សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
នំពងទាដុត ឬគេនិយមហៅថានំឡើង ជានំដែលគេតែងតែនិយមទទួលទានទាំងចាស់ទាំងក្មេង ហើយក៏ជានំដែលគេនិយមយកទៅដាក់សែនព្រេននៅក្នុងពិធីបុណ្យទានផ្សេងៗ ជាពិសេសនៅក្នុងអំឡុងពេលប្រារព្វពិធីសែនបុណ្យចូលឆ្នាំថ្មីប្រពៃណីជនជាតិចិន-វៀតណាមដែម្ដង ត្បិតគេមានជំនឿថា ការសែននំពងទាដុត ឬនំឡើងនេះអាចជួយលើកជោគជតារាសីខ្ពស់។
កញ្ញា ខ្លប រក្សា ជាម្ចាស់ហាងនំ «រក្សា ខេក» ដែលមានទីតាំងនៅម្ដុំផ្សារពួក ខេត្តសៀមរាប បានប្រាប់ឱ្យដឹងថា ជារៀងរាល់ឆ្នាំ ការលក់នំពងទាដុត ឬនំឡើងនេះ សម្រាប់រដូវបុណ្យចូលឆ្នាំចិនគឺមានកំណើនខ្ពស់ជាងថ្ងៃធម្មតា ឬថ្ងៃបុណ្យផ្សេងៗ ហើយតម្លៃក៏ទទួលបានខ្ពស់ដែរ។
កញ្ញាបានបន្តថា ៖
«ជាទូទៅនៅថ្ងៃធម្មតាដែលមិនមានពិធីបុណ្យប្រពៃណី ខ្ញុំលក់នំខេក ប៉ុន្តែសម្រាប់ក្នុងរដូវបុណ្យចូលឆ្នាំប្រពៃណីជនជាតិចិន-វៀតណាម គឺខ្ញុំមានបន្ថែមនូវនំឡើងសម្រាប់អតិថិជនទិញយកសែនដកជើងធូប ក៏ដូចជាសែនចូលឆ្នាំចិនផងដែរ ព្រោះជារដូវដែលបងប្អូនជាប់សែស្រឡាយចិន-វៀតណាម មានតម្រូវការ។ ក្រៅពីថ្ងៃចូលឆ្នាំចិន ខ្ញុំក៏មានលក់សម្រាប់រដូវបុណ្យសែនផ្នូរ ដែលគេហៅថា សែនឆេងម៉េង ប៉ុន្តែលក់មិនបានច្រើនដូចថ្ងៃចូលឆ្នាំចិននោះទេ»។
កញ្ញា រក្សា បានបញ្ជាក់ទៀតថា ៖
«នំឡើងរបស់យើងខ្ញុំមានច្រើនទំហំ និងតម្លៃផ្សេងៗគ្នា ដូចជា ៥ពាន់រៀល, ៧ពាន់រៀល, ១ម៉ឺនរៀល និង ១ម៉ឺន៥ពាន់រៀល ដែលនំនីមួយៗសុទ្ធតែដុតថ្មីៗ សាច់នំទន់ ស្រួលញ៉ាំជាងនំពងទាធម្មតា ហើយសម្រាប់អ្នកទិញយកទៅដាក់សែនទោះបីទុកយូរក៏នៅតែទន់ មានរសជាតិឆ្ងាញ់»។
ក្នុងឱកាសផ្តល់ព័ត៌មានពីតម្រូវការនំពងទាក្នុងរដូវបុណ្យចូលឆ្នាំថ្មីប្រពៃណីជនជាតិចិន-វៀតណាម នេះ កញ្ញា រក្សា ក៏បង្ហើបឱ្យដឹងដែរថា ការផលិតនំពងទាដុតនេះគឺត្រូវការនូវវត្ថុធាតុដើមចាំបាច់មួយចំនួនដូចជា ម្សៅនំខេក, ពងទា, ស្ករស, អំបិល, ប័រ ឬប្រេងឆាសម្រាប់លាបពុម្ព និងឧបករណ៍សម្រាប់ដុតនំ។ ដោយឡែកសម្រាប់វិធីសាស្ត្រក្នុងផ្សំរសជាតិ និងការដុតគឺត្រូវធ្វើឡើងតាមរូបមន្ត និងបទពិសោធដែលជាជំនាញរបស់គ្រួសាររបស់កញ្ញាតែម្ដង៕
Account
Security
Favourite Content