ការដាក់ប្រាក់សន្សំនៅតាមគ្រឹះស្ថានធនាគារនិងហិរញ្ញវត្ថុនៅកម្ពុជាកើនឡើង

ភ្នំពេញ ៖ ការដាក់ប្រាក់សន្សំនៅតាមគ្រឹះស្ថានធនាគារ និងហិរញ្ញវត្ថុមានការកើនឡើងគួរឲ្យកត់សម្គាល់ ជាក់ស្តែងគិតត្រឹមដំណាច់ខែកញ្ញា ឆ្នាំ២០២១ ទំហំប្រាក់បញ្ញើនៅធនាគារពាណិជ្ជ និងគ្រឹះស្ថានមីក្រូហិរញ្ញវត្ថុទទួលប្រាក់បញ្ញើមានចំនួន ៣៧,៣៣ ពាន់លានដុល្លារអាមេរិក ដែលទទួលពីអតិថិជនចំនួន ១២,០៥ លានគណនី។ នេះបើយោងតាមរបាយការណ៍របស់ធនាគារជាតិនៃកម្ពុជា។

ឯកឧត្តម រ័ត្ន សុវណ្ណនរៈ អគ្គនាយកត្រួតពិនិត្យធនាគារជាតិនៃកម្ពុជាបានថ្លែងថា នេះជាលទ្ធផលនៃកិច្ចសហប្រតិបត្តិការល្អរវាងធនាគារជាតិនៃកម្ពុជា សមាគមធនាគារនៅកម្ពុជា សមាគមមីក្រូហិរញ្ញវត្ថុកម្ពុជា និងគ្រឹះស្ថានធនាគារនិងហិរញ្ញវត្ថុទាំងអស់ ដែលបានរួមគ្នាអភិវឌ្ឍន៍វិស័យធនាគារនៅកម្ពុជា ប្រកបដោយចីរភាព ព្រមទាំងជំរុញកម្រិតបរិយាបន្នហិរញ្ញវត្ថុ និងលើកកម្ពស់ការយល់ដឹងផ្នែកហិរញ្ញវត្ថុ ក្នុងគោលដៅបង្កើនលទ្ធភាពទទួលបាននិងការប្រើប្រាស់សេវាហិរញ្ញវត្ថុផ្លូវការ និងបង្កើនជំនឿទុកចិត្តរបស់សាធារណជនមកលើប្រព័ន្ធធនាគារឲ្យកាន់តែប្រសើរ។

ទន្ទឹមនឹងនេះដែរ ធនាគារជាតិនៃកម្ពុជា បាននឹងកំពុងអនុវត្តយ៉ាងសកម្មដើម្បីជំរុញកម្រិតបរិយាបន្នហិរញ្ញវត្ថុនៅកម្ពុជាឲ្យបានកាន់តែប្រសើរឡើង តាមរយៈកិច្ចសហការយ៉ាងជិតស្និទ្ធជាមួយ ក្រសួង-ស្ថាប័នដឹកនាំ និងក្រសួង-ស្ថាប័នពាក់ព័ន្ធនានា ទាំងក្នុងក្របខណ្ឌជាតិ និងអន្តរជាតិ។ យុទ្ធសាស្ត្រជាតិស្តីពីបរិយាបន្នហិរញ្ញវត្ថុឆ្នាំ២០១៩-២០២៥ បានលើកឡើងពីគោលនយោបាយ ដែលចង្អុលបង្ហាញពីគោលដៅក្នុងការជំរុញបរិយាបន្នហិរញ្ញវត្ថុ ដោយបង្កើនលទ្ធភាពទទួលបានសេវាហិរញ្ញវត្ថុផ្លូវការដែលមានគុណភាព កាត់បន្ថយអត្រាស្ត្រី ដែលមិនទាន់ទទួលបានសេវាហិរញ្ញវត្ថុឲ្យបានពាក់កណ្តាលពី ២៧% មក ១៣% និងពង្រីកការប្រើប្រាស់ សេវាហិរញ្ញវត្ថុផ្លូវការពី ៥៥% ទៅ ៧០% ត្រឹមឆ្នាំ២០២៥ ព្រមទាំងធ្វើឲ្យប្រសើរឡើងនូវ សុខុមាលភាពគ្រួសារ និងគាំទ្រកំណើនសេដ្ឋកិច្ច តាមរយៈសកម្មភាពអាទិភាព ចំនួន ៦ ដែលសកម្មភាពមួយក្នុងចំណោមនោះគឺ ការលើកទឹកចិត្តឲ្យមានការសន្សំនៅតាមគ្រឹះស្ថានហិរញ្ញវត្ថុផ្លូវការ។

ឯកឧត្តម រ័ត្ន សុវណ្ណនរៈ បានថ្លែងថា ៖

«ដោយមើលឃើញពីសារៈសំខាន់នៃការសន្សំនេះ ធនាគារជាតិនៃកម្ពុជាបានដាក់ចេញនូវយន្តការនានាជាច្រើន ក្នុងគោលបំណងលើកកម្ពស់កម្រិតបរិយាបន្ន ហិរញ្ញវត្ថុនៅកម្ពុជាតាមរយៈការសន្សំ ដូចជាការបង្កើតវីដេអូអប់រំនានាពាក់ព័ន្ធនឹងការសន្សំប្រាក់ ការផ្សព្វផ្សាយអំពីការសន្សំផ្លូវការតាមរយៈគេហទំព័រផ្លូវការរបស់ធនាគារជាតិនៃកម្ពុជា វិទ្យុ និងទូរទស្សន៍នានា ព្រមទាំងការចងក្រងកម្រងឯកសារនានាដើម្បីចែកជូនប្រជាពលរដ្ឋជាដើម»

លើសពីនេះ ធនាគារជាតិនៃកម្ពុជា ក៏នៅតែបន្តរក្សាបាននូវស្ថិរភាពនៃប្រព័ន្ធធនាគារតាមរយៈការពង្រឹងការត្រួតពិនិត្យគ្រឹះស្ថានធនាគារនិងហិរញ្ញវត្ថុ និងបង្កើនកិច្ចគាំពារអតិថិជនក្នុងគោលដៅរក្សា និងបង្កើនទំនុកចិត្តរបស់សាធារណជនក្នុងការប្រើប្រាស់សេវាហិរញ្ញវត្ថុផ្លូវការ និងជាពិសេសការដាក់ប្រាក់សន្សំ ជៀសជាងការទុកប្រាក់នៅផ្ទះដែលអាចប្រឈមនឹងហានិភ័យបាត់បង់ និងមិនអាចបង្កើនចំណូលបន្ថែម ពីប្រាក់សន្សំជាដើម។ បន្ថែមពីនេះ ធនាគារជាតិនៃកម្ពុជា ក៏បានរៀបចំសិក្ខាសាលាផ្សព្វផ្សាយដល់អាជ្ញាធរ និងប្រជាជននៅតាមបណ្តាក្រុង-ស្រុកនានា ឲ្យមានការប្រុងប្រយ័ត្នចំពោះការឃោសនាបោកប្រាស់របស់ជនខិលខូចមួយចំនួន ដែលដើរប្រមូលប្រាក់ពីប្រជាជនដោយសន្យាឲ្យការប្រាក់ខ្ពស់ ហើយរត់គេចខ្លួនដែលធ្វើឲ្យប្រជាជនមានការខាតបង់ប្រាក់ ហើយអ្នកខ្លះទៀតថែមទាំងធ្លាក់ខ្លួនក្នុងការខ្ចីបំណុលពីគេ ដើម្បីដាក់ឲ្យជនខិលខូចទាំងនោះ ដោយរំពឹងថានឹងអាចទទួលបានការប្រាក់ខ្ពស់។ គួររំលឹកផងដែរ មានតែគ្រឹះស្ថានធនាគារពាណិជ្ជ និងគ្រឹះស្ថានមីក្រូហិរញ្ញវត្ថុទទួលប្រាក់បញ្ញើប៉ុណ្ណោះដែលអាចទទួលប្រាក់បញ្ញើពីសាធារណជនបាន៕

លោក អ៊ា សុវណ្ណារ៉ា | Mr. Ea Sovannara

ជីវប្រវត្តិ: លោកមានបទពិសោធន៍ជាង ១០ឆ្នាំក្នុងប្រព័ន្ធផ្សព្វផ្សាយផ្នែកសេដ្ឋកិច្ច អប់រំ សង្គម និងកម្សាន្ត។ បច្ចុប្បន្នលោកជាការីនិពន្ធនៃសារព័ត៌មាន AMS Economy។

ទំនាក់ទំនងលេខទូរសព្ទ៖

023 22 02 02 ឬ 1800 200 200

ការប្រាក់ត្រឹមតែ

សម្រាប់ឆ្នាំទី១

ទំហំកម្ចីជាង២០.០០០ដុល្លារ

ជ្រើសរើសយានយន្ដតាមតម្រូវការ !

សម្រាប់ព័ត៌មានបន្ថែម សូមទាក់ទង៖

089 555 409 ឬ 089 999 150

*លក្ខខណ្ឌផ្សេងៗត្រូវបានអនុវត្ត

ទំហំកម្ចីរហូតដល់

(ឬសមមូលប្រាក់រៀល)

មិនត្រឹមតែយានយន្តថ្មី ទោះជាយានយន្តកំពុងប្រើប្រាស់

ក៏អាចយកកាតគ្រីមក អិលអូអិលស៊ី

ដើម្បីទទួលបាន ប្រាក់កម្ចី

របាយការណ៍ថ្មីៗ

មើលទាំងអស់ ➧

ការដាំបន្លែជាលក្ខណៈគ្រួសារ ទទួលបានបន្លែសុវត្ថិភាពសម្រាប់ទទួលទានផង និងអាចរកចំណូលបានទៀត

ជំនួញ, បទយកការណ៍

• 20/11/2025

ចំណេះដឹងកសិកម្ម ៖ ងាយៗបច្ចេកទេសផលិតស្កររងូ សម្រាប់ផលិតមេជី និងមេចំណីសត្វ

ជំនួញ, បទយកការណ៍

• 19/11/2025

ដាំស្លឹកគ្រៃ លក់បានទាំងដើម ហើយយកស្លឹកចម្រាញ់ប្រេងលក់បានទៀត

ជំនួញ, បទយកការណ៍

• 18/11/2025

ស្វែងយល់ពីបច្ចេកទេសងាយៗក្នុងការផលិតថ្នាំពុលធម្មជាតិសម្រាប់ការពារដំណាំយកស្លឹកពីសត្វល្អិត

ជំនួញ, បទយកការណ៍

• 17/11/2025

Khmer Insider ជាកម្មវិធីវីដេអូឯកសារមួយដែលបង្កើតឡើងដើម្បីបំផុសគំនិតយុវជន

បទយកការណ៍, អាជីវកម្មថ្មី និងនវានុវត្ត

• 16/10/2024

Khmer Insider ជាកម្មវិធីវីដេអូឯកសារមួយដែលបង្កើតឡើងដើម្បីបំផុសគំនិតយុវជនឲ្យក្លាហានចាប់យកក្តីស្រមៃ ឬចាប់អារម្មណ៍លើការបង្កើតអាជីវកម្មថ្មីៗជាមួយគំនិត ទុន និងឱកាសទីផ្សារផ្សេងៗ

អាជីវកម្មយកសំបុកត្រចៀកកាំក្នុងស្រុកកំពុងមានទីផ្សារ

ជំនួញ, បទយកការណ៍

• 15/12/2023

គ្រាន់តែឮពាក្យថា សំបុកត្រចៀកកាំ ភាគច្រើនគេតែងតែគិតពីរសជាតិ និងគុណតម្លៃចំពោះសុខភាពដែលទទួលបានពីការទទួលទានភេសជ្ជៈ ឬអាហារដែលចម្រាញ់ចេញពីសំបុកត្រចៀកកាំ។

មុខរបរលក់ដំឡូងស្ងោរមួយកញ្ច្រែង តែអាចរកចំណូលបានជាង ៤០ ម៉ឺនរៀលក្នុងមួយថ្ងៃ

ជំនួញ, បទយកការណ៍

• 17/11/2023

និយាយពីរបរលក់ដំឡូងស្ងោរចល័តតាមដងផ្លូវក្នុងរាជធានីភ្នំពេញ គេមិនអាចមើលរំលងបាននោះទេនូវអាជីវករសកម្មនៅភូមិព្រែកពោធិ ដែលតែងតែជិះរថយន្តឈ្នួលឡើងមកលក់ដំឡូងស្ងោរពេលព្រឹក.....

អាជីវកម្មថ្មី ប្លែក យកក្រដាសលុយរៀលច្នៃជាបាច់ផ្កាគួរឱ្យទាក់ទាញ កំពុងទទួលបានការគាំទ្រខ្លាំង

ជំនួញ, បទយកការណ៍

• 20/10/2023

បាច់ផ្កា ជាវត្ថុអនុស្សាវរីយ៍ដែលគេនិយមទិញជូនគ្នានៅពេលមានកម្មវិធីអបអរ ឬក្នុងឱកាសពិសេសណាមួយ ដែលគេអាចប្រើបានទាំងបាច់ផ្កាធ្វើពីផ្កាស្រស់ ផ្កាជ័រ ឬច្នៃទៅតាមតម្រូវការរបស់អតិថិជន....

សិប្បកម្មកែច្នៃត្រីបឹងរំពេរ មានសមត្ថភាពកែច្នៃត្រីគ្រប់ប្រភេទ និងកំពុងជំរុញផលិតផលចូលទីផ្សារឱ្យបានច្រើន

ជំនួញ, បទយកការណ៍

• 15/09/2023

កំពង់ធំ ៖ សិប្បកម្មស្ត្រីកែច្នៃត្រីបឹងរំពេរ គឺជាសិប្បកម្មកែច្នៃត្រីមួយកន្លែងស្ថិតនៅភូមិចំបក់ ឃុំតាំងក្រសាំង ស្រុកសន្ទុក ខេត្តកំពង់ធំ បានប្រកាសថាខ្លួនមានសមត្ថភាពផលិតត្រីប្រកបដោយគុណភាព.....

ព័ត៌មានទូទៅ

មើលទាំងអស់ ➧

SDF ទទួលបានពានរង្វាន់ឆ្នើមកម្រិតអន្ដរជាតិចំនួន ២ ក្នុងកម្មវិធីអភិវឌ្ឍន៍ជំនាញបុគ្គលិកល្អបំផុត ពី BRANDON HALL GROUP សហរដ្ឋអាម៉េរិក

ព្រឹត្តិការណ៍, សេដ្ឋកិច្ច

• 18/02/2026

មូលនិធិអភិវឌ្ឍន៍ជំនាញ (SDF) ទទួលបានពានរង្វាន់ឆ្នើមកម្រិតអន្តរជាតិចំនួន ២ នៅក្នុងកម្មវិធីអភិវឌ្ឍន៍ជំនាញបុគ្គលិកល្អបំផុត ពី Brandon Hall Group សហរដ្ឋអាម៉េរិក

ប្រតិបត្តិករបង្ហាញពីការយល់ឃើញចំពោះទីផ្សារអចលនទ្រព្យតាមផ្នែកសំខាន់នាពេលបច្ចុប្បន្ន

ព្រឹត្តិការណ៍, អចលនទ្រព្យ

• 18/02/2026

អ្នកជំនាញនៃវិស័យអចលនទ្រព្យកម្ពុជាមួយរូប បានបង្ហាញពីការយល់ឃើញចំពោះទីផ្សារអចលនទ្រព្យនាពេលបច្ចុប្បន្ន និងអាស្រ័យទៅតាមផ្នែកនីមួយៗ

កំពង់ផែស្វយ័តក្រុងព្រះសីហនុ រកចំណូលបានជិត ៥០លានដុល្លារ នៅត្រីមាសទី៤ ឆ្នាំ២០២៥

Top News, ព្រឹត្តិការណ៍, សេដ្ឋកិច្ច

• 18/02/2026

កំពង់ផែស្វយ័តក្រុងព្រះសីហនុ ក្នុងត្រីមាសទី៤ ឆ្នាំ២០២៥ កំពង់ផែស្វយ័តក្រុងព្រះសីហនុរកចំណូលបានសរុបប្រហែល ៤៧,៤៧ លានដុល្លារ

រកឃើញហើយ ! ម្ចាស់រង្វាន់សាច់ប្រាក់ទាំង ៣ រូប ដំបូង ដែលឈ្នះពីការប្រើប្រាស់ LOLC Mobile!

ព្រឹត្តិការណ៍, អត្ថបទពាណិជ្ជកម្ម

• 18/02/2026

អតិថិជនប្រើប្រាស់ LOLC Mobile សម្រាប់ការចាយវាយប្រចាំថ្ងៃ មិនត្រឹមតែទទួលបានភាពងាយស្រួលក្នុងការទូទាត់នោះទេ អតិថិជនថែមទាំងទទួលបានអត្រាការប្រាក់ ៤% ក្នុងមួយឆ្នាំ

សហគ្រាសក្នុងវិស័យទេសចរណ៍នៅខេត្តសៀមរាប ត្រូវបានរាជរដ្ឋាភិបាលលើកទឹកចិត្តផ្នែកពន្ធដារ

ព្រឹត្តិការណ៍, សេដ្ឋកិច្ច

• 18/02/2026

ក្រសួងសេដ្ឋកិច្ច និងហិរញ្ញវត្ថុ បានចេញប្រកាសស្តីពីការលើកទឹកចិត្តពន្ធដារចំពោះសហគ្រាសក្នុងវិស័យទេសចរណ៍នៅខេត្តសៀមរាបរហូតដល់ដំណាច់ឆ្នាំ២០២៦

អាម៉េរិក កំពុងចោទមហាអំណាចចិនថា កំពុងជ្រៀតជ្រែកអធិបតេយ្យនៃផែយុទ្ធសាស្ត្ររបស់ប្រទេសប៉េរូ

ព្រឹត្តិការណ៍, សេដ្ឋកិច្ច

• 18/02/2026

សហរដ្ឋអាម៉េរិក បានចោទមហាអំណាចចិន កំពុងព្យាយាមលួចយកអធិបតេយ្យភាពនៃផែសមុទ្រទឹកជ្រៅដ៏សំខាន់មួយប្រទេសប៉េរូ ដែលមានឈ្មោះថា Chancay

ឧបនាយករដ្ឋមន្ត្រីប្រចាំការ ៖ បច្ចេកវិទ្យា AI ជាកម្លាំងចលករយ៉ាងសំខាន់នៃកំណើនសេដ្ឋកិច្ចសម្រាប់រយៈពេល ១០ ទៅ ២០ ឆ្នាំខាងមុខ

ព្រឹត្តិការណ៍, អាជីវកម្មថ្មី និងនវានុវត្ត

• 18/02/2026

ឧបនាយករដ្ឋមន្ត្រីប្រចាំការ បានលើកឡើងថា បច្ចេកវិទ្យា AI ជាកម្លាំងចលករយ៉ាងសំខាន់នៃកំណើនសេដ្ឋកិច្ចសម្រាប់រយៈពេល ១០ ទៅ ២០ ឆ្នាំខាងមុខ

មេដឹកនាំបារាំង និងឥណ្ឌា ជួបពិភាក្សាគ្នាពង្រឹងទំនាក់ទំនង និងភាពជាដៃគូយុទ្ធសាស្ត្រឲ្យកាន់តែស៊ីជម្រៅ

ព្រឹត្តិការណ៍, សេដ្ឋកិច្ច

• 18/02/2026

កាលពីថ្ងៃអង្គារ៍ ប្រធានាធិបតីបារាំងលោក Emmanuel Macron បានជួបជាមួយនាយករដ្ឋមន្ត្រីឥណ្ឌា Narendra Modi នៅទីក្រុងបុមបៃសម្រាប់កិច្ចពិភាក្សាទ្វេភាគីក្នុងគោលបំណងធ្វើឱ្យទំនាក់ទំនងសេដ្ឋកិច្ច និងយុទ្ធសាស្ត្រកាន់តែស៊ីជម្រៅ ខណៈដែលប្រទេសទាំងពីរស្វែងរកកិច្ចសហប្រតិបត្តិការកាន់តែជិតស្និទ្ធចំពេលមានភាពមិនប្រាកដប្រជាជាសកល និងបញ្ហាភូមិសាស្ត្រនយោបាយ