សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
កំពង់ចាម ៖ ទុរេនបែកអន្លូង គឺជាទុរេនដែលល្បីរន្ទឺខាងរសជាតិឆ្ញាញ់ ដែលប្រជាជនទីជិត ទីឆ្ងាយនាំគ្នាភ្លូកទឹក ភ្លូកដីទៅដល់ចំការផ្ទាល់ដើម្បីទិញពិសារតែម្ដង ខណៈដែលអ្នកស្រុករស់នៅក្នុងតំបន់បែកអន្លូងនេះ ច្រើនតែមានដីចំការច្រើនសម្រាប់ដាំដុះដំណាំ ហើយដំណាំដែលពេញនិយមគឺ ទុរេន នេះឯង។
លោក ស ស្រ៊ី ដែលជាម្ចាស់ចំការទុរេនមួយក្នុងចំណោមម្ចាស់ចំការផ្សេងទៀតនៅតំបន់បែកអន្លូង ស្រុកស្ទឹងត្រង់ ខេត្តកំពង់ចាម បានឱ្យដឹងថា ចំការទុរេនរបស់លោកសពថ្ងៃមានទំហំ ៧ហិកតា ហើយក្នុងមួយរដូវៗអាចប្រមូលផលបានទុរេនចំនួន ៥០តោន ដែលអាចលក់បាននៅដើមរដូវក្នុងតម្លៃជាង៣ម៉ឺនរៀលក្នុងមួយគីឡូក្រាម ឬ៧ម៉ឺនរៀលក្នុងមួយគីឡូសាច់។ រីឯការប្រមូលផលគឺចាប់ពីចុងខែឧសភា ដល់ពាក់កណ្ដាលខែកក្កដា ហើយទុរេនគ្រប់អាយុដែលត្រូវកាត់ គឺចន្លោះពី១២០ ទៅ១២៥ថ្ងៃ ឬអាចដល់១៤៥ថ្ងៃ បើមានភ្លៀងច្រើន។
ម្ចាស់ចំការទុរេនរូបនេះបន្តថា បច្ចប្បន្នទុរេនបែកអន្លូងមានការគាំទ្រខ្លាំង ដែលដើមឡើយធ្លាប់មានតែអ្នកនៅក្នុងតំបន់ស្គាល់ និងជួយទិញ តែក្រោយមកនេះក៏មានអ្នកមកពីចម្ងាយចូលមកទិញអស់ៗ។ ជាមួយគ្នានេះ ដោយហេតុថា ការផ្គត់ផ្គង់នៅមិនទាន់គ្រប់តម្រូវការបែបនេះ លោក ស ស្រ៊ី ដែលជាម្ចាស់ចំការបានបង្ហាញផែនការពង្រីកការដាំរបស់ខ្លួន ចង់ពង្រីកចំការដាំបន្ថែមទៀត ដោយយកដី ៤ ទៅ ៥ហិចតាបន្ថែមដើម្បីដាំទុរេន។
លើសពីនេះ លោកក៏បានបង្ហើបប្រាប់អំពីលក្ខណៈពិសេសដែលធ្វើឱ្យទុរេនក្នុងចំការរបស់លោកមានរសជាតិឆ្ងាញ់ខុសពីទុរេនផ្សេងគឺដោយសារតែកត្តាដីនៅទីនោះមានជីវជាតិ មានសំណើមខ្ពស់ ហើយការប្រមូលផលទៀតសោត គឺទាល់តែចាស់គ្រប់អាយុ ដូច្នេះហើយ ម្សៅ និងជាតិស្កគ្រប់គ្រាន់ ដែលនាំឱ្យរសជាតិក៏ឆ្ញាញ់ទៅតាមនោះដែរ។
កសិកររូបនេះ បានដាំដំណាំទុរេនប្រមាណជាង ២០ឆ្នាំមកហើយ រីឯពេលវេលាដែលត្រូវមើលថែទម្រាំអាចប្រមូលផលបានគឺរហូតទៅដល់ ៧ឆ្នាំឯណោះ។ លោកបានបន្តលើកឡើងផងដែរអំពីបញ្ហាទីផ្សារទុរេនធ្លាក់ចុះ ដោយសារតែមានការនាំចូលពីប្រទេសជិតខាងមកដែរ ប៉ុន្តែយ៉ាងណា អ្នកទិញនៅតែស្កាត់ទៅរកទុរេនរបស់លោកដល់ទីតាំង។ ដូច្នេះហើយ លោកចង់យកលក្ខណៈពិសេសនេះ ទៅពង្រីកបន្ថែមនូវការផ្គត់ផ្គង់ រហូតទៅដល់នាំចេញទៅក្រៅប្រទេសទៀតផង។
ជាចុងក្រោយ លោកបានផ្ដល់ដំបូន្មានទៅកាន់កសិករទូទៅថា កសិករដែលដាំទុរេន ចាំបាច់ត្រូវមានចំណេះជំនាញច្បាស់ ព្រោះវាពិបាកក្នុងការដាំ និងថែទាំ។ សម្រាប់ដី គឺត្រូវការប្រភេទដីដែលមានសំណើមខ្ពស់ លក្ខណៈសើម និងមានបំពាក់ប្រព័ន្ធស្រោចស្រប់ពេញផ្ទៃដីចំការ មានជី និងថ្នាំសម្លាប់សត្វល្អិត រួមទាំងការមើលថែទាំឱ្យសមស្របតាមលក្ខខ័ណ្ឌបច្ចេកទេសជាដើម៕
ជីវប្រវត្តិ: ជានិស្សិតនៃសាលកវិទ្យាល័យភូមិន្ទភ្នំពេញ ដេប៉ាតឺម៉ង់ប្រព័ន្ធផ្សព្វផ្សាយ និងសារគមនាគមន៍។ បច្ចុប្បន្ន ជាអ្នករាយការណ៍ព័ត៌មាននៅ AMS Economy ។
របាយការណ៍ថ្មីៗ
មើលទាំងអស់ ➧
អ្នកជំនាញ ៖ ចង់មានសុវត្ថិភាពគណនីហិរញ្ញវត្ថុគប្បីបង្កើនប្រសិទ្ធភាពលេខសម្ងាត់ឱ្យបានរឹងមាំ
• 09/04/2026
ព័ត៌មានទូទៅ
មើលទាំងអស់ ➧
លោក Putin ធ្វើទស្សនកិច្ចលើកដំបូងបង្អស់ទៅកាន់ប្រជុំកោះ Kuril តំបន់ជម្លោះដ៏រ៉៉ាំរ៉ៃជាមួយជប៉ុន
ព្រឹត្តិការណ៍, អាជីវកម្មថ្មី និងនវានុវត្ត
• 13/08/2026
ប្រធានាធិបតីរុស្ស៊ី លោក Vladimir Putin បានធ្វើទស្សនកិច្ចជាលើកដំបូងបង្អស់របស់លោកទៅកាន់ប្រជុំកោះ Kuril ក្នុងអំឡុងពេលធ្វើដំណើរទស្សនកិច្ចការងារនៅតំបន់ស៊ីបេរី និងចុងបូព៌ា
អាម៉េរិកបង្ខំក្រុមហ៊ុនអាវុធធំៗ ដាក់ផែនការបង្កើនផលិតកម្មក្នុងរយៈពេល ២១ ថ្ងៃ
ព្រឹត្តិការណ៍, អាជីវកម្មថ្មី និងនវានុវត្ត
• 13/08/2026
ក្រសួងការពារជាតិអាម៉េរិក បានទុកពេលត្រឹម ២១ ថ្ងៃ ឱ្យក្រុមហ៊ុនផលិតអាវុធធំៗ ដាក់ជូនផែនការលម្អិតសម្រាប់ពន្លឿនការផលិតសព្វាវុធសំខាន់ៗ ខណៈស្តុកមីស៊ីលរបស់អាម៉េរិកបានធ្លាក់ចុះយ៉ាងខ្លាំង បន្ទាប់ពីការប្រើប្រាស់សព្វាវុធក្នុងប្រតិបត្តិការយោធានៅមជ្ឈិមបូព៌ានាពេលថ្មីៗនេះ
គ្រឹះស្ថានធនាគារ និងហិរញ្ញវត្ថុ គ្មានសិទ្ធិបង្ខំឱ្យអតិថិជនលក់ទ្រព្យ ដើម្បីយកលុយសងត្រលប់មកវិញឡើយ
Top News, ព្រឹត្តិការណ៍, ហិរញ្ញវត្ថុ
• 12/08/2026
មន្ត្រីជាន់ខ្ពស់នៃសមាគមធនាគារនៅកម្ពុជាបានអះអាងថា គ្មានគ្រឹះស្ថានណាមួយមានសិទ្ធិបង្ខំឱ្យអតិថិជនលក់ទ្រព្យធានាដើម្បីយកលុយមកសងធនាគារ ឬមីក្រូហិរញ្ញវត្ថុនោះទេ
កម្មវិធីពិសេសរបស់ AMS ECONOMY
ព័ត៌មានសង្ខេប
Account
Security
Favourite Content