សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
បរទេស៖ យោងតាមប្រភពព័ត៌មានពី AP News បានរាយការណ៍ថា រដ្ឋអាជ្ញាប្រេស៊ីលបានប្តឹងក្រុមហ៊ុនរថយន្តអគ្គិសនីចិន BYD និងក្រុមហ៊ុនម៉ៅការសំណង់ពីរទៀតពីបទប្រើប្រាស់កម្មករក្នុងលក្ខខណ្ឌការងារដូចទាសករ និងចូលរួមក្នុងការជួញដូរមនុស្ស។
ការិយាល័យអយ្យការការងារនៅរដ្ឋ Bahia បាននិយាយនៅក្នុងសេចក្តីថ្លែងការណ៍មួយថា ពួកគេកំពុងទាមទារសំណងខូចខាតចំនួន ២៥៧ លានរៀលប្រេស៊ីល (ជិត ៤៦ លានដុល្លារ) ពីក្រុមហ៊ុន BYD, ក្រុមហ៊ុន China JinJiang Construction Brazil និង ក្រុមហ៊ុន Tecmonta Equipamentos Inteligentes ។ ការដាក់បណ្ដឹងនេះពាក់ព័ន្ធទៅនឹងការស៊ើបអង្កេតមួយដែលនាំឱ្យមានការជួយសង្គ្រោះកម្មករចិនចំនួន ២២០ នាក់ពីការដ្ឋានសំណង់រោងចក្រថ្មីរបស់ BYD ក្នុងទីក្រុង Camaçari កាលពីឆ្នាំមុន។
រដ្ឋអាជ្ញាប្រេស៊ីល បាននិយាយថា កម្មករទាំងនោះត្រូវបាននាំមកប្រេស៊ីលក្រោមការក្លែងបន្លំជាមួយទិដ្ឋាការដែលមិនត្រូវនឹងការងាររបស់ពួកគេ។ លក្ខខណ្ឌការងារមានភាពអមនុស្សធម៌បំផុត ដោយទីលំនៅចំនួន ៥ ស្ថិតនៅក្រោមក្រុមហ៊ុន BYD, JinJiang និង Tecmonta ។ កម្មករមួយចំនួនបានដេកនៅលើគ្រែដោយគ្មានពូក និងត្រូវទិញរបស់របរផ្ទាល់ខ្លួន រួមទាំងអាហារជាដើម។ លើសពីនេះ វាមានបន្ទប់ទឹកតិចតួចណាស់ ហើយមិនមានការបែងចែកយេនឌ័រនោះទេ។ ក្នុងចំណោមកន្លែងទីលំនៅមួយ វាមានបង្គន់អនាម័យមួយប៉ុណ្ណោះសម្រាប់មនុស្ស ៣១ នាក់ ដែលកម្មករត្រូវបង្ខំចិត្តក្រោកពីម៉ោង ៤ ទៀបភ្លឺ ដើម្បីរៀបចំខ្លួនមុនពេលទៅធ្វើការ។ មិនត្រឹមតែប៉ុណ្ណោះ លិខិតឆ្លងដែនរបស់កម្មករត្រូវបានរឹបអូស ខណៈដែលពួកគេកំពុងធ្វើការក្រោមកិច្ចសន្យាការងារបំពានច្បាប់ ធ្វើការលើសម៉ោង និងគ្មានការសម្រាកប្រចាំសប្តាហ៍នោះទេ។
យ៉ាងណាក៏ដោយ រហូតមកដល់ពេលនេះ តំណាងក្រុមហ៊ុន BYD នៅមិនទាន់បានឆ្លើយតបទៅនឹងករណីនេះទេ ប៉ុន្តែក្រុមហ៊ុននេះធ្លាប់និយាយនៅក្នុងសេចក្តីថ្លែងការណ៍មួយថា ខ្លួនបានសហការជាមួយនឹងការស៊ើបអង្កេតតាំងពីដំបូង ហើយនឹងផ្តល់ការអត្ថាធិប្បាយបន្ថែមទៀតពីករណីនេះ។ BYD អះអាងថា ខ្លួនគោរពច្បាប់របស់ប្រទេសប្រេស៊ីល និងបទប្បញ្ញត្តិការងារអន្តរជាតិ។ កាលពីខែធ្នូ អ្នកនាំពាក្យរបស់ក្រុមហ៊ុន BYD បានជំទាស់នឹងព័ត៌មានពាក់ព័ន្ធនឹងស្ថានភាពអាក្រក់នៅឯការដ្ឋានសំណង់របស់ខ្លួនក្នុងប្រទេសប្រេស៊ីល ដោយនិយាយថា ការចោទប្រកាន់នេះគឺមានគោលបំណងលាបពណ៌លើម៉ាកយីហោរបស់ចិន៕
Account
Security
Favourite Content