សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
វិបត្តិថាមពលនាពេលបច្ចុប្បន្ន កំពុងបង្ករឲ្យមានផលប៉ះពាល់ទៅដល់បណ្តាប្រទេសទាំងឡាយលើសកលលោកបន្តិចម្តងៗក្រោយពេលដែលប្លុកអឺរ៉ុប និងអាមេរិកជាបន្តបន្ទាប់បានប្រកាសដាក់ទណ្ឌកម្មសេដ្ឋកិច្ច ជាពិសេសទៅលើការនាំចេញប្រេង និងហ្គាសរបស់រុស្ស៊ី។
រដ្ឋមន្ត្រីក្រសួងសេដ្ឋកិច្ចបារាំង លោក Bruno Le Maire បានធ្វើការប្រៀបធៀបបញ្ហាវិបត្តិថាមពលរបស់សកលលោកនៅពេលនេះថាមានលក្ខណៈស្រដៀងគ្នាទៅនឹងព្រឹត្តិការណ៍វិបត្តិប្រេងកាលពីឆ្នាំ១៩៧៣ ដែលគ្រានោះបណ្តាប្រទេសនាំប្រេងរបស់អង្គការនាំចេញរបស់អារ៉ាប់ ឬ OPEC ដែលមានអារ៉ាប៊ីសាអូឌីតជាអ្នកដឹកនាំនោះបាននាំគ្នាធ្វើការពហិកាមិនព្រមនាំប្រេងចេញទៅកាន់បណ្តាប្រទេសមួយចំនួនដែលជាអ្នកគាំទ្រអ៊ីស្រាអ៊ែលនៅអំឡុងពេលសង្គ្រាម Yom Kippur ឡើយ ជាពិសេសគឺសហរដ្ឋអាមេរិក។
លោករដ្ឋមន្ត្រីក៏បានអំពាវនាវផងដែរថា ភាពចាំបាច់នៅពេលនេះគឺជាការបង្កើតគំរូផ្សេងទៀត ដើម្បីដោះស្រាយវិបត្តិ ដែលវានឹងអាចនាំឲ្យសេដ្ឋកិច្ចជារួមរបស់សកលលោកធ្លាក់ចុះ ហើយនឹងធ្វើឲ្យមានអតិផរណាកាន់តែខ្លាំងផងដែរ។
ដោយឡែកកាលពីថ្ងៃពុធម្សិលមិញនេះ អ្នកនាំពាក្យរបស់ក្រសួងការបរទេសរុស្ស៊ី លោក Dmitry Peskov បានលើកឡើងថា សហរដ្ឋអាមេរិកនៅពេលនេះ បានប្រកាសធ្វើសង្គ្រាមសេដ្ឋកិច្ចប្រឆាំងជាមួយនឹងរុស្ស៊ីរួចទៅហើយ ហើយថែមទាំងបានប្រើប្រាស់សង្គ្រាមសេដ្ឋកិច្ចនេះទៅជាការភ្នាល់ទៀតផង។
សេចក្តីថ្លែងការណ៍ដែលត្រូវបានធ្វើឡើងដោយរដ្ឋមន្ត្រីជាន់ខ្ពស់រូបនេះនៅបន្ទាប់តែមួយថ្ងៃប៉ុណ្ណោះដែលប្រធានាធិបតីអាមេរិក លោក Joe Biden បានប្រកាសដាក់បំរាមលើការនាំចេញទាំងអស់នៃថាមពលរបស់ប្រទេសរុស្ស៊ីដែលមានរួមប្រេង និងហ្គាស។
គួរឲ្យដឹងដែរថា មុនការដាក់ទណ្ឌកម្មចុងក្រោយដោយអាមេរិកនេះ រុស្ស៊ី បានទទួលរងនូវទណ្ឌកម្មសេដ្ឋកិច្ចជាច្រើនបន្តបន្ទាប់រួចមកហើយពីសំណាក់បណ្តាប្រទេសនៅអឺរ៉ុបជុំវិញបញ្ហាចូលលុកលុយអ៊ុយក្រែនដោយខុសច្បាប់ដែលមានទាំងការកាត់រុស្ស៊ីចេញពីប្រព័ន្ធហិរញ្ញវត្ថុអន្តរជាតិ បង្កកទ្រព្យសម្បត្តិរបស់រុស្ស៊ី ជាពិសេសមិនអាចឲ្យប្រើប្រាស់បាននូវទុនបម្រុងដែលខ្លួនបានតម្កល់នៅក្រៅប្រទេសដែលមានទំហំប្រមាណជា ៦៣០ពាន់លានដុល្លារផងដែរ ហើយជាលទ្ធផលភ្លាមៗរូបិយវត្ថុរបស់រុស្ស៊ីគឺ ruble បានធ្លាក់ចុះតម្លៃដល់ទៅ ៥០ភាគរយត្រឹមរយៈពេល២សប្តាហ៍ចុងក្រោយនេះ៕
អ្នកសារព័ត៌មានអន្តរជាតិ
របាយការណ៍ថ្មីៗ
មើលទាំងអស់ ➧
Khmer Insider ជាកម្មវិធីវីដេអូឯកសារមួយដែលបង្កើតឡើងដើម្បីបំផុសគំនិតយុវជន
បទយកការណ៍, អាជីវកម្មថ្មី និងនវានុវត្ត
• 16/10/2024
Khmer Insider ជាកម្មវិធីវីដេអូឯកសារមួយដែលបង្កើតឡើងដើម្បីបំផុសគំនិតយុវជនឲ្យក្លាហានចាប់យកក្តីស្រមៃ ឬចាប់អារម្មណ៍លើការបង្កើតអាជីវកម្មថ្មីៗជាមួយគំនិត ទុន និងឱកាសទីផ្សារផ្សេងៗ
ព័ត៌មានទូទៅ
មើលទាំងអស់ ➧
កំពង់ផែស្វយ័តក្រុងព្រះសីហនុ រកចំណូលបានជិត ៥០លានដុល្លារ នៅត្រីមាសទី៤ ឆ្នាំ២០២៥
Top News, ព្រឹត្តិការណ៍, សេដ្ឋកិច្ច
• 18/02/2026
កំពង់ផែស្វយ័តក្រុងព្រះសីហនុ ក្នុងត្រីមាសទី៤ ឆ្នាំ២០២៥ កំពង់ផែស្វយ័តក្រុងព្រះសីហនុរកចំណូលបានសរុបប្រហែល ៤៧,៤៧ លានដុល្លារ
រកឃើញហើយ ! ម្ចាស់រង្វាន់សាច់ប្រាក់ទាំង ៣ រូប ដំបូង ដែលឈ្នះពីការប្រើប្រាស់ LOLC Mobile!
ព្រឹត្តិការណ៍, អត្ថបទពាណិជ្ជកម្ម
• 18/02/2026
អតិថិជនប្រើប្រាស់ LOLC Mobile សម្រាប់ការចាយវាយប្រចាំថ្ងៃ មិនត្រឹមតែទទួលបានភាពងាយស្រួលក្នុងការទូទាត់នោះទេ អតិថិជនថែមទាំងទទួលបានអត្រាការប្រាក់ ៤% ក្នុងមួយឆ្នាំ
ឧបនាយករដ្ឋមន្ត្រីប្រចាំការ ៖ បច្ចេកវិទ្យា AI ជាកម្លាំងចលករយ៉ាងសំខាន់នៃកំណើនសេដ្ឋកិច្ចសម្រាប់រយៈពេល ១០ ទៅ ២០ ឆ្នាំខាងមុខ
ព្រឹត្តិការណ៍, អាជីវកម្មថ្មី និងនវានុវត្ត
• 18/02/2026
ឧបនាយករដ្ឋមន្ត្រីប្រចាំការ បានលើកឡើងថា បច្ចេកវិទ្យា AI ជាកម្លាំងចលករយ៉ាងសំខាន់នៃកំណើនសេដ្ឋកិច្ចសម្រាប់រយៈពេល ១០ ទៅ ២០ ឆ្នាំខាងមុខ
កម្មវិធីពិសេសរបស់ AMS ECONOMY
ព័ត៌មានសង្ខេប
Account
Security
Favourite Content