សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ ៖ ក្រសួងរ៉ែ និងថាមពល និងក្រុមហ៊ុនដ៏ល្បីឈ្មោះរបស់ចិន Huawei បានចុះហត្ថលេខាលើអនុស្សរណៈនៃការយោគយល់គ្នា ស្តីពី «កិច្ចសហប្រតិបត្តិការបច្ចេកទេសក្នុងវិស័យថាមពលព្រះអាទិត្យ និងបច្ចេកវិទ្យាទំនាក់ទំនងនិងព័ត៌មានវិទ្យា(ICT) » ដើម្បីពង្រឹងផ្នែកបច្ចេកទេស និងការគ្រប់គ្រងប្រព័ន្ធព័ត៌មានវិទ្យា។
គោលបំណងនៃអនុស្សរណៈនៃការយោគយល់គ្នាដែលធ្វើឡើងកាលពីពេលកន្លងទៅថ្មីៗនេះ គឺធ្វើឡើងដើម្បីពង្រឹង លើកកម្ពស់ ជំរុញ និងអភិវឌ្ឍវិស័យថាមពលនៅកម្ពុជា ដែលសំដៅធ្វើយ៉ាងណាឱ្យការផ្គត់ផ្គង់ថាមពលនៅកម្ពុជាមានភាពគ្រប់គ្រាន់ គុណភាព អាចទុកចិត្តបាន និងមានតម្លៃសមរម្យ។ ដោយកិច្ចសហការរវាងក្រសួងរ៉ែ និងថាមពល កម្ពុជា និងក្រុមហ៊ុន Huawei របស់ចិន គឺដើម្បីផ្តោតកិច្ចសហប្រតិបត្តិការសំខាន់ៗចំនួន ០៧ ។
១- សិក្សាស្ដង់ដារបច្ចេកទេសសុវត្ថិភាព និងការសម្របសម្រួលថាមពលពន្លឺព្រះអាទិត្យជាមួយប្រព័ន្ធបណ្ដាញដើម្បីការការពារសិ្ថរភាពនៃបណ្ដាញអគ្គិសនី។ ២- សិក្សាបច្ចេកទេសវិទ្យាប្រព័ន្ធអាគុយផ្ទុកថាមពល(Battery Energy Storage System) និងកំណត់ភាគរយសមស្របនៃប្រព័ន្ធអាគុយផ្ទុកថាមពលនេះ ដើម្បីកាត់បន្ថយផលប៉ះពាល់អវិជ្ជមានដល់បណ្ដាញអគ្គិសនី។៣- សិក្សាប្រព័ន្ធថាមពលពន្លឺព្រះអាទិត្យទោលដែលមិនភ្ជាប់ជាមួយបណ្ដាញអគ្គិសនី ជាពិសេសសម្រាប់បណ្ដាភូមិ និងកោះដែលមិនទាន់មានចរន្ដអគ្គិសនីទៅដល់។ ៤- សិក្សាប្រព័ន្ធគ្រប់គ្រងថ្នាក់ជាតិលើស្ថានីយថាមពលពន្លឺព្រះអាទិត្យទាំងមូល ដើម្បីត្រួតពិនិត្យ និងគ្រប់គ្រងស្ថានីយថាមពលពន្លឺព្រះអាទិត្យទាំងអស់។៥- សិក្សាបច្ចេកវិទ្យាប្រសិទ្ធភាពថាមពល និងដំណោះស្រាយ។៦- សិក្សាបច្ចេកវិទ្យាទំនាក់ទំនង និងព័ត៌មានវិទ្យា បច្ចេកវិទ្យាឌីជីថល និងដំណោះស្រាយផ្សេងៗ និង។៧- សិក្សាលើករណីដែលកើតមាននៅទូទាំងតំបន់អាស៊ីប៉ាស៊ីហ្វិកដើម្បីពង្រឹងសមត្ថភាពសម្រាប់ភាពជាដែគូ។
ឯកឧត្តម ស៊ុយ សែម រដ្ឋមន្រ្ដីក្រសួងរ៉ែ និងថាមពល បានលើកឡើងថា ដើម្បីផ្លាស់ប្តូរពីការផលិត និងការប្រើប្រាស់ថាមពលដែលបញ្ចេញកាបូនច្រើនទៅក្នុងបរិយាកាស ឆ្ពោះទៅការផលិត និងប្រើប្រាស់ថាមពលកកើតឡើងវិញ និងអនុវត្តវិធានការប្រសិទ្ធភាពថាមពល ដោយរក្សានូវការផ្គត់ផ្គង់ថាមពលមួយ ដែលនៅតែមានភាពគ្រប់គ្រាន់ មានគុណភាព អាចជឿទុកចិត្តបាន និងមានតម្លៃសមរម្យ។
ឯកឧត្តម ស៊ុយ សែម បានមានប្រសាសន៍ថា ៖
“បញ្ហាថាមពល បញ្ហាអាកាសធាតុ និងបញ្ហាបរិស្ថាន គឺជាបញ្ហាប្រឈមជាកញ្ចប់សម្រាប់មនុស្សជាតិនៅក្នុងសម័យកាលថ្មីនេះ។ បរិយាការណ៍នេះ បានឆ្លុះបញ្ចាំងឱ្យឃើញពីភាពចាំបាច់ក្នុងការធ្វើបដិវត្តន៍ថាមពលឱ្យបានលឿន និងប្រកបដោយយុត្តិធម៌ និងសមធម៌”
ឯកឧត្តមរដ្ឋមន្រ្ដីបានថ្លែងថា ផែនការនេះនឹងចូលរួមកាត់បន្ថយការបំភាយឧស្ម័នកាបូនិចទៅក្នុងបរិយាកាសឱ្យបានជាអតិបរមា តាមរយៈការបង្កើនចំណែកប្រភពថាមពលស្អាត និងថាមពលកកើតឡើងវិញទៅក្នុងល្បាយនៃផលិតកម្មថាមពលចម្រុះ ព្រមទាំងជំរុញការប្រើប្រាស់ថាមពលឱ្យកាន់តែមានប្រសិទ្ធភាព ក៏ដូចជាជំរុញការតភ្ជាប់ខ្សែបញ្ជូនថាមពលក្នុងតំបន់បន្ថែមទៀត ដែលអាចរួមចំណែកដល់បរិបទថាមពលបៃតងផង និងសន្តិសុខថាមពលផង ដែលការងារទាំងអស់នេះ គឺស្ថិតនៅក្នុងទិសដៅអន្តរកាលថាមពលងដែលគ្រប់គ្នាចង់បាននិងស្របទៅតាមនិន្នាការសកលនាពេលបច្ចុប្បន្ន និងអនាគត។
ឯកឧត្តម ស៊ុយ សែម បានមានប្រសាសន៍ថា ៖
“ក្នុងការអភិវឌ្ឍវិស័យថាមពលរបស់ខ្លួន ក្នុងនោះរាជរដ្ឋាភិបាលកម្ពុជាបាននិងកំពុងខិតខំប្រឹងប្រែងឥតឈប់ឈរ យើងបានរៀបចំផែនការមេអភិវឌ្ឍវិស័យថាមពលអគ្គិសនីសារជាថ្មីពីឆ្នាំ២០២២រហូត ដល់ឆ្នាំ២០៤០ ដែលរាជរដ្ឋាភិបាលកម្ពុជា ទើបនឹងអនុម័តនាពេលថ្មីៗកន្លងមកនេះ។ដោយតម្រង់គោលដៅបង្កើនចំណែក នៃថាមពលកកើតឡើងវិញ ទៅក្នុងល្បាយផលិតអគ្គិសនីនៅកម្ពុជាដល់កម្រិតអតិបរមាដោយរក្សាឱ្យបាននូវសន្តិសុខថាមពល និងស្ថិរភាពនៃការផ្គត់ផ្គង់ថាមពលនៅកម្ពុជា”
យោងតាមក្រសួងរ៉ែ និងថាមពល នៅចុងឆ្នាំ២០២២ រាជធានីខេត្តទាំង២៥ ទីតាំងសេដ្ឋកិច្ចស្ទើតែទាំងអស់ និងភូមិចំនួន ១៣ ៩២៣ ភូមិ ត្រូវជា៩៨.២៧% នៃចំនួនភូមិទូទាំងប្រទេសទទួលបានការផ្គត់ផ្គង់ថាមពលអគ្គិសនីពីប្រព័ន្ធបណ្តាញជាតិ។ នៅសល់ភូមិចំនួន ២៤៥ ភូមិ ស្មើនឹង ១.៧៣% ដែលពុំទាន់មានការផ្គត់ផ្គង់អគ្គិសនីពីបណ្តាញជាតិ គឺជាភូមិដាច់ស្រយាលគ្មានផ្លូវធ្វើដំណើរ ជាតំបន់កោះ ជាភូមិបណ្តែតទឹក និងជាតំបន់លិចទឹកនៅរដូវវស្សាដែលពិបាកក្នុងការរៀបចំខ្សែបណ្តាញអគ្គិសនី។
ចំពោះការភ្ជាប់ចរន្តអគ្គិសនីឱ្យទីតាំងប្រើប្រាស់គ្រប់ប្រភេទនៅចុងឆ្នាំ២០២២នេះ កម្ពុជាសម្រេចលទ្ធផលបាន៣.៥៣លានទីតាំង ដែលនៅក្នុងនោះការភ្ជាប់ចរន្តឱ្យលំនៅដ្ឋានរបស់ប្រជាពលរដ្ឋសម្រេចបាន ៣.២៨ លានខ្នងផ្ទះដែលត្រូវជា ៨៨.៤៤% នៃចំនួនខ្នងផ្ទះសរុប៕
ជីវប្រវត្តិ: បានបញ្ចប់ការសិក្សាថ្នាកអនុបណ្ឌិតផ្នែកប្រព័ន្ធផ្សព្វផ្សាយមកពីសហភាពសូវៀត និងមានបទពិសោធន៍ជាង ២០ឆ្នាំក្នុងវិស័យសារព័ត៌មាន។ បច្ចុប្បន្ន លោកជាអ្នកយកព័ត៌មានសេដ្ឋកិច្ចឱ្យសារព័ត៌មាន AMS Economy ។
របាយការណ៍ថ្មីៗ
មើលទាំងអស់ ➧
អ្នកជំនាញ ៖ ចង់មានសុវត្ថិភាពគណនីហិរញ្ញវត្ថុគប្បីបង្កើនប្រសិទ្ធភាពលេខសម្ងាត់ឱ្យបានរឹងមាំ
• 09/04/2026
ព័ត៌មានទូទៅ
មើលទាំងអស់ ➧
រកឃើញយន្តហោះចម្បាំងជប៉ុន សម័យសង្គ្រាមលោកលើកទី ២ ក្រោយបាត់ខ្លួនអស់ ៨១ ឆ្នាំ
ព្រឹត្តិការណ៍, អាជីវកម្មថ្មី និងនវានុវត្ត
• 10/04/2026
យន្តហោះចម្បាំងមួយគ្រឿង ដែលធ្លាប់ត្រូវបានប្រើប្រាស់អំឡុងសម័យសង្គ្រាមលោកលើកទី ២ ដោយកងទ័ពជើងទឹកអធិរាជជប៉ុន ឬ Imperial Navy ត្រូវបានគេរកឃើញ បន្ទាប់ពីវាបានដេកលង់លក់នៅក្រោមបាតសមុទ្រអស់រយៈពេល ៨១ ឆ្នាំ
៥ឆ្នាំទៀត ចិននឹងមានឡានតាក់ស៊ីគ្មានមនុស្សបើករហូតដល់ ៤លានគ្រឿង
ព្រឹត្តិការណ៍, អាជីវកម្មថ្មី និងនវានុវត្ត
• 10/04/2026
៥ឆ្នាំទៀត ឬនៅឆ្នាំ២០៣០ ប្រទេសចិនបានកំណត់គោលដៅដាក់ដំណើរការឡានតាក់ស៊ីគ្មានមនុស្សបើក ឬបើកបរដោយស្វ័យប្រវត្តិរហូតដល់ ៣០០ ០០០គ្រឿង នៅតាមបណ្តាទីក្រុងធំៗចំនួន៤
ចិន ជោគជ័យសាកល្បងហោះហើរយន្តហោះគ្មានមនុស្សបើកធំបំផុតក្នុងលោក
ព្រឹត្តិការណ៍, អាជីវកម្មថ្មី និងនវានុវត្ត
• 10/04/2026
ចិន កាន់តែវិវឌ្ឍរីកចម្រើនថែមមួយកម្រិតទៀត ស្របពេលដែលមហាយក្សនៅអាស៊ីមួយនេះ បានទទួលជោគជ័យក្នុងការសាកល្បងហោះហើរយន្តហោះដ្រូនដឹកជញ្ជូនធំជាងគេបំផុតរបស់ពិភពលោក
៣ ខែដំបូង កូរ៉េខាងជើង បាញ់តេស្តមីស៊ីល ១៣ គ្រាប់ ខណៈ លោក គីម ជុងអ៊ុន ថាមកពីវិបត្តិភូមិសាស្ត្រនយោបាយ
ព្រឹត្តិការណ៍, អាជីវកម្មថ្មី និងនវានុវត្ត
• 10/04/2026
ត្រឹមរយៈពេល ៣ ខែដំបូងនៃឆ្នាំ២០២៦ នេះ ប្រទេសកូរ៉េខាងជើងបានបាញ់សាកល្បងមីស៊ីលផ្លោងរបស់ខ្លួនចំនួន ៣ លើក និងមានមីស៊ីលសរុបចំនួន ១៣ គ្រាប់
រោងចក្រ Newbustar (crossleader) ជារោងចក្រទីពីរ ដែលមានសិទ្ធិលក់ ចែកចាយ និងផលិតសំបកកង់ឡាននៅខ្មែរ
ព្រឹត្តិការណ៍, អត្ថបទពាណិជ្ជកម្ម
• 10/04/2026
ស្របពេលគ្រប់ទំនិញឡើងថ្លៃស្ទើរគ្រប់មុខដោយសារតែប្រេងឥន្ធន:ឡើងថ្លៃធ្វើឱ្យប៉ះពាល់ដល់ទីផ្សារទំនិញទូទាំងសកលលោក។ ទោះជាយ៉ាងណាក្តីអ្វីដែលល្អសម្រាប់កម្ពុជាត្រូវបានទទួលកាដូពិសេសមុនចូលឆ្នាំថ្មីប្រពៃណីជាតិខ្មែរខាងមុខនេះបែរជាមានវត្តមានសំបកកង់ខ្មែរមួយម៉ាកទៀត ហើយជារោងចក្រទីពីរ ផងដែរដែលមានសិទ្ធិលក់ និងចែកចាយសំបកកង់ឡានផលិតនៅខ្មែរ លើទឹកដីថ្មីនៃខេត្តក្រចេះ ក្រោមការផលិតដោយរោងចក្រឈ្មោះ Newbustar ផលិតសំបកកង់ឡានម៉ាក (crossleader)។
កម្មវិធីពិសេសរបស់ AMS ECONOMY
ព័ត៌មានសង្ខេប
ព័ត៌មានផ្សេងៗទៀត
ជីប ម៉ុង គាំទ្រ និងអភិវឌ្ឍទៅលើវិស័យបច្ចេកវិទ្យា នវានុវត្តន៍ និងវិទ្យាសាស្ត្រ
ទិវាជាតិវិទ្យាសាស្ត្រ បច្ចេកវិទ្យា និងនវានុវត្តន៍ ៖ AI កំពុងក្លាយជាកម្លាំងចលករជំរុញសេដ្ឋកិច្ចឌីជីថល
Account
Security
Favourite Content