សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ ៖ សម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជាបានថ្លែងថា កម្ពុជាមានបំណងទិញអគ្គិសនីពីប្រទេសឡាវ ហើយយកទៅលក់បន្តនៅប្រទេសសិង្ហបុរី ។ សម្ដេចថ្លែងបែបនេះ នៅក្នុងជំនួបជាមួយនាយករដ្ឋមន្ត្រីវៀតណាម ឯកឧត្តមផាម មិញជិញនៅប្រទេសឥណ្ឌូនេស៊ី កាលពីរសៀលថ្ងៃទី ០៩ ខែឧសភា ឆ្នាំ២០២៣ ។
សម្ដេចតេជោ ហ៊ុន សែន បានមានប្រសាសន៍ថា ដើម្បីទទួលបានកិច្ចការងារនេះជោគជ័យក្នុងការអូសខ្សែបញ្ជូនក្រោមបាតសមុទ្រនោះ គឺត្រូវការកិច្ចសហការពីប្រទេសវៀតណាម ដោយត្រូវអូសកាត់ក្រោមបាតសមុទ្ររបស់ប្រទេសវៀតណាមបន្តទៅប្រទេសម៉ាឡេស៊ី និងបន្តទៅកាន់ប្រទេសសិង្ហរី ។
សម្ដេចតេជោក៏បានស្នើសុំប្រទេសវៀតណាមជួយសម្រួលឱ្យការងារនេះទទួលបានជោគជ័យខណៈកម្ពុជាបានរៀបចំឯកសាពាក់ព័ន្ធនានាទៅកាន់ស្ថាប័នរបស់វៀតណាមរួចរាល់ផងដែរ ។
តបតាមការស្នើសុំរបស់សម្ដេចតេជោ ឯកឧត្តម ផាម មិញជិញបានឱ្យដឹងថា លោកបានទទួលព័ត៌មាននេះរួចរាល់ហើយ ហើយលោកក៏នឹងជំរុញឱ្យក្រុមការងារជំនាញដើម្បីពិនិត្យមើលលើការងារនេះ ។
ពាក់ព័ន្ធនឹងវិស័យអគ្គិសនីនេះដែរ មានសំនួរជាច្រើនលើកឡើងថា តើកម្ពុជាមានលទ្ធភាពក្នុងការនាំចេញអគ្គិសនីទៅកាន់បរទេសដែរទេ ស្របនឹងកម្ពុជាមិនទាន់មានភ្លើងគ្រប់គ្រាន់ និងមានតម្លៃខ្ពស់នៅឡើយ ។
តបតាមមតិនេះ ប្រធានអាជ្ញាធរអគ្គិសនីកម្ពុជា ឯកឧត្តម យឹម វិសិដ្ឋ បានបញ្ជាក់ថា ជាទូទៅការនាំចេញនាំចូលអគ្គិសនី វាមិនខុសពីការនាំចេញទំនិញទៅវិញទៅមកនោះទេ។ កម្ពុជានាំចូលពីគេតែគេក៏នាំចូលពីកម្ពុជាដូចគ្នា យើងនាំចូលពីប្រទេសជិតខាងនៅពេលយើងខ្វះខាត តែនៅពេលយើងសល់ដូចជាខែវស្សាជាដើម យើងត្រូវនាំចេញទៅគេវិញ ។
ឯកឧត្តមបន្តថា កាលពីមុនកម្ពុជាមានកង្វះខាតថាមពលអគ្គិសនីប្រើប្រាស់ និងត្រូវផ្ដាច់ពីតំបន់មួយទៅផ្គត់ផ្គង់នៅតំបន់មួយទៀត ប៉ុន្តែក្រោយមកកម្ពុជាបានស្វែងរកថាមពលអគ្គិសនីតាមរយៈការជំរុញការសាងសង់រោងចក្រវារីអគ្គិសនីផង រោងចក្រថាមពលអគ្គិសនីពីសូឡាផង និងទិញពីប្រទេសជិតខាងធ្វើឱ្យថាមពលអគ្គិសនី លែងមានបញ្ហាបន្តទៀត និងអាចនាំចេញទៅប្រទេសជិតខាងវិញនៅពេលយើងនៅសល់ភ្លើង ៕
Account
Security
Favourite Content