សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
បរទេស ៖ យោងតាមប្រភពពីទីផ្សារសកលបានបង្ហាញថា ប្រាក់ដុល្លារអាមេរិកបានបន្តធ្លាក់ចុះកាលពីចុងសប្តាហ៍កន្លងទៅនេះ ខណៈដែលតម្លៃមាសនៅតែបន្តឡើងថ្លៃ។
នៅថ្ងៃដើមសប្ដាហ៍នេះ តម្លៃមាសបានឡើងថ្លៃដល់ ១,៤ ភាគរយ ឬ ២ ០៤០ ដែលជិតដល់កម្រិត ២ ០៥០ ដុល្លារក្នុងមួយអោន បើទោះបីជាមានអត្រាការប្រាក់ខ្ពស់ និងអ្នកវិនិយោគផ្អាករំពឹងលើការកាត់បន្ថយអត្រាការប្រាក់ក៏ដោយ ប៉ុន្តែធនាគារកណ្តាលអាម៉េរិកទំនងជាអាចឈប់កាត់បន្ថយអត្រាការប្រាក់ជាមួយនឹងទិន្នន័យអតិផរណាវិជ្ជមានដែលត្រូវបានរាយការណ៍កាលពីខែមុន។ ទោះជាយ៉ាងណាក្តី វាមិនបានជះឥទ្ធិពលអវិជ្ជមានដល់តម្លៃមាសនោះទេ។
គួរកត់សម្គាល់ថា ក្នុងរយៈពេលប៉ុន្មានខែចុងក្រោយនៃឆ្នាំ២០២៣ តម្លៃមាសបានឡើងថ្លៃយ៉ាងខ្លាំង ជាពិសេស វាបានឈានដល់កម្រិតខ្ពស់នៅពាក់កណ្តាលខែធ្នូ។ លើសពីនេះ នៅក្នុងរយៈពេលពីរខែដំបូងនៃឆ្នាំ ២០២៤ តម្លៃមាសនៅតែបន្តរក្សាជំហររឹងមាំលើសពីកម្រិត ២ ០០០ ដុល្លារក្នុងមួយអោន។ ជាងនេះទៅទៀត ថ្មីៗនេះ ប្រាក់ដុល្លារអាមេរិកបានបន្តធ្លាក់ចុះ ដែលធ្វើឲ្យឱ្យតម្លៃមាសអាចលើសពីកម្រិត ២ ០៤០ ដុល្លារក្នុងមួយអោន។
ផ្អែកតាមស្ថានភាពជាក់ស្ដែងគេបានព្យាករណ៍នៅក្នុងសប្តាហ៍នេះ តម្លៃមាសអាចឡើងថ្លៃដល់ជិតកម្រិត ២ ០៥០ ដុល្លារក្នុរមួយអោន។
លោក Bob Haberkorn អ្នកយុទ្ធសាស្រ្តទីផ្សារជាន់ខ្ពស់នៅ RJO Futures បាននិយាយថា ជាទូទៅ ការធ្លាក់ចុះនៃប្រាក់ដុល្លារតែងជំរុញឱ្យតម្លៃមាសឡើងថ្លៃ។ បច្ចុប្បន្ននេះ ទីផ្សារមាសកំពុងមានភាពវិជ្ជមានក្នុងការវិនិយោគទោះបីជាមានអត្រាខ្ពស់ខ្លាំងក៏ដោយ។
ទន្ទឹមនឹងនេះ លោក Christopher Waller ទេសាភិបាលធនាគារកណ្តាលអាម៉េរិកបាននិយាយថា ធនាគារកណ្តាលមិនទាន់មានភាពប្រញាប់ប្រញាល់ក្នុងការអនុវត្តការកាត់បន្ថយអត្រាការប្រាក់នោះទេ៕
Account
Security
Favourite Content