សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
បរទេស៖ យោងទៅតាមប្រភពព័ត៌មានពីរ៉យទ័រ បានរាយការណ៍ថា ប្រតិបត្តិការប្រាក់យ័នមានចំណែកលើសប្រាក់ដុល្លារអាមេរិក និងបានក្លាយជារូបិយប័ណ្ណដែលប្រើច្រើនបំផុតនៅក្នុងប្រតិបត្តិការឆ្លងព្រំដែនរបស់ប្រទេសចិនកាលពីខែមុនកន្លងទៅនេះ។
កាលពីខែកុម្ភៈកន្លងទៅនេះ ការទូទាត់ឆ្លងព្រំដែនជាប្រាក់យ័នបានកើនឡើងពី ៤៣៥, ៥ពាន់លានដុល្លារ ដល់ចំនួន ៥៤៩,៩ ពាន់លានដុល្លារនៅខែមីនា។ មិនត្រឹមតែប៉ុណ្ណោះ រូបិយប័ណ្ណចិនត្រូវបានប្រើប្រាស់ប្រហែល ៤៨,៤ ភាគរយនៃប្រតិបត្តិការឆ្លងកាត់ព្រំដែនទាំងអស់ ដែលឆ្លុះបង្ហាញពីនិន្នាការចាកឆ្ងាយពីប្រាក់ដុល្លារ ដែលជាការខិតខំប្រឹងប្រែងរបស់ទីក្រុងប៉េកាំងក្នុងការលើកកម្ពស់ការប្រើប្រាស់ប្រាក់យ័ន។ លើសពីនេះ ប្រាក់ដុល្លារអាមេរិកដែលប្រើប្រាស់ក្នុងប្រតិបត្តិការក្រៅប្រទេសដែលមានដៃគូជាមួយចិនបានថយចុះពី ៤៨,៦ ភាគរយក្នុងខែកុម្ភៈ ធ្លាក់មកនៅត្រឹម ៤៦,៧ ភាគរយនៅខែមីនា។
យ៉ាងណាក៏ដោយ បើទោះបីជាចំណែកនៃប្រាក់យ័នមានប្រតិបត្តិការជាសកលនៅតែមានកម្រិតទាបក៏ដោយ ប៉ុន្តែវាមានការកើនឡើងជាលំដាប់ក្នុងរយៈពេលប៉ុន្មានឆ្នាំកន្លងមកនេះ។ មួយវិញទៀតនោះ ការជៀសឆ្ងាយរបស់ចិនពីប្រាក់ដុល្លារក្នុងពាណិជ្ជកម្មអន្តរជាតិក៏បានបង្កើនល្បឿនប្រឆាំងនឹងផ្ទៃទណ្ឌកម្មរបស់ប្រទេសលោកខាងលិចមកលើរុស្ស៊ីដែលជាប្រទេសផលិត និងនាំចេញថាមពលពិភពលោកដ៏សំខាន់មួយផងដែរ។ ស្របពេលនេះដែរ អ្នកបង្កើតគោលនយោបាយឥណ្ឌាក៏បានចាត់វិធានការឆ្ពោះទៅរកការជៀសឆ្ងាយពីប្រាក់ដុល្លារទៅជាប្រាក់រូពី និង ប្រើប្រាស់នៅក្នុងពាណិជ្ជកម្មទៅវិញទៅមកជាមួយទីក្រុងម៉ូស្គូ។
គួរកត់សម្គាល់ថា ចាប់តាំងពីឆ្នាំមុន ប្រទេសរុស្ស៊ី បាន និងកំពុងជំរុញការប្រើប្រាស់រូបិយប័ណ្ណជំនួសរបស់ខ្លួននៅក្នុងប្រតិបត្តិ ហើយប្រធានាធិបតី វ្ល៉ាឌីមៀ ពូទីន បានផ្តល់យោបល់ថា ប្រាក់យ័នរបស់ចិនគួរតែត្រូវបានប្រើប្រាស់ឱ្យកាន់តែទូលំទូលាយ ដែលមិនត្រឹមតែក្នុងពាណិជ្ជកម្មជាមួយប្រទេសចិនប៉ុណ្ណោះទេ ប៉ុន្តែថែមទាំងនៅក្នុងប្រតិបត្តិការរបស់រុស្ស៊ីជាមួយបណ្តាប្រទេសនៅអាហ្វ្រិក និងអាមេរិកឡាទីនផងដែរ ខណៈដែលទិន្នន័យចុងក្រោយរបស់ធនាគាររុស្ស៊ីបានបង្ហាញថា ប្រាក់យ័នបានក្លាយជាតួអង្គដ៏សំខាន់ក្នុងពាណិជ្ជកម្មបរទេសរបស់ប្រទេសរុស្ស៊ី៕
Account
Security
Favourite Content