សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
តាមរយៈការប្រើប្រាស់បច្ចេកវិទ្យាច្នៃប្រឌិតខ្ពស់ក្នុងអាជីវកម្មផលិតនូវឧបករណ៍វេចខ្ចប់ បច្ចុប្បន្ន ក្រុមហ៊ុន SCGP Thailand ត្រូវបានគេចាត់ទុកថាជាក្រុមហ៊ុនដ៏ធំ និងនាំមុខគេបំផុតនៃឧស្សាហកម្មវេចខ្ចប់ (Packaging Industry) មួយនៅក្នុងតំបន់ហើយក៏អាចចាត់ទុកជាគំរូនៃអាជីវកម្មបរិយាបន្នដ៏ល្អមួយផងដែរ។
ក្រៅតែពីការធ្វើអាជីវកម្មដែលមានបញ្ជូលនូវបច្ចេកវិទ្យាទំនើបហើយនោះ SCGP ក៏បានគិតគូរយ៉ាងខ្លាំងអំពីការលើកកំពស់ជីវភាពនៃក្រុមកម្មករប្រមូលសំរាម(អេតចាយ)ផងដែរ ពីព្រោះថាពួកគេមានប្រាក់ចំណូលទាប ប៉ុន្តែគឺជាប្រភពនៃការស្វែងរកធនធានសម្រាប់ក្រុមហ៊ុនយកមកកែច្នៃឡើងវិញ ហើយក៏បានបង្ហាញនូវការប្តេជ្ញាចិត្តចំពោះសុខមាលភាពរបស់ពួកគេឲ្យជៀសផុតពីការរងផលប៉ះពាល់ដល់សុខភាពពីការងារប្រមូលសំរាមផងដែរ។
SCGP ទទួលស្គាល់ថា ក្រុមពលរដ្ឋជាកម្មករប្រមូលសំរាមបានដើរតួយ៉ាងសំខាន់បំផុតនៅក្នុងការថែរក្សាភាពស្អាត និងអនាម័យសម្រាប់សង្គមរស់នៅរបស់មនុស្សគ្រប់គ្នា ដូច្នេះ ជាបន្តបន្ទាប់ខ្លួនបានដាក់ចេញនូវកម្មវិធីដែលផ្តល់ប្រយោជន៍ដោយផ្ទាល់ទៅឲ្យពួកគេបូករួមទាំងការផ្តល់ប្រាក់កម្រៃខ្ពស់ជាងឈ្មួញកណ្តាលការផ្តល់សេវាថែទាំងសុខភាពចំពោះគ្រួសារ និងការផ្តល់ឳកាសរកប្រាក់ចំណូលផ្សេងទៀតផង។
មិនត្រឹមតែអាចជួយគាំទ្រដល់សេដ្ឋកិច្ចនៃក្រុមពលរដ្ឋក្រីក្រនោះទេ SCGP ក៏ជឿជាក់ដែរថា តាមរយៈប្រព័ន្ធធ្វើការងារដ៏ត្រឹមត្រូវវានឹងអាចជួយឲ្យសង្គមរស់នៅរបស់ពិភពលោកកាន់តែល្អប្រសើរនិងជៀសឆ្ងាយពីការបំពុលដោយកាកសំណល់នានាដែរ។ កត្តានេះវាបានជួយឲ្យបញ្ហាបរិស្ថានត្រូវបានកាត់បន្ថយ ហើយវាស្របទៅតាមគោលដៅរបស់ក្រុមហ៊ុនដែលធ្វើយ៉ាងណាផលិតនូវផលិតផលដែលអាចកែច្នៃវិញបាន១០០ភាគរយនៅត្រឹមឆ្នាំ២០២៥ខាងមុខនេះ។
គំរូអាជីវកម្មរបស់ SCGP Thailand គឺជាឧទាហរណ៍ដ៏ល្អមួយសម្រាប់ឧស្សាហកម្មវេចខ្ចប់ និងលើសពីនេះវាក៏បានបង្ហាញពីឥទ្ធិពលវិជ្ជមានដែលអាជីវកម្មអាចបង្កើតបានដោយការដោះស្រាយបញ្ហាសង្គម និងបរិស្ថានក្នុងពេលដំណាលគ្នា។ មិនតែប៉ុណ្ណោះ វិធីសាស្រ្តធ្វើអាជីវកម្មប្រកបដោយភាពច្នៃប្រឌិតនេះ នឹងអាចត្រួសត្រាយផ្លូវសម្រាប់អនាគតប្រកបដោយនិរន្តរភាព មិនសម្រាប់ប្រទេសថៃប៉ុណ្ណោះទេ ប៉ុន្តែសម្រាប់តំបន់អាស៊ីអាគ្នេយ៍ទាំងមូលផងដែរ។
គួរឲ្យដឹងដែរថា ធុរកិច្ចបរិយាប័ន្ន គឺជាអាជីវកម្មឈរលើគោលការណ៍ធុរកិច្ច សំដៅទៅលើអង្គភាពទាំងឡាយណាដែលបង្កើតដំណោះស្រាយជាប្រព័ន្ធ មានភាពច្នៃប្រតិដ្ឋ និងមានទ្រង់ទ្រាយធំ ដែលឆ្លើយតបទៅនឹងបញ្ហាប្រឈមពាក់ព័ន្ធរបស់ប្រជាជនក្រីក្រ និងប្រជាជនមានចំណូលទាប (BoP និង B40)។ បន្ទាត់អាជីវកម្មបរិយាប័ន្ន ត្រូវបានបង្កើតឡើងក្នុងគោលបំណងផ្តល់ប្រាក់ចំណូលខ្ពស់គួរសម និងបង្កើននូវស្តង់ដារជីវភាពរស់នៅប្រសើរជាងមុនដល់ក្រុមមនុស្សដែលមានចំណូលទាបនៅបាតពីរ៉ាមីត ៤០% និងក្រុមមនុស្សដែលងាយរងគ្រោះ៕
Account
Security
Favourite Content