រប់ៗគ្នា ក៏ប៉ុន្តែអ្វីដែលគេត្រូវការ គឺរូបមន្ត និងការច្នៃប្រឌិតឱ្យផលិតផលរបស់ខ្លួនមានភាពលេចធ្លោ ទើបអាចទាក់ចិត្តអតិថិជនបាន។ ក្នុងនោះ មានអាជីវកម្មនំអាកោខ្ទិះមួយប្រើប្រាស់រូបមន្តប្រចាំក្រចាំគ្រួសារ នៅខេត្តក្រចេះ បានបន្តអភិវឌ្ឍបន្ថែម និងទទួលបានការគាំទ្រច្រើនពីសំណាក់អតិថិជន។

អាកោក្រចេះ គឺជាយីហោនំអាកោខ្ទិះមួយកន្លែងស្ថិតនៅក្នុងខេត្តក្រចេះ ដែលកំពុងផលិត និងដាក់លក់នំតាមរ៉ឺម៉កចល័តក្នុងក្រុង និងទទួលបានការគាំទ្រខ្លាំង ដោយសារតែរសជាតិ សោភណភាព អនាម័យ គុណភាព និងការវេចខ្ចប់របស់នំនេះ ហាក់មានភាពទាក់ទាញ មានពណ៌ល្អឆើតទាក់ភ្នែកអ្នកទិញជិតឆ្ងាយ។ 

លោក ស្រ៊ុន សោផល ម្ចាស់អាជីវកម្មនំអាកោក្រចេះ ស្ថិតនៅភូមិអូរឫស្សី២ សង្កាត់អូរឫស្សី ក្រុងក្រចេះ ខេត្តក្រចេះ បានមានប្រសាសន៍ប្រាប់ AMS ឱ្យដឹងថា ៖

“យើងបានចាប់ផ្ដើមអាជីវកម្មនេះគឺចង់រំលែកបន្ទុកឪពុកម្ដាយ ដែលមានវ័យចំណាស់ ណាមួយស្ដាយមុខរបរផលិតនំខ្មែរមួយនេះ ដែលមានអតិថិជនគាំទ្រច្រើនឆ្នាំមកហើយ។ ម្យ៉ាងទៀត យើងក៏ចង់ផ្សព្វផ្សាយបន្ថែមនូវយីហោនំអាកោខ្ទិះខេត្តក្រចេះ ក៏ដូចជាអភិវឌ្ឍបន្ថែមនូវការរៀបចំវេចខ្ចប់ ធ្វើយ៉ាងណាឱ្យមានសោភណភាព និងកាន់តែទាក់ទាញអតិថិជនបន្ថែមទៀត។”

លោករៀបរាប់បន្តទៀតថា ប្រភេទនំដែលយើងផលិតរួមមាន អាកោខ្ទិះ នំចាក់ចាន់ បាញ់បែវ ម្សៅច្រែ នំកូរ តែផលិតផលដែលយើងផ្ដោតខ្លាំង និងទទួលបានការគាំទ្រកន្លងមក គឺនំអាកោខ្ទិះ ដែលយើងមានបីរសជាតិ និងបីពណ៌ផ្សេងៗគ្នា គឺរសជាតិត្នោតមានពណ៌លឿង ដូងមានពណ៌ស និងស្លឹកតើយមានពណ៌បៃតងស្រស់។

ចំពោះចំណុចពិសេសរបស់ផលិតផលយើង គឺយើងប្រើវត្ថុធាតុដើមមានគុណភាព ដូចជាយកអង្ករស្រែមកកិនជាម្សៅ ដោយមិនម្សៅកញ្ចប់ ប្រើដូងស្រស់ និងផលិតថ្មីៗរាល់ថ្ងៃមិនទុកយូរ ដែលជាមូលហេតុធ្វើឱ្យនំមានរសជាតិឆ្ងាញ់ ឈ្ងុយជាប់មាត់។ តួយ៉ាង អាកោខ្ទិះផ្ទាល់ យើងប្រើជាប្រភេទខ្ទិះដុំ មិនហូរប្រឡាក់ ងាយស្រួលវេចខ្ចប់ ពេលធ្វើដំណើរផ្លូវឆ្ងាយ ពិសេសអាចទុកបានយូរមិនងាយផ្អូមផងដែរ។ នេះជាអ្វីដែលម្ចាស់អាជីវកម្មខាងល់បានលើកឡើង។

ចំណែកតម្លៃវិញ នំអាកោក្រចេះត្រូវបានវេចខ្ចប់ជាប្រអប់ ដែលមានតម្លៃចាប់ពី ៣០០០ រៀល រហូតដល់ ១ ម៉ឺនរៀល ឬអតិថិជនអាចកម្ម៉ង់ចាក់ជាកែវក្នុងតម្លៃ ២៥០០-៦០០០ រៀល អាស្រ័យលើតម្រូវការរបស់អតិថិជន ដែលចង់បាន។ ដោយឡែកការផលិតវិញ ក្នុងមួយថ្ងៃ គេអាចផលិតបាន ៦០-៧០ ប្រអប់ ដោយសារការផលិតត្រូវការទាំងពេលវេលា និងកម្លាំង ប៉ុន្តែនៅថ្ងៃឈប់សម្រាក មានកម្លាំងច្រើនអាចផលិតបានពី ៨០-១០០ ប្រអប់ ហើយក៏អាស្រ័យលើការកម្ម៉ង់តាមកម្មវិធីផ្សេងៗផងដែរ។

ទាក់ទងនឹងអតិថិជនវិញ លោក សោផល បានបន្ថែមថា អតិថិជនយើងមានមកពីតាមស្ថាប័នផ្សេងៗ ដែលកម្ម៉ង់ជាអាហារសម្រន់ក្នុងកម្មវិធី ក្រៅពីនេះ ក៏មានអតិថិជនដែលជាអាណាព្យាបាល គាត់ទិញនំទុកឱ្យកូនញ៉ាំចៀសវាងទិញនំកញ្ចប់ ដែលអាចប៉ះពាល់សុខភាព ហើយក៏មានបងប្អូនវ័យចំណាស់ ដែលនិយមទទួលទាននំអាកោទន់ៗ និងនំប្រភេទនំខ្មែរផ្សេងទៀតផងដែរ។

គួរបញ្ជាក់ដែរថា អាជីវកម្មនំអាកោក្រចេះបានចាប់ផ្ដើមឡើងនៅចុងខែកុម្ភៈ ឆ្នាំ២០២០ តែរបរនេះ លោក សោផល ទើបតែធ្វើបន្តពីគ្រួសារដែលប្រកបរបរនេះជិត ៤០ ឆ្នាំ មកហើយ។ ចំណែកដើមទុនដំបូង គឺថ្លៃរ៉ឺម៉ក និងម៉ូតូមួយគ្រឿងអស់ប្រមាណ ២ ពាន់ដុល្លារ ឯសម្ភារផលិតផ្សេងទៀត ដូចជាពែង ឆ្នាំងចំហុយ គឺលោកទទួលបន្តពីឪពុកម្ដាយផ្ទាល់តែម្ដង។

ទន្ទឹមគ្នានេះដែរ ការផលិតនំអាកោក៏ជួបនូវផលលំបាក ដូចជា​ខ្វះកម្លាំងជំនួយក្នុងការផលិត ដោយសារគេត្រូវការពេលយូរ និងកម្លាំងច្រើនក្នុងផលិតពីមួយមុខទៅមួយមុខ។ សម្រាប់ថ្ងៃអនាគត លោក ស្រ៊ុន សោផល ចង់ពង្រីកការផលិត ធ្វើឱ្យនំនេះក្លាយជាផលិតផលប្រចាំតំបន់ ដូចជាក្រូចថ្លុងកោះទ្រង់ដែរ។ ណាមួយ លោកក៏ចង់មានទីតាំងជាក់លាក់សម្រាប់ដាក់លក់នំអាកោក្រចេះ មានជាកន្លែងបង្រៀន និងចែករំលែកការធ្វើនំ ពិសេសអាចឱ្យអតិថិជន ដែលជាអ្នកដំណើរឆ្លងកាត់ទិញជាបញ្ញើជូនមនុស្សជាទីស្រឡាញ់ និងខិតខំរក្សាអាជីវកម្មមួយ ដែលផលិតនំខ្មែរទុកឱ្យក្មេងជំនាន់ឱ្យបានដឹង និងបានស្គាល់៕  



របាយការណ៍ថ្មីៗ

មើលទាំងអស់ ➧

ព័ត៌មានទូទៅ

មើលទាំងអស់ ➧

ទូតអាមេរិកថ្មី បន្តពូនជ្រំ និងជំរុញកិច្ចសហប្រតិបត្តិការទ្វេភាគី ខណៈពាណិជ្ជកម្មកម្ពុជា-អាមេ​រិក ១០ខែ ឆ្នាំ២០២៦ ហក់ឡើងដល់ជិត ១៤ពាន់លានដុល្លារ

ព្រឹត្តិការណ៍, សេដ្ឋកិច្ច

• 19/11/2026

ភ្នំពេញ៖ ឯកអគ្គរដ្ឋទូតសហរដ្ឋអាមេរិកថ្មីប្រចាំកម្ពុជា ឯកឧត្តម Christopher Anderson បានបង្ហាញពីការប្តេជ្ញាបន្តពូនជ្រុំទំនាក់ទំនង និងជំរុញកិច្ចសហប្រតិបត្តិការសេដ្ឋកិច្ច ពាណិជ្ជកម្ម និងវិនិយោគទ្វេភាគីឱ្យកាន់តែរឹងមាំ ខណៈដែលពាណិជ្ជកម្មរវាងប្រទេសទាំងពីរក្នុងរយៈពេល ១០ខែ ឆ្នាំ២០២៦ សម្រេចបានទំហំទឹកប្រាក់រហូតដល់ ១៣,៨២ពាន់លានដុល្លារ ដែលជាសញ្ញាវិជ្ជមានគួរជាទីមោទន។ ក្នុងឱកាសទទួលបានការអនុញ្ញាតចូលជួបសម្តែងការគួរសមជាមួយសម្តេចធិបតី ហ៊ុន ម៉ាណែត នាព្រឹកថ្ងៃទី១៨ ខែវិច្ឆិកា

ទំហំពាណិជ្ជកម្មកម្ពុជា-អូស្ត្រាលី ហក់ឡើងជាង ៣.៥ពាន់លានដុល្លារនៅក្នុងរយៈប៉ុន្មានឆ្នាំចុងក្រោយ

Top News, ព្រឹត្តិការណ៍, សេដ្ឋកិច្ច

• 19/11/2026

ភ្នំពេញ ៖ ពាណិជ្ជកម្មរវាងប្រទេសកម្ពុជា -អូស្ត្រាលី នាពេលបច្ចុប្បន្នបានកើនឡើងប្រមាណ ៣ដង គិតត្រឹមរយៈពេល ៥ ឆ្នាំចុងក្រោយនេះ ដែលកាន់តែបង្កើតឱកាសការងារជាច្រើនសម្រាប់ពលរដ្ឋក្នុងស្រុក ក៏ដូចជាអាជីវកម្មរបស់អូស្ត្រាលីផងដែរ។  យោងតាមរបាយការណ៍របស់ក្រសួងពាណិជ្ជកម្មបានបង្ហាញថា បច្ចុប្បន្ន ទំហំពាណិជ្ជកម្មសរុបរវាងកម្ពុជា និងអូស្ត្រាលី បានកើនឡើងលើសពី ៣ ០០០លានដុល្លារ គិតចាប់ពីឆ្នាំ២០២០ រហូតដល់ដំណាច់ខែតុលា

ប្រទេសសមាជិកសហភាពអឺរ៉ុប បើកភ្លើងខៀវឲ្យមានចុះហត្ថលេខាលើកិច្ចព្រមព្រៀងពាណិជ្ជកម្មជាមួយឥណ្ឌូណេស៊ី

ព្រឹត្តិការណ៍, សេដ្ឋកិច្ច

• 19/11/2026

បរទេស៖ រដ្ឋាភិបាលនៃបណ្តាប្រទេសសមាជិកសហភាពអឺរ៉ុប (EU) អនុម័តលើការចុះហត្ថលេខាស្ដីពីកិច្ចព្រមព្រៀងពាណិជ្ជកម្មជាមួយឥណ្ឌូណេស៊ី ដែលធ្លាប់បានឯកភាពគ្នាកាលពីគ្រាមុន ដើម្បីទប់ទល់ផលប៉ះពាល់ពីការដំឡើងពន្ធគយរបស់អាម៉េរិក នេះបើយោងតាមសេចក្ដីរាយការណ៍ពី Al Jazeera ។ កាលពីថ្ងៃពុធកន្លងទៅនេះ ក្រុមប្រឹក្សាសហភាពអឺរ៉ុបបានចេញសេចក្តីសម្រេចអនុញ្ញាតឱ្យអនុវត្តកិច្ចព្រមព្រៀងពាណិជ្ជកម្មជាមួយឥណ្ឌូណេស៊ីជាបណ្តោះអាសន្ន ដោយភាគីទាំងពីរនឹងលុបចោលពន្ធនាំចូលលើមុខទំនិញជាង ៩០ ភាគរយ ហើយពន្ធនាំចូលចំនួន ៥០ ភាគរយរបស់ឥណ្ឌូណេស៊ីលើការនាំចូលរថយន្តពីសហភាពអឺរ៉ុប នឹងត្រូវលុបបំបាត់ចោលក្នុងរយៈពេល ៥

កាណាឌីយ៉ា អ៊ីមផេក ហ្វាន់ ចាប់ដៃគូជាមួយ Plug and Play APAC ដើម្បីតភ្ជាប់ក្រុមហ៊ុនធុរកិច្ចថ្មី របស់កម្ពុជា ទៅកាន់ឱកាសនានានៅលើឆាកអន្តរជាតិ

ព្រឹត្តិការណ៍, អត្ថបទពាណិជ្ជកម្ម

• 19/11/2026

ភ្នំពេញ ៖ កាណាឌីយ៉ា អ៊ីមផេក ហ្វាន់ (Canadia Impact Fund) បានចុះហត្ថលេខាលើអនុស្សរណៈនៃការយោគយល់គ្នា (MoU) ជាមួយក្រុមហ៊ុន Plug and Play APAC នៅក្នុងព្រឹត្តិការណ៍ហ្រ្វង់កូតិច (FrancoTech) 2026 ដែលបានរៀបចំឡើងនៅមជ្ឈមណ្ឌលតាំងពិព័រណ៍កោះពេជ្រ ក្នុងឱកាសនៃកិច្ចប្រជុំកំពូលហ្វ្រង់កូហ្វូនី

សហគមន៍​កសិកម្ម ​​២៥ ​នៅ​កំពង់ធំ​ ​ទទួល​ត្រាក់ទ័រ​ ​និង​សម្ភារៈ​កសិកម្ម ​ដើម្បី​កាត់បន្ថយ​ថ្លៃ​ដើម​ផលិតកម្ម

ព្រឹត្តិការណ៍, សេដ្ឋកិច្ច

• 19/11/2026

សហគមន៍​កសិកម្ម​ចំនួន​ ​២២ ​និង​សហគមន៍​កសិកម្ម​ទំនើប​ចំនួន​ ៣ ​នៅ​ទូទាំង​ខេត្ដ​កំពង់ធំ​ ​ទទួល​បាន​ត្រាក់ទ័រ​ចំនួន​ ១៦ ​គ្រឿង​ គោយន្ត​ចំនួន​ ​២​ ​គ្រឿង​ ​និង​លាន​ហាល​សម្ងួត​គ្រាប់​ចំនួន​ ​១០ ​កន្លែង​ ​ដើម្បី​ជួយ​បង្កើន​ផលិតភាព​កសិកម្ម ​កាត់បន្ថយ​ថ្លៃ​ដើម​ពលកម្ម ​និង​ពង្រឹង​ភាព​ធន់​នឹង​ការ​ប្រែប្រួល​អាកាសធាតុ

ប្រមុខដឹកនាំអន្តរជាតិកំពូលៗដែលចូលរួមកិច្ចប្រជុំ ហ្វ្រង់កូហ្វូនី លើកទី២០ ឆ្លៀតពេលលម្ហែនៅក្នុងរាជធានីភ្នំពេញយ៉ាងសាមញ្ញ

ព្រឹត្តិការណ៍, អាជីវកម្មថ្មី និងនវានុវត្ត

• 19/11/2026

ក្រៅពីកិច្ចប្រជុំការទូតផ្លូវការ និងកាលវិភាគរដ៏មមាញឹកនៃកិច្ចប្រជុំកំពូលហ្វ្រង់កូហ្វូនីលើកទី២០ ថ្នាក់ដឹកនាំបរទេសជាច្រើនរូបបានទទួលយកបទពិសោធន៍នៃការដើរកម្សាន្តក្នុងរាជធានីភ្នំពេញ ក្រោមទិដ្ឋភាពដ៏សាមញ្ញ។

គម្រោង​ខ្សែ​បញ្ជូន​អគ្គិសនី​​ ២៣០​ គីឡូ​វ៉ុល​ តម្លៃ​ ១៨៣ ​លាន​ដុល្លារ ​បើក​ផ្លូវ​ពង្រីក​ឧស្សាហកម្ម ​និង​បង្កើត​ការងារ​ថ្មី​

ព្រឹត្តិការណ៍, សេដ្ឋកិច្ច

• 19/11/2026

​រាជ​រដ្ឋាភិបាល​កម្ពុជា​ តាមរយៈ​ក្រសួង​រ៉ែ ​និង​ថាមពល ​បាន​ប្រកាស​បើកការដ្ឋាន​សាងសង់​ខ្សែ​បញ្ជូន​អគ្គិសនី​តង់ស្យុង​ ​២៣០​គីឡូ​វ៉ុល​ ប្រវែង​ប្រមាណ​ ​១២០​ គីឡូម៉ែត្រ ​ក្នុង​ទំហំ​ទឹកប្រាក់​ ​១៨៣ ​លាន​ដុល្លារ​អាម៉េរិក​ ​ដោយ​ប្រើប្រាស់​ឥណទាន​ពី​ធនាគារ​អភិវឌ្ឍន៍​អាស៊ី ​(​ADB​)​ ​ដើម្បី​ត​ភ្ជាប់​ខេត្ត​ពោធិ៍សាត់​ ​កំពង់ឆ្នាំង ​និង​កណ្ដាល

FBI ទម្លាយថា ក្រុម Hacker គាំទ្រដោយកូរ៉េខាងជើង ប្រើល្បិច call Video ក្លែងក្លាយ លួចលុយគ្រីបតូជាង ៤០០ លានដុល្លារពីជនរងគ្រោះជាង ៩០០ នាក់

ព្រឹត្តិការណ៍, អាជីវកម្មថ្មី និងនវានុវត្ត

• 19/11/2026

បរទេស ៖ ការិយាល័យស៊ើបអង្កេតសហព័ន្ធអាម៉េរិក (FBI) បានរាយការណ៍ថា ក្រុម Hacker ដែលគាំទ្រដោយរដ្ឋាភិបាលកូរ៉េខាងជើង លួចយករូបិយប័ណ្ណគ្រីបតូ ដែលគិតជាទឹកប្រាក់ជាង ៤០០ លានដុល្លារ ពីជនរងគ្រោះជាង ៩០០ នាក់ ក្នុងរយៈពេល ១៨ ខែកន្លងមក នេះបើយោងតាមការចុះផ្សាយរបស់ BBC។

អាស៊ានបញ្ចប់កិច្ចប្រជុំកំពូលលើកទី៤៩ ជាមួយលទ្ធផលសំខាន់ៗជាង ១០០ និងកិច្ចព្រមព្រៀងសេដ្ឋកិច្ចឌីជីថល

ព្រឹត្តិការណ៍, សេដ្ឋកិច្ច

• 19/11/2026

កិច្ចប្រជុំកំពូលអាស៊ានលើកទី៤៩ និងកិច្ចប្រជុំកំពូលពាក់ព័ន្ធនានា បានបញ្ចប់នៅល្ងាចថ្ងៃទី១៧ ខែវិច្ឆិកា ឆ្នាំ២០២៦ នៅទីក្រុងម៉ានីល ប្រទេសហ្វីលីពីន ដោយសម្រេចបានឯកសារលទ្ធផលជាង ១០០ ស្តីពីកិច្ចសហប្រតិបត្តិការសេដ្ឋកិច្ច ពាណិជ្ជកម្ម ឌីជីថល និងសន្តិសុខតំបន់ ព្រមទាំងបានបញ្ចប់អាណត្តិប្រធានអាស៊ានរបស់ហ្វីលីពីន និងផ្ទេរតំណែងជាផ្លូវការទៅឱ្យសិង្ហបុរីសម្រាប់ឆ្នាំ២០២៧

បណ្តាញ​ផ្លូវ​ដែក​ចិន​បំបែក​កំណត់​ត្រា​ថ្មី​​ ដោយ​មាន​អ្នក​ដំណើរ​ជាង​ ៤ ពាន់​លាន​ដង​ក្នុង​ឆ្នាំ​ ​២០​២៦​

បទយកការណ៍, ព្រឹត្តិការណ៍, អាជីវកម្មថ្មី និងនវានុវត្ត, អាជីវកម្មថ្មី និងនវានុវត្ត

• 19/11/2026

បណ្តាញ​ផ្លូវ​ដែក​ដ៏​ធំ​របស់​ប្រទេស​ចិន ​បាន​ដឹកជញ្ជូន​អ្នក​ដំណើរ​រហូតដល់​ ៤​,​១៣ ​ពាន់​លាន​ដង​ ​ក្នុង​រយៈពេល​ ១០​ ​ខែ​ដំបូង​នៃ​ឆ្នាំ​ ២០២៦ ​ដែល​ជា​កំណត់​ត្រា​ថ្មី​ ​និង​កើនឡើង​ ​៤​,​៧ ​ភាគ​រយ ​បើ​ធៀប​នឹង​រយៈពេល​ដូចគ្នា​កាលពី​ឆ្នាំ​មុន