សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ ៖ នៅក្នុងឆ្នាំ២០២៣កន្លងទៅនេះ ក្រសួងសាធារណៈការ និងដឹកជញ្ជូន រកបានចំណូលពីការចុះបញ្ជីផ្លាកលេខពិសេសបានជាង ១៦លានដុល្លារទៅលើចំនួនយានយន្ត ២៦ ៦៥៩គ្រឿង។
ឯកឧត្តម ប៉េង ពោធិ៍នា រដ្ឋមន្ត្រីក្រសួងសាធារណការ និងដឹកជញ្ជូន នៅក្នុងពិធីបើកសន្និបាតបូកសរុបលទ្ធផលការងារឆ្នាំ២០២៣ និងលើកទិសដៅការងារឆ្នាំ២០២៤ នាថ្ងៃទី២៨ ខែកុម្ភៈ ឆ្នាំ២០២៤ បានថ្លែងថា ក្នុងឆ្នាំ២០២៣កន្លងទៅនេះ ក្រសួងសាធារណការ និងដឹកជញ្ជូន បានចុះបញ្ជីយានយន្តសរុបចំនួន ៦៥២ ១៦៣គ្រឿង ដោយរួមបញ្ចូល ទាំងយានយន្តដើរដោយថាមពលអគ្គិសនី(EV)ចំនួន ៦០៤គ្រឿងផងដែរ។
ដោយឡែក ចំពោះយានយន្តដែលត្រូវបានត្រួតពិនិត្យលក្ខណៈបច្ចេកទេសយានយន្ត (ឆៀក) មានចំនួន ៦៥៦ ៩១៦គ្រឿង។
ឯកឧត្តម ប៉េង ពោធិ៍នា បានជម្រាបឱ្យដឹងផងដែរថា គិតពីឆ្នាំ១៩៩០ ដល់ត្រឹមខែធ្នូ ឆ្នាំ២០២៣ យានយន្តបានចុះបញ្ជីសរុបមានចំនួន ៧ ៥៦៣ ៣៩៥ គ្រឿង ក្នុងនោះមានយានយន្តអគ្គិសនី (EV) បានចុះបញ្ជីមានចំនួនសរុប ១៣៣៥គ្រឿង ខណៈដែលក្រសួងបានសាងសង់ និងដាក់ឱ្យប្រើប្រាស់ស្ថានីយសាកថ្មយានយន្តដើរដោយថាមពលអគ្គិសនី (EV) មានចំនួន ១៨ទីតាំង។
គួររំលឹកថា កម្ពុជារកចំណូលបានជាង ៨៤ប៊ីលានរៀល ឬស្មើប្រមាណ ២១លានដុល្លារអាមេរិកពីការលក់ផ្លាកលេខពិសេសលើយានយន្តនៅក្នុងឆ្នាំ២០២២កន្លងទៅ ហើយការចុះបញ្ជីលេខពិសេសត្រូវបានបែងចែកជាពីរ គឺលេខពិសេស រាជធានី-ខេត្ត និងលេខពិសេសផ្ទាល់ខ្លួន ដែលបានអក្សរ”កម្ពុជា”៕
Account
Security
Favourite Content