កិច្ចប្រជុំកំពូលធុរកិច្ចកម្ពុជា-អាស៊ាន ឆ្នាំ២០២៤ នឹងជំរុញកិច្ចសហប្រតិបត្តិការក្នុងតំបន់

ភ្នំពេញ ៖ អ្នកឧកញ៉ា គិត ម៉េង ប្រធានសភាពាណិជ្ជកម្មកម្ពុជា និងជាប្រធានក្រុមប្រឹក្សាពិគ្រោះយោបល់ធុរកិច្ចអាស៊ាន-កម្ពុជា បានថ្លែងថា សម្រាប់កិច្ចប្រជុំកំពូលធុរកិច្ច កម្ពុជា-អាស៊ាន ឆ្នាំ២០២៤ ជាចក្ខុវិស័យសម្រាប់កិច្ចសហប្រតិបត្តិការក្នុងតំបន់ និងការតភ្ជាប់ ខណៈដែលប្រទេសកម្ពុជាបានក្លាយជាបេះដូង និងជាក្បាលម៉ាស៊ីនសេដ្ឋកិច្ចរបស់អាស៊ាន។

ថ្លែងបញ្ជាក់ក្នុងឱកាសចូលរួមក្នុងកិច្ចប្រជុំកំពូលធុរកិច្ច កម្ពុជា-អាស៊ាន ឆ្នាំ២០២៤ ក្រោមអធិបតីភាព សម្តេចធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា នៅថ្ងៃទី០២ ខែមេសា ឆ្នាំ២០២៤ ​អ្នកឧកញ៉ា គិត ម៉េង បានលើកឡើងថា កិច្ចប្រជុំកំពូលនេះ ត្រូវបានរៀបចំឡើងដោយសភាពាណិជ្ជកម្មកម្ពុជា ដោយផ្អែកលើភាពជោគជ័យ នៃកិច្ចប្រជុំកំពូលធុរកិច្ច និងការវិនិយោគអាស៊ាន ដែលរៀបចំនៅទីក្រុងភ្នំពេញ ក្នុងឆ្នាំ២០១២ និង២០២២ ហើយកិច្ចខិតខំប្រឹងប្រែងរបស់ដៃគូទាំងអស់ បានធ្វើឱ្យកិច្ចប្រជុំកំពូលធុរកិច្ចនេះទទួលបានជោគជ័យ និងលើកកម្ពស់ទំនាក់ទំនងធុរកិច្ចកាន់តែរឹងមាំនៅទូទាំងបណ្តាប្រទេសអាស៊ាន។

អ្នកឧកញ៉ា គិត ម៉េង បានបញ្ជាក់ថា កម្ពុជា គឺជាមជ្ឈភាពនៃអាស៊ាន ហើយត្រៀមខ្លួនជាស្រេច ដើម្បីក្លាយជាតំណភ្ជាប់យុទ្ធសាស្ត្រសម្រាប់ពាណិជ្ជកម្ម និងកិច្ចសហប្រតិបត្តិការ នៅក្នុងតំបន់អាស៊ាន។ សម្រាប់អាជីវកម្ម ដែលស្វែងរកមជ្ឈមណ្ឌលផលិតកម្ម ឬការិយា​ល័យអាជីវកម្ម ដើម្បីបម្រើដល់ប្រជាជនចំនួន ២.៥ពាន់លាននាក់ នៅទូទាំងអាស៊ាន ប្រទេសកម្ពុជា គឺជាកន្លែងដ៏ល្អឥតខ្ចោះសម្រាប់ធុរកិច្ច។

អ្នកឧកញ៉ា បានចង្អុលបង្ហាញថា  កម្ពុជាបានក្លាយទៅជាច្រកទ្វារតំបន់ដ៏គួរឱ្យទាក់ទាញ ដោយសារ៖ ១. វិធីសាស្រ្តបើកទ្វារចំហ និងវឌ្ឍនភាព ២. ធនធានសម្បូរបែប ៣. បរិយាកាសនយោបាយស្ថិរភាព ៤. ច្បាប់វិនិយោគដែលសម្លឹងទៅអនាគត ៥. ការលើកទឹកចិត្តពន្ធដ៏ទូលំទូលាយ និង៦. បណ្តាញទូលំទូលាយនៃកិច្ចព្រមព្រៀងពាណិជ្ជកម្មសេរី។

អ្នកឧកញ៉ា បានលើកឡើងថា ប្រទេសកម្ពុជា ប្តេជ្ញាយ៉ាងម៉ឺងម៉ាត់ក្នុងការប្រតិបត្តិពាណិជ្ជកម្ម និងការវិនិយោគ ដែលបើកទូលាយ ផ្អែកលើបទប្បញ្ញត្តិ និងដោយប្រកាន់ខ្ជាប់ នូវគោលការណ៍ពហុភាគី និងកិច្ចព្រមព្រៀងអន្តរជាតិ ហើយការប្តេជ្ញាចិត្តនេះ ប្រែក្លាយទៅជាបរិយាកាសធុរកិច្ច ដែលមានស្ថិរភាព អាចព្យាករណ៍បាន និងដែលគាំទ្រដោយរដ្ឋាភិបាល ដែលប្រកាន់យកនូវតម្លាភាព អភិបាលកិច្ច និងប្រសិទ្ធភាព។

សូមជម្រាបថា កិច្ចប្រជុំកំពូលធុរកិច្ច កម្ពុជា-អាស៊ាន មានគោលដៅជំរុញសក្តានុពលអាស៊ាន ដែលកម្ពុជាគឺជាចំណុចស្នូល និងលើកយកប្រធានបទសំខាន់ៗ មកជជែកពិភាក្សារួមមាន៖ តំណភ្ជាប់ខ្សែបញ្ជូនថាមពលអាស៊ាន ចីរភាព និងថាមពលកកើតឡើងវិញរបស់អាស៊ាន កម្ពុជាគឺជាច្រកទ្វារទៅកាន់អាស៊ាន និងការប្រើប្រាស់បច្ចេ​​ក វិទ្យាដើម្បីកំណើនប្រកបដោយបរិយាបន្ន៕


របាយការណ៍ថ្មីៗ

មើលទាំងអស់ ➧

ព័ត៌មានទូទៅ

មើលទាំងអស់ ➧

តម្លៃប្រេងឡើងថ្លៃ បង្កឱ្យមានការព្រួយបារម្ភលើការផ្គត់ផ្គង់ប្រេងនៅមជ្ឈិមបូព៌ា

ព្រឹត្តិការណ៍, សេដ្ឋកិច្ច

• 19/04/2024

តម្លៃប្រេងឆៅម៉ាក Brent ឡើងថ្លៃ ៨៨,៥ ដុល្លារក្នុងមួយបារ៉ែល ខណៈដែលតម្លៃប្រេងឆៅម៉ាក West Texas Intermediate (WTI) ឡើងថ្លៃដល់ ៨៣,៤៨ ដុល្លារក្នុងមួយបារ៉ែល

ទទួលផលពីអាជីវកម្មបរិយាបន្ន សហគមន៍កសិកម្មមួយអាចផ្គត់ផ្គង់បន្លែបានជាង១តោន ក្នុងមួយខែ

ធុរកិច្ចបរិយាបន្ន, ព្រឹត្តិការណ៍, សេដ្ឋកិច្ច

• 19/04/2024

អាជីវកម្មបរិយាបន្ន គឺជាប្រភេទអាជីវកម្មគំរូថ្មីមួយដែលអាចផ្ដល់អត្ថប្រយោជន៍ជាច្រើនដល់អ្នកពាក់ព័ន្ធ និងអាចជំរុញសេដ្ឋកិច្ចទាំងក្នុងសហគមន៍ និងប្រទេសជាតិមួយ។

កម្ពុជានាំចេញគ្រាប់ស្វាយចន្ទីឆៅទៅវៀតណាមជាង៤២ម៉ឺនតោន គិតជាទឹកប្រាក់ជាង៥៤០លានដុល្លារក្នុងត្រីមាសទី១ ឆ្នាំ២០២៤

ព្រឹត្តិការណ៍, សេដ្ឋកិច្ច

• 19/04/2024

កម្ពុជានាំចេញគ្រាប់ស្វាយចន្ទីឆៅទៅប្រទេសវៀតណាមបានជាង៤២ម៉ឺនតោន ហើយគិតជាទឹកប្រាក់បានជាង​៥៤០ លានដុល្លារអាម៉េរិកក្នុងរយៈពេល ៣ខែ ឆ្នាំ២០២៤ ។

អាជីវកម្មលក់សម្ភារៈតុបតែងល្អបែបខ្មែរមួយកន្លែងនៅរាជធានីភ្នំពេញ អាចលក់មួកស្លឹកត្នោតបានរហូតដល់ ៣ម៉ឺនមួកក្នុងឱកាសបុណ្យចូលឆ្នាំខ្មែរ

ជំនួញ, ព្រឹត្តិការណ៍

• 19/04/2024

អាជីវកម្មលក់សម្ភារៈតុបតែងល្អបែបខ្មែរមួយកន្លែងនៅរាជធានីភ្នំពេញ អាចលក់មួកស្លឹកត្នោតបានរហូតដល់ ៣ម៉ឺនមួកក្នុងឱកាសបុណ្យចូលឆ្នាំខ្មែរ

e-Choupal ជាវេទិកាអនឡាញធំបំផុតនៅឥណ្ឌាជួយនាំចេញកសិផលដោយផ្ទាល់ពីកសិករក្រីក្ររាប់លាននាក់

ធុរកិច្ចបរិយាបន្ន, ព្រឹត្តិការណ៍, អាជីវកម្មថ្មី និងនវានុវត្ត

• 19/04/2024

e-Choupal គែជាច្រកនាំចេញកសិផលដ៏ធំបំផុតមួយរបស់ឥណ្ឌាតាមរយៈបណ្តាញអ៊ិនធឺណេតដោយគិតមកដល់ពេលនេះមានកសិករក្រីក្រប្រមាណជា៤លាននាក់កំពុងអាស្រ័យផល

សមិទ្ធផល​ទេសចរណ៍ថ្មី​ៗក្នុងទឹក​ដី​ខេត្តកំពត នឹង​ជំរុញ​ទីផ្សារ​ដីធ្លី​ក្នុងខេត្តមួយនេះ​មានសម្ទុះ​មួយកម្រិត​​ទៀត​

ព្រឹត្តិការណ៍, អចលនទ្រព្យ

• 19/04/2024

ការ​បង្កើត​សមិទ្ធផល​ថ្មីៗក្នុងទឹកដី​តំបន់ទេសចរណ៍ មិនត្រឹមតែជួយទាក់ទាញទេសចរ​ប៉ុណ្ណោះទេ តែវា​នឹងទាក់ទាញ​វិនិយោគិន​ចូលទៅតំបន់នោះ​ថែមទៀត​ផងដែរ

ក្នុងត្រីមាសទី១ កម្ពុជាសម្រេចទំហំពាណិជ្ជកម្មជាមួយប្រទេសអាសិបបានជាង ៨៣៦៤លានដុល្លារ​

ព្រឹត្តិការណ៍, សេដ្ឋកិច្ច

• 19/04/2024

ក្នុងត្រីមាសទី១ ឆ្នាំ២០២៤ ទំហំពាណិជ្ជកម្មកម្ពុជាជាមួយបណ្តាប្រទេសដៃគូចំនួន១៤ នៃកិច្ចព្រមព្រៀងសេដ្ឋកិច្ចគ្រប់ជ្រុងជ្រោយតំបន់អាសិប (RECP) សម្រេចបាន៨៣៦៤លានដុល្លារ​

ការប្រើប្រាស់កម្ចីជាមួយគោលដៅច្បាស់លាស់នឹងជួយលើកកម្ពស់ជីវភាពក្រុមគ្រួសារ

ព្រឹត្តិការណ៍, ហិរញ្ញវត្ថុ

• 19/04/2024

ការប្រើប្រាស់កម្ចីពីគ្រឹះស្ថានហិរញ្ញវត្ថុ ដែលមានគោលដៅច្បាស់លាស់ អាចជួយពង្រីកអាជីវកម្ម និងលើកកម្ពស់ជីវភាពក្រុមគ្រួសារប្រជាពលរដ្ឋឱ្យកាន់តែប្រសើរឡើង

Angkor Wildlife & Aquarium អភិរក្សសត្វកម្រ និងផ្តល់ការងារជូនប្រជាពលរដ្ឋ

ព្រឹត្តិការណ៍, សេដ្ឋកិច្ច

• 19/04/2024

ឧទ្យានកម្សាន្ត Angkor Wildlife & Aquarium ក្នុងខេត្តសៀមរាប បានជួយថែរក្សា និង អភិរក្សសត្វទឹកសាប ទឹកប្រៃ និងសត្វព្រៃ ដែលសុទ្ធតែជាប្រភេទសត្វកម្រ