សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
បរទេស ៖ យោងទៅតាមប្រភពព័ត៌មានពី Data Science Central បានបង្ហាញថា Internet of Things (IOT) មានសន្ទុះជាខ្លាំងនៅក្នុងពិភពលោកនាពេលបច្ចុប្បន្ននេះ ជាពិសេសវាបានផ្តល់អត្ថប្រយោជន៍ជាច្រើន និងបានបង្ហាញថាបច្ចេកវិទ្យានេះជាប្រភពមួយនៃការរកចំណូលសម្រាប់សហគ្រាសខ្នាតតូចទៅមធ្យម (SMEs)។
Internet of Things (IOT) គឺសំដៅការភ្ជាប់ទំនាក់ទំនងឧបករណ៍ផ្សេងៗតាមរយៈប្រព័ន្ធអ៊ីនធឺណេត ដោយរួមបញ្ចូលទាំងអ្វីៗទាំងអស់រាប់ចាប់តាំងពីទូរស័ព្ទដៃ កាសស្ដាប់ត្រចៀក អំពូលភ្លើង និងឧបករណ៍ផ្សេងៗជាច្រើនទៀតដែលប្រើប្រាស់ក្នុងផ្ទះ ឬការិយាល័យ។ វាគឺជាបណ្ដាញទំនាក់ទំនងដ៏ធំមួយនូវអ្វីៗគ្រប់យ៉ាងនៃទំនាក់ទំនងរវាងមនុស្សនឹងមនុស្ស មនុស្សនឹងវត្ថុផ្សេងៗ និងវត្ថុនឹងវត្ថុ។ «អ្វីៗគ្រប់យ៉ាងសុទ្ធដែលអាចភ្ជាប់ទំនាក់ទំនងគ្នាបាន» ហើយនឹងត្រូវភ្ជាប់ទំនាក់ទំនងគ្នាទៅវិញទៅមក។
អត្ថប្រយោជន៍ទីមួយ គឺវាជួយជំរុញផលិតភាពឲ្យកាន់តែប្រសើរឡើង។ ក្រុមហ៊ុនជាច្រើនប្រភេទនៅទូទាំងវិស័យឧស្សាហកម្មបានងាកមកប្រើ IoT ក្នុងវិធីជាច្រើនដើម្បីសម្រេចបាននូវគោលដៅ និងលទ្ធផលជាក់លាក់។ គោលដៅដ៏សំខាន់បំផុតមួយដែល IOT ត្រូវបានដាក់ឱ្យដំណើរការជាញឹកញាប់គឺផលិតភាពកាន់តែប្រសើរឡើងតាមរយៈស្វ័យប្រវត្តិកម្ម និងម៉ាស៊ីនស្វ័យប្រវត្តិទំនើបៗសម្រាប់កិច្ចការដដែលៗ។
អត្ថប្រយោជន៍ទីពីរ គឺវាជួយផ្តល់សេវាកម្មដល់អតិថិជនឲ្យកាន់តែប្រសើរឡើង។ មនុស្សភាគច្រើនយល់ឃើញថាការរីករាលដាលនៃ IOT គឺវាផ្តល់អត្ថប្រយោជន៍តែនៅក្នុងបរិបទនៃប្រតិបត្តិការងារប៉ុណ្ណោះ ប៉ុន្តែជាការពិតវិញនោះ IOT ក៏អាចជួយកែលម្អប្រតិបត្តិការនៃសេវាកម្មសម្រាប់អតិថិជនផងដែរ។
អត្ថប្រយោជន៍ទីបី គឺវាបង្កើនផលិតភាព។ អត្ថប្រយោជន៍សំខាន់មួយទៀតនៃការប្រើប្រាស់ IOT សម្រាប់សហគ្រាសខ្នាតតូចទៅមធ្យម (SMEs) គឺវាផ្តល់ជូនក្រុមហ៊ុននូវសមត្ថភាពក្នុងការសម្រួល និងលើកកម្ពស់ដំណើរការប្រតិបត្តិការរបស់ពួកគេ ហើយដែលអនុញ្ញាតឱ្យក្រុមហ៊ុនដឹងពីកម្រិតនៃប្រសិទ្ធភាពសរុបកាន់តែប្រសើរឡើង។ ស្វ័យប្រវត្តិកម្ម IOT ជួយកាត់បន្ថយពេលវេលានៃការរង់ចាំរបស់ក្រុមហ៊ុន ដោយសារម៉ាស៊ីន និង ប្រព័ន្ធប្រតិបត្តិការផ្សេងៗមានដំណើរការលឿន។ មួយវិញទៀតនោះ IOT ជួយបង្កើនប្រសិទ្ធភាពកម្រិតផលិតភាពរបស់ពួកគេ គឺតាមរយៈការដឹកជញ្ជូន។ តាមរយៈការប្រើប្រាស់យានជំនិះទាំងអស់នៅក្នុងការដឹកជញ្ជូន ក្រមហ៊ុនទាំងនោះអាចប្រើប្រាស់ទិន្នន័យពី IOT ដើម្បីសម្រេចបាននូវផលិតភាពនៃការដឹកជញ្ជូនឲ្យកាន់តែប្រសើរ។
អត្ថប្រយោជន័ទីបួន គឺជួយកាត់បន្ថយការចំណាយរបស់ក្រុមហ៊ុន។ សម្រាប់អាជីវកម្មខ្នាតតូចដល់ខ្នាតមធ្យម ដែលកំពុងបង្កើនការប្រើប្រាស់ IOT ប្រកបដោយភាពច្នៃប្រឌិត គឺគោលបំណងដើម្បីកាត់បន្ថយការចំណាយ។ IOT ត្រូវបានប្រើដើម្បីតាមដានឧបករណ៍ និងទ្រព្យសកម្មពីក្នុងភូមិសាស្ត្រដាច់ស្រយាល។ IoT ក៏អាចប្រើដើម្បីដោះស្រាយបញ្ហាកម្មវិធីនៅលើអាកាសផងដែរ ពោលគឺតាមរយៈការអាប់ដេត OTA ដែលជួយសន្សំប្រាក់របស់ក្រុមហ៊ុន និង ពេលវេលានៃការចេញទៅដោះស្រាយបញ្ហានៅតំបន់ដាច់ស្រយាលទាំងនោះ។
អត្ថប្រយោជន៍ IOT បានផ្លាស់ប្តូរអាជីវកម្មខ្នាតតូច និងមធ្យមតាមរយៈការប្រើប្រាស់ឧបករណ៍នៅកន្លែងធ្វើការ ហើយនៅក្នុងទិដ្ឋភាពឌីជីថលទំនើប ឧបករណ៍ ម៉ាស៊ីន និងវត្ថុគ្រប់ទំហំអាចផ្ទេរទិន្នន័យដោយស្វ័យប្រវត្តិតាមរយៈបណ្តាញ ប្រកបដោយប្រសិទ្ធភាពក្នុងការទំនាក់ទំនងជាមួយគ្នាទៅវិញទៅមកក្នុងពេលវេលាជាក់ស្តែងណាមួយ។ ស្របពេលនេះដែរ អាជីវកម្មគ្រប់មាត្រដ្ឋាន និង ទំហំទាំងអស់កំពុងទទួលបានអត្ថប្រយោជន៍ពីបច្ចេកវិទ្យាថ្មីៗ និងជឿនលឿនដូចជា Internet of Things (IOT)។ សម្រាប់ការប្រើប្រាស់ IOT នៅទូទាំងវិស័យឧស្សាហកម្មគឺប្រមាណជាង ៨៣ ភាគរយនៃក្រុមហ៊ុនទាំងនោះ បានរាយការណ៍ពីប្រសិទ្ធភាពកាន់តែប្រសើរឡើងនៅទូទាំងក្រុមហ៊ុនរបស់ពួកគេបន្ទាប់ពីការប្រើប្រាស់ IOT។ មិនត្រឹមតែប៉ុណ្ណោះ IOT នាំមកនូវឱកាសថ្មី និងល្អប្រសើរក្នុងការពង្រីកការយល់ដឹងរបស់ពួកគេតាមឌីជីថល ដោយសារបច្ចេកវិទ្យាអនុញ្ញាតឱ្យពួកគេធ្វើឱ្យប្រសើរឡើងនូវប្រតិបត្តិការ ដឹងពីកម្រិតផលិតភាពដែលប្រសើរឡើង និងទទួលបានប្រាក់ចំណេញកាន់តែប្រសើរ៕
Account
Security
Favourite Content