សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
បរទេស៖ យោងតាមប្រភពព័ត៌មានពីរ៉យទ័រ បានរាយការណ៍ថា ការដំឡើងពន្ធទ្វេរដងដល់ទៅ ៥០% របស់ប្រធានាធិបតីអាម៉េរិក Donald Trump លើការនាំចូលពីឥណ្ឌាបានចូលជាធរមាននៅថ្ងៃពុធ សប្ដាហ៍នេះ ដែលកំពុងបង្កើនភាពតានតឹងរវាងប្រទេសទាំងពីរ។
ប្រធានាធីបតីអាម៉េរិក Donald Trump បានដាក់ទណ្ឌកម្មពន្ធបន្ថែម ២៥% លើការនាំចូលពីឥណ្ឌាពាក់ព័ន្ធនឹងករណីដែលប្រទេសនេះទិញប្រេងពីរុស្ស៊ី។ ការដាក់ទណ្ឌកម្មពន្ធនេះបន្ថែមពីលើពន្ធកាលពីលើកមុន ២៥% ដែលធ្វើឲ្យផលិតផលជាច្រើនពីឥណ្ឌាជាប់ពន្ធសរុបរហូតដល់ ៥០% ដូចជា សម្លៀកបំពាក់ ត្បូង គ្រឿងអលង្ការ ស្បែកជើង ផលិតផលកីឡា គ្រឿងសង្ហារឹម និងសារធាតុគីមីជាដើម។ យ៉ាងណាមិញ អង្គភាពពន្ធគយ និងការការពារព្រំដែនរបស់អាម៉េរិកបានជូនដំណឹងចំពោះអ្នកដឹកជញ្ជូនថា សម្រាប់ទំនិញឥណ្ឌាកំពុងផ្ទុកនៅលើកប៉ាល់ដែលធ្វើដំណើរទៅកាន់អាម៉េរិកនឹងជាប់អត្រាពន្ធទាបមុននៅថ្ងៃទី ១៧ ខែកញ្ញា។
ទន្ទឹមនឹងនេះ ពន្ធថ្មីកំពុងគំរាមកំហែងអ្នកនាំចេញតូចៗរាប់ពាន់នាក់ និងការងារជាច្រើនកន្លែងនៅប្រទេសឥណ្ឌា។ មន្ត្រីម្នាក់របស់ក្រសួងពាណិជ្ជកម្មឥណ្ឌា លើកឡើងថា អ្នកនាំចេញដែលរងប៉ះពាល់ដោយពន្ធនឹងទទួលបានជំនួយហិរញ្ញវត្ថុ និងត្រូវបានលើកទឹកចិត្ត ដើម្បីធ្វើពិពិធកម្ម ឬ បង្វែរទិសដៅទៅកាន់ទីផ្សារផ្សេងដូចជាប្រទេសចិន អាមេរិកឡាទីន និងមជ្ឈឹមបូព៌ា។
គួរឲ្យបញ្ជាក់ដែរថា ចំណាត់ការពន្ធគយដែលចូលជាធរមាននៅថ្ងៃពុធនេះកើតឡើង បន្ទាប់ពីកិច្ចចរចារវាងភាគីមិនបានសម្រេចចំនួន ៥ លើក ខណៈដែលដៃគូពាណិជ្ជកម្មសំខាន់ៗមួយចំនួនរួមមាន ជប៉ុន កូរ៉េខាងត្បូង និងសហភាពអឺរ៉ុបត្រូវបានកំណត់ពន្ធត្រឹម ១៥% ប៉ុណ្ណោះ។ ទន្ទឹមនឹងនេះ មន្ត្រីទាំងអាម៉េរិក និង ឥណ្ឌាស្តីបន្ទោសលើការវិនិច្ឆ័យខុសផ្នែកនយោបាយ និងការបែកបាក់ក្នុងកិច្ចពិភាក្សារវាងប្រទេសដែលមានសេដ្ឋកិច្ចធំទាំងពីរ។ កាលពីឆ្នាំ ២០២៤ ទំនាក់ទំនឹងពាណិជ្ជកម្មទំនិញរវាងអាម៉េរិក និង ឥណ្ឌាមានតម្លៃសរុប ១២៩ ពាន់លានដុល្លារ ជាមួយនឹងឱនភាពពាណិជ្ជកម្ម ៤៥,៨ ពាន់លានដុល្លារ។ ក្រុមអ្នកនាំចេញប៉ាន់ប្រមាណថា ការដំឡើងពន្ធអាចប៉ះពាល់ដល់ការនាំចេញពីឥណ្ឌាទៅអាម៉េរិកជិត ៥៥%។ ប្រសិនបើអត្រាពន្ធនេះជាប់ជានិរន្តរភាព នោះវាកាន់តែរារាំងដល់ការរីកចម្រើនរបស់ឥណ្ឌាក្នុងនាមជាមជ្ឈមណ្ឌលផលិតជំនួសប្រទេសចិនទៅលើទំនិញដូចជា ទូរស័ព្ទទំនើប និង គ្រឿងអេឡិចត្រូនិកជាដើម៕
Account
Security
Favourite Content