សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
បរទេស៖ យោងតាមប្រភពពី Kitco បានរាយការណ៍ថា តម្លៃមាសសកលបានបន្តឡើងថ្លៃដល់កម្រិតខ្ពស់កាលពីថ្ងៃព្រហស្បតិ៍សប្ដាហ៍នេះ ដោយសារមានភាពតានតឹងនៅមជ្ឈិមបូព៌ាកើនឡើង ហើយទីផ្សារមាសកំពុងមើលឃើញតម្រូវការសុវត្ថិភាពមួយចំនួន។
នៅក្នុងសប្ដាហ៍នេះ តម្លៃមាសបានឡើងថ្លៃ ០,៩ ភាគរយ ឬ ស្មើនឹង ២ ៤៦៣ ដុល្លារក្នុងមួយអោន ខណៈដែលភាពតានតឹងនៅមជ្ឈិមបូព៌ាកំពុងកើនឡើងកាន់តែខ្លាំង បន្ទាប់ពីការវាយប្រហារតាមអាកាសនៅក្នុងប្រទេសអ៊ីរ៉ង់ និងលីបង់។ ការវាយប្រហារត្រូវបានគេជឿថា ជាសកម្មភាពរបស់អ៊ីស្រាអែល ហើយបញ្ហានេះបានបង្កើនតម្លៃមាស ដោយសារវាជាទ្រព្យសម្បត្តិដែលមានសុវត្ថិភាព។ តម្លៃមាសបានឡើងថ្លៃក្នុងអត្រាប្រចាំឆ្នាំជាង ១៥ ភាគរយនៅឆ្នាំនេះ ហើយភាគច្រើនកើតឡើងក្នុងអំឡុងពេលមានភាពតានតឹងនៃភូមិសាស្ត្រនយោបាយ។
ទន្ទឹមនឹងនេះ ការសង្ខេបលទ្ធផលចុងក្រោយនៃកិច្ចប្រជុំរបស់ធនាគារកណ្តាលអាម៉េរិកបានឲ្យដឹងថា ធនាគារកណ្តាលបានរក្សាអត្រាការប្រាក់នៅដដែល ប៉ុន្តែសម្រាប់ក្នុងអំឡុងខែកញ្ញាខាងមុខនេះ អាចនឹងមានការកាត់បន្ថយអត្រាការប្រាក់បន្តិចប្រសិនបើអតិផរណាធ្លាក់ដល់គោលដៅ ២ ភាគរយ ខណៈដែលធនាគារកណ្តាលអង់គ្លេសបានកាត់បន្ថយអត្រាការប្រាក់ចម្បងរបស់ខ្លួននៅ ០,២៥ ភាគរយនៅថ្ងៃសុក្រនេះ។ នៅដើមខែសីហានេះ តម្លៃមាសបានឡើងថ្លៃដល់កម្រិតខ្ពស់មួយ ដែលជំរុញឱ្យអ្នកវិនិយោគនៅតំបន់អាស៊ីបង្កើនតម្រូវការមាសរូបវ័ន្តនៅលើទីផ្សារ។
យ៉ាងណាក៏ដោយ បើទោះបីជាអ្នកវិភាគមើលឃើញហានិភ័យមួយចំនួនចំពោះទីផ្សារមាសក្នុងរយៈពេលដ៏ខ្លីក៏ដោយ ប៉ុន្តែពួកគេបានព្យាករណ៍លើរឿងមួយចំនួនដែលមានឥទ្ធិពលលើតម្លៃមាសក្នុងរយៈពេល ១២ ខែបន្ទាប់។ នៅក្នុងការព្យាករណ៍រយៈពេលវែង អ្នកវិភាគបានលើកឡើងថា តម្លៃមាសអាចនឹងឡើងថ្លៃដល់ ២ ៥៨៥ ដុល្លារក្នុងមួយអោននៅត្រីមាសទី២ នៃឆ្នាំ ២០២៥ ដោយសារមាសគឺជាទ្រព្យសម្បត្តិចាំបាច់ដែលគេត្រូវការខ្លាំងនៅក្នុងពេលមានភាពតានតឹងផ្នែកសេដ្ឋកិច្ច ហិរញ្ញវត្ថុ និងភូមិសាស្ត្រនយោបាយ។ អ្នកវិភាគបានកត់សម្គាល់ដែរថា ប្រសិនបើអតិផរណានៅតែបន្តកើនឡើង ហើយធនាគារកណ្តាលអាម៉េរិកនឹងមិនកាត់បន្ថយអត្រាការប្រាក់នោះទេ តម្លៃមាសអាចឡើងថ្លៃដល់ ២ ៩៧០ ដុល្លារក្នុងមួយអោន៕
Account
Security
Favourite Content