សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
បរទេស៖ ប្រមុខដឹកនាំកំពូលរបស់ចិន និងកូរ៉េខាងត្បូង បានជួបពិភាក្សាគ្នាអំពីការផ្លាស់ប្តូរវប្បធម៌ និងបន្ធូរបន្ថយការរឹតត្បិតរបស់ទីក្រុងប៉េកាំងលើវិស័យកម្សាន្តរបស់កូរ៉េខាងត្បូងដែលធ្លាប់មានកន្លងទៅឱ្យធូរស្រាលឡើងវិញ នេះបើយោងតាម Business Times ដែលបានចេញផ្សាយកាលពីពេលថ្មីៗនេះ។
លោកប្រធានាធិបតីចិន Xi Jinping និងប្រធានាធិបតីកូរ៉េខាងត្បូង លោក Lee Jae Myung បានជួបពិភាក្សាគ្នានៅក្នុងកិច្ចប្រជុំកំពូល APEC នៅទីក្រុង Gyeongju កូរ៉េខាងត្បូងកាលពីថ្ងៃចុងសប្ដាហ៍កន្លងទៅ ដោយមេដឹកនាំទាំងពីរបានព្រមព្រៀងគ្នាលើតម្រូវការក្នុងការពង្រីកកិច្ចសហប្រតិបត្តិការវប្បធម៌ ខណៈដែលឧបសគ្គផ្នែកច្បាប់ និងនីតិវិតីបង្កភាពលំបាកក្នុងការផ្លាស់ប្តូរមាតិការវាងប្រទេសទាំងពីររាប់ឆ្នាំមកហើយ។
សូមរំលឹកថា ចិន បានហាមឃាត់ក្រៅផ្លូវការលើវិស័យកម្សាន្តរបស់កូរ៉េនៅលើទឹកដីរបស់ខ្លួន ដូចជា ការប្រគំតន្ត្រី K-pop រឿងភាគផ្សាយតាមទូរទស្សន៍ និងភាពយន្តផ្សេងៗជាដើម បន្ទាប់ពីទីក្រុងសេអ៊ូលបានដាក់ពង្រាយប្រព័ន្ធការពារមីស៊ីលរបស់សហរដ្ឋអាម៉េរិក ដែលទង្វើនេះត្រូវបានទីក្រុងប៉េកាំងចាត់ទុកថាជាការគំរាមកំហែងសន្តិសុខ។ យ៉ាងណាមិញ ការជួបគ្នារវាងមេដឹកនាំប្រទេសទាំងពីរកាលពីពេលថ្មីៗនេះត្រូវបានគេរំពឹងថា ទីក្រុងប៉េកាំងនឹងបន្ធូរបន្ថយលើការហាមឃាត់វិស័យកម្សាន្តរបស់កូរ៉េខាងត្បូង ខណៈដែលលោក Xi បង្ហាញអារម្មណ៍វិជ្ជមាន។
លើសពីនេះ ប្រធានាធិបតីកូរ៉េខាងត្បូង លោក Lee Jae Myung បានលើកឡើងទៀតថា នៅពេលដែលរចនាសម្ព័ន្ធនៃកិច្ចសហប្រតិបត្តិការសេដ្ឋកិច្ចរវាងកូរ៉េខាងត្បូង និងចិនមានតុល្យភាពជាងមុន ប្រទេសទាំងពីរត្រូវតែអភិវឌ្ឍបន្ថែមទៀតដើម្បីឆ្ពោះទៅរកភាពជាដៃគូដែលមានផលប្រយោជន៍ទៅវិញទៅមក។ គួរឲ្យបញ្ជាក់ដែរថា ប្រទេសទាំងពីរក៏បានបន្តកិច្ចព្រមព្រៀងផ្លាស់ប្តូររូបិយប័ណ្ណ ជាមួយកិច្ចចុះហត្ថលេខាលើអនុស្សរណៈនៃការយោគយល់គ្នា ដើម្បីពង្រឹងកិច្ចសហប្រតិបត្តិការលើវិស័យសេវាកម្ម និងពាណិជ្ជកម្ម ហើយអាចបន្តឈានកិច្ចពិភាក្សាពាណិជ្ជកម្មសេរីដំណាក់កាលទី២ នាពេលអនាគត៕
Account
Security
Favourite Content