សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ញូវយ៉ក៖ មហាសេដ្ឋីល្បីបំផុតលើពិភពលោក ដែលជាម្ចាស់ក្រុមហ៊ុនរថយន្តអគ្គិសនី Tesla លោក Elon Musk បានប្រកាសបរិច្ចាកប្រាក់រហូតទៅដល់ 100 លានដុល្លារ ដោយមានឈ្មោះថា XPRICE Carbon Removal ដើម្បីយកទៅប្រើប្រាស់ក្នុងកិច្ចការងារអភិវឌ្ឍន៍វិធីសាស្ត្រទាំងឡាយណាដែលនឹងអាចមានសមត្ថភាពក្នុងការប្រយុទ្ធប្រឆាំងទៅនឹងការកើនឡើងកំដៅរបស់ផែនដីតាមរយៈបច្ចេកវិទ្យាលុបបំបាត់ឧស្ម័នកាបូនឌីអុកស៊ីតឲ្យអស់ចេញពីបរិយាកាស ឬសមុទ្រ។
នៅក្នុងសេចក្តីប្រកាសកាលពីថ្ងៃព្រហស្បត៍ម្សិលមិញនេះ លោក Elon Musk បានលើកឡើងថា ៖ «បច្ចុប្បន្ននេះយើងមានភពផែនដីតែមួយប៉ុណ្ណោះ ទោះបីជាស្ថិតនៅក្នុងលទ្ធភាពទទួលយកហានិភ័យចេញពីគ្រោះមហន្តរាយដោយធម្មជាតិត្រឹមតែ 0.1 ភាគរយក៏ដោយ តែវាជាភាពប្រឈមនឹងសុវត្ថិភាព ហេតុអ្វីដែលយើងមិនត្រូវអង្គុយរង់ចាំមើលវានោះទេ ព្រោះថាវាគឺជារឿងដ៏គ្រោះថ្នាក់បំផុតសម្រាប់ជីវិតមនុស្ស»។
ចំពោះការបរិច្ចាក ឬជាប្រាក់រង្វាន់ក្នុងការជួយទ្រទ្រង់កិច្ចសិក្សាស្រាវជ្រាវពីបច្ចេកវិទ្យាថ្មីប្រមាណជា 100លានដុល្លារនេះត្រូវបានលោក Musk ប្រកាសម្តងហើយកាលពីខែមករា ប៉ុន្តែទើបតែលើកយកមកប្រកាសម្តងទៀតកាលពីថ្ងៃព្រហស្បតិ៍ម្សិលមិញដែលត្រូវនឹងថ្ងៃបុណ្យសម្រាប់ភពផែនដី ឬ (Earth Day) ដោយបានបញ្ជាក់ពីគោលការណ៍មួយចំនួនដើម្បីអាចទទួលបានកញ្ចប់ប្រាក់នេះ។ ព្រឹត្តិការណ៍នៃការផ្តល់កញ្ចប់ប្រាក់រង្វាន់ដ៏សម្បើមនេះ ជាប្រវត្តិសាស្ត្រនេះស្ថិតនៅក្នុងចន្លោះពេលរហូតទៅដល់4ឆ្នាំ គិតត្រឹមឆ្នាំ2025។
ការបញ្ចេញឧស្ម័នកាបូនឌីអុកស៊ីតដែលមានចំនួនច្រើនទៅៗជារៀងរាល់ឆ្នាំបានធ្វើឲ្យកត្តាបម្រែបម្រួលអាកាសធាតុក៏កាន់តែអាក្រក់ទៅៗ ហើយតាមរយៈការរលាយផ្ទាំងទឹកកកនៅតំបន់ប៉ូល បានបង្កើតជាព្យុះត្រូពិចកាន់តែសាហាវ ដោយក្នុងនោះក្រុមជំនាញវិទ្យាសាស្ត្របានអះអាងថាភពផែនដីនៅសល់ពេលកំណត់ត្រឹមឆ្នាំ2050 ប៉ុណ្ណោះក្នុងការលុបបំបាត់ឧស្ម័នកាបូនឌីអុកស៊ីតឲ្យអស់ ដើម្បីអាចបញ្ចៀសបញ្ហាវិបត្តិអាកាសធាតុជាសកល។
គួរកត់សម្គាល់ផងដែរថា រហូតមកដល់ពេលនេះពិភពលោកនៅមិនទាន់មានបច្ចេកវិទ្យាណាមួយដែលអាចប្រើប្រាស់ជាកិច្ចការងារមានប្រសិទ្ធភាពខ្លាំងក្នុងការលុបបំបាត់ទាំងស្រុងនៃវិបត្តិកាបូនឌីអុកស៊ីតនៅឡើយ ហើយវាទាមទារឱ្យមានការចំណាយលុយជាមធ្យមប្រហែលជា 300 ដុល្លារអាមេរិកសម្រាប់ការលុបបំបាត់កាបូនឌីអុកស៊ីតក្នុងមួយ metric tonne ខណៈដែលពិភពលោកបច្ចុប្បន្នគិតត្រឹមតែផលប៉ះពាល់ដោយផ្ទះកញ្ចក់ Greenhouse Gases អាចបញ្ចេញកាបូនឌីអុកស៊ីតរហូតទៅដល់ 50 ពាន់លានតោនក្នុងមួយឆ្នាំ៕
[ads-global layout_id=6 position_id=1 ads_size=2]
របាយការណ៍ថ្មីៗ
មើលទាំងអស់ ➧
កាណាដា-អេមីរ៉ាតអារ៉ាប់ រួមគ្នាជំរុញផែនការវិនិយោគ ៥០ ពាន់លានដុល្លារ
បទយកការណ៍, ព្រឹត្តិការណ៍, អាជីវកម្មថ្មី និងនវានុវត្ត
• 18/09/2026
ឥណ្ឌា ពង្រឹងយុទ្ធសាស្ត្រ ដើម្បីគ្រប់គ្រងលើខ្សែសង្វាក់ផ្គត់ផ្គង់បន្ទះឈីបទាំងស្រុងនៅក្នុងស្រុក
បទយកការណ៍, ព្រឹត្តិការណ៍, អាជីវកម្មថ្មី និងនវានុវត្ត
• 10/09/2026
អ្នកជំនាញ ៖ ចង់មានសុវត្ថិភាពគណនីហិរញ្ញវត្ថុគប្បីបង្កើនប្រសិទ្ធភាពលេខសម្ងាត់ឱ្យបានរឹងមាំ
• 09/04/2026
ព័ត៌មានទូទៅ
មើលទាំងអស់ ➧
ក្រុមហ៊ុនផលិតរថយន្ត Rolls-Royce ចាត់ទុកចិនជាទីផ្សារយុទ្ធសាស្ត្រវិនិយោគរយៈពេលវែង
ព្រឹត្តិការណ៍, អាជីវកម្មថ្មី និងនវានុវត្ត
• 08/10/2026
ក្រុមហ៊ុនផលិតរថយន្តទំនើបអង់គ្លេស Rolls-Royce បានចាត់ទុកទីផ្សារចិនជាទីផ្សារដ៏សំខាន់សម្រាប់យុទ្ធសាស្ត្រវិនិយោគរយៈពេលវែងរបស់ខ្លួន ដោយសារតម្រូវការរបស់អតិថិជន និងបណ្តាញតំណាងចែកចាយដែលកំពុងវិវឌ្ឍល្អ
[ads-global layout_id=6 position_id=2 ads_size=2]
កម្មវិធីពិសេសរបស់ AMS ECONOMY
Account
Security
Favourite Content