សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
គម្រោងអភិវឌ្ឍន៍ និងពង្រីកវិសាលភាពផ្លូវនាវាចរណ៍ និងប្រព័ន្ធភស្តុភារកម្មទន្លេបាសាក់ គឺជាគម្រោងមួយដែលក្រសួងសាធារណការ និងដឹកជញ្ជូន បានដាក់ក្ដីរំពឹងខ្ពស់ថាដែលអាចមានលទ្ធភាពខ្ពស់ក្នុងការជួយកែប្រែមុខមាត់វិស័យដឹកជញ្ជូនរបស់កម្ពុជានៅលើឆាកអន្តរជាតិ ខណៈដែលភាគីចិនកំពុងសិក្សាពីលទ្ធភាពក្នុងការផ្តល់ជំនួញហិរញ្ញប្បទាន។
រដ្ឋមន្ត្រីក្រសួងសាធារណៈការ ឯកឧត្តម ស៊ុន ចាន់ថុល កាលពីថ្ងៃចុងសប្ដាហ៍កន្លងទៅនេះ បានអនុញ្ញាតឱ្យគណៈប្រតិភូ ដឹកនាំដោយ លោក ZHANG Zhiqing អនុប្រធាននាយកដ្ឋានមូលធនបរទេស និងការវិនិយោគក្រៅប្រទេស នៃគណៈកម្មាធិការកំណែទម្រង់ និងអភិវឌ្ឍន៍ជាតិរបស់ប្រទេសចិនចូលជួបសម្តែងការគួរសម និងពិភាក្សាការងារ។
ឯកឧត្តមទេសរដ្ឋមន្ត្រី ស៊ុន ចាន់ថុល រដ្ឋមន្ត្រីក្រសួងសាធារណការ និងដឹកជញ្ជូន បានលើកឡើងពីគម្រោងធំៗចំនួន៣ ជម្រាបទៅដល់គណៈប្រតិភូ ដើម្បីពិនិត្យលទ្ធភាពក្នុងការផ្តល់ជំនួយហិរញ្ញប្បទាន ដែលរួមមានគម្រោងស្ថាបនាឡើងវិញកំណាត់ផ្លូវជាតិលេខ៣ វាលរេញ-ត្រពាំងរពៅ គម្រោងពង្រីកកំណាត់ផ្លូវជាតិលេខ៦ ពីអាកាសយានដ្ឋានអន្តរជាតិសៀមរាបថ្មី ទៅក្រុងសៀមរាប និងគម្រោងផ្លូវនាវាចរណ៍ និងប្រព័ន្ធភស្តុភារកម្មទន្លេបាសាក់។ ដោយឡែក សម្រាប់គម្រោងផ្លូវនាវាចរណ៍ និងប្រព័ន្ធភស្តុភារកម្មទន្លេបាសាក់ ភាគីចិនស្នើសុំពេលវេលា ដើម្បីយកលទ្ធផលនៃការសិក្សាសមិទ្ធិលទ្ធភាព ដាក់ទៅស្ថាប័នជំនាញពាក់ព័ន្ធ ពិភាក្សាឱ្យបាន លម្អិតស៊ីជម្រៅ ដើម្បីបានជាមូលដ្ឋានក្នុងការឆ្លើយតបត្រឡប់មកវិញ។
គម្រោងផ្លូវនាវាចរណ៍ និងប្រព័ន្ធភស្តុភារកម្មទន្លេបាសាក់ គឺជាគម្រោងមួយដែលក្រសួងសាធារណការ និងដឹកជញ្ជូន បានដាក់ក្ដីរំពឹងខ្ពស់ថាដែលអាចមានលទ្ធភាពខ្ពស់ក្នុងការជួយកែប្រែមុខមាត់វិស័យដឹកជញ្ជូនរបស់កម្ពុជានៅលើឆាកអន្តរជាតិ។
សូមរំលឹកផងដែរថា ការសិក្សាគម្រោងផ្លូវនាវាចរណ៍ និងប្រព័ន្ធភស្តុភារកម្មទន្លេបាសាក់កន្លងមករបស់ក្រសួងបានបង្ហាញថាគ្មានបញ្ហាចោទឡើយ ទាំងបច្ចេកទេស បរិស្ថាន និងច្បាប់។ ការសិក្សាដំណាក់កាលទី១ បានចាប់ផ្ដើមតាំងពីខែកុម្ភៈ ឆ្នាំ២០២១ រហូតដល់ពាក់កណ្ដាលឆ្នាំ ២០២២ ហើយនៅ ចុងឆ្នាំ ២០២២ គណៈកម្មាការដឹកនាំដោយក្រសួងសាធារណៈការត្រូវបានបង្កើតឡើង ហើយចាប់ផ្ដើមការសិក្សាដំណាក់កាលទី២ អស់រយៈពេលប្រមាណជា ១០ខែហើយ។
តាមរយៈការសិក្សារបស់ក្រសួងដដែល បានបង្ហាញថា ការរៀបចំនូវផ្លូវនាវាចរណ៍ និងប្រព័ន្ធភ័ស្តុភាកម្មនេះ នឹងជួយឱ្យវិស័យដឹកជញ្ជូនផ្លូវទឹកនៅកម្ពុជា កាន់តែមានការលេចមុខលេចមាត់ក្នុងឆាកអន្តរជាតិ ហើយនឹងមានការចំណេញសេដ្ឋកិច្ចខ្ពស់។ គួរជម្រាបថា គម្រោងនេះមានប្រវែងសរុប ១៨០គីឡូម៉ែត្រ តភ្ជាប់ពីទន្លេបាសាក់ ទៅកាន់កំពង់ផែសមុទ្រនៃខេត្តកំពត និងត្រូវបានលម្អិតដោយក្រុមហ៊ុន CCCC Water Transportation Consultants Co., Ltd៕
Account
Security
Favourite Content