សមិទ្ធផលសំខាន់ៗ៦ចំណុចរបស់ក្រសួងការងារក្នុងឆ្នាំ២០២៣ និងទិសដៅសម្រាប់ឆ្នាំ២០២៤

ភ្នំពេញ ៖ កាលពីឆ្នាំ២០២៣កន្លងទៅនេះ ក្រោមកិច្ចខិតខំប្រឹងប្រែងរបស់ក្រសួងការងារ បណ្តុះបណ្តាល និងវិជ្ជាជីវៈ និងការលះបង់កម្លាំងកាយចិត្តក្នុងការអនុវត្តនូវយន្តការនានា ជាលទ្ធផលសម្រេចបានសមិទ្ធផលសំខាន់ចំនួន៦ចំណុច ហើយនឹងបន្តអនុវត្តទៅតាមផែនការថ្មីសំខាន់ៗនៅក្នុងឆ្នាំ២០២៤នេះ ដើម្បីធ្វើយ៉ាងណាអាចសម្រេចបានទៅតាមគោលដៅដែលបានដាក់ចេញ។

ឯកឧត្តម ហេង សួរ រដ្ឋមន្ត្រីក្រសួងការងារ បណ្តុះបណ្តាល និងវិជ្ជាជីវៈ នៅក្នុងឱកាសនៃពិធីសម្ពោធដាក់ឱ្យប្រើប្រាស់ស្ពានសម្ដេចតេជោ ហ៊ុន សែន កោះយ៉ង និងសំណេះសំណាលជាមួយប្រជាពលរដ្ឋ កម្មករ-កម្មការិនី សរុបជាង១ម៉ឺននាក់នៅខេត្តកោះកុង បានលើកឡើងនៅក្នុងរបាយការណ៍សង្ខេបថា អ្វីដែលក្រសួងការងារសម្រេចបានកន្លងមករួមមានចំណុចសំខាន់ៗមួយចំនួនដូចជា ៖

១. ប្រាក់ឈ្នួលអប្បបរមាក្នុងឆ្នាំ២០២៤ ៖ រាជរដ្ឋាភិបាលបានបន្ថែមប្រាក់ឈ្នួលចំនួន ២ដុល្លារ បន្ថែមលើតួលេខ ២០២ដុល្លារ ដែលសម្រេចដោយក្រុមប្រឹក្សាជាតិប្រាក់ឈ្នួលអប្បបរមា។ ការណ៍នេះបានធ្វើឱ្យប្រាក់ឈ្នួលអប្បបរមាសម្រាប់ឆ្នាំ២០២៤នេះ ឡើងដល់ ២០៤ដុល្លារក្នុង​មួយខែ ហើយនឹងចាប់អនុវត្តចាប់ពីខែមករានេះតទៅ។

២. ការពង្រីកវិសាលភាពរបបសន្តិសុខសង្គមផ្នែកថែទាំសុខភាព៖ ដើម្បីឱ្យការងារនេះកាន់តែមាន​ប្រសិទ្ធភាព​ ក្រសួងបានធ្វើយុទ្ធនាការផ្សព្វ​ផ្សាយជាមួយដៃគូនានា និងចុះតាមរោងចក្រសហគ្រាស តំបន់ផ្ទះជួល ផ្សារ និងទីប្រជុំជន សរុបចំនួន ៤៦១៥លើក។

៣. កម្មវិធីបណ្ដុះបណ្ដាលជំនាញ បច្ចេកទេស វិជ្ជាជីវៈ ៖ គិតត្រឹមថ្ងៃទី ៧ ខែមករា ឆ្នាំ២០២៤នេះ មានយុវជនចុះឈ្មោះចំនួន ២១៥៩៥នាក់ ក្នុងនោះភ្នំពេញមាន ៨៣៥៣នាក់ បាត់ដំបង ២៦៩៩នាក់ សៀមរាប ១៦១២នាក់ កណ្ដាល​ ៧៧៦នាក់ ព្រះសីហនុ ៧៥៨នាក់  និងបណ្ដាខេត្តផ្សេងៗចំនួន ៧៤០០នាក់។ ក្រសួងនឹងចាប់ផ្ដើមបើកវគ្គបណ្ដុះបណ្ដាល​ជំហានដំបូងនាពេលដ៏ខ្លីខាងមុខនេះ ក្នុងចំនួន ៥០០ថ្នាក់ ដល់យុវជនប្រមាណ ១៥០០០នាក់។​

៤. ការអនុវត្តកាតព្វកិច្ចហ្វឹកហ្វឺនកូនជាង ហាត់ការ និងកម្មសិក្សា ៖ កាលពីខែវិច្ឆិកាកន្លងទៅ ក្រសួងបានចុះអនុស្សរណៈយោគយល់ជាមួយសភាពាណិជ្ជកម្មកម្ពុជា និងសមាគមនិយោជកចំនួន ១៧ ស្ដីពីកិច្ចសហប្រតិបត្តិការ លើការហាត់ការ និងកម្មសិក្សា ដើម្បីគាំទ្រដល់ការបណ្ដុះបណ្ដាលជំនាញបច្ចេកទេស វិជ្ជាជីវៈ និងចាត់ទុកថាជាកិច្ចសហប្រតិ បត្តិការបើកផ្លូវ ដើម្បីផ្សារភ្ជាប់ទ្រឹស្តីជាមួយនឹងការអនុវត្ត។

៥. ការអនុវត្តកម្មវិធីសាច់ប្រាក់ដល់ស្ត្រីមានផ្ទៃពោះ ៖ មុនពេលសម្រាលកូន​ ពេលសម្រាលកូន និងក្រោយពេលសម្រាលកូន គឺបានអនុវត្តដោយរលូន មានប្រសិទ្ធភាព។ គិតត្រឹមថ្ងៃទី ១ ខែមករា ឆ្នាំ២០១៨ ដល់ ថ្ងៃទី៧ ខែមករា ឆ្នាំ២០២៤នេះ ក្រសួងបានបើកប្រាក់ឧបត្ថម្ភដល់កម្មការិនី បានចំនួន ៤៥៥ ៩៤៥នាក់ ចំណាយថវិកាប្រមាណ ១​៩២ពាន់លានរៀល។

៦. ការធានានូវសុខដុមរមនានៃទំនាក់ទំនងវិជ្ជាជីវៈ និងចលនាប្រឡងប្រណាំងយកពាន ៖ សហគ្រាសមួយគឺជាសហគមន៍សុខសាន្ដមួយ គឺក្រសួងបានចេញសេចក្ដីប្រកាសស្ដីពីលក្ខណៈវិនិច្ឆ័យ ដោយក្រសួងបានពង្រឹងយន្ដការអធិការកិច្ចការងារ និងពង្រឹងសមត្ថភាពមន្ត្រីអធិការកិច្ចការងារ។

ឯកឧត្តមរដ្ឋមន្ត្រីបានគូសបញ្ជាក់ត្រង់ចំណុចនេះដែរថា៖

«ក្នុងត្រីមាសទី៤ ឆ្នាំ២០២៣នេះ ក្រសួងបានធ្វើបច្ចុប្បន្នភាពរោងចក្រសហគ្រាស និងកម្មករនិយោ​ជិតដែល គ្រប់លក្ខណៈ​សម្បត្តិដើម្បីចុះបញ្ជីការ ដែលធ្វើឱ្យចំនួនរោងចក្រសហគ្រាសកើនពី​ចំនួន ១៧០០ ដល់ជាង ៤ម៉ឺនរោងចក្រ កម្មករនិយោជិតបានកើនឡើងពី ១លាន៥សែននាក់ ដល់ ១លាន៧សែននាក់»។

ក្រៅតែពីសមទ្ធិផលនេះទៅ រដ្ឋមន្ត្រីក្រសួងការងារក៏បានថ្លែងអំពីវឌ្ឍនៈភាពការងារអាទិភាពទាំង ៤ ដែលក្រសួងការងារត្រូវអនុវត្តឱ្យបានមុនបំណាច់ឆ្នាំ២០២៥ដូចជា៖

១. ការបង្កើតទារកដ្ឋាន និងមតេយ្យសហគមន៍ នៅតាមតំបន់រោងចក្រ៖ ក្រសួងបានរៀបចំសេចក្ដី​ព្រាងអំពីយន្ដការទ្រទ្រង់ និងបានកំណត់កាលវិភាគប្រជុំនាដើមខែមីនា ឆ្នាំ២០២៤ជាមួយនិយោ​ជក។

ការបង្កើតទារកដ្ឋាន និងមតេយ្យសហគមន៍ នៅតាមតំបន់រោងចក្រ នឹងជួយដល់បងប្អូនកម្មករ កម្មាការិនី ដែលមានកូនតូច ជាពិសេសក្រោយពេលលំហែមាតុភាព អាចយកទារកទៅផ្ញើរនៅ ទារកដ្ឋាន និងមតេយ្យសហគមន៍។

២. ក្រសួងបានសហការជាមួយភាគីពាក់ព័ន្ធដើម្បីជំរុញការកែលម្អកន្លែងហូបបាយ ឬអាហារដ្ឋាន រោងចក្រដែលកំពុងដំណើរការឱ្យបានសមរម្យសម្រាប់កម្មករ និយោជិត​ និងតម្រូវឱ្យមានការរៀបចំ កន្លែងហូបបាយអាហារដ្ឋានសម្រាប់រោងចក្រ ដែលត្រូវបង្កើតថ្មី។

៣. សហការជាមួយភាគីពាក់ព័ន្ធ ដើម្បីសិក្សាយន្ដការគាំទ្រ និងលើកទឹកចិត្តឱ្យមានការផ្លាស់ប្ដូរ ជាបណ្ដើរៗ នូវមធ្យោបាយដឹកជញ្ជូនកម្មករ និយោជិត ដែលស្របតាមបទដ្ឋានបច្ចេកទេស និងផាសុកភាពជាងមុន ត្រឹមឆ្នាំ២០២៧។

៤. ការជំរុញកម្មវិធីធ្វើតេស្តទទួលស្គាល់ជំនាញ ដែលជាឱកាសសម្រាប់កម្មករ និយោជិត និងអ្នកធ្វើការក្រៅប្រទេស​អាចចុះឈ្មោះធ្វើតេស្ត និងទទួលបានវិញ្ញាបនបត្រទទួលស្គាល់ជំនាញ មួយដើម្បីបង្ហាញពីសមត្ថភាព និងកម្រិតជំនាញ៕


របាយការណ៍ថ្មីៗ

មើលទាំងអស់ ➧

ព័ត៌មានទូទៅ

មើលទាំងអស់ ➧

ក្រមួនឃ្មុំ ជាទិន្នផលទទួលបានពីទឹក និងសម្បុកឃ្មុំ កំពុងមានទីផ្សារល្អ ផ្តល់គុណប្រយោជន៍ច្រើន  

ជំនួញ, ព្រឹត្តិការណ៍

• 15/07/2024

ការចិញ្ចឹមឃ្មុំ ជាអាជីវកម្មមួយដែលអាចទាញយកបានផលច្រើនមុខ ដោយក្រៅពីទទួលបានទិន្នផលជាទឹកឃ្មុំ គេក៏អាចប្រមូលបាននូវលំអងឃ្មុំ និងចម្រាញ់ធ្វើជាក្រមួនឃ្មុំផងដែរ

គម្រោងអភិវឌ្ឍន៍ផ្លូវ​ចំនួន​៣ខ្សែ​រំពឹង​បញ្ចប់​ការដ្ឋាននៅក្នុងឆ្នាំ២០២៤

ព្រឹត្តិការណ៍, អចលនទ្រព្យ

• 15/07/2024

គម្រោងអភិវឌ្ឍន៍​ផ្លូវជាតិសំខាន់ៗចំនួន​៣ខ្សែ រំពឹងថា​នឹង​បញ្ចប់ការ​សាងសង់នៅក្នុងឆ្នាំ ២០២៤​នេះ ហើយនឹង​សម្រួលដល់​ការធ្វើដំណើររបស់ពលរដ្ឋ​​

សេដ្ឋកិច្ចថៃបែរជាមានសម្ពាធខ្លាំងដោយសាររោងចក្រចិន និងការនាំចូលទំនិញធូរថ្លៃរបស់ចិន

ព្រឹត្តិការណ៍, សេដ្ឋកិច្ច

• 15/07/2024

សេដ្ឋកិច្ចថៃ កំពុងទទួលរងសំពាធ បន្ទាប់ពីមានបើកដំណើរការរោងចក្រផលិតរថយន្តអគ្គិសនី និងការនាំចូលទំនិញធូរថ្លៃរបស់ចិន

ក្រុមហ៊ុន SUN WAH សម្លឹងឃើញកាលានុវត្តភាពវិនិយោគថ្មីក្នុងវិស័យផ្គុំ និងដំឡើងយានយន្តអគ្គិសនីនៅកម្ពុជា

ព្រឹត្តិការណ៍, សេដ្ឋកិច្ច

• 15/07/2024

ក្រុមហ៊ុន SUN WAH Cambodia បានសម្លឹងឃើញកាលានុវត្តភាពវិនិយោគថ្មីក្នុងវិស័យផ្គុំ និងដំឡើងយានយន្តអគ្គិសនីនៅកម្ពុជា

ផ្លូវជាតិលេខ៧១C ប្រវែងជាង១១៤គីឡូម៉ែត្រ ភ្ជាប់ខេត្តត្បូងឃ្មុំ​ – ខេត្តកំពង់ចាម​សាងសង់រួចរាល់១០០%

ព្រឹត្តិការណ៍, អចលនទ្រព្យ

• 15/07/2024

ផ្លូវជាតិលេខ៧១C ប្រវែងជាង១១៤គីឡូម៉ែត្រ តភ្ជាប់ខេត្តត្បូងឃ្មុំ​ និង ខេត្តកំពង់ចាម​ សាងសង់រួចរាល់១០០%ហើយនៅសល់តែការងារគូសគំនូសចរាចរណ៍ប៉ុណ្ណោះ

រយៈពេល៥ខែ សេដ្ឋកិច្ចកម្ពុជាបានបង្ហាញពីសញ្ញាណល្អ ខណៈអត្រាអតិផរណាត្រលប់ទៅរកភាពប្រសើរឡើងវិញ

ព្រឹត្តិការណ៍, ហិរញ្ញវត្ថុ

• 15/07/2024

រយៈពេល៥ខែ សេដ្ឋកិច្ចកម្ពុជាបានបង្ហាញពីសញ្ញាណល្អ ខណៈអត្រាអតិផរណាត្រលប់ទៅរកភាពប្រសើរឡើងវិញ

ការនាំចេញរបស់ចិនកើនឡើងក្នុងល្បឿនលឿន ៨,៦ ភាគរយ លើសពីការរំពឹងទុក

ព្រឹត្តិការណ៍, សេដ្ឋកិច្ច

• 15/07/2024

Financial Times បានលើកឡើងថា ការនាំចេញរបស់ប្រទេសចិនកើនឡើងក្នុងល្បឿនយ៉ាងលឿនបំផុតក្នុងរយៈពេលជាងមួយឆ្នាំចុងក្រោយនេះ បើទោះបីជាមានភាពតានតឹងកើនឡើងជាមួយអឺរ៉ុប និងសហរដ្ឋអាមេរិកក៏ដោយ

ជប៉ុន គ្រោងវិនិយោគ២៣ពាន់លានដុល្លារសង់ផ្លូវក្រោមដីជាង៥០០គីឡូម៉ែត្រសម្រាប់តែការដឹកជញ្ជូនទំនិញដោយស្វ័យប្រវត្តិ

ព្រឹត្តិការណ៍, អាជីវកម្មថ្មី និងនវានុវត្ត

• 15/07/2024

ជប៉ុន គ្រោងវិនិយោគ ២៣ពាន់លានដុល្លារ សម្រាប់ការសាងសង់ផ្លូវក្រោមដីមានប្រវែងជាង៥០០គីឡូម៉ែត្រ សម្រាប់តែការដឹកជញ្ជូនទំនិញដោយស្វ័យប្រវត្តិ

បុគ្គលិកក្រុមហ៊ុន Samsung រាប់ពាន់នាក់ធ្វើកូដកម្មបន្ទាប់ពីបរាជ័យក្នុងការចរចាដំឡើងប្រាក់ឈ្នួល

ព្រឹត្តិការណ៍, សេដ្ឋកិច្ច

• 12/07/2024

សហជីពប្រចាំក្រុមហ៊ុនអេឡិចត្រូនិក Samsung នៅប្រទេសកូរ៉េខាងត្បូងបាននិយាយថា បុគ្គលិករាប់ពាន់នាក់បានចាប់ផ្តើមកូដកម្មមិនកំណត់ថ្ងៃ

តម្លៃប្រេងបន្តឡើងថ្លៃជាង ៨៥ ដុល្លារក្នុងមួយបារ៉ែល

ព្រឹត្តិការណ៍, សេដ្ឋកិច្ច

• 12/07/2024

តម្លៃប្រេងឆៅម៉ាក Brent ឡើងថ្លៃ ០,៥ ភាគរយ ឬ ៨៥,០៨ ដុល្លារក្នុងមួយបារ៉ែល ខណៈដែលប្រេងឆៅម៉ាក West Texas Intermediate (WTI) ឡើងថ្លៃ ០,៨ ភាគរយ ឬ ៨២,១០​ ដុល្លារក្នុងមួយបារ៉ែល