សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ ៖ គិតចាប់ពីខែមករា ដល់ខែឧសភា ២០២៤នេះ កម្ពុជាទទួលបានគម្រោងវិនិយោគដែលចុះបញ្ជីក្នុងក្រុមប្រឹក្សាអភិវឌ្ឍន៍កម្ពុជាចំនួន១៤៧ម្រោង មានទឹកប្រាក់វិនិយោគសរុប ប្រមាណ២៧០០លានដុល្លារអាមេរិក ។ នេះបើតាមប្រសាសន៍សម្ដេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជាថ្លែងក្នុងពិធីសំណេះសំណាលជាមួយពលរដ្ឋ និងពលករកូរ៉េ កាលពីពេលថ្មីៗនេះ ។
សម្ដេចធិបតីបានមានប្រសាសន៍ថា នេះគឺជាលទ្ធផលដែលបានមកពីការដើរទាក់ម៉ូយរបស់សម្ដេច និងមន្ត្រីជាន់ខ្ពស់ផ្សេងៗទៀត ហើយលទ្ធផលនេះក៏មិនទាន់គិតចាប់តាំងពីការកកើតរាជរដ្ឋាភិបាលថ្មីក្នុងអំឡុងខែសីហា ឆ្នាំ២០២៣នោះដែរ ពោលគឺគិតពីខែមករា ដល់ខែ ឧសភា ២០២៤នេះតែប៉ុណ្ណោះ ។
សម្ដេចធិបតីបានបន្តថា នៅក្នុងដំណើរទស្សនកិច្ចរបស់សម្ដេចនៅក្នុងប្រទេសកូរ៉េ រយៈពេលប៉ុន្មានថ្ងៃនេះ ក៏បានជួបជាមួយក្រុមហ៊ុនធំៗរបស់កូរ៉េជាច្រើន ហើយឃើញថាកូរ៉េបានចាប់អារម្មណ៍លើការវិនិយោគនៅក្នុងប្រទេសកម្ពុជាបន្ថែម ដូច្នេះ នៅពេលខាងមុខនេះ កម្ពុជានឹងទទួលបានការវិនិយោគរបស់កូរ៉េបន្ថែម ។
ឯកឧត្តម តាន់ ហ្សង់ហ្វ្រង់ស័រ រដ្ឋមន្ត្រីប្រតិភូអមនាយករដ្ឋមន្ត្រី ក៏បានមានប្រសាសន៍ផងដែរថា កម្ពុជាគ្រោងនឹងបង្កើតតំបន់សេដ្ឋកិច្ចពិសេស ដោយផ្ដោតលើតែវិនិយោគិនកូរ៉េប៉ុណ្ណោះ ។ ការបង្កើតតំបន់សេដ្ឋកិច្ចនេះ នឹងសម្រួលដល់ការវិនិយោគពីប្រទេសកូរ៉េមកកាន់កម្ពុជាបានច្រើន ហើយក៏អាចទាក់ទាញវិនិយោគិនពីបណ្តាប្រទេសដទៃចូលមកវិនិយោគនៅកម្ពុជាកាន់តែច្រើនផងដែរ ។
ក្រៅពីតំបន់សេដ្ឋកិច្ចពិសេសនេះ កម្ពុជាក៏បានជំរុញឱ្យបង្កើតតំបន់សេដ្ឋកិច្ចពិសេសផ្ដោតលើវិនិយោគិនជប៉ុន និងវិនិយោគិនចិន ពោលគឺបង្កើតតំបន់សេដ្ឋកិច្ចពិសេសផ្ដោតលើវិនិយោគិនមកពីប្រទេសមួយៗតែម្ដង ដែលនឹងធ្វើឱ្យវិនិយោគិនប្រទេសនោះ មានភាពងាយស្រួលជាងមុន ។
យោងតាមក្រុមប្រឹក្សាអភិវឌ្ឍន៍កម្ពុជា បានបង្ហាញឱ្យឃើញថា ក្នុងរយៈពេល៤ខែកន្លងទៅនេះ មានគម្រោងវិនិយោគិនមួយចំនួនមានទីតាំងនៅក្នុងតំបន់សេដ្ឋកិច្ច ជាពិសេសគម្រោងវិនិយោគលើវិស័យឧស្សាហកម្មនិងមួយចំនួនទៀតនៅក្រៅតំបន់សេដ្ឋកិច្ចពិសេស ក្នុងនោះក៏ឃើញគម្រោងវិនិយោគធំមួយបានបន្ថែមទុនវិនិយោគរបស់ខ្លួនបន្ថែមទៀត គឺរោងចក្រផលិតសំបកកង់យានយន្តនៅខេត្តស្វាយរៀង ដែលគម្រោងនេះនឹងជួយផ្ដល់ឱកាសការងារជាច្រើនដល់ប្រជាពលរដ្ឋនិងជួយរក្សាតម្លៃកៅស៊ូរបស់កម្ពុជាឱ្យមានស្ថិរភាពលើទីផ្សារបានមួយកម្រិតផងដែរ ៕
Account
Security
Favourite Content