សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
បរទេស ៖ ថ្វីត្បិតតែជម្លោះពាណិជ្ជកម្មរវាងមហាអំណាចចិន និងអាម៉េរិក បានឈានមកដល់ភាពតានតឹងខ្លាំងជុំវិញការដំឡើងពន្ធគយដាក់គ្នារយៈពេលប៉ុន្មានខែចុងក្រោយនេះ ប៉ុន្តែយ៉ាងណាក្តី ក៏គេសង្កេតឃើញថាមានសញ្ញាជាវិជ្ជមានមកវិញខ្លះដែរ។
ប្រធានាធិបតីអាម៉េរិក លោក Donald Trump បានប្រកាសថា នឹងរៀបចំគម្រោងដើម្បីធ្វើដំណើរទៅបំពេញទស្សនកិច្ចនៅប្រទេសចិនដើម្បីជួបដោយផ្ទាល់ជាមួយនឹងលោកប្រធានាធិបតីចិន Xi Jinping ក្នុងពេលដែលអាម៉េរិកក៏បានប្រកាសពន្យាពេលការអនុវត្តពន្ធគយធ្ងន់ធ្ងរទៅលើទំនិញចិនផងដែរ ដោយសង្ឃឹមថានឹងអាចយកបញ្ហានេះជារបៀបវារៈនៅជំនួបកំពូលមួយនេះ។
ជាដំណឹងដ៏គួរឲ្យរីករាយនៅពេលដែលមានវត្តមានថ្លែងទៅកាន់ក្រុមអ្នកកាសែតក្នុងសប្តាហ៍នេះ ប្រធានាធិបតីអាម៉េរិក លោក Donald Trump បានលើកឡើងថា មហាអំណាចសេដ្ឋកិច្ចទាំងពីរនឹងអាចរៀបចំទំនាក់ទំនងជាមួយគ្នាយ៉ាងល្អប្រសើរឡើងវិញនាពេលខាងមុខនេះ។ ប៉ុន្តែយ៉ាងណាក្តី មេដឹកនាំអាម៉េរិករូបនេះក៏បានព្រមានដែរថា ប្រសិនបើផែនការនេះមិនអាចដំណើរការទៅរួចនោះទេ អាម៉េរិកក៏នៅសល់សន្លឹកបៀរដ៏សំខាន់់ជាច្រើនទៀត ដែលសន្លឹកបៀរនេះអាចបំផ្លាញប្រទេសចិនបានយ៉ាងងាយ។ វាគឺជាសន្លឹកបៀរដែលល្អខ្លាំងជាងសន្លឹកបៀរដែលចិនកំពុងកាន់នៅពេលនេះ។
ថ្លែងនៅក្នុងជំនួបជាមួយនឹងប្រធានាធិបតីកូរ៉េខាងត្បូង លោក Lee Jae Myung នៅអគារប្រធានាធិបតីនាទីក្រុងវ៉ាស៊ិនតោន លោក Trump បានពោលបែបនេះថា៖
«ចិនពិតជាមានសន្លឹកបៀរគួរឲ្យចាប់អារម្មណ៍ច្រើននោះទេ ប៉ុន្តែអាម៉េរិកនៅមានសន្លឹកបៀរពិសេសជាច្រើនសម្រាប់ចិន។ ខ្ញុំមិនចង់ទាន់ប្រើសន្លឹកបៀរទាំងនោះទេ ពីព្រោះថា ប្រសិនបើបញ្ចេញវា ប្រាកដណាស់ចិននឹងត្រូវបំផ្លិចបំផ្លាញ។ ដូច្នេះ ខ្ញុំនឹងមិនប្រើប្រាស់វានោះទេ»។
យ៉ាងណាក៏ដោយ មកដល់ពេលនេះនៅមិនទាន់មានការពន្យល់ណាមួយថាតើសន្លឹកបៀររបស់លោក Trumpទាំងអស់នោះគឺអាចសំដៅទៅលើសេដ្ឋកិច្ច ឬឥទ្ធិពលនយោបាយបែបណានោះទេ។
គួរឲ្យដឹងដែរថា ដំណើរទស្សនកិច្ចរបស់លោក Trump ដែលគ្រោងធ្វើឡើងនៅក្នុងពេលខាងមុខនេះគឺធ្វើឡើងតបទៅនឹងការអញ្ជើញពីសំណាក់លោកប្រធានាធិបតីចិន Xi កាលពីខែមុន ខណៈដែលការពន្យាពេលការយកពន្ធគយដ៏ខ្ពស់រវាងគ្នាចិន និងអាម៉េរិក ត្រូវបានព្រមព្រៀងបន្តរយៈពេល៩០ថ្ងៃទៀតកាលពីថ្ងៃទី១២ ខែសីហា កន្លងទៅនេះ៕
Account
Security
Favourite Content