សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
គុណភាពដី ជាកត្តាសំខាន់ដែលកសិករត្រូវយកចិត្តទុកដាក់ដើម្បីអាចដាំដំណាំឱ្យទទួលបានទិន្នផលខ្ពស់ តួយ៉ាងប្រភេទដែលមានបញ្ហា និងជំងឺច្រើនដូចជាពពួកបាក់តេរី កសិករក៏អាចច្នៃវត្ថុធាតុដើមងាយៗ ដើម្បីកែប្រែគុណភាពដីឱ្យមានជីជាតិសារឡើងវិញ ទោះបីដីធ្លាប់ចួបបញ្ហាច្រើនលើកឡើងសារហើយក៏ដោយ។
បើតាមការផ្សព្វផ្សាយរបស់ក្រសួងកសិកម្ម រក្ខាប្រមាញ់ និងនេសាទបានបង្ហាញពីវិធីសាស្ត្រងាយៗក្នុងការកែប្រែដីឱ្យមានជីជាតិឡើងវិញតាមរយៈការប្រើប្រាស់វត្ថុធាតុដើមកសិកម្មងាយៗដូចជាល្បាយ ធ្យូងអង្កាម កំបោរសរីរាង្គ កាកស្កររងូ ដែលសុទ្ធសឹងជាគ្រឿងកសិកម្មងាយស្រួលស្វែងរក និងមិនចំណាយច្រើន។
ក្នុងនោះ កសិករដែលចួបបញ្ហាទៅលើប្រភេទដី ដូចជាដីក្នុងរងដាំដំណាំ ដោយទំហំដីមួយម៉ែត្រការ៉េ គេត្រូវការបរិមាណធ្យូងអង្កាម ៣គីឡូក្រាម កំបោរសរីរាង្គ ៦០០ក្រាម និងស្កររងូ ៦០០ក្រាមហើយយកសារធាតុផ្សំទាំង៣ លាយច្របល់ចូលគ្នាឱ្យសព្វ រួចហើយយកទៅដាក់លើរងដំណាំ។
បន្ទាប់ពីបាចសារធាតុខាងលើហើយ អ្នកដាំត្រូវជ្រោយដីឱ្យសព្វ រួចដាក់ទឹកពន្លិចរងដូចគេពន្លិចស្រែដែរ តែនៅពេលទឹកលើរងស្រកអស់ គេត្រូវយកតង់កៅស៊ូទៅគ្របពីលើរងទាំងនោះឱ្យជិតខ្យល់ រួចហើយបង្ហប់ចោល។ ការបង្ហប់នេះដែរ គឺត្រូវគ្របបិទជើងឱ្យជិតល្អដើម្បីឱ្យវាឡើងកម្ដៅ លុះរយៈពេល ៤៥ថ្ងៃក្រោយទើបដីអាចត្រឡប់មកសភាពល្អប្រសើរឡើងវិញ។
គួរបញ្ជាក់ដែរថា វដ្ដជីជាតិ គឺជាលទ្ធផលនៃការប្រើប្រាស់ជីជាតិបានឡើងវិញនៅក្នុងប្រព័ន្ធអេកូឡូស៊ីមួួយ ហើយជីជាតិមានប្រសិទ្ធភាពនៃដំណើរវិលជុំក្នុងប្រព័ន្ធអេកូឡូស៊ី ដោយក្នុងនោះវដ្ដជីជាតិអាចបានមកពីដំណើរការដំណាំដុះ កាកសំណល់ពីផលិតផល និងការប្រើប្រាស់ស្បៀងអាហារ ការស្រូបយកជីជាតិពីដី ការហូរចាក់បំពេញដី ល្បប់ពីធម្មជាតិ ជាដើម។ ឯជីធម្មជាតិលាមកសត្វ និងជីគីមីនានាដែលបានប្រើសម្រាប់រក្សាជីជាតិដីក្នុងផលិតកម្មកសិកម្មក៏ជាប្រភពនៃវដ្ដជីជាតិដែរ៕
Account
Security
Favourite Content