ភ្នំពេញ ៖ អាចនិយាយបានថាជាទីតាំងសិប្បកម្មខ្នាតតូច ដែលមានផលិតក៏ដូចជាកែច្នៃនំគ្រប់ប្រភេទសម្រាប់ផ្គត់ផ្គង់នៅលើទីផ្សារបានគ្រប់រដូវកាល ជាមួយនឹងការទទួលបានការគាំទ្រពីអតិថិជនស្ទើរគ្រប់មជ្ឈដ្ឋានទាំងជាតិ និងអន្តរជាតិ ដោយក្នុងនោះរួមមានដូចជាប្រភេទ នំខេក នំសែនព្រះខែ នំដុត ឬនំឡើង ក៏ដូចជាប្រភេទនំ cookies ផងដែរ។

ម៉ាក់នំ-Mak Nom ជាយីហោហាងលក់នំមួយកន្លែងស្ថិតនៅទីក្រុងភ្នំពេញ ដែលកំពុងមានភាពមមាញឹកក្នុងការផលិត កែច្នៃ នំច្រើនប្រភេទសម្រាប់ផ្គត់ផ្គង់តម្រូវការទីផ្សារក្រោមការយកចិត្តទុកដាក់ខ្ពស់ទៅលើរសជាតិ គុណភាព សុវត្ថិភាព ជាចម្បង។

អ្នកស្រី ប៊ុត រ៉ាស៊ីន ជាម្ចាស់សិប្បកម្មផលិតនំខ្នាតតូចក្នុងស្រុកខាងលើនេះបានមានប្រសាសន៍ប្រាប់ AMS ឱ្យដឹងថា អាជីវកម្មមួយនេះបានបង្កើតឡើងជាមួយនឹងទំនុក និងភាពជឿជាក់ច្បាស់លាស់ជាមួយជំនាញ និងបទពិសោធន៍ក្នុងការកែច្នៃ និងផលិតនំជាច្រើនប្រភេទ និងច្រើនរសជាតិ។
អ្នកស្រីបានបន្តថា ៖
“ស្នាដៃដំបូងដែលមានទទួលស្គាល់ និងគាំទ្រទៅលើរសជាតិខ្លាំងជាងគេ គឺប្រភេទនំសែនព្រះខែ ហើយបន្ទាប់មកក៏មាននំតាមរដូវកាលបុណ្យទាន ដូចជាខែសែនចូលឆ្នាំចិន ឬសែនឆេងម៉េងយើងមានជានំឡើងពងមាន់ រដូវកាលបុណ្យ Christmas យើងមាននំ Cookies Gingerbread House សម្រាប់អតិថិជនជាម្ចាស់ហាង ឬក្រុមហ៊ុនដែលគាត់យកទៅដាក់តាំងជាមួយដើម Christmas ឬជនបរទេសខ្លះដែលមកនៅស្រុកខ្មែរហើយគាត់មានការនឹករលឹកដល់ស្រុកកំណើត នៅពេលដែលគាត់បានញ៉ាំនំពីខាងយើង”

អ្នកស្រីបន្តថា ៖
“ចំពោះនំសែនព្រះខែវិញ អតិថិជនតែងទិញសម្រាប់ទទួលទានជួបជុំក្រុមគ្រួសារ ឬទិញជូនជាការដូរដល់ដៃគូរអាជីវកម្មក្នុងឱកាសបុណ្យសែនព្រះខែ ហើយបើអតិថិជនគាត់ចង់ទទួលក្រៅពីរដូវកាលសែន យើងក៏អាចធ្វើជូនគាត់បានផងដែរ។ ក្រៅពីនេះ ក៏មាននំប្រចាំថ្ងៃដូចជា នំឡើងពងមាន់តូច នំ Cakeroll តូចៗ និងនំពងមាន់ស្រូបស្នូល សម្រាប់អ្នកដែលទិញទទួលទានទូទៅ ពិសេសអ្នកធ្វើការនៅការិយាល័យដែលគាត់អាចទទួលទានជាមួយកាហ្វេបានយ៉ាងឆ្ងាញ់ពិសា”
យ៉ាងណាក៏ដោយ ជាមួយនឹងដំណើរការយ៉ាងមមាញឹករបស់សិប្បកម្មមួយនេះក៏មានការប្រកួតប្រជែងច្រើន ដែលធ្វើឱ្យ ម៉ាក់ នំ ទទួលបានប្រជាប្រិយភាពពីការផលិតនំថ្មីៗ មិនមានសារធាតុគីមីរក្សាទុក ផ្តោតលើសុខភាព គុណភាព និងរសជាតិជាចម្បង។

ពាក់ព័ន្ធនឹងការផលិតវិញ ត្រូវបានអ្នកស្រីបង្ហើបប្រាប់ថា សម្រាប់ប្រភេទនំសែនព្រះខែគឺទាមទារការយកចិត្តទុកដាក់ខ្ពស់ ជាពិសេសទៅលើគ្រឿងផ្សំ ព្រោះនំនេះត្រូវការត្រៀមគ្រឿងផ្សំយ៉ាងហោចឱ្យបានមួយខែមុន ដោយសារគ្រឿងផ្សំខ្លះដូចជាទឹកស្ករ ដែលមិនអាចធ្វើភ្លាមយកវាមកប្រើភ្លាមបានទេ ពោលគឺទាមទារការធ្វើទុកប្រមាណ២០ថ្ងៃទៅមួយខែមុន ហើយចំពោះដំណើរការនៃការធ្វើក៏មានច្រើនដំណាក់កាលទម្រាំនំប្រភេទនេះអាចចេញជារូបរាង និងវេចខ្ចប់ដាក់លក់បាន។
ដោយឡែក ចំពោះដំណើរដើមទងនៃអាជីវកម្មនេះវិញ គឺចាប់ផ្តើមបង្កើតឡើងដោយក្តីស្រលាញ់របស់ក្រុមគ្រួសារ ដែលពិបាកក្នុងការរកនំណាដែលមានសុវត្តិភាពចំពោះសុខភាព ពិសេសនំដែលមានរសជាតិមិនសូវផ្អែមសម្រាប់ចាស់ៗអាយុច្រើន មិនមានប្រើប្រាស់សារធាតុគីមីដើម្បីរក្សាទុក ក៏ដូចជានំដែលធ្វើមកថ្មីៗ។
យ៉ាងណាក៏ដោយ អ្នកស្រី រ៉ាស៊ីន ក៏បានបញ្ជាក់ប្រាប់ពីភាពប្រឈម និងផលលំបាកមួយចំនួនផងដែរដូចជា បញ្ហាធនធានមនុស្សនៅមានកម្រិត បញ្ហាដើមទុនបង្វិល បញ្ហាការចាត់ចែងពេលវេលាក្នុងការគ្រប់គ្រងអាជីវកម្ម បញ្ហាវត្ថុធាតុដើមដែលយកមកប្រើប្រាស់មានការឡើងថ្លៃ ដែលជាកត្តាធ្វើឱ្យប៉ះពាល់ដល់ថ្លៃដើមនៃការផលិត។
នៅពេលអនាគត ម្ចាស់អាជីវកម្មខាងលើនេះបានបង្ហាញពីគោលបំណងចង់ពង្រីកទំហំអាជីវកម្មឱ្យបានធំទូលាយ ជាមួយនឹងការបង្កើតបណ្តាញចែកចាយឱ្យបានកាន់តែច្រើន និងអាចផ្តល់ការងារច្រើនបន្ថែមទៀតដល់ប្រជាជនក្នុងតំបន់ ពិសេសនិស្សិតដែលគាត់ចង់ធ្វើការបណ្តើររៀនបណ្តើរ និងបង្កើតប្រភេទនំថ្មីៗ ដែលមានសុវត្ថិភាពចំពោះសុខភាពអ្នកបរិភោគថែមទៀតផង៕

ជីវប្រវត្តិ: ជានិស្សិតនៃសាលកវិទ្យាល័យភូមិន្ទភ្នំពេញ ដេប៉ាតឺម៉ង់ប្រព័ន្ធផ្សព្វផ្សាយ និងសារគមនាគមន៍។ បច្ចុប្បន្ន ជាអ្នករាយការណ៍ព័ត៌មាននៅ AMS Economy ។
របាយការណ៍ថ្មីៗ
មើលទាំងអស់ ➧
CMG អញ្ជើញអ្នកសារព័ត៌មានកម្ពុជា និងអាស៊ានទៅស្វែងយល់ពីសក្តានុពលខេត្តហៃណាន
• 19/10/2026

បុគ្គល ៤ អាចជំនួសតំណែងលោក Zelensky ក្រោយលោក Trump ជំរុញការផ្លាស់ប្តូរនយោបាយអ៊ុយក្រែន
បទយកការណ៍, ព្រឹត្តិការណ៍, សេដ្ឋកិច្ច, អាជីវកម្មថ្មី និងនវានុវត្ត
• 13/10/2026

កាណាដា-អេមីរ៉ាតអារ៉ាប់ រួមគ្នាជំរុញផែនការវិនិយោគ ៥០ ពាន់លានដុល្លារ
បទយកការណ៍, ព្រឹត្តិការណ៍, អាជីវកម្មថ្មី និងនវានុវត្ត
• 18/09/2026

ឥណ្ឌា ពង្រឹងយុទ្ធសាស្ត្រ ដើម្បីគ្រប់គ្រងលើខ្សែសង្វាក់ផ្គត់ផ្គង់បន្ទះឈីបទាំងស្រុងនៅក្នុងស្រុក
បទយកការណ៍, ព្រឹត្តិការណ៍, អាជីវកម្មថ្មី និងនវានុវត្ត
• 10/09/2026

អ្នកជំនាញ ៖ ចង់មានសុវត្ថិភាពគណនីហិរញ្ញវត្ថុគប្បីបង្កើនប្រសិទ្ធភាពលេខសម្ងាត់ឱ្យបានរឹងមាំ
• 09/04/2026
ព័ត៌មានទូទៅ
មើលទាំងអស់ ➧
អូស៊ីអាយស៊ី រៀបចំកិច្ចពិភាក្សាតុមូលជាមួយក្រុមប្រឹក្សាធុរកិច្ចកាណាដា-អាស៊ាន ដោយនាំយកថ្នាក់ដឹកនាំធុរកិច្ចមកពីប្រទេសកាណាដា និងតំបន់មេគង្គមកជួបជុំគ្នានៅអគារ Connexion កោះពេជ្រ
ព្រឹត្តិការណ៍, អត្ថបទពាណិជ្ជកម្ម
• 17/11/2026
ភ្នំពេញ ៖ ក្រុមហ៊ុន អូស៊ីអាយស៊ី (OCIC) បានរៀបចំកម្មវិធីពិភាក្សាតុមូលផ្នែកពាណិជ្ជកម្មរវាងកាណាដា និងតំបន់មេគង្គ នៅថ្ងៃទី ១៤ ខែវិច្ឆិកា ឆ្នាំ ២០២៦ នៅ Innovation Lab ក្នុងអគារ Connexion កោះពេជ្រ។ កម្មវិធីនេះត្រូវបានរៀបចំឡើងដោយក្រុមប្រឹក្សាពាណិជ្ជកម្មកាណាដា-អាស៊ាន (CABC)

ណាតូ លុបចោលកិច្ចប្រជុំកំពូលឆ្នាំ ២០២៧ ចំពេលភាពតានតឹងអាម៉េរិក-អឺរ៉ុបកើនឡើង
ព្រឹត្តិការណ៍, អាជីវកម្មថ្មី និងនវានុវត្ត
• 17/11/2026
អង្គការសន្ធិសញ្ញាអាត្លង់ទិកខាងជើង (NATO) បានសម្រេចមិនរៀបចំកិច្ចប្រជុំកំពូលថ្នាក់ដឹកនាំនៅឆ្នាំ ២០២៧ តាមផែនការដើមឡើយ ដោយសារការខ្វែងគំនិតគ្នាកាន់តែខ្លាំងឡើងក្នុងចំណោមសម្ព័ន្ធមិត្ត ជាពិសេសរវាងសហរដ្ឋអាម៉េរិក និងប្រទេសជាសមាជិកអឺរ៉ុប

កម្មវិធីសហគ្រិនចុងភៅ ឆ្នាំ២០២៦ ! អបអរសាទរទេពកោសល្យចុងភៅជំនាន់ថ្មី និងសហគ្រិនភាពក្នុងវិស័យម្ហូបអាហារ ចាប់ផ្តើមពីគំនិតច្នៃប្រឌិតម្ហូបអាហារ ឆ្ពោះទៅកាន់ឱកាសក្លាយជាសហគ្រិន
ព្រឹត្តិការណ៍, អត្ថបទពាណិជ្ជកម្ម
• 17/11/2026
ភ្នំពេញ ៖ សហគ្រិនខ្មែរបានបញ្ចប់កម្មវិធី «សហគ្រិនចុងភៅ» (Chefpreneur) ឆ្នាំ២០២៦ តាមរយៈការប្រកួតចម្អិនអាហារវគ្គផ្តាច់ព្រ័ត្រ្រ ដោយមានការចូលរួម ពីយុវជនដែលមានទេពកោសល្យ គណៈកម្មការជំនាញ ដៃគូធុរកិច្ច និងអ្នកប្រឹក្សាជំនាញ ក្នុងវិស័យសេវាកម្ម។ កម្មវិធីនេះបានឆ្លុះបញ្ចាំងពីយុទ្ធសាស្ត្រអភិវឌ្ឍសហគ្រិនភាពក្នុងវិស័យម្ហូបអាហារ តាមរយៈការរួមបញ្ចូល ការបណ្តុះបណ្តាលអំពីគំនិតអាជីវកម្ម ការគ្រប់គ្រងថ្លៃដើម ការប្រើប្រាស់គ្រឿងទេសចម្រុះ និងការកសាង ម៉ាកយីហោ

លទ្ធផលសំខាន់ៗពីកិច្ចប្រជុំកំពូលចិន-អាស៊ាន លើកទី ២៩ ដែលប្រព្រឹត្តទៅនៅទីក្រុងម៉ានីល ប្រទេសហ្វីលីពីន
ព្រឹត្តិការណ៍, អាជីវកម្មថ្មី និងនវានុវត្ត
• 17/11/2026
នាយករដ្ឋមន្ត្រីចិន លោក Li Qiang ជំរុញឱ្យប្រទេសចិន និងអាស៊ានរួមគ្នាការពារ និងអភិវឌ្ឍសហគមន៍រួម ដើម្បីផ្តល់នូវស្ថិរភាព និងភាពប្រាកដប្រជាកាន់តែខ្លាំងដល់ការអភិវឌ្ឍ និងវិបុលភាពរបស់ពិភពលោក

សម្ដេចពិជ័យសេនា នាយឧត្តមសេនីយ៍ផុតលេខផ្កាយមាស៥ ទៀ បាញ់ អញ្ជើញប្រគល់វិញ្ញាបនបត្រសម្គាល់ម្ចាស់អចលនវត្ថុនៅខេត្តសៀមរាប ចំនួន ១៧៥ ៣៦៤ បណ្ណ
Top News, ព្រឹត្តិការណ៍, អចលនទ្រព្យ
• 17/11/2026
សៀមរាប ៖ សម្ដេចពិជ័យសេនា នាយឧត្តមសេនីយ៍ផុតលេខផ្កាយមាស៥ ទៀ បាញ់ ឧត្តមប្រឹក្សាផ្ទាល់ព្រះមហាក្សត្រនៃព្រះរាជាណាចក្រកម្ពុជា និងជាតំណាងរាស្ត្រមណ្ឌលសៀមរាប នាថ្ងៃទី១៦ ខែវិច្ឆិកា ឆ្នាំ២០២៦ បានអញ្ជើញប្រគល់វិញ្ញាបនបត្រសម្គាល់ម្ចាស់អចលនវត្ថុជានិមិត្តរូបជូនម្ចាស់កម្មសិទ្ធិករក្នុងខេត្តសៀមរាប សរុបចំនួន ១៧៥ ៣៦៤ បណ្ណ ស្មើនឹង ៨ស្រុកស្មើនឹង ២៣ឃុំ ដែលក្នុងនោះ៖





វិថីហិរញ្ញវត្ថុ























































Account
Security
Favourite Content