សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ ៖ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា បានណែនាំទៅអភិបាលរាជធានីភ្នំពេញ ឱ្យត្រៀមរៀបចំសេវារថយន្តដោយឥតគិតថ្លៃ សម្រាប់ដឹកជញ្ជូនពលរដ្ឋទៅកាន់ស្រុកកំណើតនាឱកាសនៃពិធីបុណ្យភ្ជំបិណ្ឌនាពេលខាងមុខនេះ។
សម្តេចធិបតី ហ៊ុន ម៉ាណែត បានថ្លែងបញ្ជាក់បែបនេះនៅក្នុងពិធី “បើកការដ្ឋានសាងសង់ អគារមជ្ឈមណ្ឌលកណ្តាល អគារចំណត រោងជាង និង អគារវេជ្ជសាស្ត្រស៊ីក្លូត្រុង នៃមន្ទីរពេទ្យកាល់ម៉ែត” នាព្រឹកថ្ងៃទី១៦ ខែកញ្ញា ឆ្នាំ២០២៤នេះ។
សម្តេចធិបតី ហ៊ុន ម៉ាណែត បានគូសបញ្ជាក់ថា ៖ ការត្រៀមរថយន្តសម្រាប់ដឹកនាំពលរដ្ឋធ្វើដំណើរទៅកាន់ស្រុកកំណើតនាឱកាសនៃពិធីបុណ្យភ្ជំបិណ្ឌដែលមានចំនួនសរុបរហូតដល់ប្រមាណជិត៥០០គ្រឿងនេះ ក៏មានរថយន្តចំនួន៥៦គ្រឿងផងដែរសម្រាប់ដឹកជញ្ជូនប្រជាពលរដ្ឋទៅកាន់ប៉ែកឦសានផងដែរ ជាមួយនឹងការផ្តល់ជូននូវទឹកពិសារផងដែរ។
សូមជម្រាបថា ជារៀងរាល់ឆ្នាំ សម្រាប់ឱកាសនៃពិធីបុណ្យប្រពៃណីជាតិធំៗ ដូចជាបុណ្យចូលឆ្នាំខ្មែរ និងបុណ្យភ្ជុំបិណ្ឌជាដើម រាជរដ្ឋាភិបាលកម្ពុជាតែងតែបានត្រៀមសេវារថយន្តសម្រាប់ដឹកជញ្ជូនបងប្អូនប្រជាពលរដ្ឋ កម្មករ កម្មការិនី និយោជិត ក្នុងវិស័យឯកជន ក៏ដូចជាមន្ត្រីរាជការ ជាពិសេសពីរាជធានីភ្នំពេញ ទៅកាន់បណ្តាខេត្តនានានៅទូទាំងប្រទេស ដើម្បីធជួយកាត់បន្ថយចំណាយថ្លៃធ្វើដំណើរ ក៏ដូចជារក្សានូវសុខសុវត្ថិភាពផងដែរ។
សូមបញ្ជាក់ដែរថា សម្រាប់ការផ្តល់ជូននូវសេវាដឹកជញ្ជូនចេញពីរាជធានីភ្នំពេញ ទៅតាមបណ្តាខេត្តក្រុងនានានៅទូទាំងប្រទេសនាឱកាសបុណ្យភ្ជុំបិណ្ឌខាងមុខនេះនឹងចាប់អនុវត្តនាព្រឹកថ្ងៃទី៣០ ខែកញ្ញា ដល់ថ្ងៃទី៤ ខែតុលា ឆ្នាំ២០២៤ ពោលគឺនៅមុន និងក្រោយភ្ជុំបិណ្ឌមួយថ្ងៃ។
Account
Security
Favourite Content