សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ៖ គិតត្រឹមខែតុលា ឆ្នាំ២០២៣ ធនាគារ SME បានអនុម័តកម្ចីដល់អាជីវកម្មស្ថិតក្នុងវិស័យទេសចរណ៍ចំនួនជាង ៣៥០ ឱ្យទទួលបានហិរញ្ញប្បទានពីគម្រោ សហហិរញ្ញប្បទានស្តារ និងជំរុញកំណើនក្នុងវិស័យទេសចរណ៍ (TRCS) ជាមួយទំហំហិរញ្ញប្បទានចំនួនជាង ៥៤ លានដុល្លារអាមេរិក ឬស្មើនឹង ជាង៣៦ភាគរយនៃគម្រោងថវិកាសរុប ១៥០ លានដុល្លារអាមេរិក។ នេះបើយោងតាមលោក លឹម អូន អគ្គនាយកធនាគារសហគ្រាសធុនតូច និងមធ្យមកម្ពុជា(SME Bank)។
លោកបានបន្តថា ៖ អាជីវកម្មដែលទទួលបានកម្ចីរួមមាន សណ្ឋាគារមាន ២៩% ខណៈអាជីវកម្មផ្ទះសំណាក់មាន ២៥% អាជីវកម្មភោជនីយដ្ឋានមាន ៣១% និងអាជីវកម្មគាំទ្រវិស័យទេសចរណ៍មាន ១៥% ដោយនៅក្នុងនោះមានសហគ្រិនជាស្ត្រី ៤១% ។
គួររំលឹកថានៅឆ្នាំ២០២២ ក្រសួងសេដ្ឋកិច្ច និងហិរញវត្ថុ បានប្រកាសដាក់ឱ្យអនុវត្តគម្រោងសហហិរញ្ញប្បទានស្តារ និងជំរុញកំណើនក្នុងវិស័យទេសចរណ៍ ក្នុងទំហំហិរញ្ញប្បទាន១៥០លានដុល្លារ ដែលបានមកពីថវិកាបដិភាគរបស់រាជរដ្ឋាភិបាលចំនួន៧៥ លានដុល្លារតាមរយៈ SME Bank និងថវិកាបដិភាគរបស់គ្រឹះស្ថានហិរញ្ញវត្ថុចូលរួមចំនួន៧៥លានដុល្លារ។
គម្រោងសហហិរញ្ញប្បទាន ស្តារវិស័យទេសចរណ៍នេះ គឺផ្តោតសំខាន់លើវិស័យទេសចរណ៍តែមួយប៉ុណ្ណោះ ដែលម្ចាស់អាជីវកម្មក្នុងនេះអាច ស្នើសុំឥណទានពីគ្រឹះស្ថានហិរញ្ញវត្ថុចូលរួម ដែលជាដៃគូរបស់ SME Bank។
ថ្មីៗនេះទៀតដើម្បីលើកស្ទួយវិស័យទេសចរណ៍នៅខេត្តសៀមរាប សម្តេចធិបតី ហ៊ុន ម៉ាណែត នាយករដ្ឋមន្ត្រីក្នុងវេទិការាជរដ្ឋាភិបាលផ្នែកឯកជន លើកទី១៩ បានលើកឡើងថា រាជរដ្ឋាភិបាលតាមរយៈធនាគារសហគ្រាសធុនតូច និងមធ្យមកម្ពុជា SME Bank (Cambodia) នឹងរៀបចំកម្មវិធីផ្តល់កម្ចីដោយផ្ទាល់ជាមួយប្រាក់បឋម ៥០លានដុល្លារដល់ប្រតិបត្តិករទេសចរណ៍នៅក្នុងខេត្តសៀមរាប ជាមួយអត្រាការប្រាក់សមរម្យ និងលក្ខខណ្ឌអនុគ្រោះផ្សេងទៀត ដើម្បីអនុញ្ញាតឱ្យប្រតិបត្តិករទេសចរណ៍ទទួលបានហិរញ្ញប្បទានក្នុងទឹកប្រាក់សមស្របតាមអាជីវកម្ម។
ទាក់ទងនឹងរឿងនេះ លោក លឹម អូន អគ្គនាយកធនាគារសហគ្រាសធុនតូច និងមធ្យមកម្ពុជា បានឱ្យដឹងថា៖គម្រោងកម្ចី៥០លានដុល្លាររបស់រាជរដ្ឋាភិបាលនេះ ត្រូវអនុវត្តភ្លាមៗ ដោយធនាគារ SME Bank ។ខណៈកំពុងរៀបចំបែបទផ្លូវការ អាជីវកម្ម និងប្រតិបត្តិករទេសចរណ៍ដែលមានបំណងខ្ចី អាចដាក់ពាក្យស្នើសុំបាន។តែគម្រោងនេះសម្រាប់តែអាជីវកម្មក្នុងខេត្តសៀមរាបប៉ុណ្ណោះ៕
Account
Security
Favourite Content