អ្នកឧកញ៉ា ម៉ុង ឫទ្ធី និងអ្នកឧកញ៉ា សុខ គង់ សហការគ្នាសាងសង់ផ្លូវមួយខ្សែតភ្ជាប់ផ្លូវជាតិលេខ៤ និងក្រុងបូកគោ

ភ្នំពេញ ៖ ការស្ថាបនាផ្លូវថ្មីមួយខ្សែតភ្ជាប់ផ្លូវជាតិលេខ៤ ទៅកាន់ទីក្រុងភ្នំបូកគោនឹងធ្វើឡើងក្រោមកិច្ចសហការគ្នារវាងអ្នកឧកញ៉ា ម៉ុង ឬទ្ធី អគ្គនាយកក្រុមហ៊ុន ម៉ុង ឫទ្ធី គ្រុប និងអ្នកឧកញ៉ា សុខ គង់ ប្រធានក្រុមប្រឹក្សាភិបាលក្រុមហ៊ុន សូគីម៊ិច អ៊ីនវេសមេនគ្រុប ឆ្លងកាត់ចម្ការដូងប្រេងមួយចំណែកធំ។

ផ្លូវថ្មីមួយខ្សែប្រវែង ២៧គីឡូម៉ែត្រ ដែលតភ្ជាប់ពីផ្លូវជាតិលេខ៤ ឆ្ពោះទៅកាន់ភ្នំបូកគោ នឹងត្រូវស្ថាបនាឡើងក្រោមកិចុ្ចសហការគ្នារវាងអ្នកឧកញ៉ា សុខ គង់ និងអ្នកឧកញ៉ា ម៉ុង ឬទ្ធី។ ការថ្ពក់ដៃសហគ្នារវាងអ្នកឧកញ៉ាទាំងពីរ បានធ្វើឡើងនៅចំពោះមុខឯកឧត្តមឧបនាយករដ្ឋមន្ត្រី ជា សុផារ៉ា រដ្ឋមន្ត្រីក្រសួងរៀបចំដែនដី នគរូបនីយកម្ម និងសំណង់ ដែលអនុលោមទៅតាមការអំពាវនាវរបស់សម្ដេចតេជោ ហ៊ុន សែន នាយករដ្ឋមន្ត្រីនៃកម្ពុជាកាលពីថ្ងៃទី១៨ធ្នូ ឆ្នាំ២០២១កន្លងទៅ ។

ផ្លូវមួយខ្សែដែលទទួលបានការគាំទ្រក្នុងការស្ថាបនានេះ គឺគិតពីចំណុចគីឡូម៉ែត្រលេខ ១៥៨+២០០ (ស្ថិតនៅលើផ្លូវជាតិលេខ៤) រហូតទៅដល់ភ្នំបូកគោ ក្រុងបូកគោ ខេត្តកំពត។ ផ្លូវនេះផងដែរ នឹងស្ថាបនាឡើងដោយឆ្លងកាត់តាមដីសម្បទានសេដ្ឋកិច្ចចំការដូងប្រេងរបស់អ្នកឧកញ៉ា ម៉ុង ឬទ្ធី។

បើតាមក្រសួងរៀបចំដែនដី នគរូបនីយកម្ម និងសំណង់ បានឱ្យដឹងថា អ្នកឧកញ៉ា សុខ គង់ នឹងទទួលរ៉ាប់រងការចំណាយស្ថាបនាផ្លូវ ចំណែកឯអ្នកឧកញ៉ា ម៉ុង ឬទ្ធី នឹងជួយឈូសឆាយដើមដូងប្រេង ដើម្បីបើកផ្លូវស្ថាបនា។

ទន្ទឹមនឹងនេះផងដែរ អ្នកឧកញ៉ា ម៉ុង ឬទ្ធី បានសរសេរនៅលើទំព័រហ្វេសប៊ុកផ្ទាល់ខ្លួនផងដែរថា

“ខ្ញុំមានសង្ឃឹមយ៉ាងមុតមាំថាការថ្ពក់ដៃគ្នានេះអាចនឹងកើតចេញជារូបរាងនូវផ្លូវចាក់ក្រាលកៅស៊ូ AC មួយខ្សែ ប្រវែង២៧គីឡូម៉ែត្រ តភ្ជាប់ពីផ្លូវជាតិលេខ៤ ម្តុំចំណុចប៉េកា ១៥៨ និង ២០០ (PK158+200) ឆ្លងកាត់តាមចម្ការដូងប្រេងឆ្ពោះទៅកាន់ភ្នំបូកគោក្នុងពេលឆាប់ៗដ៏ខ្លីខាងមុខនេះជាក់ជាមិនខានឡើយ”

គួរបញ្ជាក់ថា ជំនួបរវាងអ្នកឧកញ៉ាទាំងពីរត្រូវបានធ្វើឡើងកាលពីថ្ងៃទី២៥ ខែមករា ឆ្នាំ២០២២កន្លងទៅ ក្រោមការរៀបចំរបស់ឯកឧត្តមឧបនាយករដ្ឋមន្ត្រី ជា សុផារ៉ា រដ្ឋមន្ត្រីក្រសួងរៀបចំ ដែនដីនគរូបនីយកម្ម និងសំណង់ ព្រមទាំងមានការអញ្ជើញចូលរួមពីឯកឧត្តម គួច ចំរើន គណៈអភិបាលខេត្តព្រះសីហនុ ព្រមទាំងមន្ត្រីរាជការក្រោមឱវាទក្រសួងជាច្រើនរូបទៀតផងដែរ៕


របាយការណ៍ថ្មីៗ

មើលទាំងអស់ ➧

ព័ត៌មានទូទៅ

មើលទាំងអស់ ➧

បុគ្គលិកក្រុមហ៊ុន Samsung រាប់ពាន់នាក់ធ្វើកូដកម្មបន្ទាប់ពីបរាជ័យក្នុងការចរចាដំឡើងប្រាក់ឈ្នួល

ព្រឹត្តិការណ៍, សេដ្ឋកិច្ច

• 12/07/2024

សហជីពប្រចាំក្រុមហ៊ុនអេឡិចត្រូនិក Samsung នៅប្រទេសកូរ៉េខាងត្បូងបាននិយាយថា បុគ្គលិករាប់ពាន់នាក់បានចាប់ផ្តើមកូដកម្មមិនកំណត់ថ្ងៃ

តម្លៃប្រេងបន្តឡើងថ្លៃជាង ៨៥ ដុល្លារក្នុងមួយបារ៉ែល

ព្រឹត្តិការណ៍, សេដ្ឋកិច្ច

• 12/07/2024

តម្លៃប្រេងឆៅម៉ាក Brent ឡើងថ្លៃ ០,៥ ភាគរយ ឬ ៨៥,០៨ ដុល្លារក្នុងមួយបារ៉ែល ខណៈដែលប្រេងឆៅម៉ាក West Texas Intermediate (WTI) ឡើងថ្លៃ ០,៨ ភាគរយ ឬ ៨២,១០​ ដុល្លារក្នុងមួយបារ៉ែល

តម្លៃជួញដូរហ៊ុននៅកម្ពុជាប្រចាំថ្ងៃ ជាមធ្យមជាង២១ម៉ឺនដុល្លារ តែថ្ងៃខ្លះហក់ឡើងដល់ជាងកន្លះលាន

ព្រឹត្តិការណ៍, សេដ្ឋកិច្ច

• 12/07/2024

តម្លៃជួញដូរហ៊ុនប្រចាំថ្ងៃជាមធ្យមជាង២១ម៉ឺនដុល្លារអាម៉េរិក តែមានថ្ងៃខ្លះបានហក់ឡើងដល់ជាងកន្លះលានដុល្លារ និងប្រមូលបានសាច់ប្រាក់សរុប៣៨៩លានដុល្លារ

គិតត្រឹម ឆមាសទី១ ឆ្នាំ២០២៤ យានយន្តអគ្គិសនីសរុបចំនួន ២ ៩៦៨គ្រឿង បានចុះបញ្ជីជាផ្លូវការ

ព្រឹត្តិការណ៍, សេដ្ឋកិច្ច

• 12/07/2024

ការចុះបញ្ជីយានយន្តអគ្គិសនីដែលជានិន្នាការថ្មី មានការកើនឡើងជារៀងរាល់ថ្ងៃ ដោយប្រជាពលរដ្ឋមានសុទិដ្ឋិនិយមច្រើន និងបង្ហាញការចាប់អារម្មណ៍ខ្ពស់

រយៈពេល ៥ខែ ដើមឆ្នាំ២០២៤ មានទេសចរជាតិ និងអន្តរជាតិសរុបជាង ១២លាន ៦សែននាក់ បានចេញដើរកម្សាន្តនៅទូទាំងប្រទេស

ព្រឹត្តិការណ៍, សេដ្ឋកិច្ច

• 12/07/2024

ទេសចរអន្តរជាតិជាង២លាន៦សែននាក់ បានមកទស្សនាកម្ពុជាក្នុងរយៈពេល៥ខែនៃដើមឆ្នាំ២០២៤ ខណៈទេសចរក្នុងស្រុកមានចំនួន ១០,៦៨៨,០៧៣ នាក់

ក្រសួងកសិកម្ម និងសហគ្រិនខ្មែរ គាំទ្រគោលនយោបាយអាទិភាព«សហគមន៍កសិកម្មទំនើប»

ព្រឹត្តិការណ៍, សេដ្ឋកិច្ច

• 12/07/2024

ក្រសួងកសិកម្ម និង សហគ្រិនខ្មែរ បានចុះ MoU ជាមួយគ្នា ក្នុងគោលបំណងជំរុញការអភិវឌ្ឍប្រព័ន្ធអេកូឡូស៊ី សហគ្រិនភាពឱ្យរស់រវើក

យុទ្ធនាការ «ការទុកដាក់ និងការញែកសំរាម» នឹងជួយឱ្យប្រទេសកម្ពុជាទទួលបានភាពស្អាតតាមដងវីថី និងទីសាធារណៈ

ព្រឹត្តិការណ៍, សេដ្ឋកិច្ច

• 11/07/2024

យុទ្ធនាការ «ការទុកដាក់ និង ការញែកសំរាម» នឹងជួយឱ្យប្រទេសកម្ពុជាទទួលបានភាពស្អាតនៅតាមដងវីថី និងទីសាធារណៈគ្មានសំរាម

អ្នកឧកញ៉ា លឹម ហេង ៖ ការក្លាយខ្លួនជាអ្នករៀបចំកិច្ចប្រជុំកំពូលហ្រ្វង់កូហ្វូនី នឹងចំណេញដល់ការផ្សព្វផ្សាយ​ឱកាស​វិនិយោគក្នុងស្រុក

ព្រឹត្តិការណ៍, សេដ្ឋកិច្ច

• 11/07/2024

នៅឆ្នាំ ២០២៦ ខាងមុខ គឺជាលើកទី២០នៃការរៀបចំកិច្ចប្រជុំកំពូលហ្វ្រង់កូហ្វូនី ក្នុងនោះកម្ពុជាគឺជាប្រទេសមួយដែលបានដាក់បេក្ខភាពក្នុងការរៀបចំ

រយៈពេល៥ខែ កម្ពុជានាំចេញគ្រាប់ស្វាយចន្ទីបានជិត៥៤ម៉ឺនតោន កើនឡើងជាង៦០%

ព្រឹត្តិការណ៍, សេដ្ឋកិច្ច

• 11/07/2024

ក្នុងរយៈពេល៥ខែ នៃឆ្នាំ២០២៤ កម្ពុជាបាននាំចេញគ្រាប់ស្វាយចន្ទីជិត ៥៤ម៉ឺនតោន កើនឡើងជាង៦០ភាគរយ ក្នុងនោះនាំចេញទៅប្រទេសវៀតណាមចំនួន ៦៦ ម៉ឺន ៧ ពាន់តោន

Anti-Dumping អាចជាអាវុធដំបូងដែលចិនប្រើសម្រាប់ធ្វើសង្គ្រាមពាណិជ្ជកម្មជាមួយអឺរ៉ុប

ព្រឹត្តិការណ៍, សេដ្ឋកិច្ច

• 10/07/2024

ចិនកំពុងបន្តធ្វើការស៊ើបអង្កេតទៅលើករណីអនុវត្តច្បាប់ប្រឆាំងទៅនឹងការប្រកួតប្រជែងតម្លៃជាមួយនឹងទំនិញរបស់អឺរ៉ុបមួយប្រភេទ គឺផលិតផលសាច់ជ្រូក និងផលិតផលដែលធ្វើពីសាច់ជ្រូកទាំងអស់