សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
បរទេស៖ បើទោះបីជាទទួលរងនូវសម្ពាធពន្ធគយពីរដ្ឋាភិបាលអាម៉េរិកយ៉ាងណាក៏ដោយ ក្នុងរយៈពេល១១ខែនៃឆ្នាំ២០២៥នេះ ពាណិជ្ជកម្មបរទេសរបស់ចិនបានកើនឡើង ៣,៦% បើធៀបនឹងរយៈពេលដូចគ្នាកាលពីឆ្នាំ២០២៤កន្លងទៅ។ នេះបើយោងតាមសេចក្ដីរាយការណ៍ពី Global Times។
កាលពីថ្ងៃចន្ទ ដើមសប្ដាហ៍នេះ ទិន្នន័យពីរដ្ឋបាលគយរបស់ចិនបានចេញផ្សាយថា ការនាំចូល និងការនាំចេញទំនិញសរុបបានឈានដល់ ៤១,២១ ទ្រីលានយ័ន (៥,៨៣ ទ្រីលានដុល្លារ) កើនឡើង ៣,៦% ធៀបនឹងឆ្នាំ២០២៤។ ការនាំចេញឈានដល់ ២៤,៤៦ ទ្រីលានយ័ន (៣,៥២ ទ្រីលានដុល្លារ) ដែលកើនឡើង ៦,២% ខណៈការនាំចូលឈានដល់ ១៦,៧៥ ទ្រីលានយ័ន (២,៣៦ ទ្រីលានដុល្លារ) កើនឡើង ០,២% ធៀបនឹងឆ្នាំ ២០២៤។ ទិន្នន័យគយបានបង្ហាញថា សម្រាប់តែនៅក្នុងខែវិច្ឆិកា តម្លៃសរុបនៃពាណិជ្ជកម្មបរទេសរបស់ចិនបានឈានដល់ ៣,៩ ទ្រីលានយ័ន (៥៥១,៥ ពាន់លានដុល្លារ) កើនឡើង ៤,១% ធៀបនឹងរយៈពេលដូចគ្នាកាលពីឆ្នាំមុន ខណៈដែលការនាំចេញបានកើនឡើង ៥,៧% ហើយការនាំចូលបានកើនឡើង ១,៧%។
ក្រុមអ្នកសង្កេតការណ៍សេដ្ឋកិច្ច និងពាណិជ្ជកម្មបានកត់សម្គាល់ឃើញថា ការកើនឡើងនៃទំហំពាណិជ្ជកម្មរបស់ចិនត្រូវបានជំរុញដោយការងើបឡើងវិញនៃពាណិជ្ជកម្មសកល ខណៈពាណិជ្ជកម្មចិនក៏មានភាពធន់ជាមួយនឹងបរទេសស្រាប់ទៅហើយនោះ។ មិនត្រឹមតែប៉ុណ្ណោះ អាស៊ាននៅតែជាដៃគូពាណិជ្ជកម្មធំបំផុតរបស់ចិនក្នុងរយៈពេល ១១ ខែដំបូងនេះ ដោយពាណិជ្ជកម្មទ្វេភាគីឈានដល់ ៦,៨២ ទ្រីលានយ័ន (ជិត ១ ទ្រីលានដុល្លារ) កើនឡើង ៨,៥% ធៀបនឹងរយៈពេលដូចគ្នាកាលពីឆ្នាំ២០២៤។ ដោយឡែក សហភាពអឺរ៉ុប គឺជាដៃគូពាណិជ្ជកម្មធំទី២របស់ចិន ជាមួយនឹងទំហំពាណិជ្ជកម្មឈានដល់ ៥,៣៧ ទ្រីលានយ័ន (៧៦០ ពាន់លានដុល្លារ) កើនឡើង ៥,៤ធៀបនឹងរយៈពេលដូចគ្នាកាលពីឆ្នាំ២០២៤ ស្មើនឹងប្រមាណ ១៣% នៃពាណិជ្ជកម្មបរទេសសរុបរបស់ចិន។ ជាការកត់សម្គាល់ ពាណិជ្ជកម្មជាមួយនឹងសហរដ្ឋអាម៉េរិកដែលជាដៃគូធំជាងគេទី ៣ បានធ្លាក់ចុះ ១៦,៩% មានតម្លៃត្រឹម ៣,៦៩ ទ្រីលានយ័ន(៥២១ ពាន់លានដុល្លារ) ឬស្មើនឹង ៨,៩% នៃពាណិជ្ជកម្មបរទេសសរុបរបស់ចិន។
ទន្ទឹមនឹងនេះ ការនាំចូល និងនាំចេញរបស់ចិនជាមួយបណ្តាប្រទេសដែលជាដៃគូគំនិតផ្តួចផ្តើមខ្សែក្រវ៉ាត់ និងផ្លូវ (BRI) បានកើនឡើង ៦% ឬ ឈានដល់ ២១,៣៣ ទ្រីលានយន់ (៣ ទ្រីលានដុល្លារ) ដែលស្មើនឹង ៥១,៨% នៃពាណិជ្ជកម្មបរទេសសរុបរបស់ចិន។
លោក Chetan Ahya ប្រធានស្រាវជ្រាវប្រចាំអាស៊ីរបស់នៅ Morgan Stanley បានលើកឡើងថា បើទោះបីជាមានភាពតានតឹងពាណិជ្ជកម្ម ការការពារនិយម និងគោលនយោបាយឧស្សាហកម្មដោយក្រុម G20 ក៏ដោយ ប៉ុន្តែចិននៅតែអាចរក្សាបានតំណែងក្នុងការផលិតកម្រិតខ្ពស់ និងមានភាពលេចធ្លោនៅក្នុងវិស័យទំនើបៗដូចជា EVs, អាគុយ និងមនុស្សយន្ត។ ជាមួយគ្នានេះ ស្របពេលដែលពិភពលោកកំពុងមានភាពចលាចល ប្រទេសនានាកំពុងស្វែងរកដៃគូដែលមានស្ថិរភាព និងគួរឱ្យទុកចិត្តនោះ ប្រទេសចិនបានក្លាយជាជម្រើសកំពូលរបស់ពួកគេ។ ជាក់ស្តែង ចិន និងអាស៊ាន បានចុះហត្ថលេខាធ្វើបច្ចុប្បន្នភាពលើកិច្ចព្រមព្រៀងពាណិជ្ជកម្មសេរីជាលើកទី ៣ (ACFTA 3.0) ដើម្បីពង្រីកកិច្ចសហប្រតិបត្តិការសេដ្ឋកិច្ច និងពាណិជ្ជកម្មទ្វេភាគីឲ្យកាន់តែទូលំទូលាយជាងមុន៕
Account
Security
Favourite Content