សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ ៖ កម្ពុជាបានឈានមុខគេជាថ្មីម្ដងទៀតក្នុងការបើកទេសចរណ៍ឡើងវិញពេញលេញនៅក្នុងអាស៊ីអាគ្នេយ៍។ ជាក់ស្ដែងគិតត្រឹមថ្ងៃទី១៧ ខែមីនា ឆ្នាំ២០២២ កម្ពុជាបានសម្រេចលុបចោលរាល់តម្រូវការធ្វើតេស្តរកកូវីដ-១៩ សម្រាប់ការធ្វើដំណើររបស់ទេសចរ ក៏ដូចជាធុរជនមកពីបរទេស។ នេះមានន័យថាមិនមានការធ្វើតេស្ត PCR បង្ហាញលទ្ធផលអវិជ្ជមានរយៈពេល ៧២ម៉ោងមុនពេលមកដល់ ហើយក៏មិនមានការធ្វើតេស្ត Rapid Antigen ទៀតនោះដែរនៅពេលមកដល់កម្ពុជា។
កម្ពុជាក៏បានដាក់បញ្ចូលទិដ្ឋាការពេលមកដល់ផងដែរ ដូច្នេះមិនចាំបាច់ស្នើសុំទិដ្ឋាការតាមអ៊ីនធឺណិត ឬតាមរយៈស្ថានទូតកម្ពុជាទៀតនោះទេ។ និយាយជារួម គឺកម្ពុជាបានអនុញ្ញាតឱ្យបើកដំណើរការឡើងវិញនូវការផ្តល់ទិដ្ឋាការពេលមកដល់ (Visa on Arrival) សម្រាប់អ្នកដំណើរអន្តរជាតិទាំងអស់ ទាំងផ្លូវអាកាស ផ្លូវគោក និងផ្លូវទឹក ។
ជាមួយគ្នាដែរ បណ្តាប្រទេសជាមិត្ត និងដៃគូអភិវឌ្ឍន៍ជាច្រើន ជាពិសេសប្រទេសនៅក្នុងតំបន់អាស៊ានបានបង្ហាញពីការអបអរសាទរចំពោះការបើកចំហប្រទេស និងក្លាយជាគោលដៅទេសចរណ៍ និងវិនិយោគមានសុវត្ថិភាពបំផុតនៅក្នុងតំបន់ជាមួយនឹងការលើកឡើងថា «កម្ពុជា ជាប្រទេសតូចតែមានបេះដូងធំ»។
យ៉ាងណាក៏ដោយ បើទោះបីជាមានការលុបចោលលក្ខខណ្ឌតម្រូវដូចបានលើកឡើងខាងលើក៏ដោយ ក៏ក្រសួងសុខាភិបាលនៅតែបន្តលើកទឹកចិត្តអ្នកធ្វើដំណើរ និងអ្នកផ្សេងទៀតធ្វើតេស្ដដោយខ្លួនឯង ដើម្បីធានាថាពួកគេគ្មានមេរោគកូវីដ-១៩។ ដោយឡែកសម្រាប់អ្នកធ្វើដំណើរដែលមិនបានចាក់វ៉ាក់សាំងពេញលេញ ឬមិនបានចាក់វ៉ាក់សាំងសោះ នៅតែតម្រូវឱ្យធ្វើចត្តាឡីស័ករយៈពេល ១៤ ថ្ងៃ នៅទីតាំងដែលបានកំណត់ដោយក្រសួង។
គួរកត់សម្គាល់ថា ជាមួយនឹងការទទួលបានចំណាត់ថ្នាក់ជាប្រទេសដំបូងគេដែលមានសុវត្ថិភាពដែលបើកទេសចរណ៍ឡើងវិញពេញលេញ គេហទំព័រផ្លូវការរបស់បណ្តាញទេសចរណ៍អន្តរជាតិបានចេញផ្សារថា កម្ពុជាក្លាយជាប្រទេសដំបូងគេក្នុងទ្វីបអាស៊ី ដែលបើកដំណើរការពេញលេញដោយគ្មានលក្ខខណ្ឌដល់អ្នកដំណើរដែលទទួលថ្នាំបង្ការ ដែលជាការកត់សម្គាល់ពេលវេលាដ៏សំខាន់មួយក្នុងការបើកឡើងវិញនៃអាស៊ីអាគ្នេយ៍។ ប្រទេសនេះត្រូវបានបើកប្រហែល 4 ខែហើយយ៉ាងច្បាស់ថាមានទំនុកចិត្តគ្រប់គ្រាន់ដើម្បីស្វាគមន៍អ្នកធ្វើដំណើរត្រឡប់មកវិញយ៉ាងពេញលេញ។
ជាមួយនឹងការលើកឡើងពីភាពល្អប្រសើរ និងសុវត្ថិភាពរបស់កម្ពុជា ក្រុមហ៊ុនភ្នាក់ងារទេសចរណ៍អន្តរជាតិជាសកលដដែលនេះបានបញ្ជាក់ផងដែរថា ប្រទេសកម្ពុជាស្ថិតនៅលំដាប់លេខរៀងទី១ ហើយបន្ទាប់មកប្រទេសហ្វីលីពីនលំដាប់លេខរៀងទី២ និងប្រទេសសិង្ហបុរីជាប់លេខរៀងទី៣ ក្នុងនាមជាគោលដៅទេសចរណ៍សុវត្ថិភាព៕
ជីវប្រវត្តិ: លោកមានបទពិសោធន៍ជាង ១០ឆ្នាំក្នុងប្រព័ន្ធផ្សព្វផ្សាយផ្នែកសេដ្ឋកិច្ច អប់រំ សង្គម និងកម្សាន្ត។ បច្ចុប្បន្នលោកជាការីនិពន្ធនៃសារព័ត៌មាន AMS Economy។
របាយការណ៍ថ្មីៗ
មើលទាំងអស់ ➧
ឥណ្ឌា ពង្រឹងយុទ្ធសាស្ត្រ ដើម្បីគ្រប់គ្រងលើខ្សែសង្វាក់ផ្គត់ផ្គង់បន្ទះឈីបទាំងស្រុងនៅក្នុងស្រុក
បទយកការណ៍, ព្រឹត្តិការណ៍, អាជីវកម្មថ្មី និងនវានុវត្ត
• 10/09/2026
អ្នកជំនាញ ៖ ចង់មានសុវត្ថិភាពគណនីហិរញ្ញវត្ថុគប្បីបង្កើនប្រសិទ្ធភាពលេខសម្ងាត់ឱ្យបានរឹងមាំ
• 09/04/2026
ព័ត៌មានទូទៅ
មើលទាំងអស់ ➧
កម្ពុជា បង្វែរទិសដៅពីការផលិតគ្រឿងបង្គុំរថយន្ត ទៅជាគោលដៅប្រកួតប្រជែងទីផ្សារតំបន់
ព្រឹត្តិការណ៍, អាជីវកម្មថ្មី និងនវានុវត្ត
• 17/09/2026
កម្ពុជាកំពុងផ្តោតលើការផលិតគ្រឿងបង្គុំរថយន្ត ដើម្បីផ្គត់ផ្គង់ដល់រោងចក្រផ្គុំ និងដំឡើងរថយន្តក្នុងស្រុក និងមានគោលដៅនាំចេញទៅកាន់ទីផ្សារតំបន់ ជំនួសការប្រកួតប្រជែងក្នុងការផលិត និងផ្គុំរថយន្តពេញលេញជាមួយប្រទេសផ្សេងៗក្នុងតំបន់
ប្រជាធិបតេយ្យអាម៉េរិកធ្លាក់ដល់កម្រិតទាបបំផុតក្នុងរយៈពេល ៥០ ឆ្នាំ
ព្រឹត្តិការណ៍, អាជីវកម្មថ្មី និងនវានុវត្ត
• 17/09/2026
ប្រជាធិបតេយ្យនៅសហរដ្ឋអាម៉េរិកកំពុងជួបប្រឈមនឹងការធ្លាក់ចុះយ៉ាងខ្លាំង ដោយសូចនាករជិតពាក់កណ្តាលក្នុងចំណោម ៣០ សូចនាករ បានធ្លាក់ដល់កម្រិតទាបបំផុតមិនធ្លាប់មានក្នុងរយៈពេល ៥០ ឆ្នាំ
ចិនជំរុញការកែលម្អប្រព័ន្ធសុខាភិបាល ឱ្យមានគុណភាពខ្ពស់ និងកាន់តែជិតប្រជាជន
ព្រឹត្តិការណ៍, អាជីវកម្មថ្មី និងនវានុវត្ត
• 16/09/2026
ចិននឹងពន្លឿនការកសាង និងកែលម្អប្រព័ន្ធថែទាំសុខភាព និងវេជ្ជសាស្ត្រ ក្នុងរយៈពេល ៥ ឆ្នាំខាងមុខ ដោយផ្តោតលើការផ្តល់សេវាដែលមានគុណភាពខ្ពស់ ប្រសិទ្ធភាព និងកាន់តែមានភាពងាយស្រួលសម្រាប់ប្រជាជននៅជិតទីកន្លែងរស់នៅ
កម្មវិធីពិសេសរបស់ AMS ECONOMY
ព័ត៌មានសង្ខេប
ព័ត៌មានផ្សេងៗទៀត
កំពង់ចាមដាក់ចេញផែនការទេសចរណ៍ ២០២៦-២០៣០ ផ្តោតលើហេដ្ឋារចនាសម្ព័ន្ធនិងផលិតផលទេសចរណ៍ថ្មី
ខេត្តព្រះសីហនុដាក់ចេញផែនការទេសចរណ៍ ៥ ឆ្នាំ ឆ្ពោះទៅជាទីក្រុងសេដ្ឋកិច្ច និងទេសចរណ៍គំរូទី ២ របស់កម្ពុជា
Account
Security
Favourite Content