សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
បរទេស៖ យោងតាមប្រភពព័ត៌មានពីនីគីអាស៊ី បានរាយការណ៍ថា ក្រុមហ៊ុនផលិតរថយន្តរបស់ចិននៅតែបន្តបង្កើនកិច្ចខិតខំប្រឹងប្រែងការពង្រីកសមត្ថភាពរបស់ពួកគេ បើទោះពីជាពិភពលោកពោរពេញទៅដោយភាពមិនប្រាកដប្រជានៃភូមិសាស្ត្រនយោបាយ និងការកើនឡើងនៃរបាំងពាណិជ្ជកម្មក្នុងរយៈពេលប៉ុន្មានឆ្នាំនេះក៏ដោយ។
កាលពីសប្ដាហ៍កន្លងទៅនេះ ក្រុមហ៊ុនផលិតរថយន្តរបស់ចិន Xpeng បានបង្ហើបថា ខ្លួនកំពុងកំណត់គោលដៅលក់នៅក្រៅប្រទេសដល់ ៤០ ០០០ គ្រឿង និងពង្រីកការចែកចាយដល់ហាងលក់ និងសេវាកម្មនៅទូទាំងពិភពលោកជាង ៣០០ កន្លែងនៅឆ្នាំនេះ។ ក្រុមហ៊ុនគ្រោងនឹងបង្កើតមជ្ឈមណ្ឌល R&D ថ្មីនៅបរទេស និងមានមហិច្ឆតានាំយកសមត្ថភាពបើកបរ AI កម្រិតខ្ពស់របស់ខ្លួនទៅកាន់ប្រទេសជាច្រើនទៀតក្នុងឆ្នាំ២០២៦។ ក្នុងពេលជាមួយគ្នានេះផងដែរ Xpeng បានប្រកាសពីការបណ្តាក់ទុនផលិតនៅក្រៅប្រទេសលើកដំបូងរបស់ខ្លួនក្នុងប្រទេសឥណ្ឌូនេស៊ី និងគ្រោងបង្កើតការបណ្តាក់ទុនស្រដៀងគ្នានៅក្នុងប្រទេសផ្សេងទៀតផងដែរ។
ដោយឡែក ក្រុមហ៊ុនផលិតរថយន្ត Geely Automobile ក៏បានប្រកាសពីផែនការដើម្បីពន្លឿនការពង្រីកសកលរបស់ខ្លួនផងដែរ ដោយមានមហិច្ឆតាចង់ក្លាយជាម៉ាកយីហោកំពូលរបស់ចិននៅមជ្ឈិមបូព៌ា និងជាប់ចំណាត់ថ្នាក់ក្នុងចំណោមទីផ្សារកំពូលៗ។ លើសពីនេះ ក្រុមហ៊ុននេះមានគម្រោងបង្កើតទីផ្សារដែលអាចលក់ចែកចាយដល់ ១០០ ០០០ កន្លែងនៅក្នុងតំបន់អាស៊ីប៉ាស៊ីហ្វិក ខណៈដែលផ្តោតលើ EV និងការរចនាឡើងវិញនូវម៉ូដែលឥន្ធនៈសម្រាប់នៅអាមេរិកឡាទីន និងអាហ្វ្រិក។ Geely Automobile បង្ហាញភាពជឿជាក់ថា ចិននឹងសម្រេចបាននូវភាពស្មើគ្នារវាងនូវរថយន្តប្រើប្រេងឥន្ធនៈ និងរថយន្តអគ្គិសនីក្នុងរយៈពេល ២ ឬ ៣ ឆ្នាំទៀត។
ងាកទៅក្រុមហ៊ុន EV កំពូលរបស់ចិន BYD ឯណោះវិញ ក៏កំពុងចាប់ផ្តើមបង្កើនល្បឿននៃការពង្រីកនៅក្រៅប្រទេសដែរ។ កាលពីឆ្នាំមុន BYD លក់បានរថយន្ត ៤១៧ ២០៤ គ្រឿងនៅក្រៅប្រទេស កើនឡើង ៧២ ភាគរយធៀបនឹងឆ្នាំមុន និងបានក្លាយជាគូប្រជែងដ៏ខ្លាំងក្លារបស់ Tesla។ ចាប់តាំងពីឆ្នាំ២០២៣ BYD បានចាប់ផ្តើមវិនិយោគរាប់ពាន់លានដុល្លារលើកន្លែងផលិតនៅអឺរ៉ុប អាស៊ី និងអាមេរិកខាងត្បូង ដើម្បីផ្គត់ផ្គង់ទីផ្សារក្នុងស្រុក និងចៀសពីរបាំងពាណិជ្ជកម្មដែលប្រឆាំងនឹងរថយន្ត EV របស់ចិន។ ជាមួយគ្នានេះ ស្របពេលដែល BYD មានរោងចក្រដែលកំពុងដំណើរការនៅក្នុងប្រទេសថៃនោះ នៅមានរោងចក្រផលិតផ្សេងៗទៀតក៏កំពុងត្រូវបានសាងសង់នៅក្នុងប្រទេសហុងគ្រី ប្រេស៊ីល និងតួកគីផងដែរ។
ស្ថិតនៅក្នុងបរិបថដែលកំពុងប្រកួតប្រជែងរថយន្តអគ្គិសនីនាពេលបច្ចុប្បន្ននេះ សូម្បីតែក្រុមហ៊ុនផលិតឧបករណ៍ប្រើប្រាស់ក្នុងផ្ទះ និងទូរសព្ទ Xiaomi ក៏បានបើកដំណើរការ EV ដំបូងរបស់ខ្លួនផងដែរជាមួយនឹងការប្រកាសពីផែនការលក់រថយន្តរបស់ខ្លួននៅក្រៅប្រទេសនៅឆ្នាំ២០២៧។
លោក Eugene Hsiao ប្រធានផ្នែករថយន្តចិននៅ Macquarie Capital បានលើកឡើងថា នៅកម្រិតវាយតម្លៃបច្ចុប្បន្ន ក្រុមហ៊ុនថ្មីៗ ដូចជា Xpeng និង Xiaomi កំពុងមានការរីកចម្រើនគួរឱ្យទុកចិត្តលើពីទីផ្សារក្នុងស្រុករបស់ប្រទេសចិន ដែលបង្ហាញពីការកើនឡើងនៃការរំពឹងទុករបស់អ្នកវិនិយោគ។ មិនត្រឹមតែប៉ុណ្ណោះ ទីផ្សារ EV របស់ចិនកាន់តែមានការប្រកួតប្រជែងខ្លាំងជាងឆ្នាំមុន ដោយសារទីផ្សារក្រៅប្រទេសរបស់ពួកគេមានភាពទាក់ទាញ។
លោក Hsiao មិនបានរំពឹងទេថា គោលនយោបាយរបស់ប្រធានាធិបតីអាមេរិក Donald Trump នឹងជះឥទ្ធិពលដោយផ្ទាល់ដល់ការពង្រីករថយន្ត EV របស់ចិននៅសហរដ្ឋអាមេរិកនោះទេ ទោះបីជាការលក់រថយន្តចិនអាចនឹងមានតិចតួចក្នុងរយៈពេលពី ៣ ទៅ ៥ ឆ្នាំខាងមុខទៀតក៏ដោយ។ ប្រសិនបើគោលនយោបាយពន្ធគយរបស់ Trump ប្រឆាំងយ៉ាងម៉ឺងម៉ាត់នឹងដៃគូធំៗដូចជា សហភាពអឺរ៉រុប កាណាដា និងម៉ិកស៊ិក នោះវាអាចជាឱកាសសម្រាប់ប្រទេសចិនក្នុងការចរចាលក្ខខណ្ឌសម្រាប់ការនាំចេញ EV ជាមួយនឹងពន្ធទាប៕
Account
Security
Favourite Content