សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ ៖ ក្រសួងរៀបចំដែនដី នគរូបនីយកម្ម និងសំណង់ និងស្ថានទូតអូស្ត្រាលីប្រចាំនៅកម្ពុជា បានចុះហត្ថលេខាលើកិច្ចព្រមព្រៀងមួយ ដើម្បីដាក់ចេញជាផ្លូវការនូវកិច្ចសហប្រតិបត្តិការលើការពង្រឹងសុវត្ថិភាពការងារក្នុងវិស័យសំណង់នៅប្រទេសកម្ពុជា។
ឯកអគ្គរាជទូតអូស្ត្រាលីប្រចាំនៅកម្ពុជា លោក Pablo Kang Kang បានជួបជាមួយឯកឧត្តម ជា សុផារ៉ា ឧបនាយករដ្ឋមន្ត្រី រដ្ឋមន្ត្រី ក្រសួងរៀបចំដែនដី នគរូបនីយកម្ម និងសំណង់ មុននឹងពិធីចុះហត្ថលេខា ដើម្បីពិភាក្សាអំពីការគាំទ្រផ្នែកបច្ចេកទេសរបស់អូស្ត្រាលី នៅក្នុងវិស័យសំណង់ និងប្រធានបទនានា ទាក់ទងនឹង ទំនាក់ទំនងទ្វេភាគីរវាងអូស្ត្រាលី និងកម្ពុជា។
ក្នុងក្របខណ្ឌនៃកិច្ចព្រមព្រៀងនេះ អូស្ត្រាលីបាន និងកំពុងគាំទ្រក្រសួង ដើម្បីបង្កើតគោលការណ៍ណែនាំដំបូងមួយសម្រាប់កម្ពុជា ដែលផ្តោតទៅលើសុខភាព និងសុវត្ថិភាពនៅការដ្ឋានសំណង់ ដើម្បីពង្រឹងសុវត្ថិភាព និងកាត់បន្ថយហានិភ័យនៃការស្លាប់ និងគ្រោះថ្នាក់នានានៅតាមការដ្ឋានសំណង់នៅកម្ពុជា។ ការងារលើគោលការណ៍ណែនាំនេះ បាន និងកំពុងដំណើរការយ៉ាងល្អ ហើយគោលការណ៍ណែនាំនេះ អាចនឹងបញ្ចប់ និងត្រូវបានដាក់ឱ្យអនុវត្តនៅចុងឆ្នាំ ២០២១។ អូស្ត្រាលីក៏នឹងផ្ដល់ការពង្រឹងសមត្ថភាពដល់ក្រុមការងារក្រសួង លើការត្រួតពិនិត្យ និងការពង្រឹងស្តង់ដារថ្មី ក៏ដូចជាការលើកកម្ពស់ការយល់ដឹងរបស់វិស័យឯកជនអំពីទំនួលខុសត្រូវរបស់ពួកគេ ក្នុងការលើកកម្ពស់សុវត្ថិភាពការងារនៅការដ្ឋាន។
លោក Kang បានមានប្រសាសន៍ថា ៖
«ការផ្លាស់ប្តូរយ៉ាងឆាប់រហ័សនៃទីក្រុងនៅកម្ពុជា បានបង្កើតនូវបញ្ហាប្រឈមថ្មីៗបន្ថែមទៀត។ ការដួលរលំនៃអគារធំៗ ក្នុងរយៈពេលប៉ុន្មានឆ្នាំចុងក្រោយនេះ គឺជាសោកនាដកម្មនៅកម្ពុជា។ យើងមើលឃើញពីភាពចាំបាច់របស់អូស្ត្រាលី ក្នុងការឆ្លើយតបយ៉ាងឆាប់រហ័ស និងប្រកបដោយប្រសិទ្ធភាពទៅកាន់សំណើសុំរបស់រដ្ឋាភិបាលកម្ពុជា ក្នុងការគាំទ្រការធ្វើឱ្យប្រសើរឡើងនូវសុវត្ថិភាពរបស់កម្មករសំណង់ ក្រុមគ្រួសាររបស់ពួកគេ និងសាធារណជន រួមទាំងហានិភ័យនានា ទាក់ទងនឹងជំងឺកូវីដ-១៩»
ឯកឧត្តមឧបនាយករដ្ឋមន្ត្រី ជា សុផារ៉ា បានមានប្រសាសន៍ថា ៖
«ចាប់តាំងពីប្រទេសកម្ពុជាបានអនុម័តច្បាប់ស្ដីពីសំណង់ ដ៏មានសារៈសំខាន់ក្នុងឆ្នាំ២០១៩មក យើងបាន និងកំពុងធ្វើការឥតឈប់ឈរលើការអនុវត្តច្បាប់នេះ។ ស្តង់ដារសុវត្ថិភាព ដែលអាចអនុវត្តបាននៅការដ្ឋានសំណង់ គឺជាការចាំបាច់ និងមានសារៈសំខាន់ ហើយយើងសូមសរសើរចំពោះការគាំទ របស់អូស្ត្រាលី ដើម្បីឱ្យយើងអាចឈានទៅមុខយ៉ាងឆាប់រហ័ស»
ជាផ្នែកមួយនៃជំនួយគាំទ្ររបស់អូស្ត្រាលីលើសុវត្ថិភាពការងារក្នុងវិស័យសំណង់នៅឆ្នាំ២០២០ អូស្ត្រាលី ក៏បានរៀបចំឱ្យក្រុមការងារមន្ត្រីកម្ពុជាធ្វើដំណើរទៅប្រទេសអូស្ត្រាលី ដើម្បីរៀនសូត្រវគ្គខ្លីស្តីពីសុវត្ថិភាពសំណង់ដែលរួមទាំងការត្រួតពិនិត្យ ពីការអនុវត្តសុវត្ថិភាពក្នុងការដ្ឋានសំណង់ និងជួបជាមួយទីភ្នាក់ងារអូស្ត្រាលីនានា ដែលទទួលបន្ទុកផ្នែកត្រួតពិនិត្យបញ្ហាសុវត្ថិភាពសំណង់ផងដែរ។ ការគាំទ្រជាបន្តរបស់អូស្ត្រាលីទៅលើសុវត្ថិភាពការងារក្នុងវិស័យសំណង់នេះ ជាផ្នែកមួយនៃកម្មវិធី “វិនិយោគក្នុងវិស័យហេដ្ឋារចនាសម្ព័ន្ធ” របស់អូស្ត្រាលី ដែលមានរយៈពេល ៦ ឆ្នាំ និងមានទឹកប្រាក់ចំនួន ៤៩.៤ លានដុល្លារអូស្ត្រាលី៕
ជីវប្រវត្តិ: លោកមានបទពិសោធន៍ជាង ១០ឆ្នាំក្នុងប្រព័ន្ធផ្សព្វផ្សាយផ្នែកសេដ្ឋកិច្ច អប់រំ សង្គម និងកម្សាន្ត។ បច្ចុប្បន្នលោកជាការីនិពន្ធនៃសារព័ត៌មាន AMS Economy។
របាយការណ៍ថ្មីៗ
មើលទាំងអស់ ➧
កាណាដា-អេមីរ៉ាតអារ៉ាប់ រួមគ្នាជំរុញផែនការវិនិយោគ ៥០ ពាន់លានដុល្លារ
បទយកការណ៍, ព្រឹត្តិការណ៍, អាជីវកម្មថ្មី និងនវានុវត្ត
• 18/09/2026
ឥណ្ឌា ពង្រឹងយុទ្ធសាស្ត្រ ដើម្បីគ្រប់គ្រងលើខ្សែសង្វាក់ផ្គត់ផ្គង់បន្ទះឈីបទាំងស្រុងនៅក្នុងស្រុក
បទយកការណ៍, ព្រឹត្តិការណ៍, អាជីវកម្មថ្មី និងនវានុវត្ត
• 10/09/2026
អ្នកជំនាញ ៖ ចង់មានសុវត្ថិភាពគណនីហិរញ្ញវត្ថុគប្បីបង្កើនប្រសិទ្ធភាពលេខសម្ងាត់ឱ្យបានរឹងមាំ
• 09/04/2026
ព័ត៌មានទូទៅ
មើលទាំងអស់ ➧
ហេតុផលនៅពីក្រោយតម្លៃប្រេងនៅកម្ពុជាបន្តឡើងថ្លៃ ខណៈតម្លៃប្រេងឆៅលើទីផ្សារអន្តរជាតិធ្លាក់ចុះ
Top News, ព្រឹត្តិការណ៍, សេដ្ឋកិច្ច
• 25/09/2026
ភ្នំពេញ ៖ តម្លៃប្រេងឆៅនៅលើទីផ្សារពិភពលោកក្នុងរយៈពេលប៉ុន្មានថ្ងៃចុងក្រោយនេះបានធ្លាក់ចុះ ជាពិសេសនៅក្នុងសប្តាហ៍ទី៤ នៃខែកញ្ញា ដោយសារភាពតានតឹងនៅតំបន់ឈូងសមុទ្របានធូរស្រាលក្រោយកិច្ចចរចារវាងអុីរ៉ង់ ជាមួយនឹងសហរដ្ឋអាមេរិក ក៏ប៉ុន្តែ នៅឯកម្ពុជាវិញ នៅមិនទាន់អាចរក្សាកំណត់ត្រាវិជ្ជមានរបស់ខ្លួនបានឡើយដោយសារខ្លួនពឹងផ្អែកទាំងស្រុកលើការនាំចូលប្រេងចម្រាញ់រួចពីទីផ្សារសិង្ហបុរី ដែលអ្នកផ្គត់ផ្គង់នៅទីនោះ មិនទាន់អាចទិញប្រេងឆៅទៅតាមតម្លៃដែលបានប្រកាសចុះបានភ្លាមៗ។ ដូច្នេះហើយ អ្នកប្រើប្រាស់នៅកម្ពុជាត្រូវប្រឈមនឹងការឡើងថ្លៃយ៉ាងគំហុកនៅតាមស្ថានីយប្រេងឥន្ធនៈ ស្របតាមតារាងកំណត់តម្លៃថ្មីរបស់ក្រសួងពាណិជ្ជកម្ម។ យោងតាមតារាងកំណត់តម្លៃថ្មីរបស់ក្រសួងពាណិជ្ជកម្មបានបង្ហាញថា តម្លៃប្រេងសាំងធម្មតាបានកើនឡើង ៤៥០ រៀល ដល់ ៥,២៥០
កម្មវិធីពិសេសរបស់ AMS ECONOMY
ព័ត៌មានសង្ខេប
Account
Security
Favourite Content