សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ ៖ ផលិតផលកសិកម្មដ៏មានសក្ដានុពលរបស់កម្ពុជាចំនួន ៣ មុខរួមាន អង្ករ គ្រាប់ស្វាយចន្ទី និងដំណាប់ស្វាយកែវរមៀត នឹងត្រូវបាននាំចេញទៅទីផ្សារអឺរ៉ុបនាដើមសប្ដាហ៍ក្រោយនេះ។ ផលិតផលខ្មែរទាំងបីមុខនេះ នឹងត្រូវនាំចេញដោយ Tropicam Fruit and Vegetable Co., Ltd. និងក្រុមហ៊ុន Smarteden បន្ទាប់ពីក្រុមហ៊ុនទាំង២ បានចុះអនុស្សរណៈនៃការយោគយល់គ្នារួចកាលពីថ្ងៃទី១៧ ខែតុលា ឆ្នាំ២០២៣។
អ្នកឧកញ៉ា ហ៊ុន ឡាក់ ដែលជាសមាជិកក្រុមប្រឹក្សាភិបាល និងជាអគ្គលេខាធិការនៃសមាគមឧកញ៉ាកម្ពុជា បានប្រាប់ AMS Economy នាព្រឹកថ្ងៃទី១៨ ខែតុលា ឆ្នាំ២០២៤ ថា ៖ គ្រាប់ស្វាយចន្ទី និងដំណាប់ស្វាយកែវរមៀត នឹងនាំចេញទៅបារាំងនាដើមសប្តាហ៍ក្រោយនេះ ដែលក្នុងជំហានដំបូងនេះមានចំនួន១កុងតឺណ័រ ហើយនៅដើមខែវិច្ឆិកា ឆ្នាំ២០២៤ នឹងនាំចេញអង្ករចេញទៅសហគមន៍អឺរ៉ុប។
អ្នកឧកញ៉ាបានបញ្ជាក់ទៀតថា៖
« ការនាំចេញផលិតផលខ្មែរទៅអឺរ៉ុបនេះ វាបានបញ្ជាក់ពីអត្តសញ្ញាណខ្មែរ ពីពូជរបស់ខ្មែរ ការផលិត និងវេចខ្ចប់នៅខ្មែរ ព្រមទាំងបានផ្សព្វផ្សាយផលិតផលខ្មែរឱ្យអឺរ៉ុបបានស្គាល់»។
ឯកឧត្តម ស៊ុន ចាន់ថុល ឧបនាយករដ្ឋមន្រ្តី អនុប្រធានទី១ ក្រុមប្រឹក្សាអភិវឌ្ឍន៍កម្ពុជា បានមានប្រសាសន៍ថា៖ កិច្ចសហប្រតិបត្តិការធុរកិច្ចនេះ ចូលរួមជំរុញការនាំចេញ និងបង្កើនវត្តមានផលិតផល និងកសិផលរបស់កម្ពុជានៅក្នុងទីផ្សារអន្តរជាតិឱ្យបានកាន់តែច្រើន។
ឯកឧត្តមឧបនាយករដ្ឋមន្រ្តី បានលើកទឹកចិត្តឱ្យក្រុមហ៊ុនឯកជនពិនិត្យលទ្ធភាពបន្តវិនិយោគលើការកែច្នៃកសិផលផ្សេងៗទៀតដែលមានសក្ដានុពលក្នុងការនាំចេញ ដើម្បីជំរុញបង្កើតការងារក្នុងស្រុក និងប្រើប្រាស់ឱ្យអស់ពីលទ្ធភាពនូវកសិផលដែលកម្ពុជាផលិតបាន។
គូរជម្រាបផងដែរថា ក្នុងរយៈពេល៩ខែ នៃឆ្នាំ២០២៤នេះ កម្ពុជាបាននាំចេញអង្ករបានចំនួន ៤៤៥ ៩១៣តោន តាមរយៈក្រុមហ៊ុននាំចេញអង្ករចំនួន ៥៤ ក្រុមហ៊ុន ទៅកាន់គោលដៅចំនួន ៦៥ ដែលក្នុងនោះទៅកាន់បណ្តាប្រទេសនៅក្នុងតំបន់អឺរ៉ុបចំនួន ២៦ បានបរិមាណអង្ករចំនួន ២២៨ ៧៣១ តោន គិតជាទឹកប្រាក់ចំនួន ១៨៦.៦៧ លានដុល្លារ៕
Account
Security
Favourite Content