សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ ៖ អគ្គរដ្ឋទូតនៃសាធារណរដ្ឋឆែកប្រចាំប្រទេសកម្ពុជា បានប្ដេជ្ញាចិត្តថា នឹងកៀរគរវិនិយោគិនថ្មីៗរបស់ខ្លួនចូលមកក្នុងប្រទេសកម្ពុជា ដើម្បីបណ្ដាក់ទុនវិនិយោគលើវិស័យនានាដែលកំពុងមានសក្ដានុពល ។ ការបញ្ជាក់នេះត្រូវបានធ្វើឡើងក្នុងជំនួបជាមួយសម្ដេចអគ្គមហាសេនាបតីតេជោ ហ៊ុន សែន ប្រធានព្រឹទ្ធសភាកម្ពុជានៅថ្ងៃទី ២០ ឧសភា ២០២៤ ។
ឯកឧត្តម Martin Vavra អគ្គរដ្ឋទូតនៃសាធារណរដ្ឋឆែកប្រចាំប្រទេសកម្ពុជា បានមានប្រសាសន៍ឱ្យដឹងថា ឧត្តមនឹងប្ដេជ្ញាបន្តខិតខំជំរុញឱ្យទំហពាណិជ្ជកម្មរវាងកម្ពុជា និងឆែក កាន់តែខ្លាំងឡើងថែមទៀត ដោយបច្ចុប្បន្ននេះ ពុំទាន់មានតុល្យភាពនៅឡើយ ដោយការនាំចេញពីកម្ពុជា ទៅសាធារណរដ្ឋឆែក គឺមានទំហំស្ទើរតែលើស១០០ដង នៃការនាំចូលពីឆែកមកកាន់កម្ពុជាវិញ ដូច្នេះឯកឧត្តមនឹងខិតខំឱ្យមានការនាំចូលទំនិញច្រើនបន្ថែមទៀតពីឆែកមកកម្ពុជា ដើម្បីឱ្យមានតុល្យភាពតាមរយៈការនាំអ្នកវិនិយោគថ្មីៗមកកម្ពុជាបន្ថែមទៀត ។ ជាមួយគ្នានេះដែរ ឯកឧត្តមនឹងជំរុញឱ្យមានការផ្ដល់ជំនួយអភិវឌ្ឍន៍ដល់កម្ពុជាបន្ថែមពីប្រទេសឆែក ។
សម្ដេចអគ្គមហាសេនាបតីតេជោ ហ៊ុន សែន បានលើកទឹកចិត្តឱ្យខិតខំធ្វើយ៉ាងណាជំរុញទំហំពាណិជ្ជកម្មរវាងប្រទេសទាំងពីរកើនឡើង ពិសេសឱ្យមានតុល្យភាពជញ្ជីងពាណិជ្ជកម្ម ដោយបង្កើនការនាំចេញពីកម្ពុជាទៅសាធារណរដ្ឋឆែក ក៏ដូចជាពីសាធារណរដ្ឋឆែកចូលមកកម្ពុជាឱ្យកាន់តែច្រើនថែមទៀត ។ សម្ដេចក៏បានផ្ដល់អនុសាសន៍គួរពិនិត្យមើលនូវកិច្ចព្រមព្រៀងទាំងឡាយណាដែលអាចជាការលើកទឹកចិត្តឱ្យអ្នកវិនិយោគមានទំនុកចិត្តក៏ដូចជាជំរុញការវិនិយោគរវាងប្រទេសទាំងពីរផងដែរ ។
គួររំលឹកថា សម្ដេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា តែងតែណែនាំឱ្យមន្ត្រីជាន់ខ្ពស់រាជរដ្ឋាភិបាល ត្រូវបន្តដើរទាក់ម៉ូយ ដែលសំដៅលើការផ្សព្វផ្សាយពីសក្ដានុពលវិនិយោគ និងច្បាប់វិនិយោគទាំងឡាយណាដើម្បីទាក់ទាញវិនិយោគិនមកពីគ្រប់ទិសទីចូលមកបណ្ដាក់ទុនវិនិយោគនៅកម្ពុជា ។
សម្ដេចធិបតី ក៏បានណែនាំឱ្យមន្ត្រីថ្នាក់មូលដ្ឋាន ថ្នាក់ខេត្តស្រុកត្រូវចេះ ទាក់ទាញវិនិយោគិនបរទេសដែលចូលមកដល់កម្ពុជា ឱ្យស្វែងរកការវិនិយោគនៅក្នុងទឹកដីដែលជាដែនសមត្ថកិច្ចរបស់ខ្លួន បង្កើតឱ្យមានការធ្វើជូនប្រជាពលរដ្ឋនៅក្នុងមូលដ្ឋាន ។
តាមរយៈការដើរទាក់ម៉ូយរបស់សម្ដេចធិបតីក៏ដូចជាមន្ត្រីជាន់ខ្ពស់ដទៃទៀត ជាលទ្ធផលរយៈពេលជិត៥ខែកន្លងមកនេះ កម្ពុជាទទួលបានគម្រោងវិនិយោគចំនួន១៤៧បានចុះបញ្ជីនៅក្នុងក្រុមប្រឹក្សាអភិវឌ្ឍន៍កម្ពុជា មានទឹកប្រាក់ប្រមាណ ២៧០០លានដុល្លារអាមេរិកបង្កើតការងារបានជាង១៤ម៉ឺនកន្លែង ៕
Account
Security
Favourite Content