សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ ៖ ក្រោមការគាំទ្រពីសហភាពអឺរ៉ុប គម្រោង UNIDO-CAPFish ក្នុងកិច្ចសហការជាមួយរដ្ឋបាលជលផលកម្ពុជាបានរៀបចំសិក្ខាពិគ្រោះយោបល់ជាមួយភាគីពាក់ព័ន្ធ ដើម្បីពិនិត្យមើល និងពិភាក្សាលើសេចក្តីព្រាងស្តីពីទំរង់ បែបបទនៃនិមិត្តសញ្ញាគុណភាពកម្ពុជា (CQS) ដើម្បីលើកកម្ពស់គុណភាព និងសុវត្ថិភាពផលិតផលរបស់ខ្លួន។
សិក្ខាសាលពិគ្រោះយោបល់ជាមួយភាគីពាក់ព័ន្ធនេះ បានផ្តល់ជាវេទិកាឱ្យតួអង្គក្នុងវិស័យជលផល និងវិស័យពាក់ព័ន្ធអាចជួបជជែកពិភាក្សាអំពីតម្រូវការ និងទិដ្ឋភាពផ្លូវច្បាប់របស់សេចក្តីព្រាងនេះ។ CQS នេះមានលក្ខណៈប្រាកដនិយម ហើយសហគ្រាសកែច្នៃផល និងផលិតផលជលផលអាចយកទៅអនុវត្តបានដើម្បីបង្កើនភាពប្រកួតប្រជែង និងការពារសុខភាពសាធារណៈ។
CQS ជាយន្តការទទួលស្គាល់ក្រោមរូបភាពស្ម័គ្រចិត្ត ដើរតួជាវិធានការដើម្បីលើកកម្ពស់ប្រព័ន្ធសុវត្ថិភាពម្ហូបអាហារមុននឹងឈានទៅដល់ប្រព័ន្ធគ្រប់គ្រងគុណភាពផ្លូវការ។ និមិត្តសញ្ញានេះត្រូវបានរៀបចំបង្កើតឡើងផ្អែកលើបទដ្ឋានគោលនៃសេចក្តីណែនាំំអំពីតម្រូវការអប្បបរមានៃការអនុវត្តអនាម័យល្អ (GHPs)/ការអនុវត្តផលិតកម្មល្អ (GMPs) និងក្របខណ្ឌគតិយុត្តជាធរមានស្តីពីសុវត្ថិភាពចំណីអាហាររបស់ប្រទេសកម្ពុជា អាស៊ាន ចិន កូរ៉េ និងជប៉ុន។
ជាមួយគ្នានេះ CQS ត្រូវបានបង្កើតឡើងសំដៅបម្រើដល់ឧស្សាហកម្មកែច្នៃផលនិងផលិតផលជលផលជាចម្បង។ វាត្រូវបានប្រើប្រាស់សម្រាប់សហគ្រាសកែច្នៃផល និងផលិតផលជលផលនៅផ្សារទំនើប ផ្សារចែកចាយផលិតផល (green shops) និងអ្នកចែកចាយបន្តដែលមានគុណវុឌ្ឍិគ្រប់គ្រាន់ដូចជា អ្នកបោះដុំ ពាណិជ្ជករ និងអ្នកនាំចេញផលិតផលដែលមានទីតាំង បរិក្ខារ សម្ភារៈសម្រាប់ផលិត កែច្នៃ វេចខ្ចប់ រក្សាទុក ដឹកជញ្ជូន នាំចេញ ឬអ្នកលក់រាយផលនិងផលិតផលជលផល។
ទំរង់ និងបែបបទរបស់ CQS រួមទាំងឧបករណ៍ សម្ភារៈគាំទ្រនានាត្រូវបានផលិតនិងចងក្រងឡើងក្រោមរូបភាព និងកិច្ចដំណើរការប្រកបដោយនិរន្តរភាពនិងបរិយាប័ន្ន ដូចជាការទទួលយកមតិយោបល់ជាសាធារណៈ ការវាយតម្លៃសាកល្បង កិច្ចប្រជុំនិងសិក្ខាសាលាពិគ្រោះយោបល់ជាមួយភាគីពាក់ព័ន្ធជាដើម។ ជាទិសដៅ គ្រោងការណ៍ CQS នេះនឹងត្រូវអនុម័តជាផ្លូវការដោយក្រសួងកសិកម្ម រុក្ខាប្រមាញ់ និងនេសាទនាដើមខែមេសា ឆ្នាំ២០២២។
បណ្ឌិត សេតធី ស៊ីថារ៉ាម៉ា ថមបាធូ ប្រធានទីប្រឹក្សាបច្ចេកទេសរបស់គម្រោង UNIDO-CAPFish Capture បានបញ្ជាក់ថា នៅពេលត្រូវបានដាក់ឱ្យដំណើរការនាពេលខាងមុខ CQS អាចនឹងជួយលើកកម្ពស់ម៉ាកសញ្ញាផលិតផលជលផលរបស់ប្រទេសកម្ពុជា ដោយបន្ថែមលើការពង្រឹងគុណភាពនិងការអនុវត្តវិធានសុវត្តិភាពចំណីអាហារ។ ការណ៍នេះនឹងលើកកម្ពស់ភាពប្រកួតប្រជែងរបស់សហគ្រាស និងការប្រកបធុរកិច្ចរបស់ខ្លួនផងដែរ។ លោក ខូវ គួង អនុប្រធានរដ្ឋបាលជលផលបានបពា្ជាក់ថា ការសម្រេចបានម្ហូបអាហារដែលមានគុណភាព និងសុវត្ថិភាពនៅក្នុងខ្សែច្រវ៉ាក់តម្លៃជលផលក្រោយប្រមូលផល ជាការចង់បាន និងប្រយោជន៍សម្រាប់មនុស្សគ្រប់រូប ពោលគឺទាំងបងប្អូនប្រជានេសាទ វារីវប្បករ អ្នកកែច្នៃ អ្នកតាក់តែង គោលនយោបាយ និងអ្នកប្រើប្រាស់។ ក្របខណ្ឌគតិយុត្ត និងបទដ្ឋានសុវត្ថិភាពម្ហូបអាហារដែលមានទម្ងន់ដូចជា CQS គឺជាតម្រូវការដែលមិនអាចខ្វះបានក្នុងការការពារសុខភាពអ្នកប្រើប្រាស់ និងលើកកម្ពស់ភាពប្រកួតប្រជែងរបស់ឧស្សាហកម្មទាំងនៅក្នុងទីផ្សារក្នុងស្រុក និងទីផ្សារនាំចេញ។ ការបង្កើត CQS អាចជួយដោះស្រាយបញ្ហាប្រឈមនៅក្នុងវិស័យជលផលនិងវារីវប្បកម្មដើម្បីរួមចំណែកដល់ការអភិវឌ្ឍជលផលក្រោយប្រមូលផល តាមរយៈការពង្រឹងការអនុវត្តច្បាប់និងស្ថាប័ន ដោយមានការចូលរួមពីវិស័យឯកជនលើការប្រើប្រាស់នវានុវត្តន៍និងការអនុវត្តល្អប្រសើរនានា៕
ជីវប្រវត្តិ: លោកមានបទពិសោធន៍ជាង ១០ឆ្នាំក្នុងប្រព័ន្ធផ្សព្វផ្សាយផ្នែកសេដ្ឋកិច្ច អប់រំ សង្គម និងកម្សាន្ត។ បច្ចុប្បន្នលោកជាការីនិពន្ធនៃសារព័ត៌មាន AMS Economy។
របាយការណ៍ថ្មីៗ
មើលទាំងអស់ ➧
CMG អញ្ជើញអ្នកសារព័ត៌មានកម្ពុជា និងអាស៊ានទៅស្វែងយល់ពីសក្តានុពលខេត្តហៃណាន
• 19/10/2026
បុគ្គល ៤ អាចជំនួសតំណែងលោក Zelensky ក្រោយលោក Trump ជំរុញការផ្លាស់ប្តូរនយោបាយអ៊ុយក្រែន
បទយកការណ៍, ព្រឹត្តិការណ៍, សេដ្ឋកិច្ច, អាជីវកម្មថ្មី និងនវានុវត្ត
• 13/10/2026
កាណាដា-អេមីរ៉ាតអារ៉ាប់ រួមគ្នាជំរុញផែនការវិនិយោគ ៥០ ពាន់លានដុល្លារ
បទយកការណ៍, ព្រឹត្តិការណ៍, អាជីវកម្មថ្មី និងនវានុវត្ត
• 18/09/2026
ឥណ្ឌា ពង្រឹងយុទ្ធសាស្ត្រ ដើម្បីគ្រប់គ្រងលើខ្សែសង្វាក់ផ្គត់ផ្គង់បន្ទះឈីបទាំងស្រុងនៅក្នុងស្រុក
បទយកការណ៍, ព្រឹត្តិការណ៍, អាជីវកម្មថ្មី និងនវានុវត្ត
• 10/09/2026
អ្នកជំនាញ ៖ ចង់មានសុវត្ថិភាពគណនីហិរញ្ញវត្ថុគប្បីបង្កើនប្រសិទ្ធភាពលេខសម្ងាត់ឱ្យបានរឹងមាំ
• 09/04/2026
ព័ត៌មានទូទៅ
មើលទាំងអស់ ➧
ពិធីចុះហត្ថលេខា ដៃគូហិរញ្ញប្បទានជាយុទ្ធសាស្ត្រ រវាងធនាគារ អ អេច ប៊ី និងក្រុមហ៊ុន គិរីសួគ៌
ព្រឹត្តិការណ៍, អត្ថបទពាណិជ្ជកម្ម
• 02/11/2026
ភ្នំពេញ ៖ នៅ ថ្ងៃទី ២៨ ខែតុលា ឆ្នាំ ២០២៦ – ធនាគារ RHB Bank (Cambodia) Plc. («ធនាគារ អ អេច ប៊ី») និងក្រុមហ៊ុន Khmer
ការបោះឆ្នោតពាក់កណ្តាលអាណត្តិនៅអាម៉េរិក ស្របពេលបញ្ហាផ្ទៃក្នុង និងភូមិសាស្ត្រនយោបាយកំពុងឡើងកំដៅខ្លាំង
ព្រឹត្តិការណ៍, អាជីវកម្មថ្មី និងនវានុវត្ត
• 02/11/2026
បរទេស ៖ ការបោះឆ្នោតពាក់កណ្តាលអាណត្តិក្នុងទឹកដីសហរដ្ឋអាម៉េរិកនឹងប្រព្រឹត្តិទៅនៅអង្គារ ទី៣ ខែវិច្ឆិកា នេះ ពោល គឺចំពេលដែលស្ថានភាពពិភពលោកកំពុងជួបបញ្ហាយ៉ាងក្ដៅគគុកផ្នែកភូមិសាស្ត្រនយោបាយដ៏អាក្រក់ផង និងបញ្ហាផ្ទៃក្នុងជាច្រើននៅក្នុងប្រទេសខ្លួនឯងផង ដែលមនុស្សជាច្រើន រួមមានទាំងអ្នកនយោបាយ ទាំងអ្នកជំនួញ ក៏ដូចជាប្រជាពលរដ្ឋទូទៅផងដែរ កំពុងតាមដានយ៉ាងយកចិត្តទុកដាក់បំផុត។ កាសែត RT បានចេញផ្សាយថា មានប្រជាជនអាម៉េរិកជាង ៥១ លាននាក់ហើយបានចូលរួមការបោះឆ្នោតមុនកាលកំណត់ផ្លូវការគិតត្រឹមថ្ងៃអាទិត្យម្សិលមិញនេះ
កម្មវិធីពិសេសរបស់ AMS ECONOMY
ព័ត៌មានសង្ខេប
Account
Security
Favourite Content