អ្នកជំនាញ ៖ បញ្ហាកូវីដនៅកម្ពុជាបច្ចុប្បន្ន នៅមិនទាន់អាចធ្វើឱ្យទីផ្សារអចលនទ្រព្យជាប់គាំងនោះទេ

ភ្នំពេញ ៖ អ្នករកស៊ីក្នុងវិស័យអចលនទ្រព្យមួយចំនួនមានការព្រួយបារម្ភពីការអូសបន្លាយពេលយូរនៃការរីករាលដាលជំងឹកូវីដ១៩ នៅក្នុងប្រទេសកម្ពុជាដែលអាចនឹងធ្វើឱ្យវិស័យអចលនទ្រព្យទទួលរងនូវវិបត្តិកាន់តែធ្ងន់ធ្ងរ ប៉ុន្តែអ្នកជំនាញនៅក្នុងវិស័យមួយនេះមើលឃើញថា ទីផ្សារអចលនទ្រព្យក្នុងស្រុកនៅតែមានចរន្ត និងឱកាសងើបឡើងវិញក្នុងល្បឿនលឿន។

លោក សន សៀប អនុប្រធានសមាគមអ្នកវាយតម្លៃ និងភ្នាក់ងារអចលនវត្ថុកម្ពុជានៅក្នុងកម្មវិធីស្តីពីការប្រឹក្សាយោបល់អាជីវកម្មអចលនវត្ថុ តាមប្រព័ន្ធអនឡាញនៅចុងសប្តាហ៍នេះបានពន្យល់ថា ការអភិវឌ្ឍន៍ប្រព័ន្ធហេដ្ឋារចនាសម្ព័ន្ធសំខាន់ៗនៅក្នុងប្រទេសកម្ពុជាក្នុងពេលមានវិបត្តិនេះ គឺចលនាមួយដែលអាចជួយជំរុញ និងគាស់ឱ្យវិស័យអចលនទ្រព្យកម្ពុជាងើបឡើង និងមានសន្ទុះវិញក្នុងល្បឿនមួយលឿន។

លោកថា ក្នុងរយៈពេលដែលបញ្ហាកូវីដកំពុងរាតត្បាត រដ្ឋាភិបាលមិនមានការផ្អាកនោះទេ ទៅលើការសាងសង់ហេដ្ឋារចនាសម្ព័ន្ធសំខាន់ៗដូចជាគម្រោងផ្លូវក្រវាត់ក្រុងទី៣ ផ្លូវចំនួន៣៤ខ្សែនៅក្នុងក្រុងព្រះសីហនុ ផ្លូវល្បឿនលឿនភ្នំពេញ-ក្រុងព្រះសីហនុ ផ្លូវទាំង៣៨ខ្សែនៅក្នុងក្រុងសៀមរាប គម្រោងផ្លូវជាតិលេខ៥ គម្រោងពង្រីកផ្លូវជាតិលេខ២ និងគម្រោងសាងសង់ព្រលានយន្តហោះជាដើម ដែលទាំងនេះសុទ្ធតែជួយជំរុញទៅលើវិស័យអចលនទ្រព្យ។

លោកបន្តថា ៖

«ក្រៅពីនេះ រដ្ឋាភិបាលក៏មានផែនការចាក់វ៉ាក់សំាងការពារជំងឺកូវីដ១៩ ជូនប្រជាពលរដ្ឋឱ្យបានជាង១០លាននាក់ ខណៈបច្ចុប្បន្ននេះ រដ្ឋាភិបាលកំពុងតែបើកយុទ្ធនាការចាក់វ៉ាក់សំាងជូនពលរដ្ឋនៅក្នុងតំបន់ក្រហម និងតំបន់ផ្សេងទៀតទៅតាមដំណាក់កាលឱ្យបានកាន់តែច្រើន»

លោក សន សៀប ថ្លែងបន្តថា ៖

«អីចឹងយើងឃើញថាហេដ្ឋារចនាសម្ព័ន្ធធំៗនៅក្នុងតំបន់ដែលមានសក្តានុពលខ្លាំង និងកំពុងតែអភិវឌ្ឍន៍ ការអភិវឌ្ឍន៍ផ្លូវជាតិលេខ៣ ផ្លូវជាតិលេខ២ និងផ្លូវជាតិលេខ៥ក៏កំពុងត្រូវបានពង្រីក។ យោងតាមហេតុផលទាំងអស់ហ្នឹងហើយ គឺ នៅពេលដែលស្ថានភាពជំងឹកូវីដ១៩ បានធូស្បើយ ខ្ញុំជឿថាសេដ្ឋកិច្ចនឹងដំណើរការឡើងវិញ»

លោកបានលើកឡើងថា សេដ្ឋកិច្ចរបស់កម្ពុជាបានផ្សារភ្ជាប់ជាមួយនឹងប្រទេសចិនភាគច្រើន និងតំបន់អាស៊ាន ហើយក្បាលម៉ាស៊ីនសេដ្ឋកិច្ចនៅចិន គឺគេដំណើរការឡើងវិញហើយ  ដែលនេះនឹងជំរុញឱ្យសេដ្ឋកិច្ចរបស់កម្ពុជាមានដំណើរការល្អឡើងវិញផងដែរ។  

លោក គាម សៀកឡុង ទីប្រឹក្សាសមាគមអ្នកវាយតម្លៃ និងភ្នាក់ងារអចលនវត្ថុកម្ពុជាបានទទួលស្គាល់ថា ទោះក្នុងកាលៈទេសៈណាក៏ទីផ្សារអចលនទ្រព្យកម្ពុជានៅតែដំណើរទៅមុខ ម៉្យាងទៀតទោះបីជួបបញ្ហាដូចសព្វថ្ងៃក៏ដោយក៏តម្លៃ មិនមានការធ្លាក់ថ្លៃខ្លាំងនោះដែរ។ ម្យ៉ាងទៀត ធនាគារ ក៏នៅតែបន្តផ្តល់កម្ចីជូនដល់អតិថិជនសម្រាប់ប្រើប្រាស់នៅក្នុងវិស័យអចលនទ្រព្យ ដែលនេះនៅតែធ្វើឱ្យស្ថានភាពវិស័យអចលនទ្រព្យនៅតែដំណើរការ និងវិលមករកភាពល្អប្រសើរវិញ។

លោកបន្តថា ៖

«កម្ពុជា កាលពីពេលថ្មីនេះចេញប្រកាសថា បានចាក់វ៉ាក់សំាងការពារជំងឺកូវីដ១៩ ជូនប្រជាពលរដ្ឋបានច្រើនជាងគេងនៅក្នុងតំបន់អាស៊ាន បន្ទាប់ពីប្រទេសសឹង្ហបុរី ហើយនឹងបន្តចាក់ជូនពលរដ្ឋទៀត។ មួយទៀតដំណើរការក្បាលម៉ាស៊ីនសេដ្ឋកិច្ចនៅចិនដំណើរការឡើងវិញ និងការស្ថាបនាប្រព័ន្ធហេដ្ឋារចនាសម្ព័ន្ធទាំងអស់មិនត្រូវបានផ្អាកនោះទេ»

ជាមួយគ្នានេះលោកក៏បានបញ្ជាក់ផងដែរថា នៅពេលដែលកម្ពុជាអាចទប់ស្កាត់ការរាលដាល ដោយដំណើរការនៃការចាក់វាក់សំាង និងស្ថានភាពពីខាងក្រៅល្អឡើងវិញ ហើយបូករួមជាមួយនឹងហេដ្ឋារចនាសម្ព័ន្ធក្នុងប្រទេសល្អ នោះវានឹងទាក់ទាញការវិនិយោគពីបរទេសបន្ថែមពីលើការវិនិយោគ និងអភិវឌ្ឍន៍ក្នុងស្រុកទៀតជាមិនខាន៕


របាយការណ៍ថ្មីៗ

មើលទាំងអស់ ➧

ព័ត៌មានទូទៅ

មើលទាំងអស់ ➧

ទោះបីជាខ្លាំងទាំងការអភិវឌ្ឍ ខ្លាំងទាំងសេដ្ឋកិច្ច-នយោបាយ តែអាមេរិកមិនមើលរំលងទីផ្សារចិញ្ចឹមគោយកសាច់ឡើយ

ព្រឹត្តិការណ៍, សេដ្ឋកិច្ច

• 28/03/2024

ការចិញ្ចឹមសត្វគោនិងឧស្សាហកម្មផលិតសាច់គោប៉ុណ្ណោះសហរដ្ឋអាមេរិកអាចទាញរកចំណូលបានទៅដល់រាប់ពាន់លានដុល្លារជារៀងរាល់ឆ្នាំនិងថែមទាំងមានឈ្មោះជា អ្នកផលិតសាច់គោច្រើនជាងគេបំផុតរបស់ពិភពលោក

World Bank ៖ កម្ពុជាអាចសម្រេចគោលដៅដ៏មានមហិច្ឆតារបស់ខ្លួនក្នុងការបង្កើនចំនួន​យានយន្ត​​អគ្គិសនីនៅលើដងផ្លូវ

ព្រឹត្តិការណ៍, សេដ្ឋកិច្ច

• 28/03/2024

World Bank បានឱ្យដឹងថា ប្រទេសកម្ពុជាអាចសម្រេចគោលដៅដ៏មានមហិច្ឆតារបស់ខ្លួន ក្នុងការបង្កើនចំនួនយានយន្តអគ្គិសនីនៅលើដងផ្លូវ

យុវជនសម័យថ្មីមានទំនោរគាំទ្រអាជីវកម្មបែបទំនើប

ព្រឹត្តិការណ៍, សេដ្ឋកិច្ច

• 28/03/2024

ជាការពិត ការហូរចូលមកនូវប្រព័ន្ធឌីជីថល បានធ្វើឱ្យមានការប្រែប្រួលយ៉ាងខ្លាំងនៅក្នុងស្ថានភាពរស់នៅប្រចាំថ្ងៃរបស់ប្រជាជនកម្ពុជាដែលកាន់តែមានភាពទំនើបកម្មជាងមុន ជាពិសេសបណ្តាមិត្តយុវវ័យកាន់តែមានទំនោរគាំទ្រទៅលើអ្វីដែលថ្មី ប្លែក និងទំនើប...

ពិព័រណ៍ទេសចរណ៍ និងពាណិជ្ជកម្មឆ្នាំ២០២៤ នៅក្រុងព្រះសីហនុ ជំរុញការវិនិយោគ និងបង្កើតផលិតផលទេសចរណ៍ថ្មីៗ

ព្រឹត្តិការណ៍, សេដ្ឋកិច្ច

• 28/03/2024

«ទេសចរណ៍ផ្តល់ឱកាសសម្រាប់ទាំងអស់គ្នា» ជាប្រធានបទនៅក្នុងព្រឹត្តិការណ៍តាំងពិព័រណ៍ទេសចរណ៍ និងពាណិជ្ជកម្មឆ្នាំ២០២៤ ដែលធ្វើឡើងនៅក្រុងព្រះសីហនុ ចាប់ពីថ្ងៃទី២៦-៣០ ខែមីនា ឆ្នាំ២០២៤

ទិវាជាតិវិទ្យាសាស្ត្រ បច្ចេកវិទ្យា និងនវានុវត្តន៍លើកទី២ បិទបញ្ចប់ជាមួយនឹងក្តីសង្ឃឹមសម្រាប់អនាគតផ្នែកវិទ្យាសាស្ត្ររបស់កម្ពុជា

ព្រឹត្តិការណ៍, សេដ្ឋកិច្ច

• 27/03/2024

ទិវាជាតិវិទ្យាសាស្ត្រ បច្ចេកវិទ្យា នវានុវត្តន៍លើកទី២ បានបញ្ចប់ទៅយ៉ាងជោគជ័យ ជាមួយនឹងការអបអរសាទរយ៉ាងក្លៀវក្លានៃកិច្ចសហប្រតិបត្តិការភាពច្នៃប្រតិដ្ឋ

សហគ្រាសឧស្សាហកម្មធំៗចំនួន១៧ របស់ប្រទេសចិន បានបង្ហាញពីចំណាប់អារម្មណ៍ និងបំណងពង្រីកការវិនិយោគ

ព្រឹត្តិការណ៍, សេដ្ឋកិច្ច

• 27/03/2024

សម្តេចមហាបវរធិបតី ហ៊ុន ម៉ាណែត នាយករដ្ឋមន្រ្តី ជួបលោក Shen Mingrong ប្រធានក្រុមហ៊ុន Zhenjiang Zhoung និងប្រតិភូសហគ្រាសឧស្សាហកម្មធំៗ១៧ របស់ចិន

វេទិកា Maekyung Cambodia ទាក់ទាញការវិនិយោគ ពាណិជ្ជកម្ម និងធុរកិច្ច

ព្រឹត្តិការណ៍, សេដ្ឋកិច្ច

• 27/03/2024

កម្ពុជា ធ្វើជាម្ចាស់ផ្ទះរៀបចំវេទិកា Maekyung កម្ពុជា ក្រោមមូលបទ "ព្រះរាជាណាចក្រពោរពេញដោយកាលានុវត្តភាព កិច្ចសហប្រតិបត្តិការជាយុទ្ធសាស្រ្តដើម្បីរុញច្រានកំណើនសម្រាប់អនាគត"

ដំណឹងល្អ ! ជនមានពិការភាពជាម្ចាស់អាជីវកម្មខ្នាតមីក្រូ តូច និងមធ្យម នឹងទទួលបានការលើកកម្ពស់ការបង្កើតផលិតផល និងកម្មសិទ្ធិបញ្ញា

ព្រឹត្តិការណ៍, សេដ្ឋកិច្ច

• 27/03/2024

ជនមានពិការភាពដែលជាម្ចាស់អាជីវកម្ម មីក្រូ តូច និង មធ្យម នឹងទទួលបានការលើកកម្ពស់ក្នុងការបង្កើតផលិតផល សេវាកម្មថ្មីៗ និងរក្សាកម្មសិទ្ធិបញ្ញា

ការជិះរទេះគោនៅប្រដាក គឺជាផលិតផលថ្មីនៃសេវាកម្មទេសចរណ៍កំពុងទាក់ទាញទេសចរបរទេស

ព្រឹត្តិការណ៍, សេដ្ឋកិច្ច

• 27/03/2024

ការជិះរទេះគោ មើលភូមិអ្នកស្រុក និងជីវភាពរស់នៅប្រចាំថ្ងៃរបស់ប្រជាជននៅភូមិប្រដាក បានក្លាយជាគោលដៅទេសចរណ៍យ៉ាងសំខាន់របស់ទេសចរបរទេស

ហេតុការណ៍កប៉ាល់បុកស្ពាននៅទីក្រុង Baltimore នៃរដ្ឋ Maryland បានធ្វើឱ្យមនុស្ស៦នាក់បាត់បង់ជីវិត

ព្រឹត្តិការណ៍, សេដ្ឋកិច្ច

• 27/03/2024

កាលពីថ្ងៃទី ២៦ ខែមីនា រថយន្តជាច្រើនគ្រឿងដែលកំពុងឆ្លងកាត់ស្ពានដែលមានប្រវែងជាង ២,៦ គីឡូម៉ែត្របានធ្លាក់ចូលទឹកបន្ទាប់ពីកប៉ាល់ដឹកកុងតឺន័របានបុកសសរស្ពាន Francis Scott Key