កម្មវិធីអភិវឌ្ឍន៍ពូជមាន់ក្នុងស្រុករបស់អូស្រ្តាលី បានជួយកែប្រែជីវភាពកសិករនៅខេត្តតាកែវ

តាកែវ ៖ រដ្ឋាភិបាលអូស្ត្រាលី បានដាក់ចេញនូវគម្រោងកែប្រែជីវភាពកសិករនៅកម្ពុជា ដោយផ្ដល់នូវការគាំទ្រផ្នែកហិរញ្ញវត្ថុទៅដល់ក្រុមកសិករក្នុងការអនុវត្តគម្រោងបង្កាត់ពូជមាន់ក្នុងស្រុកឱ្យកាន់តែមានភាពធន់ និងមានទីផ្សារខ្ពស់។

គម្រោងនេះមានសុពលភាពចំនួន ៤ឆ្នាំ គឺចាប់ពីឆ្នាំ២០២០ ដល់ឆ្នាំ ២០២៤ ដោយមានកិច្ចសហការលើជំនួយផ្នែកបច្ចេកទេសពីវិទ្យាស្ថានស្រាវជ្រាវបសុសត្វអន្តរជាតិ (ILRI) ព្រមទាំងមានកិច្ចសហការយ៉ាង​ជិតស្និទ្ធពីរាជរដ្ឋាភិបាលកម្ពុជា។

តាមរយៈគម្រោងនេះ កសិករចំនួន៣គ្រួសារនៅក្នុងស្រុកត្រាំកក់ខេត្តតាកែវ ត្រូវបានជ្រើសរើសឱ្យអនុវត្ត​ចិញ្ចឹម និងបង្កាត់ពូជ ដោយក្នុងមួយគ្រួសារទទួលបានពូជមាន់ស្គួយ (មាន់ស្រែ) ១ពាន់ក្បាល ព្រមទាំង​ជំនួយផ្សេង​ទៀតសម្រាប់ចំណាយលើចំណី និងការរៀបចំទីតាំងចិញ្ចឹមមាន់។

ទាក់ទិននឹងគម្រោងនេះ លោកស្រីបណ្ឌិត Anna Okello Ann ដែលជាអ្នកគ្រប់គ្រងកម្មវិធីស្រាវជ្រាវរបស់មជ្ឈមណ្ឌលអូស្ត្រាលីសម្រាប់ការស្រាវជ្រាវកសិកម្មអន្តរជាតិ (ACIAR) បានឱ្យដឹងថា នេះជាគម្រោងទី១ ដែលមិនមែនតែនៅកម្ពុជាទេ តែជាគម្រោងដំបូងបង្អស់នៅក្នុងតំបន់អាស៊ីអាគ្នេយ៍តែម្ដង។

លោកស្រីបានឱ្យដឹងទៀតថា គម្រោងនេះអាចជួយប្រជាពលរដ្ឋដែលរស់នៅក្នុងសហគមន៍ឱ្យទទួលបានពូជមាន់ស្គួយដែលសុទ្ធល្អ មានភាពធន់នឹងអាកាសធាតុ ថែមទាំងអាចផ្ដល់ស៊ុតបានច្រើនជាងពូជមាន់ធម្មតា ហើយអ្វីដែលសំខាន់បំផុតគឺអាចលក់បានក្នុងតម្លៃថ្លៃ។

លោកបណ្ឌិត Wondmeneh Esatu សមាជិកគម្រោង និងជាអ្នកវិទ្យាសាស្ត្រផ្នែកពន្ធុវិទ្យា និងបង្កាត់​ពូជសត្វ នៅវិទ្យាស្ថានស្រាវជ្រាវបសុសត្វអន្តរជាតិ (ILRI) ឯណោះវិញបានឱ្យដឹងថា កម្ពុជាជាប្រទេសមួយ ដែលមានទីតាំងអំណោយផលសម្រាប់ការធ្វើកសិកម្មគ្រប់ប្រភេទ បើធៀបទៅនឹងប្រទេសផ្សេងទៀតនៅក្នុងតំបន់។

លោកបន្តថា ៖

«ពូជមាន់ស្គួយដែលជាមាន់ក្នុងស្រុកស្រាប់នេះទៀតសោត គឺត្រូវនឹងវត្ថុបំណងរបស់​វិទ្យាស្ថាន ដោយពូជមាន់នេះមានការវិវត្តខ្ពស់ ត្រូវនឹងស្តង់ដារ ហើយសាច់ក៏មានរសជាតិឆ្ងាញ់ផងដែរ។ ដូច្នេះហើយ យើងចង់ពង្រឹងបច្ចេកទេសនៃការចិញ្ចឹមឱ្យកាន់តែប្រសើរជាងមុនថែមទៀត ដើម្បីបង្កើតជាអត្តសញ្ញាណមួយនៃផលិតផលក្នុងស្រុកតែម្ដង»។

យ៉ាងណាមិញ កសិករចំនួន៣គ្រួសារ ដែលត្រូវបានជ្រើសរើសឱ្យអនុវត្តគម្រោងនេះ សុទ្ធតែបានទទួលផ្លែផ្កាល្អ ជាពិសេសបានកែប្រែជីវភាពរបស់ពួកគេរៀងខ្លួនឱ្យធូរធាជាងមុនផងដែរ។

លោកស្រី កន ភារម្យ ដែលជាកសិករចិញ្ចឹមពូជមាន់ស្គួយបានឱ្យដឹងថា លោកស្រីចិញ្ចឹមមាន់តាំងតែពីឆ្នាំ ២០១៣មកម្លេះ ដោយកាលណោះគឺចិញ្ចឹមក្នុងទំហំមធ្យម ពោលគឺជាកសិដ្ឋានតូចមួយប៉ុណ្ណោះ។ ប៉ុន្តែរហូតមកដល់បច្ចុប្បន្ននេះ លោកស្រីបានពង្រីកពីកសិដ្ឋានទៅជាសហគមន៍កសិកម្ម ដោយមានសមាជិកជាកសិករប្រមាណ ១៥០នាក់។

ដោយឡែក ការចិញ្ចឹមមាន់របស់លោកស្រីកាលពីមុន គឺចិញ្ចឹមមាន់ចម្រុះគ្រប់ប្រភេទ ប៉ុន្តែបន្ទាប់​ពីទទួលបានគម្រោងខាងលើ លោកស្រីបានផ្ដោតការចិញ្ចឹមតែទៅលើពូជមាន់ស្គួយតែប៉ុណ្ណោះ។

បច្ចុប្បន្ន លោកស្រី អាចរកចំណូលពីមាន់តាមរយៈការលក់ជាពូជផង លក់ជាសាច់ផង និងលក់ស៊ុតផង ដែលចំណូលទាំងនេះល្មមគ្រប់គ្រាន់នឹងឱ្យគ្រួសារលោកស្រីមានស្ថិរភាពល្អ។

ដោយឡែក កសិករ យ៉ែម សុខនី ឯណោះវិញ ដែលពីមុនមកត្រូវបង្ខំចិត្តចំណាកស្រុក ដើម្បីធ្វើការរកចំណូលសម្រាប់គ្រួសារនោះ ពេលនេះមានលទ្ធភាពអាចរកចំណូលបានពីការចិញ្ចឹមមាន់ដោយធូរ ហើយថែមទាំងអាច​បញ្ជូនកូនទៅ​សិក្សាថ្នាក់សកលវិទ្យាល័យ នៅទីក្រុងភ្នំពេញបានទៀតផង។

កសិកររូបនេះបានបន្តរៀបរាប់ទៀតថា លោកមិនត្រឹមតែចេះពីបច្ចេកទេសក្នុងការចិញ្ចឹមមាន់ឱ្យមានគុណភាពប៉ុណ្ណោះទេ ប៉ុន្តែលោកក៏ចេះពីបច្ចេកទេសគ្រប់គ្រងមាន់ ភ្ញាស់កូនមាន់ ចេះធ្វើកំណត់ត្រា តាមដានការវិវត្តរបស់មាន់ជាដើម។

ជាមួយគ្នានេះ លោកបណ្ឌិត ទុំ សុធ្ធីរ៉ា នាយកវិទ្យាស្ថានជាតិស្រាវជ្រាវសុខភាពសត្វ និងផលិតកម្ម ដែលជាអ្នកដឹកនាំ​គម្រោងនេះនៅកម្ពុជា បានឱ្យដឹងថា គម្រោងកែលម្អពូជមាន់ស្គួយ កំពុងអនុវត្តស្រប​តាមគោលនយោបាយអភិវឌ្ឍអនុវិស័យផលិតសត្វ ដោយធ្វើឱ្យប្រសើរឡើងនូវផលិតភាព (ការលូតលាស់​ខ្ពស់ និងការផលិតស៊ុតច្រើន) ជាពិសេសធន់នឹងអាកាសធាតុក្នុងស្រុក) ជាពិសេសជួយ​បំពេញតម្រូវការ​កើនឡើងនៃសាច់មាន់ស្រែ និងពងមាន់ពូជក្នុងស្រុក ដែលចូលរួមបង្កើន​ប្រាក់ចំណូលកសិករ។

លោកបានបញញជាក់ថា៖

«នៅក្នុងវដ្តនៃគម្រោងនាពេលខាងមុខ ខ្ញុំចង់ឃើញគម្រោងពង្រីកទៅកាន់តំបន់ផ្សេងៗដើម្បីឱ្យមានកសិករចិញ្ចឹមមាន់មានពូជក្នុងស្រុកល្អៗ សមស្របទាំងក្នុងប្រព័ន្ធផលិតកម្មលក្ខណៈគ្រួសារ និងពាណិជ្ជកម្ម»។ 

សូមបញ្ជាក់ផងដែរថា ចំពោះតម្លៃ​មាន់​ស្កួយនាពេល​បច្ចុប្បន្ន​ត្រូវ​បាន​លក់​ក្នុង​តម្លៃ ៥ ដុល្លារ​ក្នុង​មួយ​គីឡូក្រាម ខណៈ​ពង​របស់​វា​មាន​តម្លៃ ០,៣ ដុល្លារ រីឯ​មេបាពូជ​របស់​ពូជ​ស្គួយ​ត្រូវ​បាន​លក់​ក្នុង​តម្លៃ​ប្រហែល ១៥ ដុល្លារក្នុង១ក្បាល៕


របាយការណ៍ថ្មីៗ

មើលទាំងអស់ ➧

ព័ត៌មានទូទៅ

មើលទាំងអស់ ➧

ធនាគារ វីង បើកសម្ពោធសាខាថ្មីក្នុងក្រុងកំពង់ឆ្នាំង

ព្រឹត្តិការណ៍, អត្ថបទពាណិជ្ជកម្ម

• 14/06/2024

សេវាធនាគារដ៏សម្បូរបែបរបស់ធនាគារ វីង ឥឡូវនេះបានពង្រីកទៅដល់ក្រុងកំពង់ឆ្នាំងហើយ ដើម្បីជួយសម្រួលប្រជាជនក្នុងខេត្តនេះជាមួយនឹងតម្រូវការសេវាហិរញ្ញវត្ថុប្រចាំថ្ងៃកាន់តែប្រសើរ

៤០ឆ្នាំក្នុងនាមជារោងចក្រពិភពលោក តែមិនប្រាកដថាអាចបន្តភាពជោគជ័យក្នុងទីផ្សាររថយន្តអគ្គិសនីនោះឡើយ

ព្រឹត្តិការណ៍, សេដ្ឋកិច្ច

• 14/06/2024

រថយន្តអគ្គិសនីរបស់ចិន មិនប្រាកដថាអាថវាយឡុកទីផ្សារពិភពលោកបានជោគជ័យដូចជាទីផ្សារផលិតផល និងទំនិញរបស់ខ្លួនដែលធ្លាប់ធ្វើបានជាង៤០ឆ្នាំនោះឡើយ

ព្រែកជីកហ្វូណនតេជោ នឹងផ្លាស់ប្ដូរមុខមាត់ និងមានដង្ហើមសេដ្ឋកិច្ចដូចព្រែកជីក Rhine–Main–Danube នៅអាល្លឺម៉ង់

ព្រឹត្តិការណ៍, សេដ្ឋកិច្ច

• 14/06/2024

ព្រែកជីកហ្វូណនតេជោ នឹងផ្លាស់ប្ដូរមុខមាត់កម្ពុជាថ្មី និងមានដង្ហើមសេដ្ឋកិច្ចដូចព្រែកជីក Rhine–Main–Danube នៅប្រទេសអាល្លឺម៉ង់ ក្រោយពេលស្ថាបនារួច

ពូជកូនឈើហូបផ្លែកាន់តែមានតម្រូវការទីផ្សារនារដូវវស្សា

ជំនួញ, ព្រឹត្តិការណ៍

• 14/06/2024

សម្រាប់រដូវវស្សាដែលមានភ្លៀងធ្លាក់ច្រើន និងមានប្រភពទឹកគ្រប់គ្រាន់ ជាអំណោយផលមួយសម្រាប់បងប្អូនប្រជាកសិករ ក៏ដូចជាអ្នកដែលចូលចិត្តដាំដំណាំ និងដើមឈើហូបផ្លែ

អ្នកជំនាញលើកទឹកចិត្តឱ្យគ្រឹះស្ថានផ្ដល់កម្ចី និងអតិថិជនបើកចិត្តជជែកគ្នា ដើម្បីចៀសវាងកើតមានបញ្ហាណាមួយ

ព្រឹត្តិការណ៍, ហិរញ្ញវត្ថុ

• 14/06/2024

បញ្ហាមួយអាចកើតឡើង ប្រសិនបើអតិថិជនមិនមានលទ្ធភាពសង ទៅកាន់គ្រឹះស្ថានផ្ដល់កម្ចីតាមកិច្ចសន្យា ហើយភាគីទាំងពីរមិនបានជជែកគ្នាដើម្បីរកដំណោះស្រាយ។

សកម្មភាពសាងសង់ផ្ទះរបស់ប្រជាពលរដ្ឋតាមបណ្ដាខេត្ត​ធ្លាក់ចុះ​ជាង​ឆ្នាំមុន​

ព្រឹត្តិការណ៍, អចលនទ្រព្យ

• 14/06/2024

ប្រជាពលរដ្ឋ​ដែលសាងសង់ផ្ទះថ្មី​នៅក្នុង​ឆ្នាំ ២០២៤​នេះឃើញថា​មាន​ចំនួន​តិចជាង​ឆ្នាំ ២០២៣​ ដែលធ្វើឱ្យការលក់​គ្រឿងសំណង់​និងចំណូល​អ្នក​សាងសង់​ថយចុះ

តម្លៃប្រេងបន្តឡើងថ្លៃ ខណៈដែលការផ្គត់ផ្គង់អាចនឹងត្រូវបានរឹតបន្តឹងរហូតដល់ត្រីមាសទី៣ឆ្នាំនេះ

ព្រឹត្តិការណ៍, អាជីវកម្មថ្មី និងនវានុវត្ត

• 14/06/2024

តម្លៃប្រេងម៉ាក West Texas Intermediate (WTI) ឡើងថ្លៃ ០,៧៧ ភាគរយ ឬ ៧៨,៥០ ដុល្លារក្នុងមួយបារ៉ែល ខណៈដែលតម្លៃប្រេងម៉ាក Brent ឡើងថ្លៃ ០,៨៣ ភាគរយ ឬ ៨២,៦០ ដុល្លារក្នុងមួយបារ៉ែល

វិស័យ SMEs ជាកម្លាំងជំរុញដ៏សំខាន់ក្នុងដំណើររបស់កម្ពុជាឆ្ពោះទៅការសម្រេចបានគោលដៅជាប្រទេសមានចំណូលមធ្យមកម្រិតខ្ពស់នៅឆ្នាំ២០៣០

ព្រឹត្តិការណ៍, សេដ្ឋកិច្ច

• 14/06/2024

សហគ្រាសធុនមីក្រូ តូច និងមធ្យមគឺជាកម្លាំងជំរុញដ៏សំខាន់ក្នុងដំណើររបស់កម្ពុជាឆ្ពោះទៅការសម្រេចបានគោលដៅជាប្រទេសមានចំណូលមធ្យមកម្រិតខ្ពស់នៅឆ្នាំ២០៣០

ស្វែងយល់ពីសារៈសំខាន់នៃចំណេះដឹងហិរញ្ញវត្ថុ

ព្រឹត្តិការណ៍, ហិរញ្ញវត្ថុ

• 14/06/2024

ភ្នំពេញ ៖ ចំណេះដឹងហិរញ្ញវត្ថុគឺជាបំណិនជីវិតមួយ ដែលបុគ្គលគ្រប់រូបត្រូវការសម្រាប់ការរស់នៅប្រចាំថ្ងៃ ព្រោះវាជួយឱ្យបុគ្គលនីមួយៗគ្រប់គ្រងលុយកាក់បានល្អប្រសើរជាងមុន ជួយឱ្យសម្រេចចិត្តផ្នែកហិរញ្ញវត្ថុបានត្រឹមត្រូវ ...

Window to the World ផ្តល់ឱកាសដល់សិស្សនៅតំបន់ដាច់ស្រយាលក្នុងខេត្តតាកែវចំនួន២០នាក់ មកទស្សនកិច្ចសិក្សាអប់រំនៅរាជធានីភ្នំពេញ

ព្រឹត្តិការណ៍, អត្ថបទពាណិជ្ជកម្ម

• 13/06/2024

Window to the World ផ្តល់ឱកាសដល់សិស្សនៅតំបន់ដាច់ស្រយាលក្នុងខេត្តតាកែវចំនួន២០នាក់ មកទស្សនកិច្ចសិក្សាអប់រំនៅរាជធានីភ្នំពេញ