សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ៖ តាមរយៈគេហទំព័រហ្វេសប៊ុករបស់ក្រសួងទេសចរណ៍នារសៀលថ្ងៃទី១១ ខែកក្កដា បានឱ្យដឹងថា គិតចាប់ពីខែមករាដល់ខែឧសភាដើមឆ្នាំ២០២៤នេះ កម្ពុជាទទួលបានភ្ញៀវទេសចរអន្តរជាតិសរុបប្រមាណ ២,៦៤០,៩៩៩នាក់កើនឡើង២២.១% ធៀបនឹងរយៈពេលដូចគ្នាក្នុងឆ្នាំ២០២៣។ ក្នុងចំណោមទេសចរជាង២លាននាក់នេះ មានភ្ញៀវទេសចរចូលមកតាមផ្លូវអាកាសប្រមាណ ៩៨៦ ៤៣៥ នាក់, ផ្លូវគោកប្រមាណ ១,៦១២,៥៤៧ នាក់ និងផ្លូវទឹកប្រមាណ ៤២,០១៧ នាក់។
គួរឱ្យដឹងផងដែរថា ៖ ក្នុងរយៈពេល៥ខែដើមឆ្នាំ២០២៤នេះ កម្ពុជាមានភ្ញៀវទេសចរផ្ទៃក្នុងសរុបប្រមាណ ១០,៦៨៨,០៧៣ នាក់ ក្នុងនោះភ្ញៀវទេសចរជាជនបរទេសមានចំនួនប្រមាណ១ ៩០៦ ៨០០នាក់ កើនឡើង ៦៩.១% បើប្រៀបធៀបនឹងរយៈពេលដូចគ្នាក្នុងឆ្នាំ២០២៣។
ក្រសួងទេសចរណ៍បានឱ្យដឹងថា៖ គោលដៅទេសចរណ៍ធំៗរួមមានដូចជា រាជធានីភ្នំពេញ ទទួលបានទេសចរប្រមាណ ១ ០៩០ ៤៣៤ នាក់ ,ខេត្តសៀមរាប ប្រមាណ ៤៧២ ២៥៨ នាក់,តំបន់ឆ្នេរ ប្រមាណ ២៤១ ២៧៣ នាក់, តំបន់អេកូទេសចរណ៍ ប្រមាណ ១៨ ៧៩៨ នាក់ និងតំបន់ផ្សេងៗទៀត ប្រមាណ ៨៤ ០៥៣ នាក់។
សូមជម្រាបជូនថា៖ ប្រទេសទាំង ១០ ដែលមានភ្ញៀវទេសចរធ្វើដំណើរមកកាន់ប្រទេសកម្ពុជាច្រើនជាងគេមានដូចជា៖ ប្រទេសថៃ វៀតណាម ចិន ឡាវ សហរដ្ឋអាមេរិក កូរ៉េខាងត្បូង ឥណ្ឌូណេស៊ី បារាំង ចក្រភពអង់គ្លេស និង ប្រទេសជប៉ុន៕
Account
Security
Favourite Content