សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ ៖ កាលពីឆ្នាំ២០២២កន្លងទៅ ផលិតកម្មដំណាំទទួលបានសរុបចំនួន ៣៤,៧១លានតោន ថយចុះចំនួន ១,០២លានតោនស្មើនឹង ២,៨៥% ធៀបនឹងឆ្នាំ២០២១ ក្នុងនោះដំណាំស្រូវ សម្រេចបាន ៣,៤០លានហិកតា ស្មើនឹង ១១០,៤០% ផ្តល់បរិមាណផលសរុប ១១,៦២លានតោន។
ឯកឧត្តម ឌិត ទីណា រដ្ឋមន្ត្រីក្រសួងកសិកម្ម រុក្ខាប្រមាញ់ និងនេសាទ បានស្នើឱ្យមន្ត្រីពាក់ព័ន្ធគ្រប់ជាន់ថ្នាក់បន្តការខិតខំបន្ថែមទៀតក្នុងការតម្រង់ទិសដៅកសិករឱ្យឈានទៅរកការធ្វើកសិកម្មទំនើប ដើម្បីការនាំចេញប្រកបដោយនិរន្តរភាព និងវឌ្ឍនភាពខ្ពស់ ហើយការងារនេះ ត្រូវមានការចូលរួមជាសំខាន់ពីវិស័យឯកជនផងដែរ។
ជាមួយគ្នានេះ ឯកឧត្តមរដ្ឋមន្ត្រីក៏មានបំណងអភិវឌ្ឍបន្ថែមលើអនុវិស័យសំខាន់ៗដូចជា ទី១- ដំណាំសាកវប្បកម្ម ដាំនៅក្នុងផ្ទះសំណាញ់ និងការប្រើប្រាស់ទឹកមានលក្ខណៈស្តង់ដា, ទី២- ដំណាំស្រូវ នឹងមានប្រព័ន្ធពូជសុទ្ធទូទាំងប្រទេសដែលមានវិញ្ញាបនបត្រច្បាស់លាស់ ដែលអាចផលិតពូជពិតប្រាកដ និងគ្រប់កន្លែង, ទី៣- កសាងប្រព័ន្ធធនធានមនុស្សឱ្យមានប្រសិទ្ធភាព និងគិតគូរផែនការឱ្យបានច្បាស់លាស់។
ឯកឧត្តមបណ្ឌិត ងិន ឆាយ ប្រតិភូរាជរដ្ឋាភិបាលកម្ពុជាទទួលបន្ទុកជាអគ្គនាយកនៃអគ្គនាយកដ្ឋានកសិកម្ម បានគូសបញ្ជាក់ថា តាមរយៈការអនុវត្តកម្មវិធីការងាររយៈពេលមួយឆ្នាំកន្លងទៅនេះ ដោយមានការណែនាំតម្រង់ទិសពីសំណាក់ថ្នាក់ដឹកនាំក្រសួងកសិកម្ម រុក្ខាប្រមាញ់ និងនេសាទ និងមានការចូលរួមសហការយ៉ាងជិតស្និទ្ធជាមួយស្ថាប័នពាក់ព័ន្ធ មន្ទីរកសិកម្ម រាជធានី-ខេត្ត ដៃគូរអភិវឌ្ឍន៍ វិស័យឯកជន អាជ្ញាធរមូលដ្ឋាន និងសហគមន៍កសិកម្ម អគ្គនាយកដ្ឋានកសិកម្ម បានអនុវត្តការងារប្រកបដោយការយកចិត្តទុកដាក់ក្នុ ងស្មារតីទទួលខុសត្រូវខ្ពស់ ដែលសម្រេចបាននូវលទ្ធផលសំខាន់ៗជាច្រើនគួរឱ្យកត់សម្គាល់។
តាមរបាយការណ៍ក្នុងឆ្នាំ២០២២កន្លងទៅ ផលិតកម្មដំណាំទទួលបានសរុបចំនួន ៣៤,៧១លានតោន ថយចុះចំនួន ១,០២លានតោនស្មើនឹង ២,៨៥% ធៀបនឹងឆ្នាំ២០២១ ក្នុងនោះដំណាំស្រូវ សម្រេចបាន ៣,៤០លានហិកតា ស្មើនឹង ១១០,៤០% ផ្តល់បរិមាណផលសរុប ១១,៦២លានតោន។
ចំពោះផ្ទៃដីសាកវប្បកម្ម សម្រេចបាន ២៧៥ ៦២៥ហិកតា ផ្តល់បរិមាណផលសរុប ៤,៤២លានតោន និងបានចូលរួមផលិតគ្រាប់ពូជដំណាំបន្លែចំនួន ១៨,៣០តោន ហើយបានចែកជូនគ្រួសាររងគ្រោះធម្មជាតិ និងជំងឺកូវីដ-១៩ ចំនួន ៩៤.៧២៥គ្រួសារ ក្នុងក្របខ័ណ្ឌស្បៀងអាហារបម្រុងកម្ពុជា។ ចំណែកដំណាំឧស្សាហកម្មសម្រេចបាន ១,៥៧ហិកតា ផ្តល់បរិមាណផល ១៨,៦៧លានតោន។ រីឯការនាំចេញមានវិញ្ញាបនបត្រមានចំនួន ៨,៦១លានតោន ទៅកាន់ទិសដៅ ៧៤ប្រទេស កើនឡើង ៧,៨៨% ធៀបនឹងឆ្នាំ២០២១ ។
ដោយឡែក ការអភិវឌ្ឍលើវិស័យកសិកម្ម ពិសេសដំណាំចេកអំបូងលឿង ដែលមានក្រុមហ៊ុនចំនួនពីរ កំពុងវិនិយោគ ដាំដុះនៅក្នុងខេត្តកំពត ក៏កំពុងទទួលបានលទ្ធផលល្អប្រសើរ៕
Account
Security
Favourite Content