សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
បរទេស ៖ ក្រុមហ៊ុនបណ្តាក់ទុនរួមគ្នាដែលបង្កើតឡើងដោយក្រុមហ៊ុន Sony និងក្រុមហ៊ុន Honda Motor មានបំណងផលិតរថយន្តអគ្គិសនីដំបូងរបស់ខ្លួននៅឆ្នាំ២០២៦ ហើយគ្រោងនឹងដាក់លក់តាមអនឡាញដោយចាប់ផ្តើមនៅសហរដ្ឋអាមេរិក និងជប៉ុន។
ក្រុមហ៊ុនបាននិយាយថា រថយន្តអគ្គិសនីថ្មីនឹងមានតម្លៃថ្លៃជាប្រភេទរថយន្តប្រណិត ដែលនឹងផ្តល់ជូននូវប្រព័ន្ធដំណើរការថ្មី បង្កើតឡើងដោយក្រុមហ៊ុន Sony ហើយអាចបើកផ្លូវសម្រាប់ក្រុមហ៊ុនរកប្រាក់ចំណូលឡើងវិញលើសេវាកម្សាន្ត និងសេវាកម្មផ្សេងទៀត ដែលត្រូវទូទាត់ដោយអ្នកប្រើជាប្រចាំខែ។ នេះគឺជាការវិវឌ្ឍថ្មីមួយទៀត បន្ទាប់ពីក្រុមហ៊ុនទាំងពីរប្រកាសវិនិយោគរួមគ្នា កាលពីខែមិថុនាក្រោមឈ្មោះថា Sony Honda Mobility ។
ព័ត៌មានលម្អិតសំខាន់ៗ ដូចជាតម្លៃ កម្រិតថ្ម និងបច្ចេកវិទ្យាសម្រាប់ដំណើរការយានជំនិះថ្មីនេះ មិនត្រូវបានបញ្ជាក់ឲ្យដឹងទេ ប៉ុន្តែតំណាងរបស់ក្រុមហ៊ុនថ្មីនេះ បានរៀបរាប់លម្អិតអំពីចក្ខុវិស័យសម្រាប់រថយន្តដែលនឹងដំណើរការស្ទើរតែដូច smartphone ។ ក្រុមហ៊ុន Sony នឹងផ្តល់ប្រព័ន្ធកម្មវិធីសម្រាប់រថយន្តថ្មីនេះ ដោយរាប់ចាប់ពីឧបករណ៍បញ្ជានៅលើយន្តរហូតដល់សេវាកម្សាន្ត រួមនឹងប្រព័ន្ធនៃការទូទាត់ប្រាក់ផង។
វាក៏នឹងបំពាក់មកជាមួយ sensors និងបច្ចេកវិទ្យាផ្សេងទៀត ដើម្បីឲ្យរថយន្តអាចបើកបរដោយស្វ័យប្រវត្តិក្នុងកម្រិត៣(Level 3)។ ចំពោះមុខងារបើកបរដោយស្វ័យប្រវត្តិ Level 3 នឹងអនុញ្ញាតឲ្យអ្នកបើកបរអាចប្រើប្រាស់ឧបករណ៍កម្សាន្ត ដែលមាននៅក្នុងរថយន្តនេះ។
នៅក្នុងប្រព័ន្ធបើកបរស្វ័យប្រវត្តិកម្រិត៣ វាត្រូវបានគេស្គាល់ថាជាដំណើរការបើកបរដោយស្វ័យប្រវត្តិមានកម្រិត ដែលអនុញ្ញាតឲ្យអ្នកបើកបរអាចជិះដោយមិនមើលផ្លូវ ឬកាន់ចង្កូតរថយន្តនៅពេលបើកបរលើផ្លូវល្បឿនលឿន ប៉ុន្តែត្រូវត្រៀមខ្លួនដើម្បីគ្រប់គ្រងសម្រាប់បញ្ហាបន្ទាន់។
ក្រុមហ៊ុនផលិតរថយន្តធំៗដូចជា Tesla, General Motors, Ford Motor Co និង Mercedes Benz ជាដើមសុទ្ធតែបានបំពាក់មកជាមួយនូវបច្ចេកវិទ្យា ដែលអនុញ្ញាតឲ្យអ្នកបើកបរអាចដកដៃចេញពីចង្កូតរថយន្តក្នុងពេលបើករបាន។
លោក Izumi Kawanishi ប្រធានក្រុមហ៊ុនរថយន្តអគ្គិសនីថ្មី និងជានាយកប្រតិបត្តិប្រចាំក្រុមហ៊ុន Sony បានថ្លែងថា ៖
“បច្ចេកវិទ្យាសម្រាប់ជំនួយឲ្យការបើកបរប្រកបដោយសុវត្ថិភាពនឹងបន្តវិវឌ្ឍទៅមុខ ហើយការផ្តោតអារម្មណ៍ចំពោះការបើករថយន្តនឹងត្រូវកាត់បន្ថយ ដូច្នេះយើងគួរតែពិចារណាពីវិធីថ្មីៗ ដើម្បីរីករាយ និងចំណាយពេលនៅក្នុងកាប៊ីនឡាន”
ក្រុម Sony Honda Mobility ជឿងជាក់ថាឆ្នាំ២០២៥ នឹងក្លាយជាឆ្នាំដ៏សំខាន់ក្នុងការផ្លាស់ប្តូរឆ្ពោះទៅរករថយន្តអគ្គិសនី(EVs) នៅក្នុងទីផ្សារសហរដ្ឋអាមេរិក។ ក្រុមហ៊ុននេះបន្តថា រថយន្តប្រភេទ EVថ្មីនឹងដាក់លក់នៅទីផ្សារជប៉ុននៅឆមាសទីពីរនៃឆ្នាំ២០២៦ ហើយសម្រាប់ការបញ្ជាទិញនឹងចាប់ផ្តើមនៅឆ្នាំ២០២៥៕ អត្ថបទដោយ ៖ យ៉ានអាន
ជីវប្រវត្តិ: លោកមានបទពិសោធន៍ជាង ១០ឆ្នាំក្នុងប្រព័ន្ធផ្សព្វផ្សាយផ្នែកសេដ្ឋកិច្ច អប់រំ សង្គម និងកម្សាន្ត។ បច្ចុប្បន្នលោកជាការីនិពន្ធនៃសារព័ត៌មាន AMS Economy។
របាយការណ៍ថ្មីៗ
មើលទាំងអស់ ➧
កាណាដា-អេមីរ៉ាតអារ៉ាប់ រួមគ្នាជំរុញផែនការវិនិយោគ ៥០ ពាន់លានដុល្លារ
បទយកការណ៍, ព្រឹត្តិការណ៍, អាជីវកម្មថ្មី និងនវានុវត្ត
• 18/09/2026
ឥណ្ឌា ពង្រឹងយុទ្ធសាស្ត្រ ដើម្បីគ្រប់គ្រងលើខ្សែសង្វាក់ផ្គត់ផ្គង់បន្ទះឈីបទាំងស្រុងនៅក្នុងស្រុក
បទយកការណ៍, ព្រឹត្តិការណ៍, អាជីវកម្មថ្មី និងនវានុវត្ត
• 10/09/2026
អ្នកជំនាញ ៖ ចង់មានសុវត្ថិភាពគណនីហិរញ្ញវត្ថុគប្បីបង្កើនប្រសិទ្ធភាពលេខសម្ងាត់ឱ្យបានរឹងមាំ
• 09/04/2026
ព័ត៌មានទូទៅ
មើលទាំងអស់ ➧
អឺរ៉ុប ប្រឈមបញ្ហាផ្ទៃក្នុងធ្ងន់ធ្ងរ ពលរដ្ឋអស់ទំនុកចិត្ត ខណៈមេដឹកនាំធំៗបន្តដាក់អាទិភាពលើវិស័យយោធា
ព្រឹត្តិការណ៍, អាជីវកម្មថ្មី និងនវានុវត្ត
• 09/10/2026
បរទេស ៖ វិបត្តិដ៏ធ្ងន់ធ្ងរមួយកំពុងផ្ទុះឡើងយ៉ាងខ្លាំងនៅទូទាំងសហភាពអឺរ៉ុប តាមរយៈការតវ៉ាអំពីបញ្ហាប្រចាំថ្ងៃជាច្រើនរបស់ប្រជាពលរដ្ឋទូទៅ ខណៈដែលអាទិភាពភូមិសាស្ត្រនយោបាយបានបង្ខំឲ្យរដ្ឋាភិបាលរបស់ពួកគេបែរជាងាកទៅរកការត្រៀមខ្លួនដើម្បីធ្វើសង្គ្រាមទៅវិញ។ នៅក្នុងអត្ថបទវិភាគមួយដែលចេញផ្សាយដោយកាសែត RT បានសរសេរថា រាប់ចាប់ពីបញ្ហាហេដ្ឋារចនាសម្ព័ន្ធសាធារណៈ មានការទ្រុឌទ្រោម តម្លៃជីវភាពរស់នៅរបស់ពលរដ្ឋកើនឡើងកប់ពពក ហើយវិស័យឧស្សាហកម្មប្រឈមនឹងការកាត់បន្ថយយ៉ាងគំហុក ប៉ុន្តែមេដឹកនាំជាច្រើននៅទ្វីបនេះកំពុងបង្វែរធនធានរដ្ឋកាន់តែច្រើនឡើងទៅក្នុងកញ្ចប់ថវិកាការពារជាតិ ការបំពាក់អាវុធយោធាឡើងវិញ និងការត្រៀមខ្លួនផ្នែកសន្តិសុខ។ ការមើលរំលងបញ្ហាផ្ទៃក្នុងដែលកំពុងតែកើតមានកាន់តែធ្ងន់ធ្ងរ និងការបង្កើនកម្លាំងយោធាខាងក្រៅនេះបានគាស់រំលើងភាពវឹកវរជាសាធារណៈកាន់តែស៊ីជម្រៅនៅតាមបណ្តាតំបន់ទីប្រជុំជន និងទីក្រុងសំខាន់ៗនៅទូទាំងអឺរ៉ុបភាគខាងលិច។ ជាក់ស្តែង នៅក្នុងប្រទេសអេស្ប៉ាញ
សាខា ៤ ថ្មីបន្ថែមទៀតរបស់ អិលអូអិលស៊ី ត្រូវបានដាក់ឱ្យដំណើរការ «ឥណទានមាសកើនទ្រព្យ» ជាផ្លូវការ ដើម្បីបំពេញតម្រូវការសាច់ប្រាក់បន្ទាន់ជូនអតិថិជន
ព្រឹត្តិការណ៍, អត្ថបទពាណិជ្ជកម្ម
• 09/10/2026
ខេត្តកណ្តាល និងខេត្តកំពង់ស្ពឺ៖ ដើម្បីបន្តឆ្លើយតបទៅនឹងតម្រូវការហិរញ្ញវត្ថុរបស់អតិថិជនដែលរស់នៅតាមបណ្តាខេត្តនានា ក្រៅពីរាជធានីភ្នំពេញ ឱ្យទទួលបាននូវដំណោះស្រាយហិរញ្ញវត្ថុដែលមានភាពងាយស្រួលនិងមានសុវត្ថិភាព អិលអូអិលស៊ី បានដាក់ដំណើរការនូវផលិតផល «ឥណទានមាសកើនទ្រព្យ» នៅសាខាចំនួន ៤ បន្ថែមទៀត មានដូចជាសាខាក្រុងតាខ្មៅ – សង្កាត់រកាខ្ពស់ សាខាស្រុកកោះធំ – ឃុំព្រែកថ្មី សាខាស្រុកអង្គស្នួល – ឃុំបែកចាន
អាម៉េរិក-មីយ៉ាន់ម៉ា ចូលតុចរចាស្ងាត់ៗ ដើម្បីពិចារណាទណ្ឌកម្មឡើងវិញ ជាពិសេសកុងត្រារ៉ែកម្រ
ព្រឹត្តិការណ៍, អាជីវកម្មថ្មី និងនវានុវត្ត
• 09/10/2026
បរទេស ៖ រដ្ឋាភិបាលអាម៉េរិក កំពុងផ្លាស់ប្តូរនយោបាយរបស់ខ្លួនយ៉ាងស្ងៀមស្ងាត់ចំពោះប្រទេសមីយ៉ាន់ម៉ា ដោយជំនួសមកវិញនូវការផ្អាកទណ្ឌកម្មដែលខ្លួនបានដាក់ជាច្រើនឆ្នាំមកហើយនោះដើម្បីប្រាស្រ័យទាក់ទងដោយផ្ទាល់ និងពិចារណាឡើងវិញនូវការលើកលែងទណ្ឌកម្មទាំងនោះ។ នៅក្នុងអត្ថបទមួយដែលត្រូវបានចេញផ្សាយដោយ CNA នាពេលថ្មីៗនេះបានពន្យល់ថា មូលហេតុចម្បងនៅពីក្រោយការកែប្រែនយោបាយការទូតភ្លាមៗនេះ គឺដោយសារតែតម្រូវការបន្ទាន់របស់ទីក្រុងវ៉ាស៊ីនតោនក្នុងការទទួលបានសិទ្ធិចូលទៅកាន់ប្រភពធនធានរ៉ែកម្រ (Heavy Rare Earth Elements) ដ៏ច្រើនសន្ធឹកសន្ធាប់របស់មីយ៉ាន់ម៉ា ដែលជាវត្ថុធាតុដើមដ៏សំខាន់សម្រាប់ផលិតកម្មបច្ចេកវិទ្យា គ្រឿងអេឡិចត្រូនិក បរិក្ខាការពារជាតិ និងការផលិតយានយន្តអគ្គិសនី។
កម្មវិធីពិសេសរបស់ AMS ECONOMY
ព័ត៌មានសង្ខេប
Account
Security
Favourite Content