សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
បរទេស ៖ យោងតាមប្រភពព័ត៌មានពី CNN បានរាយការណ៍ថា ប្រធានាធិបតីសហរដ្ឋអាម៉េរិក Donald Trump គំរាមដំឡើងពន្ធលើការនាំចេញរបស់ជប៉ុន ដោយសារមិនទិញអង្កររបស់អាម៉េរិក។
លោក Donald Trump បានបង្ហោះនៅលើ Truth Social ថា ៖
«ពួកគេនឹងមិនទិញអង្កររបស់យើងទេ ខណៈដែលពួកគេកំពុងខ្វះខាតអង្ករច្រើន។ ម្យ៉ាងវិញទៀត យើងនឹងផ្ញើសំបុត្រឱ្យពួកគេ ហើយយើងចង់ធ្វើជាដៃគូពាណិជ្ជកម្មជាមួយពួកគេច្រើនឆ្នាំខាងមុខទៀត»។
យ៉ាងណាមិញ ការអះអាងរបស់ Trump ដែលថាជប៉ុនមិនយកអង្ករពីអាម៉េរិក គឺមិនពិតទេ ដោយសារប្រទេសនេះបានទិញអង្ករពីអាម៉េរិកប្រមាណជា ២៩៨ លានដុល្លារកាលពីឆ្នាំមុន។ បន្ថែមពីនេះ ជប៉ុនបានទិញអង្ករពីអាម៉េរិកតម្លៃ ១១៤ លានដុល្លារក្នុងចន្លោះពីខែមករា ដល់ខែមេសា ឆ្នាំ២០២៥នេះ។
សូមរំលឹកដែរថា ថ្មីៗនេះ លោក Trump បានលើកឡើងថា រដ្ឋបាលរបស់លោកគ្រោងនឹងផ្ញើលិខិតដែលជាការផ្តល់ដំណឹងពីអត្រាពន្ធថ្មីទៅកាន់ប្រទេសមួយចំនួនបន្ទាប់ពីការផ្អាកយកពន្ធគយថ្មីលើដៃគូពាណិជ្ជកម្មទាំងនោះរយៈពេល ៩០ ថ្ងៃ។ Trump បានផ្តល់ដំណឹងថា នៅសល់តែប៉ុន្មានថ្ងៃទៀតប៉ុណ្ណោះដែលការផ្អាកយកពន្ធគយឲ្យមានភាពស្មើរគ្នារយៈពេល ៩០ ថ្ងៃជិតផុតកំណត់ (ថ្ងៃទី ៩ ខែកក្កដា)។ មិនត្រឹមតែប៉ុណ្ណោះ Trump ថែមទាំងបានបញ្ជាក់ថា ជប៉ុនគឺជាប្រទេសមួយក្នុងចំណោមប្រទេសដែលអាចនឹងទទួលសំបុត្រ ដោយរថយន្តនាំចូលពីជប៉ុននឹងជាប់ពន្ធ ២៥%។ ជាមួយគ្នានេះ ក្នុងអំឡុងពេលដែល Trump ប្រកាសការយកពន្ធឲ្យមានភាពស្មើគ្នាពីដៃគូពាណិជ្ជកម្ម ការនាំចេញរបស់ជប៉ុនមានអត្រាពន្ធអប្បបរមា ២៤% ប៉ុន្តែការផ្អាកយកពន្ធរយៈពេល ៩០ ថ្ងៃបានធ្វើឲ្យការនាំចេញរបស់ជប៉ុនរងនូវអត្រាពន្ធ ១០%៕
Account
Security
Favourite Content