សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
បរទេស៖ យោងទៅតាមប្រភពពី Weforum បានបង្ហាញថា បច្ចេកវិទ្យាឌីជីថលកំពុងជំរុញការផ្លាស់ប្តូរដល់អាជីវកម្ម និងជំនាញ ដែលធ្វើឲ្យមានប្រកួតប្រជែងនៅក្នុងទីផ្សារការងារ ហើយនិន្នាការបច្ចេកវិទ្យាមួយចំនួននឹងមានឥទ្ធិពលធំបំផុតទៅលើការងារនាពេលអនាគត។
បច្ចុប្បន្ននេះ ស្ថាប័ន ឬកន្លែងធ្វើការស្ទើរតែគ្រប់ទីកន្លែងកំពុងសម្របខ្លួនជាមួយនឹងយុគសម័យឌីជីថល ហើយ ៧០ ភាគរយនៃស្ថាប័នទាំងនោះកំពុងដំណើរការជាមួយឌីជីថលភ្លោះ (digital twin) ដើម្បីបង្កើនល្បឿនសេវាកម្ម។ នៅឆ្នាំ២០៣០ បុគ្គលិកប្រហែល ៧០០ លាននាក់អាចនឹងប្រើប្រាស់បច្ចេកវិទ្យា metaverse និង បច្ចេកវិទ្យាវៃឆ្លាតផ្សេងៗទៀត ជាពីសេសជំនាញផ្នែកផ្នែកព័ត៌មានវិទ្យានឹងមានតម្រូវការខ្លាំងនាពេលអនាគត។ មិនត្រឹមតែប៉ុណ្ណោះ ការទទួលយកបច្ចេកវិទ្យាវៃឆ្លាត AI នៅកន្លែងធ្វើការកំពុងកើនឡើងជាង ៥០ ភាគរយ ដោយសារកំណើនតម្រូវការនៃ ម៉ាស៊ីនសិក្សា(machine learning) ទិន្នន័យវិទ្យាសាស្ត្រ និង ភាសាបច្ចេកទេសសម្រាប់ជំនាញវិស្វកម្ម។
The Internet of Thing (IOT) ដូចជា បច្ចេកវិទ្យាវៃឆ្លាត ការប្រើប្រាស់ម៉ាស៊ីនទំនើបៗ បច្ចេកវិទ្យាសម្រាប់ប្រព័ន្ធសុវត្ថិភាពក្រុមហ៊ុន និង បច្ចេកវិទ្យាតាមដានស្ថានភាពហិរញ្ញវត្ថុបានផ្តល់អត្ថប្រយោជន័ជាច្រើនដល់អាជីវកម្ម។ យោងទៅតាមរបាយការណ៍ Manpower ព្យាករណ៍ថា កំណើននៃការប្រើប្រាស់ឧបករណ៍ផ្សារភ្ជាប់នឹងកើនឡើងដល់ ៣០ ពាន់លាននៅឆ្នាំ២០៣០ ដោយសារការកើនឡើងនៃតម្រូវការរកដំណោះស្រាយសម្រាប់ស្ថាបត្យករ និងវិស្វករ។ Internet of Things (IoT) អាចនាំឲ្យសេវាកម្ម IT រកចំណូលនៅក្នុងទីផ្សារបាន ៥៨ ពាន់លានដុល្លារនៅឆ្នាំ ២០២៥។ មិនត្រឹមតែប៉ុណ្ណោះ កម្មវិធី software កម្រិតខ្ពស់ កំពុងបង្កើនល្បឿននៃការសរសេរកូដ និងពេលវេលាឲ្យលឿនជាងមុន ខណៈដែលការអភិវឌ្ឍន៍កម្មវិធីកូដកម្រិតទាប និងគ្មានកូដ កំពុងពង្រីកខ្លួនដើម្បីចូលក្នុងទីផ្សារការងារឲ្យមានភពទូលំទូលាយជាងមុន។ របាយការណ៍របស់ Manpower បាននិយាយថា ៧០ ភាគរយនៃ software របៀបនេះនឹងកើនឡើងនៅឆ្នាំ ២០២៥ ហើយការងារខាងធ្វើតេស្តកម្មវិធីក៏ជារីកចម្រើនខ្លាំងផងដែរ។ ការផ្លាស់ប្តូរទាំងនេះកំពុងបង្កើនតម្រូវការសម្រាប់បុគ្គលិកដែលមានជំនាញ IT។
Cloud Computing (បច្ចេកវិទ្យាខ្លោដ) គឺជាប្រព័ន្ធ Software ដែលអនុញ្ញាតឱ្យចូលប្រើបណ្តាញដែលមានការចែករំលែក នៃការផ្ទុកទិន្នន័យ, ម៉ាស៊ីនមេ (Server) និងកម្មវិធី Software នៅលើអ៊ីនធឺណិតបែបបច្ចេកវិទ្យាថ្មី ដើម្បីផ្តល់ជូននូវការច្នៃប្រឌិតខ្ពស់ លឿនលឿន ភាពដែលអាចបត់បែនបាន និងអំណោយផលដល់សេដ្ឋកិច្ច។ យោងតាមក្រុមហ៊ុន Manpower បានបង្ហាញថា ៥០ ភាគរយនៃប្រតិបត្តិការកុំព្យូទ័រកម្រិតខ្ពស់ទាំងអស់នឹងផ្អែកលើមុខងារ cloud នៅឆ្នាំ ២០២៥។ លើសពីនេះផងដែរ Amazon, Microsoft និង Google គឺជាអ្នកផ្តល់សេវាកម្ម cloud ឈានមុខ ហើយទីផ្សារការងារនឹងមានតម្រូវការខ្លាំងសម្រាប់អ្នកដែលមានជំនាញនៅក្នុងវិស័យ cloud computing នេះ។
មិនត្រឹមតែប៉ុណ្ណោះ សន្តិសុខតាមប្រព័ន្ធអ៊ីនធឺណិតនឹងមានតម្រូវការកាន់តែខ្លាំងឡើង ដោយសារការធ្វើការជាមួយនឹងបច្ចេកវិទ្យាឌីជីថលនឹងកើនឡើងហានិភ័យនៃឧក្រិដ្ឋកម្មតាមអ៊ីនធឺណិត។ ស្ថាប័ននានានឹងចាំបាច់ត្រូវការពារខ្លួនដើម្បីការពារទិន្នន័យ និងកេរ្តិ៍ឈ្មោះរបស់ពួកគេ ខណដែលAI កំពុងត្រូវបានប្រើប្រាស់កាន់តែខ្លាំងឡើង ដើម្បីពង្រឹងការការពារតាមអ៊ីនធឺណិត។ របាយការណ៍របស់ Manpower និយាយថា ៧៣ ភាគរយនៃអាជីវកម្មកំពុងបង្កើនការចំណាយរបស់ពួកគេលើបច្ចេកវិទ្យា zero-trust ដើម្បីការពារទិន្នន័យ។ បច្ចុប្បន្ននេះ ជំនាញនៅក្នុងវិស័យសន្តិសុខអ៊ីនធឺណិតនៅខ្វះខាតនៅឡើយ ដូច្នេះក្រុមហ៊ុននឹងត្រូវការបណ្តុះបណ្តាលឡើងវិញ និងបង្កើនជំនាញបុគ្គលិកដែលទេពកោសល្យខាងនេះស្រាប់។ ស្របពេលនេះដែរ ស្វ័យប្រវត្តិកម្មត្រូវបានប្រើប្រាស់ដោយស្ថាប័នជាច្រើន ដោយសារវាគឺជាចំណុចសំខាន់នៃគម្រោងផ្លាស់ប្តូរឌីជីថលរបស់ពួកគេ។ របាយការណ៍របស់ Manpower ព្យាករណ៍ថាវិស័យមនុស្សយន្តសកលនឹងមានតម្លៃរហូតដល់ ២៦០ ពាន់លានដុល្លារនៅឆ្នាំ ២០៣០ ហើយស្វ័យប្រវត្តិកម្មនឹងជួយសង្គ្រោះអាជីវកម្មរហូតដល់ ៥៥ ពាន់លានដុល្លារជារៀងរាល់ឆ្នាំចាប់ពីឆ្នាំ ២០២៥។ មិនត្រឹមតែប៉ុណ្ណោះ តម្រូវការសម្រាប់បុគ្គលិកដែលមានជំនាញផ្នែកមនុស្សយន្តកំពុងកើនឡើង ប៉ុន្តែបុគ្គលិកដែលជំនួសដោយស្វ័យប្រវត្តិកម្ម នឹងត្រូវការបណ្តុះបណ្តាល និងការបង្កើនជំនាញផ្សេងទៀត ដើម្បីប្រកួតប្រជែងសម្រាប់តួនាទីថ្មី៕
Account
Security
Favourite Content